ما هي توقعاتكم عن الأسطورة القادمة FF12 ?

[Final Fantasy 7]

أهلا أصدقائي الأعزاء





اشتقت لكم كثير :"




من زمان ما كتبت موضوع .. و لا راح أقدر أكتب موضوع عدل الا في العطله الصيفية بعد ثلاث أسابيع .. و اليوم لما لقيت نفسي شوي فاضي قلت خل أدخل المنتدى و أكتب موضوع عالماشي




موضوعنا هذا يتمحور عن الأعضاء و توقعاتهم عن الأسطورة القادمة Final Fantasy 12 ..




يعني كل واحد يدخل الموضوع و يقرأه قصبا عليه يرد فيه و يفرغ كل توقعاته عن اللعبة بالموضوع ^^
====> بخصوص كلمة قصبا ترى كنت أمزح :6




هذا هو موضوعنا البسيط .. ما يبيله عبقرية و لا فلسفة علشان ينفهم .. فخلونا نبدأ و نشارك فيه





و شكرا على الدخول لموضوعي البسيط هذا .. منتظر المشاركات و تبادل التوقعات




سلااااااااااااااااااااااااااااااااااام ^^







& صديقكم - فاينل &

[RPG_master]

ما أتوقع شي..لكن أهم شي مايكون البطل سخيف مثل تيدوس..

[l)@RK-l)EVIL]

اللعبه راح تكون عباره عن قوه بلاي ستيشن 2 الفعليه لعرض الرسوم لان صانعي العبه راح يحطون كل مجهودهم فيها وراح تكون اللعبه في العصور القديمه وماراح تعتمد على سوالف الخيال العلمي مثل بعض اجزاء فاينل فانتسي الاخرى وراح نشوف شي مهم فيها واذكركم والي هو العدو في اللعبه راح يكون قوي جدا كسيفروث <<<بسبب الانتقادات الي شافتها سكوير واكيد تبي تعمل حساب لهذي النقطه

واللعبه راح تكون تعتمد وبشكل كبير على تعدد الشخصيات الي تقدر تلعب فيها <<<ركزو على هذي النقطه


واعتقد ان اللعبه راح يكون عامل الزمن له دور كبير فيها يعني اشياء من المستقبل موجوده في العصر القديم اي تداخل العصرين مع بعض

واتوقع شي مهم جدا لو تلاحضون

ف ف 8 سكوال ___رينوا _____قصه حب
ف ف 9 القرد_____جارنيت____قصه حب
ف ف 10 تايدوس___يونا ____قصه حب


فلي متى؟؟؟

اتوقع ان سكوير راح تخلي سالفه الحب هذي على جنب في الجزء اليديد وتراكز على مشاعر وعواطف من نوع اخر في القصه مثل (الصداقه _الانتقام_الاخوه___اشياء ثانيه فيها عواطف متبادله) وهذي العواطف اقوى من الحب يعني لا تقولولي مثلا واحد قتلو اخو مثلا مايقدر ينتقم
بس اذا قتلو حبيبته ينتقم<<<<معاير الفيلم الهندي قتل الحبيبه


وبس:0)

[We6fe]

اللعبه رح تكون حلوه وبس

[نيو ايرفين]

اتمنى ان تكون الشخصيات قوية وغامضة

واتمنى ان ما يكون هناك شخصيات انثوية

واتمنى ان تكون القصة ضخمة وملحمية :-)

[Dark Knight]

راح تكون لعبة مثل بقية العاب سكوير سوفت مارح اعلق امال عليها لأني راح انصدم مثل مانصدمت في فف10
اهم شي تكون القصة حلوة وبس بالنسبة لي

[ash 90]

هلا فاينل

ولكم باااك

و احنا بعد اشتقنا لك

موضوع رائع

اتوقع تكون قصه حب و هذا الي تركز عليه كل الاجزاء

[أبومروان]

بالنسبة لقصص الحب فأعتقد أن وجودها يضيف طعم خاص للعبة ، كل أجزاة فف تقريبا كانت فيها قصص حب ...


لكن أهم شيء إن اللعبة ترتكز على رجل وليس على امرأة ... مثل ما صار في الجزء التاسع و العاشر...

[We6fe]

انها ما تكون اونلاين بالكامل

[l)@RK-l)EVIL]

الرسالة الأصلية كتبت بواسطة أبومروان
بالنسبة لقصص الحب فأعتقد أن وجودها يضيف طعم خاص للعبة ، كل أجزاة فف تقريبا كانت فيها قصص حب ...


