نينتندو هل هي ثورة حقيقية؟ريفولوشن يسرق أفكاراً سبق تقديمها!![واحد فاهمني *_^]

[Super Shadow]

كلامه صح ليش تتمصخرون على الولد ..؟
اعتقد هني في ناس مسوين شله في المنتدى ..بعدين اخوي xnnx
انت ليش تحب تعلق على الأشياء الموب زينه ..؟
يعني تعليقاتك دايمن تكون في الأشياء السلبية لدى العضو ..
مادري وانا متأكد 100% هذي المجموعه من الأعضاء مكونين شلة خراب في المنتدى ..
إلي مايعرف تاريخ الألعاب مابتفلسف بليز ..

للأسف الشديد هذا الي ألاحظه في الآونة الأخيرة

بعض الأعضاء يتعمد أن يسبب المشاكل

يا ريت من المراقبين يتخذون الاجراءات اللازمة

[Lunar Poet]

تحذير:
أي ردود سخيفة ( آسف لاستخدام هالكلمة ) بعد هذا الرّد سيتم حذفها مباشرة دون الرّجوع الى صاحبها.

....................

بعدين شغلة بالعقل كيف يطورن جهاز من 20 سنة
انت فكر فيها يطورون جهاز من 20 سنة وبالاخر يطلع اضعف جهاز
لاتضحكون على نفسكم ترا كلام نيتندو كلة دعاية

منو قال ان ننتندو تطوّر الجهاز من 20 سنة ؟
الأخ عزيز / تومب رايدر قال ان الفكرة كانت عند ننتندو منذ أكثر من 20 سنة .. و هذا الكلام صحيح و رسمي
و أكبر دليل هو المسدّس المستخدم في بعض ألعاب الـNES ..

بالنّسبة للمقال ..
لو كانت ننتندو تسرق الأفكار .. فما أضن انها سرقتهم أكثر من بعض الشّركات اللي انتم عارفينها بنفسكم ..

كلامك صحيح 100 % ولاتنسى كاميرة الأي توي كمان وشكرا لك مبارك

الآي توي ؟ ما اضن ان الآي توي هو أصل ألعاب الحركة التّفاعليّة .. ولا انت شرايك ؟
بعدين فكرة الآي توي مختلفة تماماً عن فكرة الرّيفولوشن ^^ ( كاميرا - جهاز استشعار للحركة )

[THE_MATRIX]

اعتقد اني اتكلم عربي ..
قلت لك يفكرون في تطبيق هذي التقنية ..

كلام ننتندو دعاية ..؟
عمرها ننتندو من اول ما تأسست إلى الأن ما قالت كلام وإلى تنفذة

قول حق مايكروسوفت يوم قالت من خلال إصدار الجهاز ولين ما تنتهي سنه 2005
بنصدر اكثرر من 40 لعبة ^^.. هذا يخطر على عقل بشر ..؟
40 لعبة في كم شهر .. عموماً انا ما احب اعيب ..
لأني موب متعصب ولا على اي جهاز و الـ XBOX 360 عندي
وماعليه اي كلام ..

وياليت ياخي تروح عن منتدى الننتندو عندك اقسام كثيرة تقدر تسوي فيها مشاكل مع شلتك ..
لكن هذا مكان نقاش موب مكان عبث وشكراً ..

[xnnx]

وياليت ياخي تروح عن منتدى الننتندو عندك اقسام كثيرة تقدر تسوي فيها مشاكل مع شلتك ..
لكن هذا مكان نقاش موب مكان عبث وشكراً ..

