هل يوجد هنا من هو محب لمسلسلات ال. . .شوجو؟

[Pika-Chu]

هممممم عن نفسي ما عندي خلاف اشوف شوجو او اي نوع ثاني ما عدى الرياضة ..ما احبها موليه >_>
والـساينس فيكشن والمايكا والسايكو وهالخرابيط ما احبهم وايد ..

ومن انميات الشوجو اللي عيبتني

Magic Knight Rayearth
كنت متخبل على لعبته اللي على السيجا ساترن ، ومب محصل طريقه اشوف الانمي
وعقب يوم وصل اختراع الشامل نزلته من برنامج الـKazza وشفت أول 20 حلقه (السيزن الاول ) ، هالكلام مستوي من 5 او 4 سنين فما اذكره وايد
احلى شي فيه كان ان كل وحده من البنات متخصصة في نوع من الماجيك ، وحده نار والثانية ماي ..إلخ <--- يتخبل على السحر
اذكر اني وايد استانست وايد على هالانمي وشكلي بتاابعه مره ثانيه مع الاوفا

Card Captor Sakura
انمي مزيج من السحر والشوجو ، وبما اني احب السحر فحبيت هالانمي ..
مع انه موجه للصغار بس عيبني ، اذكر شخصيه كيرو كانت تحفة وكيوت ، هو الوحيد اللي يضحكني ..
بس عيبه هالانمي انه كان روتيني وبعض الحلقات مملة
في بدايه الانمي كان تأسر البطاقات ، كل حلقه بطاقة وعقب تطور البطاقات او شي جيه ، احس كأنهم عادو أحداث الانمي بطريقة ثانية >_>
بس عيوبه ما تأثر على روعه الانمي ..
شي انمي يديد اسمه شوجو كارا ماخذ من كارد كابتور شوي، شفت كم حلقه و ما هضمته ..

Fruits Basket
هالانمي اذكر وايد اعضاء مدحوه لي وما خاب ضني يوم تابعته
اول كم حلقه ما عيبني وبعدين عقب ادمنت عليه ، انمي هادي وايد ، بس آخر كم حلقه ما كانت هاديه خخخ xD
عيبه كان في نهايته اللي تقهر ، بس الحين خلاص تعودت على هذي النهايات اللي تكون عباره عن قطع الانمي والتكمله في مانجا
لو حصلت المانجا في مكان باخذها ان شاء الله ~

Lovely Complex
هذا آخر انمي شوجو شفته ، ادمنت عليه بشكل فضيع
كنت حاط حلقاته في الـiPod واشوفه في الجامعه <---مستانس بعد
طبعا أكثر شي عيبني في هالانمي علاقة البطل بالبطله ،كيف انهم في البدايه مب متقبلين بعض في الحلقه الأولى xD ، طبعا هو اقل مرتبه من الانميات اللي فوقه بس بعد اعتبره من روائع الشوجو

شي انميات شوجو حاط في بالي اني ابي اشوفها وتحمست يوم الاعضاء مدحوها مثل:
Fushigi Yuugi
Full Moon wo Sagashite
Nana

وثانكس ديو على الموضوع

[Marche]

السلام عليكم و رحمة الله و بركاته...

مثل ما قالوا الشباب... ما يهمني الأنمي إن كان شوجو ولاّ غيره، المهم الأنمي نفسه ولا يهمني شي ثاني...

فيما يلي بحط تعليقات عن الأنميات الشوجو اللي شفتها أو لي علاقة فيها حسب تصنيف AniDB (مب متفيج أيلس أتذكر شو شفت :


Fruits Basket
سمعت عنه وايد وايد وايد، عندي في لستة التنزيل يمكن أبدأ أنزله قريباً جداً! (تحمست له مؤخراً خصوصاً و إنه المانجا تترجمت كاملة)


Lady Georgie
شفته بالنسخة العربية كامل على قناة البحرين... كان Simply روعة... يعني الأحداث صدق كانت تشد بس ما أتذكر شي منها حالياً T___T، بس يوم كبرت استوى المسلسل نوعاً ما... بايخ


