الى كل من يود الانضمام الينا من اهل الرياض !!!( network games)

[PC-PS2]

سلام شباب ...
حبيت اطرح هالموضوع ويكون حلقة وصل بين الشباب في الرياض وحتى خارجها من الزوار (الكل مرحب به)
بقلّط في الموضوع (واحط العشا)!! قصدي اقول الزبده !!
مجموعتنا من الشباب تقريبا مابين 4-8 اشخاص (مدمنييييييييين لاالعاب الكومبيوتر خاصة العاب الpc ).
منهم من يعتبر من ضيوف الشرف مانشوفه الا كل شهر شهرين مره !!ومنهم اعضاء اساسيين في المجموعة ... على ان جمعتنا ماشاء الله الله لايضرنا كل اسبوع من يوم الخميس!!

اللي يشوف في نفسة الرغبة انه يشاركنا حياه الله وحتى لو جاء ومعه مجموعه من اصدقائة ماعندنا مشكله !! وعلى فكره الشباب اللي راح تتعرفون عليهم زي العسل !! (مادح نفسة)!!
والالعاب اللي نلعبها مالها حصر اي لعبة جيده وقويه نخوضها ... وصراحه جو اللعب الجماعي ممتع بدرجه ماتتخيلون للي ماقد جرب ولعبها ... خاصة في العاب مثل جينرالز وبتل فيلد وكونتر سترايك وووووو... الخ!!!

وممكن التنسيق يكون عن طريق هالموضوع او الايميل والجوال بعد.

وعموما ممكن حتى نحدد مكان غير مكاننا المعتاد ولو اني افضل مقرنا لوجود التجهيزات الكامله ... واهم شيء المطاعم قريبة ((يقدر بطنه)) بحيث نجتمع في احد مقاهي العاب الكومبيوتر مثل (game network) مع الاخوان اللي بينضمون لنا ونتعرف على بعض (على اني متأكد ان كثيرين منا يعرفون بعضهم عن طريق المنتدى بس ) !!

راح اذكر الاعضاء انشاء الله واسماء الـ(users) اللي تخصهم في هالمنتدى وغيره !!

وكلمة اخيره شباب ...
ترى الدعوه على ماقالوا (free) والبساط احمدي ومالها داعي نسمع عن واحد انه وده يجي بس يستحي انه يقابلنا اما لانه (غشيم)!!لاننا كلنا كنا غشم في البداية ... او لانه مايعرفنا اصلا وماعنده الجرأه انه يتعرف علينا (على انكم لو تعرفون الشباب من جد تحسون انكم تعرفونهم من زماااان من طيبتهم انشاء الله والله شاهد على كلامي )!! وكلنا تعرفنا على بعض في البداية بهالشكل ... وبعدين اللي يبي يستفسر عن اي شيء لايرده الا (لسانه وكيبورده)!! وانشاء الله يكون خير !!

القصد من ذا كله انه نستمتع بهوايتنا في العاب الكومبيوتر ونستفيد من خبرات بعض

وانشاء الله القى تفاعل في هالموضوع خاصة ان الصيفية في بدايتها والاجازه طويله !!!
نشوفكم على خير

[game pro]

وانا جاهز اخوي

بس شلون تلعبون يعني بطوله ولا كل ماجا في راسكم لعبه لعبتوها
بعدين اخاف اهزمكم تتوطون في بطني وانا لحالي


بس تصدق شكل اللعب فلللللله

على العموم ودنا نشوف رأي الشباب الباقيين وش يقولون

تحياتي GAME PRO

[BLACK _G]

Wow...that`s pretty nice

but as u said im very foooooool

and also im very cute !!!!!!!!!!!!!!!



بس أنا ما فهمت وش الميزة بالضبط ؟ يعني الميزة ان الاجتماع في بيت وكل واحد يجيب جهازة Lan Party ولعب ببلاش (عز الطلب ) والا الميزة ميزة تعارف ؟

[PC-PS2]

game pro.....
حياك الله ... وترى اللعب مفتوح ... كل ماطقة براس واحده لعبة ووده يلعبها نسوي مجلس تشاوري ومؤتمر وعقد قمّة ... ونهذري ساعتين ... ثم نتهااااوش !!! ههههه !!! ((امزح بس متأثر بعقد القمة العربية ))!!
لالا اللعب مثل ماتحب ... واي واحد منا يقترح لعبة الشباب تلقاهم معك ... بس اهم شيء عندنا نستانس ونكسر روس بعض !!

وبعدين من ناحية انك تهزمنا وانت لحالك ماعليك ... بصير انا وياك بفريق ((يدور الفوز))!! وبعدين لاتخاف اكرام الضيف ثلاث مباريات تفوز على كيفك ... بعدها ما اضمن بطنك مايجية شيء ههههااااي !!
اللعب فله وشقة مفروشه بعد بس نبي تحدي وتكسير روس وامريكان بعد لووووووووووول.

حياك اخوي

==========================

BLACK _G...
اهلييييييين خيو ... لايهمك اخوي كلنا كنا من جنب القدة وتعلمنا !!!
وبعدين اللعب مثل ماقلت ((وببلاش اكيد)) ولا وش الفايدة اننا نجتمع بغير مقاهي النت !!
ابد جب جهازك وعدتك وخل الدورة التدريبية المكثفة علينا !!!

وبعدين من اللي قال لك ((ميزة تعارف))؟؟!! صحيح ان القصد الاساسي الاجتماع والفلة واللعب بس اكيد اذا تعرفت على ناس طيبة وحبيبين بتستانس اكثر ...



