اعضاء في مهام رسميه:بداية التعارف.

**wario2002** · 13-01-2002, 10:41 AM

لا ياخي ماقريت زين عندي ضعف نظر>>> واحد يصرف

لا والله صدق كنت بطفي الكمبيوتر علشان كذا قريت بسرعه>>>>>> ياحبه للتصريف

تبي الصدق الصدق ولا الكذب الكذب

الصدق الصدق.......... طيب

كنت جايع وماتحمل الجوع جاني اخوي قال بتروح معي لبرجر كنج..... قلتله لحظه شوي

قال مانب منتظرك بتجي ولا لا قلتله ايه خلاص بطفيه وقريت القصه بسرعه زي البرق.... عاد جايع ماقدر اتحمل لا وبرجر كنج بعد( ياشين زيتهم يحوم الكبد)<===== هاذي عاد تصريفه محترمه

الحين الصدق الصدق الصدق الصدق الصدق الصدق..............

قريت بسرعه ادور اسمي اذا كان فيه قريت القصه كلها مب فيه ماقريتها لأني كنت مستعجل.....

ومالقيته وشكرا على ردك اشوه انك علمتني وقريت القصه زين ولقيت كلمتين واريو بس................

بس مشكووووووووووووور على القصه ونشوف قصص جايه لاتبخل علينا عاد وشكرا...
مع أجمل تحياتي

":" صديقكمwario2002 ":"

**ganon0** · 13-01-2002, 10:57 AM

مشكورين شباب على الدعم المعنوي و الجسماني(منوين جت هذي؟)

اول شيء:
باوزر:هلا اخوي و الحمد لله ان القصه اعجبتك

لكن اني موضوع اني احطك في القصه...اممممم اكيد راح تكون قصتي احسن بأضافه شخصيه مثلك لكن المشكله اني ما ابغى اضيفك في دور اي كلام او مثلا دور ما له معني او ما يجيب شيء مهم.لكن يمكن اقدر اضيفك بالقصه هذي اذا لقيت دور ينفع لك و يأثر حتى لو كان صغير.

بوشي:الغلطات المطبعيه هذي ضروريه ما فيه نجاااح من غير غلطاات يأأاخ(زي طاش ما طاش)و انشاء الله اتوسط لك تشتغل في الشركه هذي سكيورتي.بس الله يستر من ننتندو و عبايته

ننتندو:تدري؟انا شاك انك ما فهمت القصه؟ما احد خطف احد و حطه في كورولا ترى

هاههههههه يا حليلك. بس اصبر و انا و اخوك بطولاتنا بتستمر
الى نهاية القصه(و اللي هي طبعا في بالي و مخطط لها انشاء الله زين)
بس لحظه ليش انا سامويل جاكسون؟؟؟انا كينو ريفيز و الا بلاش(اخذها جد الثاني)
بعدين لحظه اتصل بك الدلخ؟ هاههههههه و انا اقول ليش اتصل علي يقول تكفى عجل على الجزء الثالث و خله رومنسي مصدق الولد شكله يحبك صدق

احمد:اهلااااا باغلى واحد

لا تزعل اخوي على انك ما لك دور كبير في هذا الجزء لانه فيه اجزاء جايه و ما ندري يمكن يكون لك فيها الدور الاكبر؟بالاضافه هذا الجزء ما لك طاري كبير فيه لانك كنت برى ما حظرت سوالف البنك.
و اقتراحاتك الحلوه في عين الاعتبار و يمكن استفيد منها لاني راسم للقصه خطه محدده انا ما اكتب بعشوايئه على الاقل مهوب هذي القصه

بالاضافه لا تفضح الخيارات اللي انا راسمها(احم انا افكر اننا يمكن نسافر في القصه)
و بالنسبه لكتابتك لجزء منها طبعا اسمح لك

لكن نخطط له مع بعض عشان يوافق الحبكه الاصليه للقصه هذي.