X
أوكي... شوفوا الصورة و قولوا شو تتوقعون؟
يعني هالأنمي اللي مادروا ليش ما صنفوه Yaoi أو حتى Shounen-Ai، يعني العلاقة بين Kamui و Fuuma أبداً غير طبيعية، أعوذ بالله من اللقطة يوم تحدد منو رئيس كل قسم من أخيار و أشرار (نسيت أساميهم)

تجربة أبدأً مابغي أخوضها مرة ثانية، و ليومك ما شفت فيلمه


Lovely Complex
Needn't I Say Anything?
واحد من أفضل أنميات 2007 + أفضل الأنميات اللي شفتها Of All Time!
يعني العلاقة بين Risa + Otani شي خطيييييير! من أحلى الثنائيات اللي شفتهم، الكوميديا + الدراما موزونة و التوزيع بين الشخصيات روعة... Maity-Sensei FTW xD



Onii-Sama E..
كنت أشوف له حلقات متفرقة بالنسخة العربية و ما كنت أعرف شو السالفة (أظني وحدة اسمها منال كانت)
تحمست أنزله بالياباني من ردود الأعضاء في موضوع النقاش... بس ليوم خايف أشوفه... جملة "مسلسل مريض" قوية ترا!


Ghost Hunt
موجود كامل عندي و ليومك ما كملته!
شفت منه الحلقة الأولى أول ما نزل و ما شفت الباقي لأن الجروب كان بطيء..
الحلقة الأولى فعلاً كانت Interesting بس... مادري متى بتفيج أشوف شي من كل هالأنميات اللي عندي ~.~


Nodame Cantabile
أنمي رااااااااائع، كوميديا قوية، ألحان مميزة، مشاعر صادقة>>>ما يدري شو يخربط :S
واحد من أفضل الأنميات اللي شفتها... الشخصيات جداً واقعية و حلوة، و منزل اللايف أكشن من زمان بس أتحين الوقت المناسب عشان أشوفه

و أنا موقف عالحلقة 11 من زمان بسبة جروب C1 الخايس، أترياهم يسووا له Drop رسمي عشان أكمله من جروبات ثانية...


Marmalade Boy
هذا صدق متحمس له، عندي إياه كامل + الـMovie بس ما شفت شي منه لين الحين (كل شي ما شفته انته)
الشي اللي حمسني له إنه Toki اعتبرته أحسن أنمي لها (الله يذكرها بالخير) و Asf4Ever نفس الشي... فأتوقع إنه بيكون تجربة ممتازة


Card Captor Sakura
شفت أول 25 حلقة بجهد من الديفيدي اللي ياب لي إياه Pika-Chu قبل 4 سنين يمكن!
مال يهاااااااااااال~، أحس إنه القصة ممكن تتطور بعدين بس بعد.... مال يهااااااال~
و غالباً أنا أكره الـMahou Shoujo!


Gakuen Alice
من الأنميات اللي منزلنهم من فترة قريبة... أترياه بس يكمل من ترجمة Naisho، الجروب الثاني خايس و ما يحتاي أجربه حتى
أكثر شي محمسني فيه إنك شبهته بـKodocha، و البطلة فعلاً تشبه Sana-Chan، عشان جيه بحاول أشوفه بأقرب وقت...


Aishiteruze Baby
أوكي أتفهم كل الكويتنس اللي هي Yuzuyu-Chan، بس... المسلسل Pointless @___@، أوكي تغيرت حياة البطل، و استوى يهتم أكثر بحياته و جيه بس بعد....
أحلى مشهد في المسلسل كله مشهد الصرصور ويا أخت البطل، هذا كان حلو
هالـ26 حلقة مروا كمأساة ما ظنيتها تخلص (و ما كانت بتخلص إذا ما كان عندي نت في هاك الوقت و شي أشوفه)


Aka-Chan To Boku
أوكي هالمسلسل اللي ممكن تقول إنه حلو و فيه ياهل و واحد صغير يعتني فيه...
رغم إني شفته بالنسخة العربية بس الصراحة كان شي!
يعني هو تربوي كوميدي درامي، بس يعني تطلع منه بفايدة، من الأشياء الوحيدة اللي تابعتها أول بأول على سبيس تون... تجربة رائعة (للي ما يعرف هذا أنا و أخي)


