مليت من البلاي ستيشن وباشتري اكس بوكس

[فوق المستحيل]

عزيزي حلو ان يكون عندك جهازين..لكن وقت شرائك للاكس بوكس قد تكون مخطأ فيه

هل انت مهتم بالجرافكس ؟

ان لم تكن مهتم بالجرافكس..فاانصحك تنطر..كلها شهر وتنزل العاب على السوني 3..وتكون موفر فلوس الاليت للالعاب

[Mr.X]

وعن لعبة الهوم ...اللايف اتكفي وتنفي واحسن منها

الهوم ما يسوى شي قدام اللايف !!!!!؟؟؟
والغريب انها لعبه مب خدمة !! أول مره اسمع بهالمعلومات العجيبة ........,

متى راح نفتك من هالردود التعصبيه البايخه واللي على طول تشطح برا الموضوع
يا ليت الإداره تشوف لها حل مع هالمشكلة المتأزمة بهالمنتدى ..
وبالنسبة لأخوي كاتب الموضوع كان كتبت عنوان موضوعك بطريقة
أو بأسلوب غير علشان تمنع نفسك وغيرك من الإحراجات والمشاكل وتفك عمرك

[فوق المستحيل]

الهوم خدمه تقدمها سوني فقط..يعني تسوي لك شخصيه وتقابل ناس وتتحدث معاهم بالبلوتوث هيد سيت وتلعب معاهم وتأثث بيت وتعرض افلامك اون لاين

طبعا الي راح ينزل شهر 11 اهو البيتا..اما النسخه الكامله بربيع 2008

[SymphonyOfDeath]

انا اقول لك حجي
روح اشتر الاليت
لانك بتعيش جو مو طبيعي
و عن البي اس 3 خلها لي الشهر الياي و نحكم عليها لاني عندي ياها

ياخي لو البي اس 3 يحلون مشكله الاركيد نبي ننزل العاب يصير مو طبيعي
يقولون بينزل له بوينتس الشهر الياي
بس اخذ لك الاكس بوكس و فك عمرك
عشان لا تتعقد
و يصير عندك جهازين
تستانس بالعاب هالجهاز حاليا
و بالعاب البي اس 3 مستقبليا
و عيدكم مبارك ^.^

[I KHALID X360 I]

^
^
اصلا انا ماعتبر الهوم خدمة اعتبرها لعبة حالها حال the second life لووول زين منكم يوم فهتوا ردي

وهيييز في طريق الاكس بوكس 360 بعد ماتفشل مبيعاتها على البلاي 3 والكل عارف هذا شي

[فوق المستحيل]

بسك تعصب...الرجال راح يقط قرابة 600 دولار وانتم تبون تورطونه بتعصبكم

[I KHALID X360 I]

uncharted

Haze

مهي موجوده على الإكس بوكس وجميع الألعاب ماصدرت حتى تقارنها بالجرافيك

ليش ماتعرف ان الاكس بوكس 360 دائما تتفوق على البلاي ستيشن3 في الجرافكس

مثل باقي الالعاب

اذا ماتعرف لاتخليني احطلك موضوع كامل عن المقارنات

[فوق المستحيل]

عيب عليك ياخالد..وانت شدراك ان الرجال يهمه الجرافكس !

[I KHALID X360 I]

عيب عليك ياخالد..وانت شدراك ان الرجال يهمه الجرافكس !

هو اصلا مش عايبنه ردي ؟؟

طيب انت شوف كل الالعاب مولتي دائما نسخة 360 تطلع الافضل ومحد بينكر هذا شي

يعني شي طبيعي الالعاب اللي راح تصدر خاليا بتكون نسخة 360 هو الافضل .....كالعادة

[فوق المستحيل]

في ناس مايهمها الجرافكس..لا تحكم على غيرك بذوقك

بعدين وان كان في فرق..فالكل يدري انه مو كبير

[solid619]

احسن لك خليك على البلاي ستيشن 3 اسال مجرب تاخذ الاليت وبعدين يضرب عليك لاني سامع اشاعات عنو
عندك العاب قويه على البلاي ستيشن 3
فولكلور
راتشيت اند كلارك
هايز
انشارتيد
وورهاوك
هفنلي سورد
نينجا جايدن سيجما
تكن دارك
الخ...................

[White Knight]

ليش ماتعرف ان الاكس بوكس 360 دائما تتفوق على البلاي ستيشن3 في الجرافكس

مثل باقي الالعاب

اذا ماتعرف لاتخليني احطلك موضوع كامل عن المقارنات

حط يأخي حط ورينا أصلا أنا عندي الجهازين
وعلى فكرة اللعبة هذي uncharted على السوني لأن الناشر SCEA
وردي الأول لك كان مجرد توضيح لا أكثر بس أقول الله يسامحك
---------------------------------------
أما بنسبة للموضوع الرئيسي فأنا أقول لصاحب الموضوع حاليا أشتري الإكس بوكس لكثرة ألعابه
وإذا كنت تعشق السيارات Project Gotham Racing 4 و Forza Motorsport 2 لايفوتك

[البيكهام هام]

والله الجهازين يستاهلون الصراحه بس انصحك لاتبيع البلاي3 لانه بدايته راح تكون اخر الشهر هذا بنزول الدوري الياباني وراتشيد اند كلانك وشهر 11كول اوف ديوتي4 والعاب كثيره بتنزل هذا غير خدمة الهوم بيتا

والحين انصحك تشتري وير هوك لانه الاونلاين مالها عجيب وفوق هذا معاها سماعة بلوتوث وهذه ضروريه راح تحتاجها حق الالعاب والهوم

اذا كنت بتشتري الاكس بوكس360انصحك تشتريه لانه جهاز قوي ويستاهل اما اذا كان على حساب البلاي3 لاتشتريه وخلك عالبلاي3 لانه الهوم بالطريق

[I KHALID X360 I]

حط يأخي حط ورينا أصلا أنا عندي الجهازين
وعلى فكرة اللعبة هذي uncharted على السوني لأن الناشر SCEA
وردي الأول لك كان مجرد توضيح لا أكثر بس أقول الله يسامحك
---------------------------------------
أما بنسبة للموضوع الرئيسي فأنا أقول لصاحب الموضوع حاليا أشتري الإكس بوكس لكثرة ألعابه
وإذا كنت تعشق السيارات Project Gotham Racing 4 و Forza Motorsport 2 لايفوتك

انا بعد عندي الجهازين واخيس جهاز شفته في حياتي هو بلاي ستيشن3 ((مايصير تغصبون الواحد علشان يحب الجهاز))

وثانيا انا من متى قلت انجاردت على الاكس بوكس 360 ؟؟ وثالثا من زين اللعبة اصلا؟ حالها حال انديانا جونز و تومب رايدر

[KratosGhost]

اخوي تبي اتحل المشكله
اشتر الجهازين وريح عمرك
واذا كنت مظطر تاخذ واحد منهم فانت شوف شنو الي يناسبك من العاب
هذا افضل حل
انا عندي الجهازين
وقاعد العب بالاكس بوكس 360 لين هل الوقت
والبي اس 3 ناطر متل قير4 لانه كل الالعاب نهيتها ومالي خلق العبها مره ثانيه
فانا اشوف انك شوف شنو الي يناسبك من العاب