بوشي مره ثانيه:هاههههههههه يالخبل

**ganon0** · 13-01-2002, 11:01 AM

كتب العضو (wario2002)

ومالقيته وشكرا على ردك اشوه انك علمتني وقريت القصه زين ولقيت كلمتين واريو بس................
\
":" صديقكمwario2002 ":"

لحظه يعني كل اللي يهمك بالقصه هو اسمك؟عجيب.
(ليش ما احد قال لنا ما نتعاقد مع هالممثل؟)

**wario2002** · 13-01-2002, 11:06 AM

انا ماشفت قصتك زين وانت ماشفت ردي بكبره........ جانون انت تشوف زين.

**wario2002** · 13-01-2002, 11:15 AM

انا قصدي قريت القصه بس اعلمك ان دوري قليل بس يعني اسمين واريو بس..........

ولا القصه قريتها كلها من قالك اني ماقريتها بس انت الله يهديك مافهمتني زين.

**AL-LORD** · 13-01-2002, 11:49 AM

السلام عليكم .............
اول شيء اسمحلي يا سعد لأني تاخرت في الرد ضروف صعبه امر فيها في هذا الوقت ، و اعرف انك زعلت لأني تاخر بس والله مشغول و انا ما قطعتكم بدون سبب انا عندي ظرفي وصدقني بستمر معاكم ..........

نعود للموضوع للقصه .........

بصراحه قصه حلوه ( علشان ما تزعل

) امزح معاك بالفعل هي قصه حلوه ..

ومسوي فيها انك مجرم خطير و شاب وسيم في نفس الوقت ...... ما تركب ،
و اكثر شيء ضحكني بصراحه( نينتندو = عهود) ولا يوم دخل عليكم بوشي بصراحه تصويرك حلو ..

___________

المحقق اللورد ...... اشوى انك دخلتني في القصه ولا كنت بعتب عليك ....

اقول

اول ما طلعنا مع البوابه الاماميه للمملكه لقينا امة محمد
تنتظرنا جيوش كثيره و على رأسهم اللورد...

ههههههه الله يعينكم على لقاء المحقق اللورد ..........

انتظر التكمله

اخوك

**ganon0** · 13-01-2002, 02:02 PM

واريو: انا اسف اخوي فهمتك غلط. انا اسف سامحني.

اللورد:شكرا على ردك و شكرا لانك عبرتني اخيرا.

باقي الشباب:beware
الجزء الجديد على الطريق!

عساه يعجبكم بس...

**ganon0** · 13-01-2002, 02:30 PM

بسم الله الرحمن الرحيم.

gan-non international presents: (جميع الحقوق محفوظه لسعد)@

اجل وصلنا الجزء الثالث؟جيد و الله و اذا احد فقد الاهتمام يقول لي بس

هذا الجزء احداثه اكثر تركيز من اللي قبله و اظنه اقل كوميديه.انشاء الله اعوض الكوميديه بالاجزاء القادمه.لكن الصراحه المقصد من هذا الجزء هو قلة الكوميديه.لاني بغيته يكون درامي اكثر.و انشاء الله يعجبكم و بكل الاحوال غالبا ما راح استمر على نفس الخط في كل جزء مثل ما انتم شايفين.لكن اكيد كل جزء لازم فيه تنكيت .و اقول مره ثانيه انشاء الله يعجبكم(يهمني اذا ما اعجبكم شيء تقولون لي).

الجزء الثالث:اعضاء في مهام رسميه:الثقه.