Akage No Anne
أكثر ما حمسني لهالأنمي إنه Hayayo Miyazaki مشتغل عليه (مخرج عدنان و لينا) كنت أشوف له حلقات بالعربي في قناة الإمارات، بس عشان الأوقات الغلط اللي يعرض عليه ما قدرت أشوفه بشكل مستمر، فنزلته كامل ياباني!
و هو مقتبس من رواية من نفس مؤلفة Emily Of New Moon


Ame to Shoujo to Watashi no Tegami
لا تغترون بالصورة نفسي... يعني فيه Point بس طريقة الرسم كججججججرة مع أنها مقصودة.. من أعمال Makoto Shinkai مخرج Voices Of A Distant Star


Kareshi Kanojo no Jijou
عجييييب، ميازاوا هي أنا بكل اختصار، واحد من أنمياتي المفضلة مثل Lovely Complex + Ouran + Kodocha، تجربة حلوة قضيتها وياه

بس النهاية!!!!


Hana Yori Dango
أوكي شفت الأنمي قريت المانجا و شفت اللايف أكشن...
الأنمي تجربة فاااااااااشلة للمانجا... و عن الألحان اللي يتكلم عنها ديو؟؟؟ أي ألحان هاي:S؟
الشخصيات حلوة و أسلوب الرسم بسيط، اللايف أكشن روعة و ما يبغي له كلام، أفضل الثلاثة بالنسبة لي و هكذا الترتيب :
Live Action>Manga>Anime
التمثيل الصوتي خاااااايس و بارد ._.
بعدني معلق عالحلقة 17 من الصيف، متى بتفيج أكمله مادري ~_~؟


Please Save My Earth
أوكي نزلت هالمسلسل بعد كلام Fuu الكثير له...
الصراحة تجربة ممتعة، أتوقع إنه من نفس المانجاكا لـOnii-Sama E
بس فيه تلميحات Yaoi... بكثرة! بس الصراحة كفكرة و قصة و تطبيق و أداء TOP



Chibi Maruko-Chan
منو ما شافه بالعربي؟؟؟
ماروكو أو كما يعرفها القليل باسم ساكورا موموكو... قصة فتاة في حياتها العادية... الواقعية... المرحة... الكوميدية...
باختصار شي Amusing، تحس إنك تعيش وياها في حياتها اليومية و تنجذب وياها، كان أول أنمي أشوفه من هالنوعية
و طبعاً شفته بالعربي أما فيلم 1990 شفته بالياباني... الـOpening Theme مميزة : أذكر مقطع "Edison Wa Wasurenai" = إديسون لا يعلم، أسميني كنت أفطس من الضحك عليه و أعيده 20 ألف مرة xD


Kodomo No Omocha
Okay Stop Here.... Simply THE BEST
دراما + كوميديا + شوجو، كلها هني واحد من أمتع التجارب اللي مرت عليه..
ضحك × ضحك × ضحك، دموع × دموع × دموع، تقلبات غير متوقعة، شخصيات فريدة، كوميديا مميزة، كلها بتلقونها هني..
و له أوفا بعد قبل الأنمي تحكي قصة أول 6 حلقات من الأنمي، صح إنه الإنتاج مب نفس الأنمي بس بعد جربوه و بعدين شوفوا الأنمي، ما بتندمون!


La Corda D`Oro ~primo passo~
Bi-Shounen Alert
أنمي تابعته أول بأول يوم كان ينزل من جروب الترجمة البطي~ SMS..
الكوميديا فيه مبتذلة، تصميم الشخصيات حلو! الألحان روعة بس الإخراج So So
جذبني إنك تقول إنه حركتهم للعزف متقنة يا ديو... وين!!؟
نودامي يطوفه في هالشي في أي وقت، هناك الإتقان فعلاً
ممكن تتعلم دروس حلوة من الأنمي بس عامةً Not A Must Watch


Mahou No Choclate
بعد إحدى تجارب Makoto Shinkai كما أتوقع
بس هني الستوري لاين أقوى بس الـPoint أضعف من Ame To Shoujo To Tegami
استمتعت بمشاهدته أكثر من الأخير...