========================

وبالمناسبة الشباب اغلبهم من هنا بنفس المنتدى ... بذكر منهم .....
Striker
Soupernova
Am as (pc-army)
وفية ثلاثة من منتدى النبراس واحيانا يكونون اربعة ....
واعضاء الشرف كثيرين منهم MoaeD وعضو قديم اسمة Digetal على انهم كانوا اساسيين بس انشغلوا عنا الفترة الماضية ... ويمكن تكبروا ((هههه واحد يدق))!!
وبعد احيانا قريب فلان او قريب علان
بس ماحصل واجتمعنا مرة اكثر من 9 ... وغالبا غالبا كانت اجتماعاتنا من 3-6 ماتزيد من فترة طويله ....

عموما اللي حاب يجي وتأكد انشاء الله ممكن يرسل لي رساله على الايميل او رسالة خاصة بالمنتدى وحتى اللي يبي يناقش ويسأل عن امور اكثر ممكن يراسلني .

[MatrIXSa]

^
^
^
هلا والله عاش من شافك من زماان عنكم والله

بس ماعلييه بحاول يوم من الايام اجي عندكم ..بكلمك

تحياتي

[game pro]

وانا على بالي انه مايحتاج جهاز (الاخ يحسب انه عندكم خدمات مجانية )

اما اجيب جهازي هذي انقزها وين شاشه 17 عادية وكيس قد راسي كبير
وكيبورد وماوس لو فيه حل ثاني ممكن افكر اما كذا احسها قويه

[BLACK _G]

ايه أتوفع انها راح تكون استعراض أجهزة

who can beat me ?

بس ماعليه الواحد يشوف اجهزة غيره ويشوف كيف الأداء وياخذ خبره

بدل أقعد أناظر في أجهزة ربعي واحد مركب TNT والثاني توه على بانتيوم ون <=== الله يعينه لو سمعوه

بس وين الشباب للدرجة ذي حلوين

[MatrIXSa]

^
^
اذا ماجا كودكس اتوقع جهازي اقوى <==== اييه افلقني

[PC-PS2]

BLACK _G....
اوكي شيك على رسايلك الخاصة بتلقى رقم الجوال اذا ودك عندنا جمعه قريبة انشاء الله الاحد او الاثنين... بمناسبة الاجازة
لاننا امس كان الاجتماع الدوري الاسبوعي ... وصراحة شباب لو ما اذن الفجر وماورانا صلاة الجمعة كان كملنا للصبح !!لوووووووووول!!! ادمااان!!

==============

VengaBoys...
فاتك نص عمرك امس بالذات ... كان سوبر نوفا واثنين من الشباب اظن قابلت واحد منهم في المقهى ... ضد فريقنا اما وسترايكر وعضو من النبراس برضه انت قابلتة هناك مرة وحده بس والسابع كان داخل معنا يبي يلعب لحاله علشان ينكدّ هههههههه...!!! يبي يكون نشبة للفريقين !!!
بس اخر 3 اقيام كانت قوية وانتهت 2/1 ... وعندهم هدف تسلل !! ههههههااااااي !!

[جـون سينا]

وانا بدخل معكم




تحياتي لكم على طرحكم لهذا الموضوع اللي يفتقر له المنتدى وبشده



ملاحظة : انا ترى مني من الرياض انا من تبوك الورد

[PC-PS2]

جـون سينا...
هلا فيك ... اذا قصدك انك ممكن تزور الرياض وودك تجي حياك الله ... والعشاء علينا بعد !! ههههه
ارسل لي رسالة خاصة او على الايميل ويكون بيننا تنسيق انشاء الله.

واذا قصدك اون لاين صعب نجتمع كلنا !!

[Striker]

^
^
اذا ماجا كودكس اتوقع جهازي اقوى <==== اييه افلقني

سلام.
وين الناس لا حس ولا خبر. الصراحه بعد ما سحبت علينا ذاك اليوم ما عاد طلبتك تجي مره ثانيه قلت تجي منو. اذا كنت شايف ان شيلت الجهاز صعبه اجل ايش تقول عننا الي كل اسبوع طايرين بأجهزتنا وبعضنا يجيب جهازين معاه من 4 اشهر بشكل منتضم كل خميس.
اشوفك ان شاء الله قريب

[MatrIXSa]

^
^
^
هلا والله سترايكر معلييش والله والله كنت ناوي اجي وانا وواحد من شباب بس كان فييه تحدي كاونتر سترايك وانا عاد كل شيء عادي الا كاونتر <=== ادمااان

على عموم رقمك عندي راح ادق علييك انشالله بوقت قريب قبل لا اسافر

تحياتي

[PC-PS2]

الا على فكرة ... الاحظ ان اللي يحدمنون جينرالز مايحبون كونتر سترايك ... والعكس وانا اقصد كادمان فيه فرق بين عادي او احب العب كونتر سترايكوبين ادمنت كونتر سترايك !!!

وملاحظة ثانية بس فكروا فيها قبل ماتتكلمون ؟؟!!!
اللي يلعبون جينرالز ... تلقاهم غالبا هاديين ولاهم حقين دخان .... واللي يدمنون كونتر سترايك ... تلقى الاغلبية مدخنين وعصبيين !!! ليش ما ادري او ان ملاحظتي واقع صدفة لجو انا عايشة !!
يمكن!!!

المهم العاب الاستراتيجي احلى وافضل بكثييييير وهذا رأيي ومن حق اي شخص ان يبدي رأيه بعد !!!

[Cool NEO]

ههههههههههههههههه PC-PS2
ملاحظة قوية