CoD4 ممنوعة بالكويت!

[Mr.Mohsen]

ياخوك منو قالك ممنوعه ؟؟ انا توني الحين راد من الرحاب .. ينباع باكثر من 5 محلات .. 18 دينار .

الشي الجديد اللي صار بالمحلات :
ان وزاره الاعلام وضعة خطه لبيع الألعاب .. بحيث اي محل يبي يبيع لعبه معينه يسوي طلب ويدفع رسوم لكل لعبه 45 دينار .. يعني مثلا محل طوكيو يبي يبيع انشارتد يسوي طلب ويدفع 45 ... وهكذا على جميع المحلات .. يعني المحل ما يبيع لعبه الا مسويلها طلب .. واللي يخالف يتسكر محله .

والشي الثاني ان قبل فتره اللي يبيع العاب كوبي او اجهزه مقلده يتخالف ويتسكر محله فتره .. الحين اللي يبيع كوبي او اجهزه مقلده يغلق المحل وتنسحب رخصته .

[barca-ps3]

اللعبهتنباع بكارفور _ افينيوز _ .. وبمكان الكل يشوفه بقسم الألعاب .. وما سمعنا حس حق وزارة الاعلام بهالسالفه !

اللي يصير بالرحاب مو اول مره يصير !

يشدون حيلهم فتره .. وبعدين ما يقدرون يسيطرون على التسيب !

[Sparta Ghost]

زين عندي سؤال دام الموضوع عن الالعاب الممنوعه في دول الخليج .

لو قلنا انا من السعوديه او الكويت و طلبت اللعبه من الامازون ..
اللعبه بتوصل لي 100% حتى لو كانت ممنوعه زي god of war ??
و خبري في امازون مو عالمي بس امريكي ؟ كيف تطلبوا منه ؟

[i.karoom]

عندنا في قطر مب ممنوعه ..

بخصوص الشخص الي ايقول انها اتكلم عن المجاهدين ..خله يلعبها ..بعدين يحكم ..يمكن شاف الديمو القديم ..بس كل شي شالوه

العبه بختصار اتكلم عن الارهاب ..

[Uncharted81]

انا شخصيا لعبت اللعبة و أعتقد اهي من احسن الألعاب اللي نزلت اذا ما كانت الأفضل. قبل اسبوعين بالضبط اللعبة كان ممنوع بيعها و دشيت اكثر من محل (4-5 محلات مصرح لهم) عارضين الألعاب كلها ما عدا CoD4 وكان جواب المحلات انها ممنوعة. أتوقع السبب الرئيسي لمنعها هو انه فيه مهمات في السعودية و العراق (بغض النظر انه القصد اهو الأرهاب) و هم بعد شغلة الأسامي مثل Al-Asad وغيرها.
بالأخير اللعبة عبارة عن وسيلة فنية كالكتاب أو الفلم أو غيرها من الوسائل الاعلامية والناس لهم وجهات نظر مختلفة في تقبل ورفض اللعبة.

[ذيبان911]

اذاَ أهلاً بك في الكويت

أهلاً بك في جزيرة العرب

[DirtDad]

هذا شيء طبيعي لأن اللعبة فيها إستهزاء بالإسلام والمجاهدين والله أعلم