Mimi wo Sumaseba
GHIBLI
منزلنه من كم يوم بس ما شفته للحين، متحمس لمشاهدته جداً، خصوصاً إنه من استوديو جيبلي اللي جمعت كل أعمالهم اللي Subbed و باقي واحد قيد التنزيل و هو Porco Rosso..


Minky Momo
حنين...
شفت ما شفت من النسخة العربية اللي هي "وعععععع"
و شفت الأوفا له و اكتشفت إنه عربي ولاّ ياباني بيتم "وعععععععع"


Ouran High School Host Club
Haruhi <3
من بين المفضلات عندي اللي ما يحتاي أتكلم عنهم وايد... واحد من التحف اللي أحب أشوفها بكثرة...


Petshop Of Horrors
أوكي واحد من أمرض الأشياء اللي شفتها
القصة تزيغ
البطل يزيغ
الأحداث تزيغ
و كل حد يموت..
يعني لا تشوفونه


Yamato Nadeshiko Shichi Henge
انزين شوفوا الصورة... كم بنت تشوفون؟



لا بس وحدة، اللي ميودة الـScythe...
الرسم أكثر شي نفرني من هالأنمي اللي ما شفت منه إلاّ ثلاث حلقات، يعني بالله عليكم الأولاد حلوين بس عاد مب لهالدرجة:S

___________________________________________

أوكي بعد النظر في ردي أشوفه إنه فاااااااااارغ~
بس كنت أبغي أراويك إنك مب الحين اللي تشوف شوجو

مشكور عالموضوع و نشوفك قريباً

Matta Ne~

[Dio-Sama]

ماااااااااااااااااارشيييييييييييييييييي, أكرهك
كنت جايف خمس حلقات بس من نودامي و عقب ما قريت ردك قلت خل اطالعه-_-, توني خلصته و ثانكس تو يو ما رقدت و لا شي و عندي فاينالين الاربعاء و الخميس و كمية "متلتلة" و وايد . توني خلصته و صراحة ما ادري شو اقول . طبعا بعدني أفظل لاكوردا لانه الحانه (اعتبرها اقوى تأثيرا بوايد عن نودامي) و رسمه و شخصياته دخلوا مزاجي أكثر و من النوع اللي احبه اكثر, لاكن و "الحق يقال" نودامي أفظل لانه قصته و واقعيته و شخصياته أفظل صراحة, حتى كوميديته احسها جدية. ما ادري ليش المينن بانيمي انفو ما عيبهم الرسم!! الحلقات الأخيرة يوم نودامي دخلت المسابقة طلع الرسم القوي يوم تعزف بيانو, ما اتوقعت هالشي. عموما i recommend نودامي أكثر للناس بسبب قصته و كوميديته الحلوة.
بخصوص لاكوردا, جفت انت ايدهم يوم يعزفون الكمان؟ صراحة يبين جنه هم اللي يعزفون و اللحن راكب على اللقطة, حتى بنودامي احيانا ما يكون هالشي موجود او اللحن بوادي و حركة الايد بوادي.
بعدين تعال, كيف لاكوردا موميديته مبتذلة!! المسلسل ما فيه ايتشي خير شر و محترم!!!! (الف علامة تعجب), شخصيا ظحكت باللقطات الكموميدية اللي فيه.
اني واي, بروح انام الحين و . . .لي عودة بعدين أرد على كل مسلسلاتك و عودة للأخ بيكا^^
أخيرا جفت حد عجبه كارد كابتجر ساكورا من المنتدى!!!!!!!!!
بيكا, اذا عجبك ماجيك نايت جوف مسلسل اسمه Nanoha او magical girl lyrical nanoha, او mahou shojou lyrical nanoha
تراه تححححححححححححححححححححححححححححححححححححححححححححححححححححححححفة. لازم لازم لازم اتجوف الجزء الاول و الثاني و الثالث منه. لاااااااااااااااااااااااااااااااااااااااااااااااااااااااااااازم. و قولنا اشرايك^^

[TNT-BOY]