اي شلة الله يرحم والدينك قاعدين بكزينو احنى
اول مرة ادري ان الي يقول راية يبغى يسوي مشاكل
بعدين ترى فترة عشرين سنة هذي موضفين نيتندو كلهم يمديهم تغيرو
شكلة كان قاعد بمطعم هو وخيوة وقعد يفكر خمس دقايق وجا يقول عشرين سنة
على فكرة ترى انا ما اصدق مايكروسوفت بالي تقولة خصوصا يوم قالو بدينا نطور ال360 مع اطلاق الاكس بوكس الاول
لاني عارف ان كلامهم كلة دعاية
ولا كلام الدلخ كواترجي يوم قال البلايستيشن3 العابة تشتغل على 120 اطار
يعني في اشياء واضحة انها دعاية وتبغى تزيد من جمهور الجهاز ومافي شركة ماتسوي دعاية

[THE_MATRIX]

-____________-

انت فاهمنا شو نقول ..؟
نقول ان ننتندو تفكر و تطمح على تحقيق هذه الفكرة من 20 سنه ..
كلامك صحيح في موظفين يتغيرون ..
في كل شركة في العالم .. في نوعين من الموظفين في موظفين اساسيين ما يتغيرون من الشركة و لا ينطردون ولا شي ..
وفي موظفين في ننتندو مثل مايموتو هذا لايمكن يتغير ^^..
يعني الموظفين الأساسيين في الشركة فكرو هذي الفكرة من 20 سنه ..

مثل ايواتا رئيس الشركة و مايموتو المدير و غيرة الكثير من الأساسيين ..
لكن موب حافظ اساميهم ..

ان شاء الله فهمت ^_^..

[JAK]

اخوي xnnx على اي اساس تقول ان سمعة راتشيت اصبحت معدومه فمنتدى الننتندو ؟! فقط لانه ناقشكم فالريفلوشن ! ماتبون احد ابدا يتناقش فالجهاز يعني ولا شلون ؟! غريب امركم والله و حبيت اقولك ريموت الريفلوشن يذكرني بشكل كبير فالاي توي اللي كنت متحمسلها حدي لكن يوم جربتها بعد اسبوع تمللت .. يعني مادري ريموت الريفلوشن بيفرق كثير عندي ولا لا .. عموما انا الريفلوشن مب مهتم فيه (لكن) بنتظر E3 و بشوف وقتها اذا راح اهتم فالجهاز ولا لا ..

[Digital Guy]

باختصار خلك يا راتشيت وإلعب بالكنترول العادي عفوا الثوري اللي صار له أكثر من عشرين سنه وهو من ننتندو أيضا وخلنا أحنا مع الريموت.....

الكلام واضح من ننتندو في E3 2006 شوف الجهاز والعابه وجربه إن كنت هناك واحكم عليه إما تشتريه أو العكس وبكل بساطه ....وبعدين نفسي أعرف ليش هذا الجهاز بالضبظ حوله كل هذه الضجة وهذا الهجوم عليه وكأنه جهاز نزل وفشل مع أنه كل المعروف عنه اشياء قليله جدا والباقي اشاعات...يمكن في شريحه من الجمهور صبرها قليل وما تحب الغموض عند ننتندو

[xnnx]

اخوي xnnx على اي اساس تقول ان سمعة راتشيت اصبحت معدومه فمنتدى الننتندو ؟!

شوف ماضية المشرف بمنتدى النيتندو

[JAK]

شوف ماضية المشرف بمنتدى النيتندو

شايف معظم مواضيعه فمنتدى الننتندو .. على اي اساس تقول ماضيه مب مشرف عشان منزل كم موضوع يناقش فيها ننتندو و سياستها ؟! انا اعرفه اخوي مبارك و نعم العضو ..

[Tomb raider]

شوفو عاد من قام يتكلم يعني قاعد أتكلم هندي يعني خلاص لو اخترعو جهاز جديد أقول ناوي عليه

من قبل 100 سنة يااخي تكلم كلام معقول شهالخرابيط ناوية من 20 سنة لاقول من 4000 سنة أحسن

شوفو من قاعد يتكلم ؟ ليش شو تشوفني؟؟؟
لو سمحت قبل لا تقول اي كلمه اعرف تقولها بحترام لو سمحت...

