سجد قلبي على رمل الضلوع وهزه التنهيد
وأنا في جوفي خيام الندم والخوف منصوبه
يارب إفهق هلاكي والمنايا والدروب بعيد
ما دام المودماني للتراب تقوده دروبـــه
يا غياث الضوامي والثمام وجرهدي البيـد
أعذني من جهنم والحشر والموت وكروبـه
أنا مانيب لا مشرك ولا فاسق ولا عربيـد
أنا اللي لا عصى..واخطأ ..تجهم..وأقلقه ثوبه
وأنا اللي يرتجف مثل ارتجاف الخايف الرعديد
ليا شاف القبور الضيقات وحس بذنوبـــه
أنا عبدك ولد عبدك وجداني هل التوحيـد
خطاياي اخجلتني يا الله الغفران والتوبــه
أنا الانسان حمّال النقايض والكمد والكيـد
غريق الطين واللذات من راسه لعرقوبــه
أنا عبدك ياربي وانت ما تشا وتريـــد
سألتك يالله العفو العظيم .. وهين دروبــه
للشاعر نايف صقر
