ذا جيت اواي .. اسخف اشرطة عام 2002 ..!!

[baggio10]

الصراحة اللعبة عجبتني مع اني ماحب غير العاب الاستراجية و الكورة.........وما اقدر اقول الا كل واحد و ذوقة..

[man_70kw]

الحمدالله ان النسخة الي عندي كوبي مو أصلي على العموم مشكور على الملاحظة ..... علشان ما أكمل اللعبة !!!!!!

[mlm]

كاسر الالعاب .. صدقت من ناحية واقعية السياره بعد الحادث وهذي ميزه بسيطه تغرق في بحر سلبيات هذا الشريط .

ثريول .. يالله عليه العوض ومنه العوض وان شاء الله معوض في شريط ثاني ( ياكثر ماقلت عوض ) .


آرون .. احترم وجهة نظرك .. وفكرة اللعبه حلوه زي ماقلت لكن اللي مهوب حلو هو تنفيذ الفكره !


التنين المائى .. تقول لو اني شاري الاصلي كان القى معاه خريطه !؟ طيب والواحد يلعب كل شوي بيوقف اللعبه ويجلس يناظر الخريطه , ليه ماخلو الخريطه في نفس اللعبه !؟ .. وبعدين السوق فيه دي في دي وبـ 20 ريال وش اللي يخليني اشتري اصلي بـ 250 ريال .. قالولك حمار والا مضيقه الفلوس علي !!؟؟

وبالنسبه لعداد الرصاص والواقعيه اللي تقول عليها .. احب اقولك وين الواقعيه في واحد يتشقق بطنه بخمسين رصاصه ويكفيه انه يحط كتفه على الجدار وتطيب جروحه !؟؟ وبعدين ليه هالواقعيه اللي تقول عنها غابت عن افضل العاب المغامرات والاكشن مثل ميتل جير وريزدنت ايفل وسايلنت هيل وتومب رايدر اللي كلهم يحطون عداد رصاص !!؟


اما القصه فالقسم الثاني منها مرتبط بالقسم الاول يعني القصه شبه معيوده مرتين .


baggio10 .. صادق كل واحد وذوقه .. ولولا اختلاف الاذواق لبارت السلع .


man_70kw .. عفوا اخوي .. وانا شخصيا والله تحسفت على الوقت اللي ضيعته على اللعبه عشان اخلصها واخرتها ارتفاع في الضغط وختمه بايخه وسخيفه .


تحياتي للجميع ..

[التنين المائى]

الرسالة الأصلية كتبت بواسطة mlm




التنين المائى .. تقول لو اني شاري الاصلي كان القى معاه خريطه !؟ طيب والواحد يلعب كل شوي بيوقف اللعبه ويجلس يناظر الخريطه , ليه ماخلو الخريطه في نفس اللعبه !؟ .. وبعدين السوق فيه دي في دي وبـ 20 ريال وش اللي يخليني اشتري اصلي بـ 250 ريال .. قالولك حمار والا مضيقه الفلوس علي !!؟؟

وبالنسبه لعداد الرصاص والواقعيه اللي تقول عليها .. احب اقولك وين الواقعيه في واحد يتشقق بطنه بخمسين رصاصه ويكفيه انه يحط كتفه على الجدار وتطيب جروحه !؟؟ وبعدين ليه هالواقعيه اللي تقول عنها غابت عن افضل العاب المغامرات والاكشن مثل ميتل جير وريزدنت ايفل وسايلنت هيل وتومب رايدر اللي كلهم يحطون عداد رصاص !!؟





تحياتي للجميع ..

يعنى انت شايفنى اشترى الاصلى ورى بعضه?: البلاى2 لازم تشتريله كوبى علشان العابه كبيرة و بعدين الخريطة خريطة لندن كلها كيف راح يخلوهالك فى اللعبة الا لو ضغطت ستارت كل شوى وهى نفس النتيجة هذى النقطة ما تتلام عليها اللعبة الان الشركة غير مسؤولة عن الكوبى


لو تلاحظ كل العاب الاكسن الى ذكرتهم بدات مبيعاتهم تنخفض مثل متل جير سبستانس سايلنت هيل2 تومب رايدر5 تعرف ليش الان مافيهم جديد

ولاحظ العاب الاكشن المشهورة الان مثل ديفل ماى كرى كلها جديد علشان كذا عجبت الناس فلو اى شركة تريد اصدار لعبة اكشن قوية لازم يكون فيها شىء جديد و مميز

وعلى فكرة اللعبة اعجبت الاوروبيين جدا حتى انها نزلت جراند ثيفت اوتو من اول اسبوع


ولو هى اسخف لعبة ايش تسمى بليد و بروسلى و دراك انجل


وشكرا

[mlm]