ونت تصدق
نصيحة اسحب ردك لانة قوي ومايتصدق
انا انشالة بعد 300 سنة اذا الله عطانا عمر بروح اشتري فرشة اسنان

ما يتصدق؟ يعني كذاب؟
قبل لا تتكلم اتمنى انك شفت رد الاعضاء و أكدوا على كلامي ..
انا ما اقول كلام الا يوم أتأكد..حطها في بالك

[راشـratchetـيت]

هههههههههههههههههههههههه
شباب وش فيكم طلعتم برا الموضوع

أولاً قولو لا إله إلا الله

العزيز سنيك فاج مشاء الله الأعضاء يتفقون جميعهم على ردك وطبعاً هذا الي كنت ابيه يحدث اعتراف جماعي بأن يد التحكم المخصصة للرفلوشن لا تستحق كل هالمدح وأن كل ما قيل عنها بأنها اختراع و غيرها من التهويل كانت مبالغة بقوة , صحيح انها يمكن تقدم طريقة لعب جديده بس هل حقيقةً تستحق ان يتم التضحية بالتقنيات الأخرى في سبيل هذه التقنية التفاعلية لسبب انها نجحت مع الدي اس !! .


اخوي xnnx الله يرجك أنت تبي تخلي اعضاء النيتندو يكنون الكره لي انا اتمنا انك تقلل من هجماتك الحادة على بعض الأعضاء لأن يمكن ما تعودو على اسلوبك القاسي والمتداول في منتدى الأكس بوكس , رجاء عزيزي xnnx تصير اكثر ليونه في ردودك حتى تكسب اكبر قدر من الأعضاء لأن من جد اعضاء منتدى النيتندو محترمين وحبوبين وخلوقين ارجوك تحاول تظهر لهم الأحترام .

شباب انا اعتذر من كل عضو تعرض للأنتقاد من الأخوان من الأكس وخصوصاً العضو العزيزي تمب رايدر .

وبعدين سالفة العشرين سنه صحيحه ! هذا تصريح من نيتندو كانت تفكر في الفكرة من عشرين سنه , يعني كلام الرجال صحيح بس هل حقاً نيتندو صادقة في هذا الشي الله اعلم لأن الجيم كيوب فترته كانت تسمح بإجاد الكنرول التفاعلي بكل راحة , انا ما ودي اتعمق اكثر في السالفة لأن خبرتي محدودة بالأجهزة التي أطلقتها نيتندو أو قامت بتسجيل براعة اختراعها .... يعني يبنلنا واحد مطلع حتى يفتينا في هذي المسألة .

بعدين للمعلومية الأي توي أكثر تفاعلية من يد التحكم بعشرين مره ! , لأنها تستخدم جميع اعضاء الجسم للعبها , وللمعلومينة الأي توي مفيده جداً للأطفال لأنها تقوم بتحريك اجسامهم يعني رياضة محببه للأطفال تحرك اجسامهم وهذا الشي يصير بيتنا كل يوم وانا امر على اخواني الصغار وهم يناقزون قدام الكمرة , بالطبع الكمرة ما تم اسغلال فكرتها بشكل جيد يعني مافي العاب ضخمة تلقاها عليها حتى سوني لم تذكر اي شي عن تطوير لعبة كامله من النوع الضخم , انا متأكد ان الكمرة تقدم مالا يقدمة الكنرول التفاعلي حق نيتندو لأن شفت كم عرض للأي توي المخصصة لجهاز ps 3 وبالفعل الأشياؤ الي تسويها ثورية وراح تخدم الألعاب بشكل ثوري ! .

اشكرك عزيزي جاك على على تنبية xnnx , وكلامك صح بخصوص الملل الي يحدث بعد تجربة الأي توي , والسبب ان الألعاب المتوفرة كلها ميني جيمز موجهه للأطفال +_+ .

[THE_MATRIX]

الأي توي موب مثل كونترول الرفلوشن تماااااماً ..
لكن فيهl بعض الصفات المشتركة ..

مثلاً ..
الأي توي تعتمد على حركة الجسم بشكل عام سواء انسان او جماد او اي شي المهم انها حركة اي جسم
لكن كونترول الرفلوشن على حركة الكونترول لأن الكونترول يعتبر جهاز ارسال و الرفلوشن جهاز استقبال ..

