ياتاج راسي ولله صادق انا عارف انا قصدت اني جربت خلطات لكن هذي لا وغالبا كنت استخدم شاي اخضر وليمون لكن مافادني وانا قاري عن هل خلطه انها فعلا تفيد واسمع ناس تجربها وتمدحها
حتى بالمنتديات مكتوبه ويمدحوون فيها لكن انا من بعد عسر الهضم مع الجاي الاخضر خلاص عافك الخاطر للخلطات وتستاهل يالحبيب اسمحلنا ماقصدت اضايقك او اسبب حساسيه بالموضوع
سبحان الله وبحمده سبحان الله العظيم
حبيبي واخوي ابو مها
والله بالعكس لا هناك مضايقه ولاشئ وانت تأمر أمر
ماعرضت نفسك على دكتور باطنيه كويس لعسر الهضم لايكون معاك قيلون لاسمح الله <<<<<<<<<معذبني القيلون
منكم نستفيد الله يطولي بعمرك
الله يخليك لعين ترجيك تسلم عزيز وغالي
بالنسبه لحالتي مادري بالقولون مافحصته بس انا فيني حموضه بالمعده واتحسس من اكل المطاعم ومعدتي شوي حساسه اتأثر واستفرغ
لكن الحل ابتعدت عن اكل المطاعم واكل بالبيت ع كثر ماخلط ماتأثر ؟ الحمد لله وغيرت اكلي ابتعدت عن المشروبات الغازيه
لكن الي فادني ولله الحمد مع اني كنت دايم اكل مسكنات للحموضه وادويه يوميا لفتره طويله ولله معاناه كانت
الي فادني بأسبوع فقط الصبح رمان مطحون ع الريج قفشه كبيره امضغها بهدوء لين تذوب مع عسل وراها ماي بعده بنص ساعه اكل
صج لي قالوا وحده بوحده
بالنسبه للقولون خفف من التوتر ادري صعبه امسك نفسك وابتعد عن الفلافل والمقالي والبيبسي ووالوجبات السريعه هذا الي اعرفه بخصوصه
والله يشفيك ويلبسك ثوب العافيه موفق
سبحان الله وبحمده سبحان الله العظيم
والله ان الكلمات تاقف عاجزة عن الثناء عليك ابو مها على اسلوبك وكلامك الحلو
ولكن ماقدر اقول لله درك ولافض فوك وغفر الله لي ولك ولجميع الاعضاء ومن نحب
من الواضح من ماتشتكي منه ان اللي معاك معدة ( ياجرثومه - او التهاب بسيط ) لأ،ك تقول الرمان نفع معاها
ذكرتني بالوالد الله يحفظه كان يشتكي بنفس الاعراض اللي معاك
وبعد ما استعمل الرمان والعسل خف كثير
وابشرك اني اول مابديت تمرين من قبل شهرين ماعاد اشتكي من القيلون إلا حاجه بسيطه
نسأل الله ان تكون ابتلاء من الله ورفعه عنده جل في علاه لك ولي ولكل مبتلى
اخوك نديم
الله يسلمك اخوان شاكر لك ع الكلام الطيب الي مثل صاحبه
سبحان الله وبحمده سبحان الله العظيم
معروف الشاي الأخضر يساعد على حرق الدهون و مفيد للصحة العامة
تحياتي لك
]
شكرا لك على الوصفه..لك سمعت من الدكتور جابر القحطاني ان الحد للزنجبيل ملعقة صغيره بعدها ممكن يسوي خفقان (طبيعا موب لكل الناس)
السلام عليكم
مرحباً بنديم الذكريات
كيف حالك عزيزي؟
أرجو أن تكون بخير
أشكرك جزيل الشُكر على هذه الوصفة الرائعة
سعيد بأنني عثرت عليها في الوقت المناسب
لدي سؤال:
ما هي كمية المقادير تحديداً
هل أضع ملعقة من كل مكوّن؟ أم أن النسبة مختلفة؟
أُكرر شُكري لك وتمنياتي لك بالتوفيق في تدريباتك يا بطل
دُمت بخير
عليكم السلام ورحمة الله وبركاتة
ابشرك الامور تسرك
الشكر لله
المقادير بسيطه ياغالي
شاي اخضر براد متوسط بدون سكر وتضيف ملعقة صغيرة قرفه مطحونه ( او اصبعين قرفه اذا كانت مو مطحونه
وانا اضيف نصف فنجان ( قهوة ) زنجبيل مطحون يمكن ان تزيد او تنقص على حسب رغبتك لأنه حار الزنجبيل
ونعناع مقدار بسيط وليمونه واحده اذا كان ماعندك مشكله ( اليمون ضفته قريب انا
هذه كل مافي الامر
والدعوة عفويه يعني مالها مقادير وطريقه بسيطه خلطه واشرب على حسب رغبتك في كل نوع
والله يوفقك
وابشرك ان الوزن ينقص حاجه بسيطه بدون رجيم بس محافظ على التمرين
يعني لو تنزل 1 كيلو في الاسبوع وانت ماتسوي رجيم
شئ طيب وبقوة
الله يوفقك
تسلم الغـالي .. وماقصرت على المعلومات المفـــيده ..
تحــياتي .
الله يعطيك العافيه ياخوي ماقصرت وماشاء الله عليك الله يعطيك الصحه والعافيه بحاول اجربها لان انا ابي انقص كيلو واحد مو قادر مدري لييييش مع اني لي ٣ اسابيع امشي ٤-٥ مرات بالاسبوع ٣ ميل واشرب شاهي اخضر ولا اكل وجبات سريعه ولا غازيات وماني قادر يمكن لان نظامي غبي الصراحه
بس عندي سؤال، متى تنشرب الخلطه ؟ بعد الاكل، قبله، بعد التمارين او قبلها ؟ بالصباح ع الريق؟ لان والله مدري انا حالياً اشرب شاهي اخضر لما اكل شي دسم
يعطيك العافيه