منع الزواج من الاجنبيات..(نقاش)

[QataR NighTMarE]

فما فيه مجال للمقارنه بين الخليجي والاجنبي

من قال انا خليجي والحمدلله شكلي احلى من الف اجنبي وتراني اتكلم جد ما امزح او استهبل

السعوديات ذوق وحنيه ودين وحمية وحلاوه سحريه وتقديس للزوجيه
الاجنبيه كذب بالكلام تعميه بالسحر الحرام ومع غيره تنام تاخذه لحم وترميه عظام

لول دعايه ترى الدعايات ممنوعه بالمنتدى

[Grandizer]

للجميع...

راح ابتدي من سؤال الاخ Grandizer ....يعني لو كانت امك اجنبية حالياً وش بيكون شعورك ؟

انا بالفعل من الفئة اللي قصدتها بالسؤال...الوالد خليجي..و الوالده عربيه...عراقيه تحديدا ...بس صدقني لو قلت لك اني ما خطر على بالي ان المسأله تمسني من قريب او بعيد الا بعد ما قريت سؤالك....

Meaning





ان اللي امهاتهم اجنبيات مثل ما حبيتوا تسمونهمblend in just fine مع باقي فئات المجتمع ...و عمري ما صنفت تبع مجموعه معينه او عوملت بطريقه مختلفه لأن امي مو من بنات الديره...بالعكس اعتبرها تجربه ايجابيه (بالنسبه لي)...ابتدى تأثيرها من ملامحي الى اسلوبي في العيش اللي جمعت فيها تقاليد حضارتين و عندي بدل الوطن اثنين ..اكيد انتمائي لوطن اقامتي اكثر بكثير بس مهما كان ... بغداد تبقى اسم يخفق له القلب...انفعلللت شوي معليش

المهم

سؤ اختيار شريك الحياة و تأثيره السلبي على نشأة الابناء في رأيي الخاص مش مرتبط بجنسيه الشريك ...انما بما هو اعمق من هذا... بس هذا مو موضوع نقاشنا...اعتقد !!


و اذا بالفعل هناك قوانين تحد من هالظاهره (اذا حب يسميها البعض) فأعتقد مثل ما تفضل صاحب الموضوع الغرض منها بيكون التقليل من نسبة العنوسة بدول الخليج الآخذه في التزايد...و شخصيا اعتبره حل احمق و سطحي .. لأنه يتجاهل جذور المشكله ...

المثير للسخريه ان دولنا في صدد ابرام معاهدات للتجاره الحره او ما يسمى بالـFree Trade Agreements مع باقي دول العالم بحيث تسهل عمليه تبادل البضائع و المنتجات من غير جمارك و رسوم...يعني اذا صح خبر منع الزواج بأجنبيه...صارت تتبع سياسة الانفتاح الاقتصادي و الحظر الاجتماعي ... !!!!


تسلمون ع الموضوع الحلو و الهادف ...و يعطيكم العافيه



P.S. انسان ؟؟ is that you ؟؟؟

على فكره انا ما اعارض الزواج من لأجنبية العربية انا اقصد الام الامريكية الهندية البولندية الخ من الدول الغربية غير مسلمه

[alex]

من قال انا خليجي والحمدلله شكلي احلى من الف اجنبي وتراني اتكلم جد ما امزح او استهبل

يعني انت احلى من براد بيت مثلا .. كيف الحال


موضوع توحفه -__- ..

[Argandir]

Grandizer:

الناس (العقال) ينظرون للاشخاص بافعالهم وتصرفاتهم...كون ان امك غربية او عربية ما يعنيني بشي

أنا علي من الي اشوفه منك انت...كيف تتصرف وتتعامل مع الناس

واذا الانسان بيقعد يفكر الناس بيشوفوني كذا وكذا لان امي من بلد ثاني وغيره من هالكلام...فهذا انسان ضعيف وماظني انه بيقدر يعيش مع الناس...

لو يهودية مستحيل تتزوجها لأنه ممنوع في ديانتهم و المسيحية نفس الشي لازم يتزوجون من نفس الديانة هذا في دينهم

من وين اصل المعلومة القيمة هذه...

بعدين من قالك ان كل الاجنبيات عندهم صاحب؟؟؟ صحيح ان معظمهم بس موش الكل

ثالثا : النظر الى خششهم فى المرايه o_O

شوراع الدنيا خطين...فعلى البنات انهم يشوفون المرايات ايضا

واختم ردي كما ختم الاخ الملك خوباج رده واقول بكل دبلوماسية مافي زي بنت البلد على عيوبها...^__^ (بس مازال الحكومة مالها دخل)

[QataR NighTMarE]

يعني انت احلى من براد بيت مثلا .. كيف الحال


موضوع توحفه -__- ..