اجل اخيرا قدرنا انا و ننتندو نطلع من البنك لكن اللورد الله يحسبي عليه ما يخلي احد.
يوم طلعنا و لقينا الجيوش هذي.تقريبا 100 جندي.قال ننتندو:يا وجع!ايش يبغوا هدولا؟
انا:يبغونك يا غبي!الله يلعنك يا الدر.شكله بلغ علينا قبل لا ينحاش.اشوى اننا ما عطيناه الفلوس.
ننتندو:لكن....
قاطعه اللورد:سعد!اترك البنت اللي معك تروح و سلم نفسك!
انا انسبهت و قام ننتندو و رما نفسه علي و قال:اتركوه يمشي يا ناس.الولد مجنون يبغى يدبحني!
انا:قسما بالله لاذبحها و اشرب دمها بعد!و مسكت ننتندو مع رقبته و حطيت عليها سكين.
اللورد:اوهههههههاهههههههاهههههاهههههها...يعني تحسبنا ما نعرف يا ننتندو؟
ننتندو:انا فريده مو ننتندو!حرام عليكم اهىء اهىء.
االورد:بس!و الا ترى محاسن...
ننتنتدو:ما عليك من محاسن يا حقير!
انا:وش السواة يا ننتندو؟
اللورد:بعد الى واحد بس و بعدها نطلق النار!
انا :لا لحظه لحظه
بعد كذا سمعت انا صوت بعييييد ينادي.و بعدي سمعوا الباقين نفس الصوت و يوم ناظرنا
على فوق لقينا السحاب مغطي قمة مبنى المملكه و فيه نقطه طايحه من فوق و تكبر شوي شوي
يوم قربت لاحظت انها كانت ادمي!و بعد شوي لاحظت انه واحد اعرفه!اعرفه زين! بوووشيي!
كان يقرب شوي شوي و فيه حبل مربوط على خصره و كان منبطح على الهواء يعني وجهه على
الارض.مع انه قاعد ينزل بالهواء الى الان بسرعه الا اني حسيت ان الثواني كانت دقايق.استوضحت
وجه و كان شكله مصقول.يلمع كأنه خزف بالضبط خاصة انه ما غير تعابير وجهه ابد كأنه تمثال.
و كان حاط يدينه على جنوبه كأنه حاطها في جيوبه.قال ننتندو:ايش...هدا...أ..آ...
و بلمح البصر وصل بوشي الى الارض لكنه وقف قبل لا يلمس انفه الارض يمكن يأنش او اثنين.
و ارتفع واقف على رجلينه بجزء من الثانيه و حوط خصر ننتندو بيده و اليد الثانيه لفها بالحبل اللي مربوط على خصره هو و ارتفعوا بسرعه فوووووق (لان الحبل يستخدم بالبناء و هو حبل مطاطي)و ننتندو يصرخ و
الاثنين قاعدين يلفون و يدورون حول بعض بشكل لولبي كأنهم دلافين بالضبط.و بعد كم ثانيه اختفوا وسط السحاب.
يوم تبدد السحاب فجئه ما كانوا موجودين.طلعت الشمس و تلاصقت رموشي لان النور كان قوي.
بعد الذهول هذا كله ناظروني كل الناس و انا لوحدي ما اقدر اسوي شيء.قال اللورد سلم نفسك!
انا كنت ابغى ابكي لكن ما ادري ليش ما قدرت.كنت عارف ان اللورد يبغى يذبحني اول ما اسلم نفسي
مثل ما ذبح اهلي قبل سنه.بعد كذا قال للجنود:ارفعوا اسلحتكم.و في نفس الوقت طلعت بنت لابسه
عبايه على الكتف و عطرها فواح.مسكتها و طلعت سكينه مكسوره من جيبي و حطيتها على رقبتها.
كل هذا بثانيه وحده!قلت و الله العلي العطيم اني ذابحها اذا ما رميتوا اسلحتكم.
اللورد:اجل اطلقوا عليه هو و البنت.
البنت:يآآآآآآآآآآآآآآآآآآآآه!.
انا:......... :غضب:
فجئه في اللحظه الحاسمه قبل لا يضغط احد على الزناد جاء واحد و قال:نزلوا اسلحتكم!
انا:هاااااااه؟!
اللورد:اسمعوا كلام الامير!
الامير سلطان بن عبد العزيز وزير الدفاع هنا:سعد.انا اعرف عنك كثير.انت ما كنت كذا
كنت طالب محبوب . هادىء.و الحين انت قاعد تهدد امن الدوله بكبرها!
انا:لازم تلوم الاقدار.
الامير:لا يا سعد ....اسمع.كل شيء يتصلح. و الرب يقبل التوبه .اجل كيف احنى ما نقبلها؟
انت ما ذبحت احد.و الفلوس ممكن ترجعها.و ....و.....
انا قعدت ابلع عبراتي(دموعي)و قلت:و اعيش طول عمري هارب؟
الامير:لا؟ مين بيلاحقك؟انت راح تدخل اصلاحيه لمده محدده و تطلع منها بس.راح نأهل سلوكك.
انا اشرت على اللورد:هذا بيذبحني مثل ما ذبح اهلي...
و لاني حسيت ان السالفه مجرد الهاء لي عشان يفاجئوني من ورى صرخت و قلت:و الله لاذبحها!
اللورد:ارفعوا اسلحتكم!.
الامير:لا انتظر!
انا: بذبحهاااااااااااااااااااااا(و انا قاعد اصارخ بهذي الكلمه الامير قال:ارموا اسلحتكم ارموا اسلحتكم)ااااااااااااا!
رموا الاسلحه و ناظرت انا اللورد بحقد.بعد كذا سحبت البنت بسرعه و رحت اركض بأتجاه اللورد اللي الجنود يحيطون
