أهم الاحداث في عام 2005 بالنسبة لك ؟

[ODIN]

السلام عليكم

بمناسبة قروب انتهاء عام 2005 تكثر بهذي الايام مثل المواضيع هذي بالمنتديات ..

بس ما شفت للحين احد فتح الموضوع هذا بمنتدانا للحين..

وبما ان منتدانا متآخي ومتحاب اكثر من غيره ^^


بنخلي السؤال هذا بشكل شخصي ..


- تكلم عن ايش المستجدات الي صارت بحياتك بالعام الماضي .. ايش الي تغير ؟

- ايش الاشياء الي تطورت للاحسن ؟ وايش الاشياء الي تدنت للاسوء ؟

- حدثنا عن دراستك او وظيفتك .. ايش سويت فيها

- حدثنا عن اهم الاحداث العالمية الي اثارت انتباهك .

- طبعا عام كامل .. مستحيل ماصارت احداث بحياتك .. اعصر مخك وحاول تتذكر لو ماعندك شي : )
--------------

- على نفس الرتم من الاسئلة .. حدثنا عن توقعاتك لعام 2006 ايش راح يصير ..

وشكرا

[القــعـقـاع]

1- توظفت
2-تعرفت على لعيبة جوجتسو و صرت العب معهم
3-بديت دورة mcse ~___~
4-تعلمت شغلات بالتامين و حضرت ندوة عن الضمان الصحي..

2006

شهادة mcse باذن الله و زيادة اهتمام بالنقاط الثانية...

و انت ترا ما جاوبت على شي...

[Yamato]

اهم شي عملته اني توظفت..

اسوا شي صارلي.. اني تقدمت للزواج وما قبلوني.. رسبت..


اشوف انه هذا اكثر الاشياء اهمية اللي استوى لي هالسنة..

بالنسبة للسنة الجاية..
احاول اخلص اول جزء من تدريبي..
واتقدم مرة ثانية.. (ليسن سيارة مب زواج هذا)

ومثل ما قال القعقاع.. ما كتبت شي انت يا ايدن

[ODIN]

القعقاع /

ما قلتلي ايش هي شهاده ال mcse عرفنا عليها شوي

وقولنا عن وظيفتك بأيش توظفت ماشالله

ياماتو /

اما جربت تتقدم ؟!

شوف .. المجتمع بالامور هذي مادي 100% .. ماراح يأمنون على بنتهم الا وعندك وظيفة عاليه او يشوفون انها كافيه من نظرتهم ..

حتى بنت عمك والا بنت خالك .. بالغالب اهلها ما يزوجونها لشاب توه بادي حياته ..

الا اذا اهلك اثرياء .. هنا الكلام اخر جدا جدا جدا

موضوع يعور القلب صح ؟ بس انه واقعي


الله يوفق الجميع


انا ان شالله بجاوب باقرب وقت اقدر عليه .. لان احس ان مخي مضروب الحين ولا قادر اجمع الي صارلي

[القــعـقـاع]

mcse شهادة معتمدة من مايكروسوفت في انظمة السيرفرات..مشوارها طويل و غثيث ~___~

في مجلس الضمان الصحي...IT Dep.

ياماتو: الله يذكرك الشهادة...في منتصف 2006 تقريبا راح يبدا البحث عن عروس رسميا ~___~ و احتمال كبير يصير لي مثل ياماتو

[Lena]

هههههههههههه مدري ضحكت على "قروب" XD

مراح اجاوب T-T غيرانة منك

ليه موضوعك جاه ردود كثير وانا لا وحنا بنفس الوقت; ;

(هههه وناسه الشعور احس حق اطفالXD)

[Angel whisper]

ممم ..
اشيا مهمه لي في 2005 ..
اوكي خل افكر ..
...
...
...
خذيتلي لاب توب!
او بالاحرى اخويه اشترالي ~_~
امم ..
وبس؟
My life is pretty much eventsless~ <3

[abdulaziz1]

الصراحه مني قادر أجمع..

بس بالنسبه لمهمه مهمه..ما أعتقد..

يعني كالعاده في الدراسه..

بس مهمه مهمه مافي..لو أتذكرت حرجع..

بس فيه شيئين..

أقتحمت عالم الأنمي والألعاب بقوه..أما أول كانت علاقتي بهم سطحيه..بس كنت أركز على بعض الأشياء..

أما مهمه..كالوظيفه والزواج ....الخ

لسه..خلينا نغلق دراسه بعدين..

وشكرا على الموضوع..

تحياتي..

[][-][Mr.ZeNoN][-][]

أهم الأحداث السنة كثيرة جدا..لكن رح أذكر بعضها..

ترقيت إلى مستوى الرقابة بالمنتدى..

شرائي سيارة تويوتا اللاندكروزر جكي آر جيه ((المطور)) بمبلغ 168 ألف ريال وهذا أهم حدث!!

شرائي لجهاز البي إس بي وجوال نوكيا N70

أسوأ حدث سويت حادث ((والله يكفيكم من شرها)) وكلفتني مبالغ إصلاحات وقطع وسمكرة بقيمة 16 ألف ريال سعودي

..بس الله كريم..

[][-][Mr.ZeNoN][-][]

- على نفس الرتم من الاسئلة .. حدثنا عن توقعاتك لعام 2006 ايش راح يصير ..

