الى كل من يود الانضمام الينا من اهل الرياض !!!( network games)

[Atsmknv]

السلام عليكم ورحمة الله وبركاته


ما شاء الله يا شباب أشوف الحماس عندكم غير طبيعي والله حمستوني أني أزوركم إذا جيت الرياض المرة الجاية ، على فكرة حنا عندنا هنا بالأحساء مجموعة شباب بعد يتجمعون عندي بالغالب في مزرعتنا وأكبر مرة سويناها كنا 15 جهاز وكان معنا العضو Touya بعد وهذي صورة من أخر تجمع لكنه للأسف كان 13 جهاز بس

على فكرة حنا الألعاب اللي نلعبها بالنيتوورك هي:-

Call of Duty
Unreal Tournament 2004
Halo
C&C: Generals Zero Hour
Far Cry

_______________

إن شاء الله إذا كان بترحبون فينا ( أحم ) راح نزوركم بالرياض أنا مع Touya مع أجهزتنا ونلعب معكم كم مباراة.
أتمنى منكم الرد


تحياتي
Atsmknv

[PC-PS2]

اكييييييد والله يحييكم ... واحسن حل علشان التنسيق .. تتصل على الجوال .. برسلة لك على الخاص اوكي.
واكيد انشاءالله كل يوم خميس ولكن مايمنع ننسق جمعه بوسط الاسبوع في الاجازة

[Atsmknv]

خلاص إن شاء الله راح أراجع الخاص ، وتوقعوا منا نزلة قريبة عندكم بالرياض

[PC-PS2]

اوكي .. على خير انشاءالله بس لازم تبلغني اذا ماوصلك رقم الجوال!!

[supernova]

هلا Atsmknv

أخبارك وين الغيبات ياهو

اجل جاي الرياض انت وشلتك ها :P

عسى جميل وحمزة معاهم هههههههههههههههه

تعالوا نلعب cvs2 لأن عندي ديون ما سددتها لكم خصوصا جميل
وحمزة يتحدى بعنف في GGX:Re خلينا نشوف صدق ولا خرابيط
واذا مافي مانع DOA3

(خربت على بي سي ارمي اكيد رح انفرش )

ايه نسيت اقول اذا ناوين على نزلة ع الرياض ياليت تقعدون كم يوم عشان نكسر روسكم مزبوط و"نحللكم"

سي يو

[PlayStation3]

السلاااااااااااااام عليكم ورحمة الله وبركاته


هلا اخوي PC-PS2 والله حمستني اجي عندكم بس المشكله كمبيوتري معدوم وكرت الشاشه TNT

بس انشاءالله راح اشتري كمبيوتر جديد قريباً مع كرت ATI 9800 Pro مدري XT

المهم اخوي PC-PS2 لازم يكون عندي كرت شبكه وسلك ولا كل شي موجود عندكم

والأهم اعمار الشباب؟؟؟ لاني ودي انظم معكم بس احس اني راح اكون اصغر واحد فيكم

فياريت تقولي اعماركم من كم لكم؟

[Atsmknv]

هلا Atsmknv

أخبارك وين الغيبات ياهو

اجل جاي الرياض انت وشلتك ها :P

عسى جميل وحمزة معاهم هههههههههههههههه

تعالوا نلعب cvs2 لأن عندي ديون ما سددتها لكم خصوصا جميل
وحمزة يتحدى بعنف في GGX:Re خلينا نشوف صدق ولا خرابيط
واذا مافي مانع DOA3

(خربت على بي سي ارمي اكيد رح انفرش )

ايه نسيت اقول اذا ناوين على نزلة ع الرياض ياليت تقعدون كم يوم عشان نكسر روسكم مزبوط و"نحللكم"

سي يو

هلا والله بسوبر نوفا

والله الحمد لله الاخبار عال العال ، أنت كيف اخبارك ؟؟ واخبار الشباب ؟؟ إن شاء الله كلهم مرتاحين؟؟