فيه من كل مكان. و من سرعة ركضي كنت اشوف الجنود مثل التماثيل ما يتحركون و لا حتى امداهم يلتفتون
علي.وصلت اللورد و قلت:يااااااااااااعععععع!و غرزت السكينه في جنبه و لصق و جهي في كتفه العريض.قعد هو يقول.....آآآآآآآه....أي...اووووووه .و طاح
و تراجعت بسرعه و دخلت المبنى اسحب البنت.
البنت:اتركني الله يخليك..اهىء.
انا:لا,عشان تعرفين تغازلين مره ثانيه.
البنت:انا؟انا غازلتك؟و الله ما دريت عنك.
انا:انتي جايه تغازلين و هذا يكفي.صحيح ما تستحين.
البنت الله يخليك.
و كنا على الدرج.و قلت:خلاص خلاص انقلعي.و دفيتها مع الدرج و تدربته عليه و انحاشت.
وصلت السطح و لقيت ننتندو يقول:و الله لو بستني مره تانيه لاقطع شفايفك!
بوشي:ليش انتي زعلانه؟توني انقذت حياتك!
ننتنتدو:سعد؟الحمد لله انك جيت و الله هدا مهو مجنون.هدا وسخ!.
انا :طيب اهم شيء انه انقذ حياتك يالعنود.
ننتندو:ايوه صح.انا ماشيه توصي بشيء؟
بوشي:وين؟
ننتندو:أتأخرت على البيت(و هو كان ناوي يشيل العبايه)
ناظرني ننتندو و غمز .بوشي شافه و يوم راح انقهر بوشي...(سكح)انا:ااااااو...وشوله تطقني؟
بوشي:مزاج عندك مانع؟
انا ناظرته شكله بيضارب...افااااا لا يصير يحسبني انافسه على العنود!الله يلعنك يا ننتندو انت و غمزاتك.
قلت انا:لا لا ابد خذ راحتك.
جاء ننتندو بدون عبايه و قلت انا:عن اذنك بوشي كلمة قفى مع هالتعبان.و اخذت ننتندو بعيد و شديته مع اذنه و قلت:شف يا ملعون مره
ثانيه تغمز و الله افقع عينك.
ننتندو:هههههه.ايش سوا لك؟
انا: ضربني
ابعد ننتندو شوي و هو يضحك و غمز لي مره ثانيه يبي بوشي يضربني.لكن بوشي ما اهتم.الخبل نسى ان
بوشي يحبه اذا ما شاف وجهه كامل.بعد كذا تسللنا مع فتحات التهويه و وصلنا الارض و هربنا...
و جلسنا ندور في العليا.و معنا الفلوس طبعا.فجئه لقينا احمد كيوب في الجمس يدور و يغازل لبنانيات العليا.وقفناه وقلت انا:احمد!الحمد لله لقيناك!بس وين الدر؟
احمد:اي اجا ابل(ابل=قبل) نصف ساعه و سألتو عنكون و قال لي:انكن تركتوا العصابا.انا ما سدقتووو
و رفضت اوصلوا للبيت.
انا:بعدي و الله. طيب واريو وينه؟
احمد:واريو شفت الدر ماسكو و واريو عمال يصرخ و يضرب الدر.وهرب منوا بالنهايا.
انا:و انت وش كنت تسوي طول و الوقت؟
احمد:كنت انتظركم.
انا و ننتندو:و النعم و الله في اهل الاردن ...انا قلت:كلهم.و ننتندو قال:كوللاهم.
انا:طيب نروح الاستراحه يمكن نلقى واريو ناخذه معنا و نروح شقتي.
مشينا للاستراحه و فعلا لقينا واريو.و رحنا الشقه و حنا انواع السواليف و الحش في الدر.وصلناها بالليل.لانها بعيده في حي المنار.اول ما دخلنا قال بوشي:هيه هيه حلليبي السرير!(حليبي يعني السرير محجوز لي بس باللهجه النجديه المقفره حق البزران اول)
انا:اوكي حبيبي نام على السرير.بس ناكل اول.و تدرون؟احمد طلع كريم و عشانا من بيتزا هت
.و يوم جينا ننام.
ننتندو:بوشي يا حمار ادخل الحمام اول لا تتبول على سرير الولد!
بوشي:لا لا لا.مابي مابي مابي.
انا:ننتندو حرام تستقوي عليه. الا بوشي حبيبي ادخل الحمام عشان انا بعد ابي اغير ملابسي.
بوشي :طيب.و راح الحمام.
ننتندو:الا سعد ما قلت لي عندك سراويل داخليه نظيفه؟
انا:الا عندي واحد بس محجوز.
ننتندو :تكفىاديني هو.
انا: ليش ؟تبولت على روحك اليوم؟
ننتندو:آآ لا.
انا:لا عادي ترى انا بعد تبولت يوم يجي النذل اللورد.
ننتندو: يعني ما عندك؟
انا :عندي واحد زايد بس تراه قطن تبيه؟
ننتندو:ايوه.
بعد كذا سمعنا بوشي بالحمام:رشششششششش(يلعب بالرشاش حق الماء) هيه هيه مطر مطر.
انا فتحت الباب حق الحمام و غمضت و قلت:وجع انشاء الله .البس سروالك واترك الماء.
دخل بوشي ينام و قفل عليه ننتندو الباب و فرشنا 4 فرش لنا على الارض.الدب .احمد قعد يسولف شوي.
احمد:ننتندو.احكي لي عن محاسن ؟
ننتنندو:سعد انت ما خليت احد ما قلت له؟
انا :لا عادي هو يحب عبده مثلك.
ننتندو: لا؟
احمد:ايواااا.
ننتندو وريني صورتها.و جلسوا يسولفون عن تجاربهم