سوري إذا عقدتكم لوول ^^"..

الحين ما نقدر نجزم بشي على الكونترول لأن ماحد فينا جربة اعتقد E3 2006
بتبين عيوب و سلبيات الكونترول لكن الخطة الذكية إلى سوتها ننتندو هو وجود الكونترول المعتمد العادي يلي هو الـ Shall

[Digital Guy]

اي توي أخوي راتشيت انته بروحك قلت شفت عروض لها لل PS3 يعني شفت شيء أما بالنسبة للريفولوشن ما في شيء أبدا لا عروض ولا شيء غيره

فمن الظلم الحكم على الفكرة قبل أن يتم تطبيقها وتكون شيء ملموس وواقع وباين للجميع

والثوره هي بالابتكار واستخدام اسلوب جديد في عالم الفيديو كيمز عن طريق توظيف اشياء جديدة في الألعاب مثل اللمس وغيره مثل استخدام الاي توي

[جـون سينا]

السلام عليكم


مشكور اخوي على الموضوع


اقول شباب بس ما تلاحضون شيء


ان بيخسرون لاعبين ننتندو بعض الألعاب


مثلا كيف بتكون العاب الكوره او المصارعه على الريفولوشن ؟؟؟؟؟؟





تحياتي

[Snake Fang]

طبعآ في اعضاء ما في داعي ان الواحد يتعب نفسه و يرد عليهم ,, و في اعضاء اخرين ما في داعي ان الواحد يدافع عنهم لأن المنتدى كله يعرف اخلاقهم الراقية و تفكيرهم السوي و هم اقدر من اي واحد اخر على ان يدافعوا عن انفسهم قدام حركات بعض الأعضاء الطفولية ..

و الله ياريت لو كتبت في عنوان الموضوع ممنوع دخول الأطفال كان الحال بيكون افضل الأن ..

عمومآ نرجع لموضوعنا مبارك ...

اعتراف جماعي بأن يد التحكم المخصصة للرفلوشن لا تستحق كل هالمدح وأن كل ما قيل عنها بأنها اختراع و غيرها من التهويل كانت مبالغة بقوة , صحيح انها يمكن تقدم طريقة لعب جديده بس هل حقيقةً تستحق ان يتم التضحية بالتقنيات الأخرى في سبيل هذه التقنية التفاعلية لسبب انها نجحت مع الدي اس !! .

و ليش لا؟ ,, ليش الشركة ما تضحي بالتقنيات على شان هذه الفكرة؟ الشركة شايفة من وجهة نظرها ان هذه الفكرة ممكن تنجح و ممكن تحقق نجاحات عالية ,, خلاص معناها هي حرة تجرب هذه الفكرة و هذه الطريقة او ما تجربها ,, و لو نجحت فالنجاح كله بيروح لها و لو فشلت فراح يتجه الفشل كله على الشركة ,, و من المستحيل اننا نعرف لو كان الجهاز بينجح و لا لا في الوقت الحالي , راح نعرف بس بعد ما ينزل و راح نعرف من خلال المبيعات , اٍيواتا حدد نجاح الجهاز و فشله و ربطهم بمبيعات الكيوب , لو الجهاز باع اكثر من الكيوب معناها ان الجهاز نجح و لو باع اقل من الكيوب فمعناها ان الجهاز فشل ( هذه من وجهة نظر الشركة ) ,, و التضحية بالتقنيات ما تستحق كل هذه الضجة الي انت عاملها ! , دخلك يعني شنو استفادت ننتندو من التقنيات على الكيوب؟ فمن حق الشركة انها تجرب طريقة اخرى من الممكن انها تنجح ,, و من الممكن انها تفشل .. و مقياس نجاحها و فشلها بالنسبة للشركة هو كما ذكرته لك مبيعات الجهاز , لو فاقت الكيوب معناها الجهاز نجح و لو طلعت اقل من الكيوب معناها الجهاز فشل ( و اكرر ان هذا من وجهة نظر الشركة ) ..