قبل لا أنسى حمل الصورة اللي ارفقتها بردي القديم لازم تشوفها أنت بالذات

بالنسبة للي كان بيجي معي فهو Touya أكيد ، لكن بالنسبة لحمزة وجميل أنا راح أخليهم يجون ومثل ما أنت عارف حمزة أوكيك بس جميل يبيله يومين محاولات

عموماً إذا كانوا بيجون معي أكيد راح نجلس يومين على الأقل هناك حتى يكفي الوقت

بالمناسبة حمزة فعلاً رهيب في GG على حسب معلوماتي

انتظروا مني إتصال قريباً : سوبر نوفا + بي سي بي اس 2

تحياتي

[PC-PS2]

هلا والله PlayStation3 ...
وعليكم السلام ورحمة الله وبركاته... حياك الله اخوي وانشاءالله تعجل بالجهاز الجديد ومبروك مقدما .
بالنسبة لاغراض التوصيل .. احنا جاهزين انشاء الله كل المطلوب منك جهازك كااامل ... ولا ازيدك بعد انه ممكن اذا نسيت قطعه بسيطة من القطع مثلا البور سبلاي انحرق بالغلط تلقى عندنا سبير واذا ناقصك شاشة ندبرها واذا كيبورد او ماوس برضه تلقانا ... وشيء مهم وميزة اضافية ان سترايكر زميلنا مايقصر يتعب نفسة ويجيب جهازين كل مرة جهازه وجهاز احتياطي للي ماعنده جهاز!! شفت قد ايش حنا نسوي الشيء الكثير بس الجلسة تكمل ... وترى بعد المكان تقريبا مو ناقصة شيء من كيابل وسويتش وحتى طاولات ... وانشاءالله اذا الشلة صارت اكبر نصلح مشروع اكبر !!!

اشكرك انك طرحت موضوع الاعمار وانا ماذكرته لاني ماكنت اتوقع فية مشكله بالاعمار .. لان بالنسبة لي احسب عمر الواحد حسب خبرته بالعاب البي سي!!! مقياس غريب لكن افضله في جمعتنا ... وعلى فكرة ... ان كنت تظن انك اقل واحد فينا بالعمر اظن انك غلطان لان اصغر واحد فينا هو ولد خالتي ويدرس بالمتوسطة !!! ولو انه مايجي دايم لانه ماعنده جهاز .... (اخلية يلعب على جهازي شوي وانا نفسي اكمل ),,, ماقدر اشوف الناس تلعب واقعد اتفرج خاصة مع الشلة حقتنا بالذات والتحديات القوية اللي فيها .
الزبده ان مشكلة العمر مالها سنع عندنا تعال وبترتاح اكيد انشاءالله .

===========

Atsmknv...
على خير انشاءالله ... ومن الحين اجل سوبر نوفا مع شلتكم وحنا نتحداكم نبي نكسر الرووووس!!!
على الاقل نفتك منه كل ما انهزم صاح علينا ونقعد نراضيه !!!! هههههاااااااااااي ....((شكلي باكلها منه))!!!

[BLACK _G]

هلا أخوي DR.X

قتلك لا تهتم فيهم يا عزيزي دوخة راس فقط

ج1 : لا لا تختلف في جميع الكروت الجديدة اللهم الراديون يفرق عن الجيفورس ان له 16XAF .

وصدقني الدرجات العاليه صعب تلعب فيها يعني اذا لعبت 4AA مع 4AF مع رزلوشن مناسب كفااااااااااااايه

وانسى فكره تشغيل هاتين الخاصيتين في دووم وهالف لايف

ج3: نعم كما قلت من خلال برنامج ياتي مع الكرت تستطيع تغيرهم حتى اني أقوم أحيانا أثناء اللعب بانزال اللعبه الى أسفل (شريط المهام) وأقوم بتغيرهم ثم ارجع الى اللعبه لاختبار الأداء أقلك دوخه