,و انا رحت الى واريو و قلت:واريو ما اشتقت الى
امك؟و اريو قال:الا.اليوم مريتها قبل الاستراحه.
انا ما تبي ترجع لها؟.
واريو :الا برجع عشان اخذ الادفانس و اجي.
انا:وش عندك اشرطه؟.
واريو:بكرى اقول لك.يلله بنام انا تصبح على خير.
كلنا انسدحنا و الظاهر اني انا الوحيد اللي ما جاه النوم.او كذا كنت اظن.
الساعه 2 قام ننتندو من محله و ناظرني يظنني نايم.و راح الى التيليفون و جلست انا على الفراش
اتصل على رقم (و سماعة تيلفوني قويه و كنت اقدر اسمع اللي يكلمه ننتندو)
اتصل و قال السلام عليكم.
صوت حرمه وقور رد عليه:و عليكم السلام...مين؟ننتندو حبيبي.
ننتندو:اهلا امي.
ام ننتندو:قلقتني عليك يا ولدي.فينك؟ليش ما ترجع؟
ننتندو انشاء الله قريب يا امي.بس حاجه بسيطه اسويها و ارجع.
ام ننتندو:الله يوفقك يا ولدي.
ننتندو:........
ام ننتندو:كيفك يا ولدي؟و مين يطبخ لك الاكل؟
ننتندو:انا بخير يا امي...امي كيف ابويا؟
انا هنا ما قدرت اقاوم و نزلت من عيني عبره(دمعه)
ام ننتندو:ابوك بخير يا ولدي و هو ماهو زعلان عليك.انتا ارجع بس.
ننتندو:طيب كيف اولاد اختي؟
ام ننتندو:الحمد لله يا ولدي بخير و عافيه.
ننتندو:امي...قولي لهم اني احبهم كتير.
ام ننتندو:انشاء الله يا ولدي.
ننتندو:امي.انا ما راح اضربهم ابدا مرة تانيه.
ام ننتندو:الله يجزاك خير يا ولدي.و يرزقك الرفقه الصالحه.
ننتندو:يلله امي.روحي نامي دحين..تصبحي على خير.
ام ننتندو مع السلامه يا ولدي ارجع اشتقت لك.
ننتندو:مع السلامه يا امي.
وقتها كنت انا غطيت وجهي بالفراش و كنت ابكي بدون صوت.ننتندو لاحظ حركه غريبه و قال.سعد فين
المويه؟.طلعت انا يدي من الغطا و اشرت للمطبخ بدون ما اناظر.و الظاهر كان بيتاكد اذا كنت نايم او لا؟
و بعدها شكله بغى يواسيني.
وقال ننتندو:الله يجزاك خير يا سعد...و الله يرزقنا و اياك الرضا و العافيه.اخوي سعد....

