ما هي توقعاتكم عن الأسطورة القادمة FF12 ?

[Neo Cid]

سامحوني ما قريت كل الردود عدى أو جم مشاركة .. الوقت ما يسمح ..

برأيي الشخصي .. فف12 راح تكون منافسة لفف7 .. و هذا يمكن يعدل الكفة

شوي .. سكوير ما كانت تراضي عشاق فف7 إلا قليل جدا .. و ممكن تكون

هذي خطوه من سكوير جديدة ..

باعتقادي :.

1- اللعبة راح تكون باسلوب فاجارانت ستوري من ناحية سرد القصة .. و الغموض

اللي ما كنا نشوفه بباجي الالعاب ..

2- الشخصيات تكون قليلة ... 5-6 شخصيات ..

3- قصة الحب ما راح يكون لها دور أساسي في اللعبة مثل فف7 .. و عكس

فف10 .. و سكوير راح تتطرق للقصة أكثر من أي شي ثاني ..

4- اللعبة تكون قصيرة .. ولها نهايات متعددة ..

5- نظام القتال يتخذ اسلوب اكتساب مهارة السحر مثل فف9 على حسب

تطور الشخصية ..

اممممممممممممممم ..

هذا للحين اللي عندي .. و آسف لو قصرت تجاه الموضوع .. الوقت ما يسمح ..

و شكرا .. بالتوفيج ..

[Golden_Sun]

زين لقيت موضوع اطلع فيه إبداعاتي الروائية :6

المهم .. توقعاتي ..

القصة ..
راح تكون عن ممالك او عوالم .. او حتى كواكب !!
لكل مملكه قوانينها وشعبها و حاكم/حاكمه لها ..
والكل كان مرتاح .. لحد ما طلع ثقب او جرم اسود .. المهم شي راح يدمر العالم
يقلب الدنيا فوق تحت .. لدرجة إن بعض الحكام .. حسوا بضعف امام هالشي الهائل .. وبدأوا يقتلون الممالك الاخرى .. للهرب والنجده والطمع المتأخر
واحده من هالممالك .. يفضل يكون حاكمها إمراه .. تقرر الوقوف ضد هذا الشي الأسود (ثقب ، جرم اللي يصير ) وتحاول تجد اشخاص معينين تدور حولهم الإسطورة .. بالبداية تلعب بالملكه.. لأنها سمعت عن اسطورة قديمة .. شبه منقرضة عن هالشي الأسود لكنها مو عارفة .. وإلخ :6
طبعاً زمن الأحداث .. يكون في عصور الفانتازيا .. تقريباً نفس زمن فف 9

طريقة القتال ..
اترك سكوير-إينكس تتفنن فيه ":"
لكن افضل اسلوب الثامن مع شوية تعديل ^^

شكراً فف 7 على طرحك للموضوع

[Mesharey]

الرسالة الأصلية كتبت بواسطة Golden_Sun
القصة ..
راح تكون عن ممالك او عوالم .. او حتى كواكب !!
لكل مملكه قوانينها وشعبها و حاكم/حاكمه لها ..
والكل كان مرتاح .. لحد ما طلع ثقب او جرم اسود .. المهم شي راح يدمر العالم
يقلب الدنيا فوق تحت .. لدرجة إن بعض الحكام .. حسوا بضعف امام هالشي الهائل .. وبدأوا يقتلون الممالك الاخرى .. للهرب والنجده والطمع المتأخر
واحده من هالممالك .. يفضل يكون حاكمها إمراه .. تقرر الوقوف ضد هذا الشي الأسود (ثقب ، جرم اللي يصير ) وتحاول تجد اشخاص معينين تدور حولهم الإسطورة .. بالبداية تلعب بالملكه.. لأنها سمعت عن اسطورة قديمة .. شبه منقرضة عن هالشي الأسود لكنها مو عارفة .. وإلخ :6
طبعاً زمن الأحداث .. يكون في عصور الفانتازيا .. تقريباً نفس زمن فف 9

ماشاءالله ..
قول عبيد..ليش ما تشتغل مع سكوير :6 ..
بالنسبة على قصتك اعتقد صعبة..لأنها نفس قصة ستار اوشن3 تقريبا ..

[Golden_Sun]

الرسالة الأصلية كتبت بواسطة Mesharey

ماشاءالله ..
قول عبيد..ليش ما تشتغل مع سكوير :6 ..
بالنسبة على قصتك اعتقد صعبة..لأنها نفس قصة ستار اوشن3 تقريبا ..