لووول لا وين براد بيت
بس قصدي ان انا احلى من بعض الأجانب وهذا شئ اكيد لأن بالتأكيد لازم في اجنبي شكله بشع
لكن شدراك يمكن شخص يشوفني احلى من براد بيت بنظره

[Tidus]

خله تحصلكم وحده أول... عقبها شوفو اجنبيه طلعت و لا خليجيه _-_ يعني اهم شي تحصل

[The Noble]

أنجلينا ..

مين الأجنبية اللي تقصديها بكلامك؟



ثاني شي لا تحكموا على الأمر بهالشكل أنا أعرف أخوة سعوديين متزوجين من عربيات مسلمات وزواجهم عال العال ..

فمدري ليش تعتقدون انه زواج فاشل

وبقول كلمة واسمحولي فيها

الفاشل بيآخذ فاشلة

يعني أمر طبيعي تشوفوا شخص متزوج أجنبية منحلة لأنه هو تفكيره منحل ويدور هالأمور

وأرجع مرة ثانية أقول ياريت تبعدوا عن صيغة الجميع ..

وكل بلد فيها الصالح والطالح ..

..

[Kubaj]

خله تحصلكم وحده أول... عقبها شوفو اجنبيه طلعت و لا خليجيه _-_ يعني اهم شي تحصل

بالفعل ، واحسن شي بالموضوع توقيعك من أين لك هذا ؟

[فيلسوفة زمانها]

مب قصدي كلهم عندهم صاحب و كذا لا بس الأغلبية يعني نادر تلقى أحد بدون

[عماد 18]

ياحبي لك يافيلسوفه ^^

(اليوم أحل لكم الطيبات وطعام الذين أوتوا الكتاب حل لكم وطعامكم حل لهم والمحصنات من المؤمنات والمحصنات من الذين أوتوا الكتاب من قبلكم إذا آتيتموهن أجورهن محصنين غير مسافحين ولا متخذي أخدان ومن يكفر بالإيمان فقد حبط عمله وهو في الآخرة من الخاسرين)


طبعا محصنات ولامتخذات اخذان( اصدقاء )هذا اذا لقيت وحده O_o

ملاحظه :

نرجو من الشباب الخليجي
اولا : القناعه
ثانيا : يحمدون ربهم اذا حصلوا حرمه
ثالثا : النظر الى خششهم فى المرايه o_O
رابعا : مالك الا خشمك ولو عوج خخخخ
خامسا : اذا كان مافيه مجال للمقارنه زي ماتقولون بين الخليجيه والاجنبيه فما فيه مجال للمقارنه بين الخليجي والاجنبي

وبالمصادفه وصلتنى رساله جوال :
السعوديات ذوق وحنيه ودين وحمية وحلاوه سحريه وتقديس للزوجيه
الاجنبيه كذب بالكلام تعميه بالسحر الحرام ومع غيره تنام تاخذه لحم وترميه عظام


ههههههههههههههههههههههههههههههههههاااا



واختلاف الرأي لايفسد للود قضيه
لحد يزعل ولا ينفعل ..

يا اختي من حقه الواحد يحلم صح و الا لا ؟؟
لو نقول لبكرة اجنبيات و لبنانيات مردنا لبناتنا لكن الواحد يحب يحلم شوي ..
لا تدققون على الشباب ..
مطيرة عيونهم الي على الال بي سي و المستقبل و غيرهم ..
ما يدرون ان اغلب هالجمال ما طلع الا بعد 500 عملية تجميل ..
و هالشي ما راح ينفعك ..
يقول لك فيه صيني طلق زوجته الحلوة ..
لانه لما جاهم ولد طلع لهم قرد استغفر الله العظيم ..
فالرجال شك ان زوجته لها خوي قرد مثل ولدهم ..
لكنها اعترفت انها سوت عمليات تجميل و ورته صورة قديمة له خلته يصاب بصدمة عصبية و يطالب بتعويض مادي و معنوي و احساسي و كل ما يندرج تحت عنوان التعويضات الحربية و السلمية لانها كانت قرد ..
بعدين حتى انتم بصراحة ترفعون الضغط بعض الاحيان ..
تقولون نبي دين و اخلاق ..
و اذا جاكم دين و اخلاق طلعتوا ريحته ..
ابي عرسي يكون في القصر العلاني ..
و ابي شبكة -بدعة كفار- تكون بالشيء الفلاني ..
وش حيث صديقتي فلانة انا وش قاصرني عنها و من هالكلام ..
ثم اذا تزوجها ..
طلعت ما تعرف لا تطبخ و لا تنفخ ..
و تبي شغالة و سواق ..
و اذا رفض قالت انا كنت معززة و مكرمة في بيت اهلي و من هالخرط الفاضي ..
اجل وين كلام الدين و الاخلاق ؟!