**nintendo** · 13-01-2002, 03:51 PM

ههههههههههههههههه

والله طلعت رومانسي ياسعد

اقول بس ماحصلت غير بوشي يبوسني!!!!!!! يارجال كل ما ادخل الفكرو فمخي احس بشعريريرة (( قشعريرة )) واقول ايش دخل الامير في الموضوع ؟؟؟؟؟؟؟ كنت تحبكها شوي وتقول سوبر مان جا وانقذني واعطاك سوبر بوسة شفط مخك فيها .....

بس صراحة بوشي شجاع جدا ويستحق يكون البطل في النهاية (( على الاقل احسن من البطل الثاني الي قاعد يبكي تحت الفراش ))

وكمان يا ذا الدر والله مالك داعي تبلغ علينا ?: كيف اتفقنا في البداية وجبتلنا السيارة اوقل نبي نسمع ردك على الموضوع

اقول سعد الحكاية كذا انتهت ولا بتكملها ؟؟؟؟؟

**بوشي** · 13-01-2002, 03:58 PM

اللورد

السلام عليكم .............
اول شيء اسمحلي يا سعد لأني تاخرت في الرد ضروف صعبه امر فيها في هذا الوقت ، و اعرف انك زعلت لأني تاخر بس والله مشغول و انا ما قطعتكم بدون سبب انا عندي ظرفي وصدقني بستمر معاكم ..........

وين الي يبي يتناقش ، ولا خلااااااص مليت من الموضوع !!!!
المهم خلاص لاترد على الموضوع بالعربي تقدر تقول طفى حماسنا ...

واريو: انا اسف اخوي فهمتك غلط. انا اسف سامحني.

يالله يكسر الخاطر

، تصدق عاد هذي الكلمة ذكرتني بأيام الطفولة غريب إلى الآن تستخدم هذي الكلمات

بس تبي الصراحة ياواريو لوكنت مكانك كان تدلعت عليه شوي

(( أمزح معكم ))

لكن اللورد الله يحسبي عليه ما يخلي احد.

الآن أبصم بالعشرة بأن كاتب الحوار هندي

المهم ندخل في الجد .....

القصة ياسعد ممتازة بشكلاً عام ، لكن هذا الجزء أقلهم جودة لسبب ....

في السابق كانت الأحداث أكثر والمواقف كثيرة لكن هنا راح أكثرها في أشياء كان بأمكانك تختصرها ...

ومع أنك أبدعت في ثلاث أرباعه إلا الربع الأخير .....

وسلامتك ...