اخوي التنين المائي .. انا ماشفتك تشري اصلي لكن من كلامك توقعت كذا لانك تقول اشتر الاصلي علشان تحصل الخريطه !!وبالنسبه لخريطة لندن فماهم مغصوبين يحطون لندن وبعدين الشوارع 90 % منها متشابهه وكان ممكن يصغرون الخريطه ويريحونا ويرحون بالهم وانا متأكد ان خريطتهم مهما كانت كبيره مهيب صايره اكبر من خريطة فايس سيتي اللي زود على انهم حاطين خرطة المدينه كامله حاطين على الشاشه وانت تلعب خريطه صغيره تبين لك على الاقل اقرب ملف قدامك .. وهذا اللي ماسووه في ذا الشريط التعبان ..

وبالنسبه لاشرطة الاكشن .. اعتقد ان تومب رايدر فيه ناس كثير منتظرينه خصوصا وفيه تغييرات وانا متأكد انهم بيحطون عداد رصاص واذكر كلامي لانه لايمكن يغفلون شغله مهمه مثل هذي بحجة الواقعيه !!وبالنسبه لباقي الاشرطه فمااعتقد ان الاقبال عليها قل كثير وانا متأكد لو نزل جزء جديد من اي واحد منها راح يخلص من اول يوم بس بشرط يكون جزء جديد مهوب جزء مطور .

اما باقي الاشرطه اللي قلت عليها وهي بليد و بروسلى و دراك انجل
فانا شخصيا مالعبت بها لاني قبل مااشري الشريط اتأكد هو يستاهل من يشتريه والا لا واحرص اشوف الصور اللي في الخلفيه لانها تعطي الواحد فكره قويه عن الشريط .. الا هالشريط سبحان الله خذته على الكلام اللي سمعته عنه وبدون حتى مااستفسر عنه .. والنتيجه اني اكتشفت انه احد اغبى الاشرطه اللي نزلت على البلاي ستيشن 2!

تحياتي للجميع .

[التنين المائى]

الرسالة الأصلية كتبت بواسطة mlm

اخوي التنين المائي .. انا ماشفتك تشري اصلي لكن من كلامك توقعت كذا لانك تقول اشتر الاصلي علشان تحصل الخريطه !!وبالنسبه لخريطة لندن فماهم مغصوبين يحطون لندن وبعدين الشوارع 90 % منها متشابهه وكان ممكن يصغرون الخريطه ويريحونا ويرحون بالهم وانا متأكد ان خريطتهم مهما كانت كبيره مهيب صايره اكبر من خريطة فايس سيتي اللي زود على انهم حاطين خرطة المدينه كامله حاطين على الشاشه وانت تلعب خريطه صغيره تبين لك على الاقل اقرب ملف قدامك .. وهذا اللي ماسووه في ذا الشريط التعبان ..

وبالنسبه لاشرطة الاكشن .. اعتقد ان تومب رايدر فيه ناس كثير منتظرينه خصوصا وفيه تغييرات وانا متأكد انهم بيحطون عداد رصاص واذكر كلامي لانه لايمكن يغفلون شغله مهمه مثل هذي بحجة الواقعيه !!وبالنسبه لباقي الاشرطه فمااعتقد ان الاقبال عليها قل كثير وانا متأكد لو نزل جزء جديد من اي واحد منها راح يخلص من اول يوم بس بشرط يكون جزء جديد مهوب جزء مطور .

اما باقي الاشرطه اللي قلت عليها وهي بليد و بروسلى و دراك انجل
فانا شخصيا مالعبت بها لاني قبل مااشري الشريط اتأكد هو يستاهل من يشتريه والا لا واحرص اشوف الصور اللي في الخلفيه لانها تعطي الواحد فكره قويه عن الشريط .. الا هالشريط سبحان الله خذته على الكلام اللي سمعته عنه وبدون حتى مااستفسر عنه .. والنتيجه اني اكتشفت انه احد اغبى الاشرطه اللي نزلت على البلاي ستيشن 2!

تحياتي للجميع .

مافى لعبة اكبر من ذا جيت اواى على البلاى2 الانها واخدة لندن كلها 100% بكل المحلات و الاعلانات و كل شىء كل شىء


تومب رايدر الجديد الناس ينتظرونه الانه هو الى فيه التجديد و التحسين و التطوير


لو قارنت ذا جيت اواى بفيس سيتى بتكون مقارنة غريبة مثل ما انك تقارن فف بى متل جير الان لكل واحدة منها اسلوبها و طريقتها الخصة

و بعدين ذا جيت اواى سونى قالت عنها ما تتوقع انك تلقى كل شىء جاهزلك وما عليك الا القفز و ضرب الرصاص لازم تعانى مع اللعبة و ميزتها الصعوبة