FF9

خخخخخخ هذي مو كوميديا بالنسبة لي خخخخ

شنو انت ما جتك فترة مراهقة؟
انحرافات عقلية؟
صياعة طالعة كدا بالغلط في عروقك ؟
<<<< مازال يعاني منها كلها D:

ترا مفوت عليك عالم حلو انت ومنت داري


Dio
ها يابو ديود...استانست الحين لمن ردوا عليك العالم ؟ تفنكشت وحسيت بفرحة العيد ؟

في شي بقوله بخصوص فروتس باسكيت و ما عرف اذا حد شاركني نفس الشي
اللي حبيته بفروتس باسكيت, انه المواقف و كلام الشخصيات الداخلي مع بعضها, بمرحلة ما بحياتي سواءا لما كنت اصغير و حتى الحين تقريبا نفس الحوار اللي يقولونه نحن انقوله, بمختلف المواقف. حتى الشخصيات,احس فيه شبه كبييير (Like كبيييييييييير), بيني و بينهم و أقصد بالتصرفات بالمواقف , و أرجع و أقول الحوارات الداخلية. يعني صراحة قمة قمة قمة بالابداع.

اي شخصية منهم كنت تشوف نفسك فيها؟

الشخصيات و الله العظيم تصرفاتهم صدق صدق صدق جنها صدق

جملة رهيبة دي D:

انا عندي اياه كاري كانو نسخة دي في دي
بس كان اخوي يقول لي انهم ما يترجمون كل الاشارات والملاحظات
بس الحلو اني شايف نسخة الفان ساب من قبلدهر...استغرقت سنة كاملة على شان اخلصه
ماكنت اشوف حلقتين ورا بعض على شان لا امل منه
بس ترا انسخة الفانساب زززززفت
اذكر في بعض الحلقات تشوفها وانت ماتميز شي غير الترجمة تحاول تقراها

كرهت الكاتبة صراحة لانه المفروض فترة و اتعدي مش الين ما يكبر-_-.

آآآه يا ديو u made my day with this quote
لك انا ربك باليني بهل مخيلة الي ماعرف شتريد
لمن قريت هل سطر قمت اتخيل شغلات غريبة ... وانت اهم شخصية فيها لول

متأكد انه الايمو أنا مش انت يا بو الدراسة

way to go emo kid

عندي لك و للشعب ال"أنيموايي" سؤال, هل ممكن اتطالعون الشي اللي جفتوه مرة ثانية؟ و لو قديم؟

انيمياوي *
المهم ايوه اقدر..بالاحرى عملت هل شي قبل
بس اكيد مو اي شي اشوفه ولا اي شي يعجبني بعد اشوفه مرتين

وقدم الانيمي ولا كونه جديد ما اعتقد بيفرق ..في فرق؟
على العموم انا كاوبوي بيبوب شفته اكثر من مرة...وعادر اشوفه من جديد بعد لو تحصل لي فرصة

كيمي جا, مسلسل أيظا فاجأني بشكل أبدا أبدا أبدا أبدا مش متوقع و بأحداث ساخنة جدا و قصة واقعية جدا. ما أظن أنيمي راح يسوي اللي سواه هالمسلسل
(يعني كيمي و فروتس من المسلسلات اللي أعتبرها ماسترز و one of a kind) و الكل لازم يخظع لها.

ما اختلف معاك في الشي الجديد الي جابه...وهو الشفافية في موضوع ممارسة الجنس
بس بالنسبة لي ما عجبني واجد...زي ماقلت افضل الحب الطيف الي بعيد عن هل اشيا...او موجود بنسبة بسيطة :\




Marche

مارتشيييييييييييييييييييي
تصدق اشتفت لك كدا فجأة D:

Petshop Of Horrors في صوب...والشوجو في صوب
بيتشوب من اسمه مبين رعب S:

Please Save My Earth
أوكي نزلت هالمسلسل بعد كلام Fuu الكثير له...
الصراحة تجربة ممتعة، أتوقع إنه من نفس المانجاكا لـOnii-Sama E

نوب اوني ساما لـRiyoko Ikeda
احد عرابات مانجا الشوجو وتطويرها للشكل الي وصلت في النهاية عليه

[A.N.G.E.L]