ج4 :الكرت الذي رآه صاحبك العزيز هو MSI GeForec FX 5600 XT أملك نفسه تقريبا لكن بدون XT و 128Bit بدلا من 64Bit واختلاف في سرعة قلب المعالج واشتريته بـ900 ريال وللأسف الشديد اختفى الموديل حقى وحل محله هذا الموديل والناس تنخدع فيه ولا أستطيع بيع حقي بسبب سعر هذا الموديل :vereymad:

ج5:لا أدري للأسف اللي أعرفه ان 256=128 وليس هناك ادنى اختلاف مع ان السعر يفرق حوالي بـ500 ريال
مثلا الـRadeon 9800 Pro 128MB بسعر 1200 ريال ونسخة الـ256 بحوالي 1700 ريال

ولك ان تنظر الى الاختبار السابق وترا ان الفرق 1 فريم فقط !!

ج6:لم اسمع ان هناك علاقه بينهما من قبل على العموم الاختلاف بين شاشه 17 بوصه وأخرى 19 سيكون في الرزلوشن ( دقة العرض ) اي ستحصل على دقة عرض أكبر لكن في الأخير راح تعتمد هاذي الزياده على قوة كرتك

ج7 : لا طبعا انظر الاختبار السابق .

ولك هاذي الصفحة فيها اختبارين واحد على لعبه XIII والثاني على لعبة Call of Duty والكروت المختبره هي الـ5900Xt والـ5700 والـ9600XT

اضغط هنا

ج8 : اتوقع الاجابه معروفه أخي العزيز طبعا الرام مهم اذا قتلي مثلا رام 64 ورام 128 أقلك فيه في فرق لكن فوق الـ64 يعتبر الرام آخر شي ينظر اليه

ج9: أنا أقصد الموديل اللي من MSI بـ1500 ريال لكن اللي من ATI بـ1200 ريال
وأفضٍل MSI وبشده لأن نظام التبريد في كرتها أفضل من Built By ATI
لكن يعتبر سعر الكرت غالي لأن المحل حرامي :vereymad:
وعلى فكره أنا قتلك بـ1200 ريال على أساس أقل سعر لكن جايز انك تلاقيه بأكثر خاصتا انك في السعوديه بهذا الموقع فلا تخشى منه

واعذرني من أي تقصير وشكرا

[PlayStation3]

الله يبارك فيك اخوي PC-PS2

انشاءالله اول مااشترى الكمبيوتر راح تلقاني كل خميس عندكم ولا اقول كمبيوتر اخوي بسام(سترايكر) الاحتياطي في احد يستخدمه

وش رايكم تخلون الجمعه حقتكم كل يوم <-- مزعج

وبالنسبه للاعمار ... انا بالابتدائي بس خلاص مافي مشكله لانك تقول انك تقيس عمر الواحد على خبرته بالحاسب.... فما يهم اني بالأبتدائي

خلاص الوعد الجمعه الجايه

[PlayStation3]

امزح معاك اخوي PC-PS2

انا مو بالابتدائي انا ناجح للمتوسط

وانا الحين خارج الرياض ولما ارجع للرياض راح اشتري الكمبيوتر انشاءالله واجي العب معكم...








انتظر انتظر

لاتصدق اني بالابتدائي ولا اني بنجح للمتوسط ههههههههههههههههههه

[Cool NEO]

أهلين شباب
انا كنت موجود قبل كم يوم -- ما اذكر السبت او الاثنين او الاربعاء
لو تسألوني اليوم ايش ما ادري
المهم اللعب فله وحلو 3 ضد 3
والأحلي شفت الشباب من زمان عنهم بسام - هاني - فهد - غير الشباب الجدد توني متعرف عليهم
--
ايه PC-PS2
نسيت اقولك الشاشة انكسرت وانا راجع البيت
كالعادة اسرع - ويوم وصلت الاشارة الا الاسمع صوت في المقعد الخلفي قلت ماني فاضي اشوف
الين وصلت البت وانصدمت ان الشاشة انكسرت
قهر 17 بوصة LCD :vereymad:
--
بخصوص الاعمار PlayStation3
اعتقد معظم الشباب في الجامعة اذا ما كنت غلطان
-
عمري23 طالب جامعي

[[c.o.d.e.x]]

السلام عليكم

كيف الحال جميعاً , مشتاقلكم والله

ماشاء الله الشباب متحمسين , وماشاءالله عليك يا PC-PS2 قايم بالواجب وزود

أخبارك وأخبار الشباب كلهم !

