ياليت تعطوني تمارين لصقل عضلات منطقة الافخاذ والارداف وتكبيرهم

[ro00o7]

اهلين .... بما انك بنت صعبة اقولك التمارين اللي تنفخ الفخذ والارداف عضل لانها للرجال بس لوول المهم مافي شي يكبر الا اذا تبين عضل تلعبين حديد ارجل وخاصة السكوات اذا تعرفينه هو اللي يكبر كل شي الافخاذ والارداف اما اذا تبين شد فانصحك بالسباحة يوميا ع الاقل 5 مرات اسبوعيا اذا تبين نتيجة لان السباحة تشد الجسم (وتصقل على قولتك هههه ) .. على فكرة انا اعاني زيك بس مو كثير الترهل الحديد والمشي السريع والاوبتيكال والدراجة فادوني كثيييير .... اتمنى لك التوفيق وجسم رشيق

يعطيك العافية

بس استفسار السكوات جهاز تمارين او تمرين بالاسم هذا (:

شاكره لك وجزيت خير

[ro00o7]

أختي الكريمة بما أنج ماتبين تمارين رجوليه كما وصفتيها

مع انج تقدرين تتمرنيها ولكن بأخف الأوزان مع الثبات على نفس الوزن وأنصحج بالسويدي يوميا او يوم وترك
وحاولي تستخدمين اوزان خفيفه بالسويدي دنابل 2 ونص كيلو السويدي ييشد الجسم لكن وقفي الرجيم
واهتمي بالأكل الصحي في فرق بين أكل صحي ودايت
اليوم اللي تتمرنين فيه قبل التمرين افتحي ببالأكل بشرط يكون صحي وأهم شي البروتين

اذا كنتي مشتركه بنادي يوميا او اليوم اللي تتمرنين فيه اول شي نصف ساعه مشي قبل السويدي وبعد السويدي
اوربتراك لايقل عن 20 دقيقة

تحياتي لج

يعطيك العافية ما قصرت والله

تحيتي لك

[ro00o7]

بالنسبة للنظام الغذائي اللي كتبته يعتبر ممتاز



وبالنسبة للتمارين الافضل انج تشتركين في النادي حتى توصلين لجسم اللي انتي تبينه في فترة قصيرة

مثلا السباحة و رفع الاوزان الخفيفة والكارديو(المشي و السكيل ووو) بيكون كافي وان شاء الله توصلين لهدفج

بس الاهم ركزي على الدايت وفي مواضيع عنها في قسم المميز

بالتوفيق

زين الاثقال مو تعمل عضلات في الايدي زي اللي بالصورة تبعك
كذا انا مابي ( :
بس ابي شيء يشد الجسم لانو بعد الوزن اللي فقدته شوي مو مشدود زي ما ابي

شاكره لك تعاونك والله يجزاك خير

[scaryface]

زين الاثقال مو تعمل عضلات في الايدي زي اللي بالصورة تبعك
كذا انا مابي ( :
بس ابي شيء يشد الجسم لانو بعد الوزن اللي فقدته شوي مو مشدود زي ما ابي

شاكره لك تعاونك والله يجزاك خير

لا تخافين يا اختي الاوزان الخفيفة ما بتسوي مشاكل بجسمج ووزنها خفيف جدا بالعكس هي جيدة لشد الجسم وتقوية المفاصل وتنسيق الجسم

وثاني شي جسم الحرمة مختلف عن الرجل والعضلة ما تكبر مثل الرجال

ومثل ما قتلج سباحة ولياقة و اوزان خفيفة وان شاء الله توصلين لهدفج

بالتوفيق

[ro00o7]

لا تخافين يا اختي الاوزان الخفيفة ما بتسوي مشاكل بجسمج ووزنها خفيف جدا بالعكس هي جيدة لشد الجسم وتقوية المفاصل وتنسيق الجسم

وثاني شي جسم الحرمة مختلف عن الرجل والعضلة ما تكبر مثل الرجال

ومثل ما قتلج سباحة ولياقة و اوزان خفيفة وان شاء الله توصلين لهدفج

بالتوفيق

يسعدلي ايامك يارب

ان شاء الله من اليوم ابتدي

[Azo0oz88]

اختي بالنسبة للاسكوات هو تمرين وله اجهزة وبار بس خاصة للرجال اتوقع بس تقدرين تلعبين بالدانبل واوزان خفيفة او متوسطة للشد وراح تلاحظين تغير ان شاء الله .. الطريقة وانتي واقفة تثنين رجولك وتصير الركبة زاوية 90 درجة او تنزلين اكثر ويكون ظهرك مستقيم ووجهك للامام وتكونين ماسكة فوق كتفك بار او دانبل اللي يريحك بس حاولي تبحثين في اليوتيوب عشان تطبقينها صح وفيه تمارين لياقة وشد خاصة للنساء كثييير .. وبالتوفيييييييق

[fergie]

أنا بنت وأتمرن بالبار .. أتمرن سكوات وديدلفت وغيرها وغيرها بس أهم شيء أوزان مناسبة ترا .. وبعد أتمرن بالدنبلز

وبصراحة عندي نفس مشكلتج .. ترهل خفيف بالأفخاذ وهالتمارين جابت نتيجة ولا تخافين من الضخامة .. آنا شفت وحدة من أبطال الأولمبيات وتتمرن سكوات بالبار ووزن كبير جدا .. طبعا لأنها بطلة .. لكن جسمها وأفخاذها مو مبين إنها تشيل أوزان بصراحة وعضلات رجلها حلوة ومو ناشفة مثل ما تتخيلين .. بالعكس كأنها بنت عادية

آنا مو فاهمة ليش البنات يخافون من تمارين الأوزان .. نحن تركيبة جسمنا غير وطبيعي إنها تكون فيها دهون تغطي العضلات ولو بنسبة قليلة (مثل النحيفات)

إنتي تشوفين هالممثلات والعارضات أجسامهم تفكريهم جذي من الهواء صاروا رشيقين ومش ضخمين .. لا طبعا .. تمارين الأوزان عامل أساسي لجسم متناسق للحرمة والريال

ومسالة تنشيف الدهون للحرمة لدرجة إن عضلات تبرز جدا تراها مو هينة وتحتاج مكملات وحوارق وتغذية خاصة .. أما وحدة خايفة تلعب سكوات عشان خايفة العضلات تبرز تفكيرها عن اللياقة والفتنس غلط

والسموحة على الإطالة .. بس هذي الحقيقة