وش هي اقوى الصّبات او النقعاات اللي سمعتها؟؟

[بو ضاري]

واحد كان يقول

عرس أخوي وصل حضوره 13 ألف شخص

نفس الشخص يقول "بحزه حرب العراق" :

القوات العراقية شفتها من بعيد بالمنظار التفوا علي والا شافوني ولحقوني بهلكبتر جان افحط بسيارتي واستوى غبار وضيعتهم ..

[Mada Mada Dane]

ان مدرس الفقه عندنا انقبل في هارد فرد هندسة لكنه انحسب وتدخل تخصص شريعه باحد جامعات المملكة, نسيت وش اسمها اعتقد جامعه الإمام او جامعه الملك فيصل =_= قوية شوي خخخ هارفرد مره وحده !

[Lena]

ان احد العضوات من هذا المنتدى تزوجت V___V

puppy_dog:...
*sniff sniff*..


بالنسبة للكذبات..
تدرون وش المشكلة؟..
المشكلة فيني انا الي ماعرف اميز الكذبات..
لدرجة صديقاتي زهقو مني وماعاد يمزحون معاي..
لاني اصدق كل شي بسرعه..كذبة مزحة حقيقة..وحتى لو كذبة كبيرة اقول ليه يمكن صح؟
duh-___-

الا الفلعات القوية مثل جونقر وسوبر مان هههههههه
ماحس ان عمري مريت بشي زي كذا..

[7_Dark Soul]

سوبر مان.........

الصراحة الشلخة الي بكتبها اصدقها اكثر من ذي....

اما انا اقوى شلخة (نصبة-صبة) سمعتها من واحد متدين بس شلاخ(كذاب بالفرنسي)....

هذا يا طويل العمر.....



جاه عزرائيل(ملك الموت) على شكل ولد همه>>>>> يا كبرها.....يا كبرها عند الله......

و استأذنه انه انه يسحب روحه الحين....فرد عليه(الكذاب)...لأ ...لا تسحبها الحين....ابي اعيش اكثر في ذي الدنيا علشان اسوي خير....



فرجع عزرائيل الى السماء......



في ذمتكم سمعتو شلخة اقوى من ذي.....

ما باقي الا يقول...امس تغديت مع جبريل(استغفر الله).....

[SFS]

أقوى الكذبات الي سمعتها عند واحد من الربع..
يقول ان التنين مذكور بالقرآن وموجود بجبل برومانيا..
وطبعا الشباب فطسوا من الضحك...
ومرة قال عندنا أكبر ثريا بالكويت...
واذكر قبل جم سنة قال عندنا بلاي ستيشن 3..
وهالريال تطلع منه مواقف تنسدح من الضحك لما تسمعها..
الله يهديه..

[hussien-11]

تراه رجال سنافي ومحترم وصاحب عزيز علي..وفاتح المجال على الآخر للجميع..ماتشوفون المنتدى محجوب

الحقوا الحقوا .. عنّا جاسوس

[ثريول]

(ch)ــني بك باسوليداد يوم سمعت صاروخ الأخ عابر القارات ردّيت عليه رد سعد الفرج الله يذكره بالخير: والله ودي ودي أصدق .. لكن قويّة قويّة قويّة . الله يقطع شياطنك , من وين تعرف واحد مثل ذيه , المسكين ماعنده ميزان يوزن به كبر قنابله, هههههه.

أي ماد,
فيه إدارة , بس مثلها مثل زعيم اسطوري يعيش في جبل ومايشوفه وراء الستارة غير المقرّبين, الله يهداهم كل كم شهر يكتب مشرف من المشرفين الخضر الأسطوريين موضوع ثم يقبض الباب كم شهر, والحال كما هو ... وناسة .

[The Fridge]

لا وانت الصادق يا ثريول، كله كوم ويوم يعصب كوم.. ذيك الساعه يعطي الصواريخ عابره القارات من جد

مره، يقول انه كان بيترايس مع شباب على خط ابوظبي-دبي. الى الان يعني والقصه مقبوله نوعا ما (مع انه ماله بالسواقه خير شر، اقولك يشبه سميد!! ). المهم اتراهن ويا الشباب على مبلغ عشرة الاف درهم (وصل لهالنقطه وانا والشباب نطالع لبعض ونبتسم ) مين يوصل لهاردروك كافيه اول (هذا كافيه يجيك اول ما تدش دبي). المهم جهزوا السيارتين، هو وربيعه بسياره والثانيين بسيارتهم.

هو يقول لربيعه:
حموود انت واثق انا بنفوز؟؟

حمود: ما عليك يا سميد الخمس تلاف مالتنا بترد دبل!! (واثق)

*صاحبنا سميد استسلم للأمر الواقع*

ولا يبدا السباق والسيارتين تكشران عن انيابهما *جررررررررر*..