مارشي... S:

Yamato Nadeshiko Shichi Henge

طيب تنكر الهبال الي فيه؟؟

عن نفسي استمتعت وانا اطالعه ..روعة

[][-][Mr.ZeNoN][-][]

والله مادري وش أقولك..بس بعض الناس هنا تضحك على نفسها

الشوجو كثير ناس تتابعها بقدر مايتابعوا الميكا والأكشن ويمكن أكثر بعد

لكن متخوفين من دمار سمعتهم وبعد ماشافوا موضوعك قاموا يردوا لانهم عارفين إن إستخدام العضوية=100% خصوصية

الواقع يبين عكس ذلك تماما

بإختصار فراغ عاطفي

يعني معليش بس إسمحولي هالمرة


..
..
..


وللأمانة تابعت مسلسل شوجو واحد فقط اللي هي pitaten

نزلت أيضا أنمي شوجو إسمه Cosmic Baton Girl Comet-san لكن للأسف الشديد الأنمي طلع جدا طفوووولي أو Mahou Shoujo



هذا المسلسل (كاي) بمعنى الكلمة

حبيته

[Yuna]

Endless magicو اللي سمعت انج فانتاسي فريك^^
وينكم مختفيين من بعد داكابو (و الين الحين اتريا تقرير دا كا بو 2!!)
اذا الشعب كله يقرا ليش ما تحطون نبذات عن المانجات عسب انعرف, انا راس مالي اللي قريتهم يمكن 7 مانجاز بس, و معظمهم مش شوجو!! فبيكون حلو لو تتصدقون علينا بأسامي و نبذات!!.

هذي مب اول مرة ولا ثاني مرة احد يقول لي فريك ربي يسامحكم بس ^^"

اي انا طبعاً انهيت كل الأجزاء ماعدا الأخير قريب بلعبه لأني منشغله بفاينل اونلاين ^^

وتقريباً العب كل يوم ماعدا اوقات الدراسة وهذا الي تركني ماحط اي موضوع بالمنتدى بس قريباً ولا يهمك اخوي ^^

( هذا طبعاً اذا كنت تتكلم عن اللعبة .. اذا كنت تقصد النوع فأنا احب الفانتسي كذلك بس افضل الغموض والدراما )

احلى فانتسي شفته ار بي جي انيمي اسمه Mai Hime & Fate Stay Night يعبر عن قصص الأر بي جي بدقه ... وساينت سيا كان نوعا ما اوكي لكن ماحبيته بسبب التكرار والرسم ممكن لأنه قديم ..

بنسبة للمانجمات الشوجو الي اتابعها اكثرها من هذا الموقع اسمه شوجو ماجيك

http://shoujomagic.net/

Mahou Shoujo

غريبة في احد يعرف Mahou Shoujo Tai Alice ^^

هالأنيمي حيل حيل روعة والقصة عاجبتني بس مانهيته للأسف ..

الصراحه وذي اكمله قريب ..

وترى اخوي ناس وايد تشوف شوجو لأنه يجمع مابين الكوميديا والدراما ..

والغالب الشوجو اهو الأنميات الوحيده الي فيها كوميديا حلوه ^^

البقية الكوميدية سخافه بمعنى الكلمة مثل لوف هينا وهالطقه ..

[Dio-Sama]

السلام عليكم ^^

PiCK CHU^^
شكلك بتكون My soul mate^^
كل المسلسلات اللي اتكلمت عنها أموت فيها^^
تعال, انت اتابع بوكيمون بعد؟ من الاسم حكمت؟ اذا نعم و تلعب اللعبة دش على موضوع دياموند و بيرل حسب نتكلم اهناك^^

angel و mr zenon
شرفتوا الموضوع^^


مادوتشي يونا سان^^
ما هو شوجو تاي اليس^^, اكيد أعرفه, و كنت أتابع أخباره حتى قبل ما ينزل^^
اتأخر الجروب بترجمته واااااايد و ما شي سيدرز بس تعبت الين ما نزلته و يستااااااااهل التعب.
استايل يديد علي, فكرته غريبة جدا, طريقة الرسم سوو ويرد و غريبة بس حلوة. من الحلقة الاولى يوم يتسابقن على المكانس عرفت انه بيطلع شي^ِ^ نصيحة كمليه.

