إن الانسان يكذب فهذا شي عادي ويحصل بأرقى العائلات..
انه يخرط فتستوي بعد ولكن بحدود ولازم الواحد يقول شي قابل للتصديق يوم يفكر يكذب عالخلق..
بس سبحان الله في بعض الناس يكذبون كذب ما حصل، يعني يقول الكذبه من هنا والصاروخ ينقع من هنا!!
موضوعنا اليوم عن اقوى الكذبات اللي سمعتها بنفسك، الخرطات اللي يوم سمعتها صرت تقول: بَل بَل بَل!!! WTF
وانا ببدا معاكم.
كان فيه واحد من معارفنا. متين مره وأسود شكله يشبه سميد مال الكرتون لو تذكرونه (هيا انظروا سميد، مسافر عنيد، من الف الف عام ٍ يعود من جديد)المهم. الحبيب كان جالس ويانا مره ونسولف ولا يقول الصبه الاعظم في تاريخ ابوظبي. قال الاخ انه في يوم من الايام وبينما يسير يتمشى بالليل طفرانا ً وما عنده سالفه. قام وسمع صوت استغاثه من بعيد. طبعا اخونا شهم وعلى طول التفت يشوف الصوت من وين يجي.
*أنقذوني انقذوني*
يلتفت اخونا بس ما يشوف شي
*انقذوني يا عاااااااااااااالم يا ناااااااااااااااس*
يطالع بكل الجهات ولكن ما من فايده.. مافي مصدر محدد للصوت.
قام الحبيب وطالع فوق ولا يلاحظ ان الصوت شكله جاي من على سطوح المسجد اللي عداله. طبعا ما صدق خبر وجرى جرى جرى صوب المسجد كي يساعد المحتاج هذا اللي بورطه. طلع فوق المسجد، وصل للسطوح واتخيلوا من شاف؟؟؟
سوبرمان!!!!!!
http://images.google.com/images?q=tb...r/superman.gif
والله العظيم اني ما استهبل هو قال كذا. كان سوبر مان طاير بالجو ولا المئذنه حقت المسجد تشبك بالحرمله الحمره مالته قام اخونا سميد ولا يروح ويفكفك الحرمله من المئذنه حقت المسجد وسوبرمان يطييييير بالهوا وهو متشقق من الفرحه!! وشكله مثل الاخ>>>
دقيقتين ولا سوبرمان رجعله ويشكره على مجهوده وينزل عشان يبوس إيده ولا صاحبنا سميد يسحب ايده بسرعه ويقول استغفر الله (مثل المسلسلات المصريه).. المهم قام الاخ سوبرمان او كما هو اسمه الحقيقي كلارك كينت واعطى سميد رقمه جوالاته وكل شي وقاله: اي شي تحتاجه عطني الوووه ومايصير خاطرك الا طيب
وانتم؟ وش من صبات سمعتم؟
المشاركة الأصلية كتبت بواسطة E-Mad
وكورفيت .. بس باعاهم قبل ما تدخل الكليه *هالكلام قبل 3 سنين* .. فيا سبحان الله ..
