مطبخ أبو لبن للوجبات المتنوعه :)

[sakura_is_cute]

وش هالطبخة يا ديابلوس حامت كبدي <<<<< خاصة ما قدرت اجيب كل المقادير من الأعضاء ما رضوا يعطوني اياها ((الطبخة الأولى ))

________________________

حلوة طبخاتك يا بولبن ان شاء اسويهم .....

[Bu Laban]

السلام عليكم :# ..آسف على القطعه الشينة هذي .. انشالله بكرة انزلكم طبخة جديدة لأني توني راجع من مكة و ز مشغول حبتين .. عموما لا تنسونا :6

[Neo Cid]

سامحنا يا بو لبن عالقطيعة ..

موضوع رائع .. مع اني ما قريته .. ولا جربته .. بس ان شاء الله يوم من الأيام لمن اكون بالبيت بروحي

كالعادة .. و ادخل المطبخ و افنتك .. وقتها بفتح الموضوع هذا و بطبع الأكلات اللي حاطها ..

الله يعيننا ..

احم احم ..

إلا ما قلتلك عن حمستي الخطيرة .. أذكر لمن سويتها بالبر .. الشباب كانوا ياكلون أصابعهم ورى الاكل

( اسلوب بلاغي يبين مدى قوة النكهة ) .. :6

بس انت انطر علي شوي .. و اعطيكم الخلطات السرية .. و معاهم صورة ..

احم .. نسيت بعد .. على صبخات فول .. ( اللي يقرا يلاحظ كله أطبخ معلبات ) ..

اوكيك أخوي .. سامحنا .. و ان شاء الله نشوفك ..

اووه تعال .. تقبل الله ..

وألف الحمد لله على السلامة ( أنت ياي من مكة و أنا ياي من نيويورك .. والله دنيا ) ..

[john5]

مشكور أبولبن على هل وصفات الرائعه منك ^^ .
و كحل طبخه أحلى من الثانيه ^.^
و طبخات ديابلوس و خطاف و هرود حلو بعد بس يبيلي أنتبه من هرود لا يشلح الطبخه مني ^^ .

[sakura_is_cute]

وينك يا بو لبن نبي طبخات زيادة

[Bu Laban]

مشكورين ألف شكر على الردود اللطيفة هذي ..

ساكورا ايز كيوت .. أبشري انشالله و هذي طبختين بعرضهم ألحين

جون 5 .. مشكور على الرد

نيو سيد .. و الله انت من زمان ما بينت و إثرك في نيو يورك .. و الله الدنيا غريبة .. عاد لا تنسانا ..

كابتن فالكون .. أنا ما أعرف بصراحة كيف أسوي معصوب .. بس إذا عرفتها بعرضها انشالله ..

هانا سان .. مشكورة على الرد و على طبختك و أرجو أن تتابعينا بين الحين و الآخر ..

الطبخة الأولى هي ..

شوربة الدجاج بالشعيرية ..

المقادير ..
4 اكواب من مرقة الدجاج .. ربع دجاجة مطبوخة .. فطر ( بين 10 حبات ) .. نص كوب شعيرية .. و أخيرا و ليس بآخرا ملعقتين بقدونس مفروم

الطريقة ..
يوضع مرقة الدجاج ليغلى على النار و السطح الدهني اللي على المرق يزال .. تقطع الفطر الى شرائح رقيقة و برضوا الدجاج المطبوخ و ينضافون ال المرقة .. تضاف الشعيرية بعد أن يغلي المرق مع الفطر و الدجاج و يستمر الطهي لمدة 5 دقائق بعد الغليان و التتبيل الجيدين بالملح و الفلفل .. و إذا جيتوا بتقدمونه .. زينوه بالبقدونس .. بالعافية

[Bu Laban]

أما الثانية فهي ..

سلطة الحمص ...

المقادير ..
علبة حمص مسلوق و يصفى و يوضع في زبدية كبيرة أو مثل ما يسمونها سلطانية
بصلة مفرومة
حبة طماطم مقطعة
عودين بصل اخضر مقطعة
4 قطع خبز افرنجي يقطع مكعبات و يغلى في ثلاث ملاعق زبدة و ملعقة زيت
ملعقتين نعناع مفروم
ليمونتين معصورتين
فصين ثوم - فلفل أسود - ملح - زيت زيتون - خس و ليمون للتجميل

الطريقة ..
نضع الحمص في زبدية و نضع عليه البصل الأخضر و الطماطم و النعناع و الليمون و ينخلط بشكل جيد .. بعد كذا نتبل السلطة بالملح و الفلفل و زيت الزيتون .. و اذا جيتوا بتقدمونه حطوا عليه الخبز و زينوه بالخس و الليمون (للإضافة )

[Ranma Saotome]

هااالوووو

اخبارك بولبن؟ وينك ياخي ماتبين هعهعهعهع

صراحه الطبخات كلها عجيييبه و تشهي.. اللي يبي يشبع يدخل هالموضوع..