على طاري fate stay هالمسلسل عيبني أكثر مما تتصورين بس أغلب اللي جافوه خاب أملهم لاسباب عديدة. شخصيا العيب الوحيد اللي أجوفه انهم ما ذكروا ماضي الشخصيات بس كشخصيات شخصية saber فعلا حبيتها لانه الpride اللي عندها صوروه بأفظل ما يمكن , اذا ما كان أفظل ما جفت!
و احيدج من زمان حاطة التوب 10 و كلهم حلوين^^ كم يسوى بس وجود chrno crusade^^.

و شكرا على المرور^^

[خت فت]

السلام عليكم
ان 90 % من الانيمي الي اتابعه هو الشوجو و انا ضد مسلسلات الميكا و السيكو و الاكشن الدموي حتي اني الي حد الان لم اشاهد اي مسلسل اكشن منذ باسيلسك فافضل الشوجو عليهم حتي ان ناروتو لم اشاهده انيمي لحد الان بل اتابعه مانجا مع ون بيس و بليتش فقط
اما بخصوص الانميات الي كتبها الاعضاء فاغلبها تابعتها و لي تحفظات علي بعضها ما عدا Fruits Basket الذي لازلت لم اتابعه لحد الان بسبب انشغالي في العمل حتي وقت متأخر منذ فترة فقلت فترة الفرجة لدي خاصة مع وجود الوي لكني الان مقبل علي اجازة طويلة و ان شاء الله اتفرج عليه مع بعض المسلسلات الاخري و السلام ختام

[Pika-Chu]

Dio
لوول جنه أذواقنا تتشابه
خاصه في الأشياء اللي فيها سحر ~ أخيراً
أوكيه ، الحين يالس انزل السيزن الأول من Nonaha ، نزلت الحلقة الأولى وشفتها
شكل الانمي روعه ومن النوع اللي اتخبل عليه ، ثانكس عرفتني على هالانمي الحلوو ~
بس اشوفه يشبه لكارد كابتور اكثر من ماجيك نايت
في البدايه يوم تعرف على الشخصيات نفس كارد كابتور
و السنجاب اللي يساعد نانوها يشبه كيرو ، بس كيرو احلى عنه xD
وبعد آخر شي يوم طلعت العصا اللي تاخذ من عصا ساكُرا .
متحمس اشوف أكمله ، متى بينزل بس @@
وعن بوكيمون نزلت وايد منه (لين السيزن التاسع اعتقد) ولا شفت شي
المشكله عندي وايد انميات طويله وما شفتهم مثل انيياشا ويوجي ويويو هاكيشو
بس بوكيمون طبعاً اطولهم خخخ ، المهم انته تتابعه ؟
وعن بوكيمون بيرل لعبتها وايد واخر شي جيمي امتسح بطريقة غبيه ، كرهت اللعبه عقبها >_>
هيه وآخر شي ، شايف انمي اسمه Victorian Romance Emma
إذا شايفنه قولي رايك عنه ..

[Dio-Sama]

خت فت^^
و الله الوي ماخذ وقتي اكثر من الانيمي حاليا, لانه شي يميع الالعاب ما خلصتها-__-
و اركظ جوف فروتس باسكيت لانه لحد الحين ما مر علي حد ما عجبه^^
و شكرا جزيلا على المرور^^

pikaa^^
اشحالك^^
اذا عيبتك الحلقة الاولى من نانوها, فتوه الناس^^ على ظمانتي عقب ما اتخلص السيزون الاول بيعيبك اكثر من كارد كابتجر ساكورا^^, و لو ما عيبك اكثر(و اشك بهالشي) 100000% بالسيزون الثاني^^.
و توووووووووووووووووه الناس على الهجمات السحرية و بتفهم قصدي بعدين, و اذا انت من النوع اللي يتخبل على السحر (لاني ماجيك-فانتاسي فريك) اقل شي بتعيد اللقطات اللي فيها السحر عشرات المرات^^.