[فيلسوفة زمانها]

كلامك عماد 18 أأيده الصراحة البنات الدير صاروا مب حلوين إلا يحاولون يقلدون الفضائيات و الأجنيبيات بالرغم لو مشيت في أحياء عادية في أمريكا و ما شابها تشوف البلاوي بلا أغلب الناس مسوين عمليات تجميل و الحمد لله على العقل السنة هذا يا كثر إلي مسوين عمليات لخشومهن الصراحة وحدة معليش يعني شكلها حلو بعد كم عملية صار شكلها أعوذ بالله ما فيه شي أحسن من خلقة ربي بعدين أنت تقول انه سعودي طيب في السعودية الأغلبية ما تكشف كيف حكم عليهم أنهم مب حلوات ؟ لول

سلام

[Argandir]

تعليقا على نقطة الدين الي ذكرها الاخ عماد...

كنت مرة اتكلم مع واحد من الشباب الي يدرسون في البيترول...وهو الولد من الشباب الي يغازلون

فسئلته وقلت اش بتستفيد؟؟؟ يعني بتوريك البنت صورتها؟؟؟ وحتى لو ورتك صورتها نهاية الطريق ايش؟؟؟

قعد يضحك ويقول انت لساعك بريء يافلان (طبعا انا لي فترة عن السعودية وما ادري ايش قاعد يصير)

بس يقول سالفة تلفون وماسينجر هذه قديمة...الان لو ابي اقابل البنت في مقهى قابلتها!!

يعني حتى الدين مو كل بنات بلدنا موجود فيهم(هو موجود فيهم مسلمات طبعا..بس مايطبقونه)

يوم تخطب وحدة انت الي تعرفة عن البنت هو الي امك تقولك عليه... وهو الي شافته امك او سمعته من الناس

لكن من كانت تكلم البنت في جوالها؟؟ او في ماسينجرها...هذا عاد محد يقدر يوصله


طبعا الكلام هذا ينطبق على بعض البنات مو كلهم...<لا تطبون في حلقي

[moon girl]

ياناس كل بلد فيها الصالح و الطالح والطيب و الخبيث

مهوب علشان انا من السعوديه يعني أحسن الناس دين و خلق

والله فيه أجنبيات أحسن منا دين و خلق و حشمه والمسلم أخو المسلم مابينهم فرق

بس تصوروا لو كل شاب ترك بنات ديرته وراح يدور من ديره ثانيه لمجرد أنها جميله أو طباخه

من بيكون لبنات الديره وأذكركم أن الرسول حث على صاحبة الدين وذم اللي ينظر للجمال فقط

ولو كل شاب غض بصره عن الحرام وقنع باللي عطاه الله كان ماشفنا حال شبابنا كذا

قال تعالى (( ومن أياته أن جعل لكم من أنفسكم أزواجا )) فرب العالمين يمتن على عباده بمجرد حصولهم على زوجه

بغض النظر عن مواصفاتها

نسأل الله الهدايه لجميع أبناء وبنات المسلمين...

أقنع بما رزقك الله تكن أغنى الناس

[المعاناة]

ثالثا : النظر الى خششهم فى المرايه o_O

في هالنقطة معك حق 100%

اصلا المراية لاشافت خششنا .. تكسر .

لكن وش نسوي عاد .. هذي خلقة ربي .. لازم نتكيف معها .

ومع ذلك .. ماسوينا عمليات تجميل .. وهذا يدل على الثقه بالنفس <<ايه هين .

عموما تبقى اللبنانية والفرنسية ويقولون الايرلندية .. من اجمل خلق الله .. اما الخليجيات بشكل عام .. مع احترامنا الشديد .. لا ربة بيت ولا شكل زي الخلق .. فلذلك خربتها مع كل الاتجهات .

وعلى فكرة .. ترا الراحة تاج على رؤوس العزاب .. لايراه الا المتزوجون .

[عماد 18]

فعلا نقطة اخت فيلسوفة زمانها ممتازة و هي انتم تقارنون مين باللبنانيات ؟؟
اذا كنتم ما شاء الله مطلعين على كل بنات السعودية و قارنتوهم فهنا يكون معكم حق ..
لكن الحمدلله في ناس للحين فيهم خير و ما راح تشوف بناتهم لو تناقز ..
لذا مو معناتها انك ما قدرت تطالعهم و البنات الي شفتهم يجيبون الهم يصيرون كلهم من هالنوعية ..

نقطتك اخوي ارجاندير اعتقد انها تنطبق على الطرفين ..
ماهي مرتبطة بس بالبنات ..
الصالح صالح و الطالح طالح على الارض و الا في المريخ ..