الاكلات حلوه و كلها بسيطه يعني مافيها تعقيد..
أي واحد يقدر يسويها (سمعتوا يابنااات)

مع اني ماطبخت الا مرتين او 3.. لكن شكلي بصير محترف على يدك هعهعهع

الا تعاااال.. صار لك فتره تقول لي بذوقك من طبخي.. ماشوف شي؟؟ كخخخخ

الله يعطيك العافيه و ننتظر المزيد منك

[Renoa Heartilly]

صراحه طبخات روعه ^_^ أنا طبعتهم بس ما سويت منهم شيء لسه.. أنا أحب أطبخ, بس أنه كل مره أحاول أحترق و لا تقطعني السكين و لا شيء من هذا القبيل >_< بس ما فقدت الأمل!! شوربه الشعيريه شكلها حلوه! خلني أقص على أخواني عشان يجربونها عني!! *عشان لو سممتهم ما لي دخل!* خخخخ.. أمزح ^_^ صراحه, أنت أول واح أشوفه يعرف يطبخ, أخوي ما يعرف يكسر بيضه بدون لا يتفتت قشرها في المقلاه...

[Bu Laban]

مشكورين يا رانما و يا رينوا .. ردودكم حلوة و ما تقصرون ..

أجل زيلي هو اللي ما يعرف يكسر بيضة أجل ؟ .. الله يعينه

[Miss_kimino]

سلااااااااااااااااااااام بو لبن ^_^



بالصراحة موضوع رائع و جديد في منتدانا على ما اعتقد يعني


و شكلك ماشالله طباخ محترف ..بس ما تقدر تنافسني



اوبس الخطاف .. شو هالأرف

يعععععععععععععععععععععععععععع >_<

يحليلها فوجن هههههههههه ما باقي لها إلا هالعين العدلة .. بعد بتخطفها منها


هههههههههههههههههههههه بس والله ضحكني ردك ..الله يغربل بليس ههههههههههههه

[BUBLE]

الله على الشيف بو لبن ...عاد توني متغدية ....بس هم شهيتني باكلاتك ... شغل عدل

يا ريت اعرف اطبخ ... اخر مرة طبخت حرقت البين

تسوي دورات تعليم طبخ بالمنتدى ؟؟؟

تسلم ايدك

[Bu Laban]

مس كيمينو .. أجل انتي طباخة .. جميل جدا .. أجل ليش ما تنزلين كم طبخة معاي هنا .. بيكون أسلوب جيد لتبادل الخبرات

بابل .. هلا ببابل هلا .. عاد انتي مختفية و ما تطلعين الا نادر .. فقدناج في موضوع العبط .. عموما .. الحمدالله أن الموضوع أعجبج و نرجوا المتابعه معنا فيه

[MeMe CHaaN]

يمييييييييييييييييييييييييييييي يمييييييييييييييييييييي ......

أشم روايييييييييييييييييح ترددددددد الروووووووح لليوعان.... *مثلي.... لووول*

ويييييييييييييييييييييييييه.... looooook who is here... .... هذا مش جنا بو لبن؟؟

وااااااااا بو لبننننننننننننننننن ...
long time noooooooooooooo seeeeeeeeeee.... شحالك؟؟؟؟؟؟ شخبارك؟؟؟؟؟
عاااااااااااااش من شافك..... من ورانا عيل يا بو لبن..... طلعت طباااااااااااااااااااااخ...

*لا والله الرياييل قاموا يطبخون.. لا و ينزلون طبخات في المنتديات... و نحن لين ألحين غير بيض و
نودلز ما نعرف نسوي....والله فظيييييييييييييييييييحه.. *

لا لا عليك طبخات يا الشييييييييف ... لا لا الصراحه أنا لازم أجرب أسوي وحده من الطبخات هذي
بس مالي خص لو شوهتهاااا...

أقوووووول.. يالله يالله أنا يعت من موضوعكم هذا برووووووووووووووح الكانتيييييييييين أزط

جانييييييييييييييييييييييييه...

MeMe CHaaN ...

[Renoa Heartilly]

بو لبن ^_^ أحمم, قصدي شيف بو لبن ههه.. شنهي أحسن حشوه لخلية النحل, جبن أصفر و لا كيري أبيض؟ و لا ما تعرف خلية النحل؟ *أخواني يعرفون أن طعمها حلو و لا يعرفون شداخلها* خخخخخ