ايييييييييه يابوراشد رجعتنا للماضي <- ايـّـام الغوص ( معليش خارج النص )
في البدايه احب اهنيك بالعيد وكل عام وانت بخير
واشكرك على موضوعك المميز وفكره طيـّـبه منك ( عفارم عليك )
ندش بالموضوع على طول ..
الحقيقه انا كنت شخص رياضي من صغري ومن اهم الرياضات اللي مارستها وابدعت فيها هي كرة القدم والسباحه
وكنت جيـّـد جداً في رياضة السباحه وحصلت على المركز الثالث على منطقتنا ( للصغار ) <- يعني في مرحلة المتوسطه .. وايضاً حصلت على ميداليه
واستمريت فيها فتره بعدين قطعتها .. وكرّشنا واخترب الجسم هههه
ولي اخ , وولد عم , وولد عمـّـه ( هم كانو من عشـّـاق رياضة كمال الاجسام ولهم فتره طويله يمارسونها ) وخصوصاً ولد عمتي ماشاء الله عليه له 13 سنه من ممارسته لهذي الرياضه يعني بصراحه ماشاء الله عليه وحش
ولعل من ابرز الاسباب اللي خلتني التحق بهذي الرياضه هي تأثير اخوي واقاربي لي بحيث انهم دايم يلحـّـون علي بالإلتحاق بهذي الرياضه
وبعد ما اكتملت سنّ 18 سنه التحقت بهذي الرياضه بشكل حماسي خصوصا ان عندي اخوي وابن عمي وعمتي معاي ويعلموني بخبرتهم وكانو معاي ويعلموني كل شي خطوه بخطوه
واصبحت من عشـّـاق هذي الرياضه الآن ولله الحمد والآن كمــّـلت خمس سنوات في هذي الرياضه ولكن للأسف فقط السنه الأولى اللي كان فيها اخوي واقاربي معي وبعدين كلهم سبحان الله كل واحد جاه نصيبه من تعيين او نقل او توظيف وكل واحد صار بديره وبقيت لوحدي
والحمد لله بالحماس والصبر صار جسمي افضل من اخوي وولد عمـّـي الآن
ولكن ولد عمـّـتي والله لو ابطي ما اوصل مواصيله ماشاء الله عليه وحش ولكن الصبر مفتاح الفرج .. ويا أنا يا الحديد
يعطيك العافيه ع الموضوع واعذروني ع الإطاله