لكن أهم شيء إن اللعبة ترتكز على رجل وليس على امرأة ... مثل ما صار في الجزء التاسع و العاشر...

ليش اهو الجزء الثامن والسابع والي قبل البطل شنو الجزء الوحيد الي فيه البطل امراه هو العاشر الاصدار الثاني واكيد الجزء اليديد البطل مو امرأه ((بس حاس للاسف ان البطل امراه :" ))


وبالنسبه We6fe اقوله تطمن اللعبه 100 بال100 راح تكون مو اونلاين

[Mesharey]

الرسالة الأصلية كتبت بواسطة RPG_master
ما أتوقع شي..لكن أهم شي مايكون البطل سخيف مثل تيدوس..

نفس الشي بالضبط..اهم شي تكون اشكال الأبطال زينة ..

[l)@RK-l)EVIL]

الرسالة الأصلية كتبت بواسطة RPG_master
ما أتوقع شي..لكن أهم شي مايكون البطل سخيف مثل تيدوس..

الحين تايدوس صار سخيف ويا مشاري انت بعد مايده الراي

عيل لو تشوفون ابطال جرانديا شلون اشكالهم ولا وايلد ارمز او سكوويدن ولا زينو ساجا تلقون احلى من هذا الشكل الي في الصوره

ملاحظه : الصوره مو واضحه لاني قللت حجمها اكثر شي ممكن عشان تطلع بسرعه لكم

[l)@RK-l)EVIL]

شكلها اكبر من الزوم الحين حطيتها بعد التصغير

[NO BODY]

مرحباا

اتمنى تكون اف اف 12 كالتالى :-

1- ما تكون فضائيه او شيء متطور
لانى احب الاساطير القديمه والوحوش
الحيّه مو الاآليه الممله ,,

2- اتمنى تكون البطوله رجاليه بالاضافه
الى فريق منوع من نساء ورجال ومخلوقات
غريبه

3- ان يظل اسلوب القتال مثل اف اف10 لانه رائع

4- ان يكون لهالجزء طابع الرعب

5- قصه حب تعطى اجواء ورديه لا بد منها

6- ان يكون البطل كبير بالسن ثلاثينات يعنى يكون
شخصيه وذو خبره وانه ما يكون ابيض هالمره ,, اتمنى يكون
اسود (( ولهجته مثل وكا مميزه وحلوه ))

7- نلاحظ ندره الشخصيات الملونه او القوميات
دوم البطوله لليابان وامريكا :غضب:

8- اتمنى تكون شخصيه البطل او قوميه اى شي غير امريكي او يابانى

9- اتمنى الشخصيات النسائيه تكون محتشمه لانى مليت من الهدوم بدون هدوم
:":
10- اتمنى يكون الطابع الديني للابطال مبهم او مخرفين دين جديد لانى ما احب العب لعبه تعتمد او تمجد دين معين لكن اف ف 10 صراحه ممتازين خرفوا دين معين حتى ما يصير نفور من اى حد تجاه دين الاخر لان اللعبه تنتشر بكل العالم ولكل اصحاب الاديان على اختلافها

وهالتمنيات بس:واو: :واو:

وتايدوس له لبس وشخصيه وشكل مميز و COOL
, شخصيه تايدوس ويونا فهما مميزان ورسمهم حلو
فيه لمحه طفوليه لكن لاحظت انهم كبروا بالجزء الثانى
لكن قصتهم رائعه ومعقده فاتمنى يكون اف اف 12 قصته
اسطوريه محزنه ومؤثره ومرعبه عشان نندمج فيها 100 %

ومشكووووووووووووووورين

[Mesharey]

الرسالة الأصلية كتبت بواسطة l)@RK-l)EVIL
الحين تايدوس صار سخيف ويا مشاري انت بعد مايده الراي

عيل لو تشوفون ابطال جرانديا شلون اشكالهم ولا وايلد ارمز او سكوويدن ولا زينو ساجا تلقون احلى من هذا الشكل الي في الصوره

ملاحظه : الصوره مو واضحه لاني قللت حجمها اكثر شي ممكن عشان تطلع بسرعه لكم

هو الواحد ما يصير يعبر عن رأيه ؟؟

لكن أهم شي مايكون البطل سخيف مثل تيدوس