خاصه في الأشياء اللي فيها سحر ~ أخيراً

انا اللي لازم اقول اخيرا والله, من متى و انا ادور(اللي يسمع الحين يقول شي مهم!!).
بوكيمون وصلت الين جزء دياموند و بيرل و يوم غيروا اش وقفت. اعتقد نهاية الجزء التاسع يوم يباري الثمانية او الاقوياء.و اخرهم بو rigice & rigrock & rigsteel

استايل نانوها غيييير عن كارد, ممكن فيه شبه بالبداية بس القصة فعلا مؤثرة و مؤثرة و مؤثرة, و جدا جدا جدا.
اذا عيبك واااااااااااااايد, اشرايك انسوي عنه تقرير^^؟
الهم, ثانكس عالمرور و سي يا سوون.

[icy]

i see that shoujo anime has some fans
should i join the club

from those animes u mentioned i liked :
fushugi yugi
peach girl
fruit basket

but does nana is considered shoujo

[icy]

الى اخي العزيز زينون :
انا لا اعتقد انك (طبيت)على الانمي المناسب لك من مسلسلات الشوجو ولا الومك على ذلك لان كل (واحد) حر بما (يناظر) فالسماحه على تقصير المسلسلات في ارضاء الجماهير ولا تنتظر رد يخالف ردك لان الناس لا (يلمونك) على رايك ولا وجهة نظرك فكل واحد (شاف وش انت شفته من هذه المسلسلات بيتعوذ من ابليس _ وهذا رايي الشخصي_) فلا تنتظر احد يصحح لك وجهة نظرك ولا حتى انا للاسباب الاتية:
1.(ما فيني حيل)
2.(ما في فايدة بالنقاش)
3.(الرسول وعد اللي يترك النقاش ببيت في الجنة)

والسلام عليكم و رحمة الله و بركاته

ملاحظة : في الحياة قانون عام لا تنسى ان (الواحد لازم) يفكر قبل ان يفعل اي شيء

[][-][Mr.ZeNoN][-][]

الى اخي العزيز زينون :
انا لا اعتقد انك (طبيت)على الانمي المناسب لك من مسلسلات الشوجو ولا الومك على ذلك لان كل (واحد) حر بما (يناظر) فالسماحه على تقصير المسلسلات في ارضاء الجماهير ولا تنتظر رد يخالف ردك لان الناس لا (يلمونك) على رايك ولا وجهة نظرك فكل واحد (شاف وش انت شفته من هذه المسلسلات بيتعوذ من ابليس _ وهذا رايي الشخصي_) فلا تنتظر احد يصحح لك وجهة نظرك ولا حتى انا للاسباب الاتية:
1.(ما فيني حيل)
2.(ما في فايدة بالنقاش)
3.(الرسول وعد اللي يترك النقاش ببيت في الجنة)

والسلام عليكم و رحمة الله و بركاته

ملاحظة : في الحياة قانون عام لا تنسى ان (الواحد لازم) يفكر قبل ان يفعل اي شيء

السلام عليكم..

تفكير غلط..

أخي كل مافعلته هو إني وصلت المعلومة لكم ومنها تصحصحوا شوي..
أما إني أضحك على نفسي وأتكلم بما ليس بصحيح عشان يشتد النقاش فهذا الشي موجود في ظنك فقط
فأنا لم أكن أتطلع للنقاش

[Modi]

الشوجو كثير ناس تتابعها بقدر مايتابعوا الميكا والأكشن ويمكن أكثر بعد

لكن متخوفين من دمار سمعتهم وبعد ماشافوا موضوعك قاموا يردوا لانهم عارفين إن إستخدام العضوية=100% خصوصية

الواقع يبين عكس ذلك تماما

بإختصار فراغ عاطفي

يعني معليش بس إسمحولي هالمرة

معليش بس .. ممكن اعرف شلون صار فيها دمار سمعه لوول اخاف مسوين منكر XD
عشان الشخصيه الرئيسيه بنت .. معناتها اندمرت السمعه وصار فينا فراغ عاطفي !!

اتوقع انك شفت شوجو غلط ههههههه
شف مثلا Fruits Basket او حتى ليدي ليدي "غباار" .. بتتغير الفكره عندك ^_^"