لو سونى مو ملزومة ان تحط لندن كلها عيل ايش بتكون ميزة اللعبة ?:


على فكرة حركة ازدياد الطاقة موجودة حتى فى ماكس بين



وشكرا

[mlm]

لو قارنت ذا جيت اواى بفيس سيتى بتكون مقارنة غريبة مثل ما انك تقارن فف بى متل جير الان لكل واحدة منها اسلوبها و طريقتها الخصة

لا غلطان اخوي .. انا اشوف ان (( الفكره )) في جيت اواي مشابهه لفايس سيتي .. لان المهمات في كلا الشريطين مطاردات ومداهمات مع الاختلاف في تنفيذ الفكره اللي تتفوق فيها وبوضوح فايس سيتي وبدون ادنى مقارنه .. وانا هنا اقصد (( فكرة )) الشريط , يعني الاطار العام للشريط هو شريط مطاردات وقتال بين افراد عصابات .

و بعدين ذا جيت اواى سونى قالت عنها ما تتوقع انك تلقى كل شىء جاهزلك وما عليك الا القفز و ضرب الرصاص لازم تعانى مع اللعبة و ميزتها الصعوبة

وهل الصعوبه انك تصوب على شخص قدامك والرصاص مايجيه !؟ وهل الصعوبه انك تتدربى ( تدحرج ) يمين وماتدري الا خويك متدربي يسار وتلاقي انك شغلت الغاز لانك لمست الليزر !؟ وهل الصعوبه انك تمشي في الشارع وانت ماتدري وين اقرب ملف لك !؟ هذي اخوي مايسمونها صعوبه وانما اسمها سخافه وغباء .. والصعوبه ممكن تكون عن طريق تقليل كميه الرصاص اللي يعطونك او ان قوتك تنقص اسرع او ان الاشخاص اللي يواجهونك يكون عددهم اكبر ..هذي هي الصعوبه .

لو سونى مو ملزومة ان تحط لندن كلها عيل ايش بتكون ميزة اللعبة

مافهمت قصدك :! !!؟

على فكرة حركة ازدياد الطاقة موجودة حتى فى ماكس بين

وهل ماكس بين احسن شريط على الـ ps2 حتى نحطه مقياس !؟ وبعدين انا مااعترضت على الحركه لانها مااعجبتني .. لكن انا اعترضت عليها لان فيه ناس يقولون ان مافيه عداد رصاص لان هذا من الواقعيه وعشان كذا قلت ان ازدياد الطاقه مهوب واقعي وانتم تكلمون عن الواقعيه !!


تحياتي للجميع .

[ابو داوود]

ذا جت اوي من افضل الأشرطة الي لعبتها

وهي احسن لعبه نزلتها سوني

[mlm]

حيالله ابوداوود .. احترم رايك اخوي لكن مما يبدوا ان ذا جيت اواي هي ثاني شريط تلعب فيه على البلاي ستيشن

اجل تقول احسن لعبه نزلتها سوني اضحك الله سنك ياابا داوود


تحياتي ..

[ابو داوود]

مالك تضحك يا اعرابي كل امرء وله رأيه




((قبحك الله))and((ثكلتك امك))

[MULHAM]

فقبل اشتريه سمعت عنه كلام كثير وانه شريط روعه وراح يغطي على فايس سيتي ودرايفر وغيرها من الاشرطه المعروفه والمرغوبه في مثل هالنوع من الاشرطه

هذا هو السبب ... اللي هو التعظيم من شأن اللعبة ... فأغلبية المواقع والتقارير اللتي قرأتها , ذكرت ان اللعبة سوف تكون قوية وربما سوف تحطم GTA , ومدحهم لها بشكل مبالغ فيه , مما زاد من حماسنا للعبة , وفي الآخر ... انا اعتقد لو أن كتاب التقارير لم يعظموا من شأنها لكنا وجدناها لعبة رائعة من بعد GTA ...

وشكراً

[mlm]

ابوداوود .. الله يذكرك الشهاده , توك تذكر ترد !؟ بس الحقيقه ردك يدل انك منتب بسيط !!


MULHAM.. شوف عزيزي .. هذا ممكن يكون سبب .. لكن صدقني عظموا فيها والا ماعظموا .. اللعبه ممكن تكون فكرتها حلوه .. لكن الشريط سخيف لابعد درجه ..

تحياتي للجميع .

[mlm]

للتذكير .. حتى ماحد يتوهق ويشتري هالشريط الخايس

[mlm]

برضه للتذكير ولتعم الفائده !

[prinse]

mlm كل واحد وله رايه أنا صراحتاً أعجبتني بس مشكلتها التعقيد وصعوبة اللعب أن الحين يمكن لي في المهمه 12 شهر وإلى الحين ما خلصتها