نفس اللي كتبته ..
سرقة .. احتج :6
برفع قضية اطالب بتعويض 5 ملايين دولار << ما صدق على الله احد يبوقة

المهم .. شدراك بالقصة .. اللعبة يابانية !!

[Mesharey]

الرسالة الأصلية كتبت بواسطة Golden_Sun
المهم .. شدراك بالقصة .. اللعبة يابانية !!

اعرف اللغة اليابانية ..

جست جوكنق :6 ..
بالنسبة على القصة..يعني ما تشابه اللي قلته..لكن اقصد هي عن كواكب..

[Flanteus]

أنا لا أتوقع <------------- يا دمك :6

أحلى شيئ عندي لمن يدمجوا التطور بالقديم
أو أي شيئ عكسه .....<--------- أحد فاهم ؟؟؟؟؟؟؟؟؟

مثل زارنكارد .....شلالات ..في مدينة مليئة بالآلات ?: ....
المنظر أذهلني

وانا أقصد انه في نفس المدينة يوجد عالمين .....
وليس اللعبة كاملة ....







مشاري:
زعلت :6 <------------------ غلاسة

[Final Fantasy 7]

ماشاءالله .. :واو:



أقل من يوم و الموضوع تسطر صفحتين و 35 رد ?:
=======> الأخ توقع أن محد يعطي موضوعه وجه :6




المهم .. شكرا لجميع من رد و شاركنا توقعاته




و أظن أن الحين صار دوري لأشاركم بتوقعاتي ":"

[Final Fantasy 7]

ملحوزة .. احم احم .. قصدي ملحوظة هامة جدا :
جميع التوقعات التالية استنتجتها شخصيا من الصورة يالي نشرتها الشركة من كم قرن للعبة و يالي حطيتها في بداية الموضوع :6



الاستنتاج الأول : الزمن يالي تجري فيه أحداث اللعبة هو زمن يصطدم فيه المستقبل بالماضي ثم بالحاضر .. فمثل ما رأينا من الصورة .. أن من أعلاها تبدو المدينة ذات ألوان زاهية و منعشه و أبنية شاهقة تدل على مدى التطور العمراني .. و كلما تدرجنا لأسفل الصورة نجد أن الألون تفقد بريقها و انتعاشها و تتحول للون الرمادي الكئيب مصاحبه معه الأبنية القديمة و الشوارع المقتضة بالناس الفقراء مما يدل على مدى التخلف الحاصل عندهم بالأسفل .. يعني اللعبة دمجت بين روعة زمن FF9 و جمال زمن FF8 مما يعطينا بالنهاية هذا الزمن الرائع الذي يصطدم المستقبل فيه بالماضي ثم بالحاضر ":"
و أيضا استنتجنا أن هذه المدينة تحتوي على طبقتين من الناس .. الأغنياء و هم الذين يسكنون في الأعلى و يعيشون حالة الترف .. و الناس الفقراء يالي شالحينهم بالأسفل يعيشون حالة البئس

الاستنتاج الثاني : شخصيات اللعبة ستدمج بين العادية و بين غريبة الأشكال .. كـ FF9 .. شوفوا الصورة و ركزوا على الناس يالي يتشمون بالأسفل .. و شوفوا شنو يالي راح تشوفونه

الاستنتاج الثالث : الأبطال راح يكونون مراهقين و من الطبقة الفقيره .. راح يقاتلون بالبداية حكومة مدينتهم الشريرة .. ليتطور الأمر مع الوقت لعملية انقاذ الكوكب
=====> يعني مثل FF7 .. لا تقولون لي شنو يالي ياب هذه لذيك .. أنا هذا يالي خطر ببالي .. يمكن لأن هذه المدينة بالصورة ذكرتني بنظام مدينة ميدجار



استنتاج أخير ( هذا من عندي ) : يمكن يكون البطل فتاة فقيرة شيطانه ( مشاكشه ) بالرابعه عشر من عمرها .. تخيلوا كيف راح تصير اللعبة هذه هالشي صار فعلا و تحقق









أنواع المهازل راح تصير







هذا كل شي ... الحين لازم أطلع علشان عندي باكر امتحان نهائي للحين مو دارس له و لا شي ( خوش طالب :6 )





سلاااااااااااااااام ^^




& صديقكم - فاينل &

[ash 90]

ممتاز فاينل ....