أنا أحد أعضاء المنظمة القديمين (Forbidden) حالياً مشغول مرة

ولا اسالوني عن هذي الجمعه , لا تقدر بثمن , فله ! والأهم الشباب الطيب اللي فيها , صحيح إني شبه إنقطعت , لكن يكفيني إني تعرفت على الشباب

انشاءالله أجتمع معاكم قريباً , متى ما سنحت لي الفرصة

تقبلوا تحياتي ..

[Atsmknv]

هلا والله PC PS2


على فكرة أنا كانت أصعب شغلة عندنا في الجية هي موضوع الشاشة أنا شاشتي 19" عادية ماهي LCD يعني بتعذبني شوي ما أعرف هل فيه شاشة زايدة عندكم هناك

بالنسبة لخويي عنده شاشة في سيارتي 17" من أخر مرة تجمعنا ومانزلها

يا ليت تردون على هذا الموضوع ، وعلى فكرة ما فيه أي لعبة ناقصتكم وألا شيء علشان أسويها Images على جهازي من اليوم ( أحم علشان أفضي لها مساحة أول ).

على فكرة نسيت أقول حاجة بعد إذا تلعبون Call of Duty أنا منزل لها ما يقارب الــ 400 ميجا خرايط جديدة أحسن من الأصلية وموجودة جاهزة على جهازي الأن ، لها ولــ FarCry ما يقارب الــ 500 ميجا خرايط بعد

يا الله في انتظار الرد

[PC-PS2]

PlayStation3 ... ههههه الله يرج سموكم !!!

============

افاااااااااا ... كثّر منها ياشييييخ ... والله مشكلة ...
مدري وش اقولك عن الشاشة لكن اذا تبينا نقطّ حنّا جاهزين انشاءالله ((واحد بيروط الشباب))!!
شكلك ماكنت تسرع مررررررررة 180 200 بس !!!

ملاحظة .... والله مدري عنك ياسلمان تجهز عذر علشان ماتجي ؟؟!! ((خابرك عجّاااااااااز))!!

==================

[c.o.d.e.x]...
هلا والله مطول الغيبات جاب الغنايم !!!
وحنّا مشتاقين لكم اكثر ... والشباب كلهم يسلمون عليك
وعلى فكرة ان طوّلت ماجيت حنّا نبي نسوي هجمة مرتدة عليكم بيوم من الايام في المقهى ... ونكسر روسكم هناك حتى لو بلعبة كونتر سترايك !!!((امزح تراي ماواطنها))!! كله كوووووووم واذا دخلت ولقيت 20 واحد يلعبون هاللعبة .. وما تسمع الا جاك جاك .... اطلعله منا وانا مناك ... سكيييييين سكييييييييين((كنك بسوق الخضار))!!! ((لاتزعلون مني يامدمنين كونتر)).

================

بالنسبة للشاشة قلت لكم للاحتياط فية ناس اولى فيها لان اصلا مايملكون جهاز .. فلا تصير عجّاز جب شاشتك .
وبالنسبة للايمج ... اظن اغلب الشباب مسوين مكتبة ايميج مثل حالاتنا !! لكن يفضل تجيب كل الايمج اللي عندك.... بس عندنا مشكلة في فار كراي يمكن الاجهزة القوية واللي تتحمل فار كراي 4-5 اجهزة بس من اصل 8 اجهزة !! لكن مايمنع يجربونها الشباب وانا اقدر هاللعبة بالذات واعتبرها افضل لعبة قتالية ذات المنظور الواحد .. وخاصة للاعبين المتعددين !! لكن مشكلتها مع الشباب يبيلها اجهزة قوييييييييه!!
وحنّا بانتظارك بعد ..


================

شكرا لكل الشباب المهتمين