مــانجــا ( نــاروتو و المــلاك الأبيض )

[TheDark Emperor]

السلام عليكم و رحمة الله و بركاته ....

كيف الحال أخوي ملك ^_^ إن شاء الله بخير و بصحة جيدة ؟؟؟

من زمان كنت أبى أعلق على رسماتك أو بالأحرى على قصتك !!! بس ما كنت أقدر !!!!


القصة اللي سويتها صراحة أذهلتني !!! قهرتني واااااااايد >_<

إنت من وين طلعت ؟؟؟؟

من الإمارات و عمره تقريبا 20 !!!! و يرسم تشي خبرة !!! كيف ما عرفتك قبل يومي هذا ؟؟؟ يمكن كنت برسم وياك أو بتحمس أكثر :d

صدق ما عارف من وين طلعت !!! بس أهنئك إنت نجحت أكثر مني بوايد أنا دايما كنت أتمنى أسو لي قصة خاصة بس Official يعني مب شخابيط و ما قدرت و تركت الرسم قبل ما أسوه و للأسف الشديد !!! بس إنت ما شاء الله عليك

سويتها ^_~

و أنا أشهد إنك خبير و خطير في الرسم !!!!! و قرأت القصة من أول صفحة لين آخر صفحة و عيبتني وايد!!!!!

خاصة دخلت شخصيات ون بيس ضمنهم

بس تعال إنت ليش ما اتسو قصص رسمية و اتبيعها في المكتبات !!! صدقني بخبراتك تقدر اتسو هالشيء !!!

و ما شاء الله عليك ترسم كل الشخصيات بشكل صحيح من دون أخطاء و خبرة في الحركة ^_~

بس تعرف نحن كأعضاء انحب الأنيمي عيبنا قصتك و عيبتنا وجود شخصيات نعرفها من الأنيمي بس هالشيء ما بينفعك وايد ...

لازم تبدأ اتسو شيء Original حق نفسك !!! يعني كل شيء بيكون خاص لك ما بيقولون شخصيات ناروتو ولا شخصيات ون بيس !!!!

ألف قصة يديدة ما اتكون أقل عن أي أنيمي !!!!و ارسم القصة و انشره في الدولة !!!!

بس ها أنصحك ترسم شخصيات كبارية علشان اتحمسنا و خله شوي Phantasy !!!!

و إلى الأمام أخي العزيز ^____^

و السلام عليكم و رحمة الله و بركاته ...

[الملاك الأبيض]

السلام عليكم ورحمة الله وبركاته
طبعا الردود السابقة انمسحت وشكلها الرسمات بعد -_-
المهم بس حبيت أسألكم وآخذ رايكم
شباب أنا قريب ببدي في مانجا خاص فيني القصة الشخصيات كل شي
فشو تنصحوني أبدي أرسمها ولا أكمل مانجا ملاك وناروتو ؟

[Super Shadow]

صحيح أن بعض الردود انمسحت و يمكن بعض الصفحات من المانجا أيضا

بس مب مشكلة نحنا خزناها على أجهزتنا

بخصوص سؤالك أنا أشوف أنك تكمل مانجا ناروتو و الملاك لأن في كثيرين متحمسين للتكملة

في الآخر القرار يرجع لك

[DMC]

السلام عليكم ورحمة الله وبركاته
طبعا الردود السابقة انمسحت وشكلها الرسمات بعد -_-
المهم بس حبيت أسألكم وآخذ رايكم
شباب أنا قريب ببدي في مانجا خاص فيني القصة الشخصيات كل شي
فشو تنصحوني أبدي أرسمها ولا أكمل مانجا ملاك وناروتو ؟

عليكم السلام ورحمة الله وبركاته
بخصوص تكمل المانجا ملاك وناروتو انا من يوافقون انك تكملة صراحة كانت القصة والصور رائعة ^_^
بس مع هذا بعد اوافق على ان يكون لك كيان خاص لك
مادري صراحة بين لاثنين اريد اشوف المانجا
النهاية

[Super Shadow]

بخصوص الصفحات الي انمسحت

أنا بحطهم عشان الي ما قرى التكملة قبل يقراها ، و عشان أريح الأخ الملاك

ستجدونها بالمرفقات

[الملاك الأبيض]

السلام عليكم

شكرا Super Shadow و DMC أتوقع إني بكمل المانجا ^_^ خلاص ومشكور شادو بعد عسب الصفحات
و دي ام سي يمكن أبدي أحط صور شخصيات المانجا وتعريفها العمر ... الاسم ... فصيلة الدم .. إلخ شو رايكم ؟

[DMC]

و دي ام سي يمكن أبدي أحط صور شخصيات المانجا وتعريفها العمر ... الاسم ... فصيلة الدم .. إلخ شو رايكم ؟

صراحة يفضل تكمل هذا ولما تخلص منه
لما تسوي المانجا اليديدة تحط تعريفة العمر ولاسم والفصيلة ^_^
هذا رأي
النهاية

[سانوسوكى]

السلام عليكم
هلا ملاك
التكملة حلوة كالعادة
و منتظرين الباقى
حاول خلصها بسرعة علشان تبدا فى المانجا الجديد
بالتوفيق

[88_Shadow]

المهم بس حبيت أسألكم وآخذ رايكم
شباب أنا قريب ببدي في مانجا خاص فيني القصة الشخصيات كل شي
فشو تنصحوني أبدي أرسمها ولا أكمل مانجا ملاك وناروتو ؟

انا اعتقد انك عطيت المانجا حقها بس حط نهايه لها " ويسدل ستار مانجا ناروتو والملاك الابيض" احس انه الاعضاء بهجمو علي لوووووول مجرد اقتراح ..
و ابدا بالمانجا الشخصيه لاني انتظرها @@
و حاجزة اول نسخه منها :
ممم بنجوف استايلك اليديد
و ممكن تبدي بالمانجا اليديده و توقف الجديمه شويه و تكملها بعد فترة بعد مجرد اقتراح
المهم انك تبدي بالمانجا اليديده
انا اعتقد انك مليت من هذه المانجا 60 صفحه و الصفحه 6 مشاهد تقريبا بصراحه انجااااااااااز

بالتوفيق و الى الامام

[الملاك الأبيض]

السلام عليكم ورحمة الله وبركاته


أخواني الأعضاء .. أنا قررت إنه يكون هذا أو الجابتر الياي آخر عهد لي مع هذه المانجا
أو يمكن أكملها بعد فترة لأن أصلا قصة ناروتو وايد طويلة
حبيت اني أبتدي بفكرتي الخاص ... عمل خاص بي ^_^ أدري انكم بتكسرون راسي لوووول
بس أبغي أبدأ فيها يمكن تعجبكم أكثر ( ان شاء الله )

DMC
والله يمكن أكمل هذي بعدين ^_^
مشكووور أخوي العزيز

سانوسوكى
أهلا أهلا ^_^ وعليكم السلام
شكرا جزيلا ... ان شاء الله ببتدي قريبا في مانجتي

88_Shadow
أختي القديرة ^_^ شكرا على اقتراحاتج وكلها عجيبة
مثل ما قلتي بوقف هذي لفترة وبرجع لها بعدين ^_^
هاهاها استايلي اليديد ^_^
خلاص ولا يهمج أول نسخة لج لووول ^_^


هذي التكملة وان شاء الله تعالى تنال إعجابكم
وطبعا في اختراع حلو اسمه الردود لووول ^_^
المهم أخليكم مع الجابتر اليديد