وشكرا

إن شاء أدخل فلوسي بصندوق الرائد الإستثماري بسامبا وأشتري عمارة وشقة جديدة وأعيش بإستقرار كامل..

[OctoBot]

بسم الله.

قراراتي:

2004: كان قراري أكون المواطن المثالي, Didn't pay off well, تم اعتقالي - بدون سجن - كم مرة عشاني شلت جوال واحد و رحت أعطيه إياه, أو آخذ العيال الضايعين و أوديهم لأهلهم, السعودية بلد خايس.

2005: كان عندي قرارين:
- أضمن من مستقبلي ما يمكنني ضمانه, و النتائج:
قتحت حساب بالبنك, جمعت فلوس من العيديات و الهدايا, اشتريت لي أسهم كثيرة, و الخير كثير الحمدلله.

- أسوي كل شيء ما سويته من قبل كل ما تتاح الفرصة, و النتائج:
أكلت أكلات غريبة ( تتضمن الأخطبوط و المحار و لحم البط و اللوبستر ),
صرت أفكر أقل بالعواقب,
لعبت كثير فيديو جيمز جديدة,
سافرت كم مكان,
صرت صاحب ناس كنت أحتقرهم لأنهم أضعف -أو أغبى- مني ( مش صديق, لكني ما صرت أحتقرهم ),
أخوي اللي أصغر مني بأربع سنين - عمره 12 - صرت أعتبره رجال و آخذه كل مكان معي.
أبتسم للناس بدون سبب ( مصدر مشاكل ).

و أشياء ما أقدر أفكر فيها الحين.

قراراتي لـ2006:
- أطور علاقاتي الاجتماعية و أحسن من نفسي, و أقابل ناس من المنتدى في الحياة الحقيقية.
- أمبسط بإحدى آخر سنواتي الدراسية.
- أحسن لعبي لأني الشباب صايرين يهزأوني.
- أفتح لي موقع.

يعني بيكون وحدة من هذي.

أهم الأحداث اللي صارت لي:
- بدأت أعرف أن الحياة غير عادلة و لن تكون.
- جبت 95% في ثالث متوسط مما أيقظني -لأنها درجة منخفضة بالنسبة لمعدلي-.

أنا ما عندي أحداث عالمية, أبعد شي عندي هو صالتنا.

[ODIN]

طيب جاء دوري


- توظفت وسويت مشروع كبير بس نتائجة تجي بعد فترة .. الله يوفق وينجح

- وعلى طاري الخطبه ياماتو والقعقاع .. سويت غلطه كبيرة بالسنه ذي وتقدمت لقريبه لي ..

ما وافقوا لان دخلي مو قوي واهلي حالتهم عاديه مو مغريه مرة

- الجامعه ارتفع مستواي

- زادت علاقتي باشخاص طيبين ومحترمين مرة ..صاروا من اعز الاصدقاء اذا مو اعزهم

- من افضل الاشياء الي صارت .. اني دخلت عالم الرياضه .. والحمدلله وصلت لمرحله حلوة كنت اطمح لها .

الاشياء الي مخطط لها السنه الجايه /


- بحاول ازيد دخلي المادي .. مو حب بالماده .. بس المجتمع يبي كذا .. وش تسوي ..

- بحاول ازيد معدلي بالجامعه ..

- بحاول اطور علاقاتي الاخوية

- بحاول اطور نفسي بالرياضه ..

- ابي سيارة جديده ><

[Dark Watch]

خخخخخخ درست الرسم الهندسي وعرف ان الهندسة شي عجيب وحلو
2006 بخلص ثاني سنة بال IAT عقب بروح ادرس تخصص IT

2006 بيكون سنة اطلاق الGMC دنيالي الجديد

بالسنة ل 2005 افرح يوم عندي يوم قبلوني ال IAT
واسوء يوم يوم ضعت بالصحرا بسبب الضباب خخخخخ فلم رعب

تعلمت اشياء كثيرة بالدنيا ياخي هالدنيا اشياء عجيبة والله

واحلى شي تملكتة سوني اريكسون k750i حسيت اني امتلكت احسن موبايل حتى الان خخخ ماب نوكيا وخرابيطهم

اتمنا ان تكون سنة 2006 سنة مميز خاصة ان احلى رقم بالنسبة لي فيها 6

واتمنا لكل عضو التوفيق في دراستة وشغلة والله يغفر لكم ذنوبكم ويوفقكم في دنيا وآخرة

[][-][Mr.ZeNoN][-][]

ههههههه يادارك الحين أودين قال شنو تتوقع على نفسك في السنوات الثلاث الأخيرة..

2004: كان قراري أكون المواطن المثالي, Didn't pay off well, تم اعتقالي - بدون سجن - كم مرة عشاني شلت جوال واحد و رحت أعطيه إياه, أو آخذ العيال الضايعين و أوديهم لأهلهم, (((((((السعودية بلد خايس))))))).

الله يعينك..ولو إني ماأبي أدخل في مشاكل لكن أرجوا إنك تنتبه لما تقوله..

وتقبل تحياتي

[Yamato]

اودين..
الرفض مش بسبب مادي.. لكن بسبب البعد.. انا بمكان وهي بمكان.. ما رضت تبعد عن ديرتها -____-

بس انا ما راح ايأس
hip hip horray for luv T_T

مثل ما ذكر القعقاع.. المحاولة القادمة بنص السنة الجاية