**ganon0** · 13-01-2002, 06:43 PM

ننتندو:هاهههههههههههههههه اسكت بس لا يجي اكثر من البوسه

و الله شكله الدر عطانا اشكل.
و القصه انشاء الله لها تكمله لكن اذا مليتوا عاااااادي جدا قولوا لي و راح اوقف بسعة صدر.صحيح و الله ما ابغى اثقل على احد

.
بس صراحة بوشي شجاع جدا ويستحق يكون البطل في النهاية (( على الاقل احسن من البطل الثاني الي قاعد يبكي تحت الفراش ))
هاههههههههههههههه الله يقطع سواليفك و الله انك فطستني من الضحك .بس متى نسمع من قصه؟

بوشي:مشكور يا بوشي على الملاحظه

تدري؟و الله اني فرحت فيها بشكل ما تتصوره.لكن اتمنى انها تكون اوضح شوي.يعني وش اللي ما اعجبك بالضبط بالجزء الاخير؟انا ادري ان الموقف الاول طول بزياده لكن هذا اللي قدرت عليه

و تدري؟الحمد لله ان الثلاث ارباع سلموا

لاني لو كنت ما ظبطتهم يكون هذا الجزء فاشل مره اكثر مما هو فاشل الان.و ما ادري ليش انا كنت حاس انه بيطلع اسواء الاجزاء

بس هاه ابي ادري وش اللي ما اعجبك بالضبط انت و الباقين عشان انتبه له.يمكن لانه يرتكز على حدث واحد؟.و انشاء الله الاجزاء الجايه بتعجبكم اكثر بكثيييير.ما اقول الا الله يعين.

وش رايكم؟تبون جزء جديد اليوم و الا بكرى؟

**wario2002** · 14-01-2002, 10:29 AM

لا يابوشي فكنا من الدلع ترى ماطيقه..........

والله قصه حلوه وهذا احسن جزء من الأجزاء الي قبل.....

اجل عندي أدفانس....... ياولد مع انه مب عندي بس قصه...... ويقولون حلو الأدفانس.........

شكرا على الجزء الرهيب وننتنظر اجزاء جديده...........( والله اني ارحمك طول الليل تفكر بذا القصص)
وشكرا...
مع أجمل تحياتي

":" صديقكمwario2002 ":"

**kyo2** · 14-01-2002, 10:48 AM

مشكووووووووووووووووووووووور بقوة على القصة وما قصرت

أخ سعد أنا متحمممممممممممس جداً على الي جاي لا توقف ترى سواليفك جداً جميلة(بس كثر من الغمزات

)

بصراحة أحسن نكتة حقت الحمام(هي هي مطر:": )

وأرجو انك تجيب زي هذه

تحياتي:KYO2":"

**بوشي** · 14-01-2002, 11:08 AM

وش رايكم؟تبون جزء جديد اليوم و الا بكرى؟

والله براحتك متى مابغيت تكتبها أكتبها ، مع أني أفضلها الآن ...

**ganon0** · 14-01-2002, 11:22 AM

واريو:مشكوووور يا واريو على الرد اللي كله احساس(عشانه اعجبه الجزء هذا

)لا و الله صحيح الله يسلمك و تدري؟الحمد لله ان الجزء هذا اعجبكم
لانه عند بوشي و اعتقد عندي انا بعد او اجزم(الا بدايته عند المملكه لان بوشي يوافقني بعد)يعتبر ابيخ جزء.بس الحمد لله ان الناس اذواق و انه اعجبكم و الحين بدى يوم اعجبكم يملى عيني انا

.و يا و اله كلك احساس الوحيد اللي حس بمعاناتي.و اليوم من المجهودات في الاجزاء اللي راحت راسي ما ادري وش فيه فيوزه ضاربه و الا مخبط و الا يبي له توضيب يا اخي صاكني صكه بنت كلب مستلعن اليوم.

kyo2 :مشكور حبيبي و الحمد لله ان القصه اعجبتك و الحمد لله بعد انه فيه غير اللي ردوا من قبل قاعد يقرى و عاطيني و جه

يلله فيكم البركه و الله

و ابشر بالغمزات اللي يحبها قلبك

بوشي:و الله ما ادري و انا اخوك

الراس اليوم مهوب طبيعي شكله لا امس(طبعا امس مات كتبت شيء شفت الدلاخه؟)و لا اليوم.بس بحاول اليوم.

الموضوع: اعضاء في مهام رسميه:بداية التعارف.

أدوات الموضوع

ضوابط المشاركة