السكس باك اثناء التضخيم

[oO LoOodDy Oo]

هلا اخ لودي
بالنسبة لتمارين التراي انا العب:
بار متعرج نائم 12/10/8
كيبل لاسفل 12/10/8
دنبل خلف الرقبة 12/10/8
بار واقف خلفي 12/10/8
بوش اب خلفي على البنش 10/10/10

معذوره ما تقوى العضلة ببطئ

أول شي: خمس تمارين كثيرة على التراي خليها ثلاث أو أربع تمارين فقط
ثاني شي: العدات 10/8/6 فقط لا تزيد وإن نقصت من كل عدة واحدة يعني 9/7/5 مافي مانع علشان الوزن الثقيل
ثالث شي: نوع في التمارين لا تقعد على تمرين واحد
رابع شي: انت ما بينت لي كيبل لأسفل ضيق ولا واسع وأيضا البار واقف والبار المتعرج لأنه يفرق


والله يوفقك.. لوودي

[عم دعبس]

معقولة اخوي بس 3 تمارين؟؟
المسكة ضيقة و البار انوع فيه
.. ما عليك امر ممكن تقول الفرق بين البار المتعرج و البار المستوي لاني بحث و سألت كثير و ما لقيت الجواب
ادري اني ثقلت عليك شوي

[oO LoOodDy Oo]

إيه نعم ثلاث تمارين بس... وهذا أنا الي ماشي عليه طوال مدة لعبي بالحديد وازيدك من الشعر بيت.. تصدق كلها ألعبها ثلاث جلسات.... وليش تستغرب؟؟
ولله الحمد أشيل أوزان ماهو كلام في نفسي أتحداك تتوقعها.. كلها بفضل ربي وأنا مالي لا حول ولا قوة... لكن الحديد ماهو بزيادة التمارين الحديد يبغالها فهم في نمو العضلة وحركتها..
فيه ناس فعلا يمشي معاهم أربع تمارين وفيه ناس ثلاث تمارين على حسب قوة وتحمل العضلة وأشياء أخرى تفصيلية في الشرائح ما نبي ندخل فيها؟؟؟

فأنت من وجهة نظري خلك لمدة شهر على ثلاث تمارين أول تمرين خله أربع جلسات التمارين الباقية خليها على ثلاث جلسات أوكي

والعدات أهم شي ركز عليها مثل ماذكرت لك في الرد السابق.. وكيف تجيبها يعني لو حددت لك العدة رقم 6 يعني تحط وزن أكثر شي تجيبه ست عدات وما تقدر تجيب فوق حلو

الشي الثاني التنووويع أوكي لا تنسى يعني إذا لعبت تمرين مثلا كيبل المثلث زي ما نسميه في الصالة خلاص أنساه خليه بعد أسبوعين أوثلاث أسابيع حط مكانه تمرين آخر

الشي الثالث إذا لعبت ضيق التمرين الثاني أو الثالث لا تلعبه ضيق غير إلعبه واسع والتمرين الي بعده غير البعه مستوي التباعد
أوكي أمش على هذي القواعد وبإذن الله راح تتحسن وبشكل ملحوظ

وبالنسبة للأسئلة حاظرين أخوي ما عندك مانع اسئل الي تبي؟؟
راح أجاوب على سؤالك باختصار علشان لايدوخ راسك

بالنسبة للمتعرج إذا كان واسع تشتغل العضلة الرأس الطويل الي جهة الظهر ووالضيق الرأس الخارجي الي جهة الثانية
العضلة الثالثة تشتغل إذا كنت تلعب وأنت نايم
أو تكون الذراعين وأنت واقف ماوزيه للأرض

على العموم الثلاث كلها بتشتغل في نفس الوقت لكن تتخلف في التركيز بينهم


والله يوفقك.. ادع لي ولوالدي...

لوودي

[عم دعبس]

ما شاء الله عليك اخ لودي موسوعة متنقلة في عالم كمال الاجسام
بس الصراحة لخبطتني شوي
على العموم .. الله يوفقك و اسأل الله العظيم ان ينعم عليك و على والديك بموفور الصحة و العافية

[oO LoOodDy Oo]

ما شاء الله عليك اخ لودي موسوعة متنقلة في عالم كمال الاجسام
بس الصراحة لخبطتني شوي
على العموم .. الله يوفقك و اسأل الله العظيم ان ينعم عليك و على والديك بموفور الصحة و العافية

آمين وياك الله يجزاك خير

يسلموو على كلامك .. لكن كله بفضل ربي ولله الحمد مالي لاحول ولا قوة

بالنسبة للخبطة .. هذا وأنا ما فصلت لك زيادة...

فعشان كذا خلك من كلمة الرأس الطويل والخارجي وغيره

خلك على القواعد الي قلت لك إياها لمدة شهر وشف نفسك بإذن الله راح تتحسن

وعطني خبر... والله يوفقك.. لوودي

[موعود2020]

خلاص بالنسبه لعضلات البطن زد في التكرارات وركز عليها شوي مع دايت كويس ان شاء الله تشوف نتايج وفي في المواضيع المميزه موضوع لواحد من الاخوان على السكس باكس) بس يا اخي ركز معاي في كلا الحالتين لا تدربها كل يوم لا لا لا لا ضروري ترتاح العضله لذلك العبها يوم بعد يوم واشتغل على العقله كويسه) وبالنسبه للباي والتراي اكيد تقدر تركز عليهم تخليهم يومين بالاسبوع مثلا وزي ماقتلك ماراح تحصل على باي كبيره الابكر التراي وحاول تستخدم الدروب ست وتنوع بالتمارين

تحياتي للاخوة الكباتن وبعد اذن صاحب الموضوع
ودي لو احد يشرح لي وش هي الدروب ست لو تكرمتوا

[corona]

افتح موضوع جديد خاص بيك وباذن الله نفيدك ونشرحلك الدروب ست وكمان السوبر ست

[silver822]

مشكور على المتابعة اخوي لووودي
انا عارف ان الاوزان تختلف بين العضلاتبس انا اقصد التمارين المتشابهة بين الباي و التراي (مثلا تمرين الكيبل السحب لاعلى للباي و لاسفل للتراي)الباي اقدر ارفع 150 باوند و التراي 120و حتى تمرين البار للباي.. ارفع 45 كيلو و لكن تمرين التراي نائم او واقف ما اقدر ارفع اكثر من 35

اخي كلامك صحيح في تمارين الباي الواحد يشيل اوزان اكثر من التراي والسبب برأيي انه في تمارين الباي هناك عضلات اخرى تساعد على شيل الوزن خصوصا الساعد وايضا الرجلين والظهر تساعد في رفع الوزن عكس التراي الي يكون تركيز الوزن عليه بشكل اكبر