3

2

1

GO GO GO !!

ولا السياره الخصم تطير بينما صاحبنا لم يحرك ساكنا..

سميد: حموود wtf?!!! يبووي تحرك!!

*حمود يطلع صلب (زقاره) ويولعها وياخذ نفس وهو جنه بعالم ثاني..

ويستمر في سحب النفس..

ويستمر

ويستمر..

إليين ما الزقاره خلصت !!!

Samiid stares in awe!!
Samid: OMG OMG!! WTF??

*ترا اقسم بالله اني ما استهبل ولا اني شفتها من الفلم الصيني اللي نزل قبل كم من شهر بالسينما، والله العظيم هالقصه حصلت والريال خبرنا قبل اكثر من ثلاث سنين!!*

حمود يقول: يالله يبا اتجهز.. اربط حزامك..

*حمود يضغط شويه ازرار في الشاصي، ولا الكابينه كلها تولع بليت ازرق نفس سفينه فضائيه ويطلع فصفص عدال الجير ولا حمود الوحش يدوسه ثلاث مرات*

وتبدا السياره تمشي

وتسرع اكثر
واكثر
واكثر
واكثر..

في هالنقطه سميد يطالع الSpeedometer ولا السرعه مقفله.. لا وبعد يالسه تزييييد..

وتزيد..

الحين حمود بدا يحس بفمه وهو يتوسع *نفس الشعور لما تكون على قطار الموت وماشي بسرعه جنونيه*

مثل كذا تقريبا



لاحظوا انه هالكلام بسياره يعني صعبه انه هوا يدش بس ماعليه مشوها..

عشرين ثانيه ولا يطيروا من عدال السياره الثانيه..



ويوصلوا هاردروك..

ويطلبوا اثنين كوكتيل..
ويولعوا زقارتين ..
ويسولفوا..

ووبعديييييييييييييييييييين..

يوصل الموتر الثاني..

ويستملوا الخمس بواكي التانين..

[ثريول]

هههههههههههههههههههههههه , والله تحفة , مايصير تطرشله لي بالبريد ؟



زين, تذكرت كمن سالفة عن واحد ما أعرفه لكن سمعت سوالفه..
هو الله يسلمك كبير في السن (50سنة) ومن سوالفه تعرف أن فيه نقص عقلي فيه, شلوخ إلى آخر درجة.. يقول قدس الله سرّه:

في ليلة من الليالي الباردة, كنت حاط راسي في السرير .. ألا والتلفون يرن, تررن ترررن .. من هذا اللي مزعجني في نص الليل :mad22: ؟!, ألا وطلع الشيخ زايد ( ) .. يقول: قمت وحطيته خيارات وماردّيت وكملت رقاد, ما أمداني أرقد ألا والتلفون يرن مرة ثانية , من هذا بعد :mad22: ؟! .. طلع الملك فهد على الخط ( ).. أوووف, وأحطه على السايلنت. شوي ياتني المره تقول أكاه الملك فهد يبيك على تلفون البيت.. أنا قلت ما أتصل على البيت إلا يبي شي مهم, وأروح أشيل التلفون, ويقول لي تكفا تعال لي الحين, ودي أشوفك .. أنا في المستشفى التخصصي في الرياض ( ).

وأدق سلف للشفرولية على الساعة 3 الفجر, وأدعس لين وصلت الرياض الساعة 7 الصبح ( ) .. دخلت التخصصي وقلت للرسبشن: وين غرفة الملك فهد لو سمحت؟ , قال لي من أقول له؟ قلت له: قول له معاك بوفلان الفلاني .. المهم, وداني غرفة فووق, طابق كلّه غرفة .. وأشوف هنااك في آخر الغرفة سرير عليه الملك فهد وجنبة بو متعب (الملك عبدالله) ( ), وفي الزاوية أم فيصل (يعني زوجة الملك فهد) ( ).. ويقلّطني بومتعب, واتقهوى , وأسولف مع الملك ..

الملك فرح بي, ورد وجهه صار عادي , وراح عنه المرض . على الساعة أربع العصر ألا والملك بخير ومافيه شي, ويطلع من المستشفى والناس فرحانين والتلفزيون يصوّر. ثم ركبت سيارتي ورجعت الدوحة ( ).

بعد كم ساعة, ألا وتلفوني يرن .. الشيخ زايد "يتصل بك" ( ), قلت ما يصير أجحده هالكثر, خلني أرد عليه.. يوم شلت التلفون, وسلمت عليه , ورحّب بي .. ثم قال: آه يالخاين , لي يومين أتصل بك وما ترد , وآخرتها يالس مع الملك فهد في الرياض؟! شفتك في تلفزيون السعودية يوم يصورون الملك وهو طالع من المستشفى وأنت ورا معاه تضحك ومستانس ( )!

8
8
8

.