ابي اشاوركم يالاعضاء بشتري سيارة غير المكسيما والكامري والكورلا و....

[amro man]

والله أنصحك أنك تشتري oudi a4 أو oudi a6 لأنها ممتازة و مالها منتشرة كثير

[مخدوع في زماني]

فكرّت بالكابرس الإس إس ترا تلقا 2004 مستخدم بحدود 95 الف ونظيف بعد

والكابرس الرويال نفس الحدود مابينهم فرق بالسعر


الالتيما والله قوية وحلوة بس مشكلتها قوطي وحديدها خرطي


انا عن نفسي لو معي 120 الف والله ماحطها بالسيارات الخرابيط هذي كابرس والتيما ومادري ايش والله ماحطها الا بسيارة صح فياقرا 2001 او 2000 مثلاً أو اطق لي بي أم 540 تلقاها ماشية لها 26 الف وتاخذها كأنها جديدة



انا ملاحظ اسعار السيارات ارتفعت بجناااااااااااان خاصة الكامري والالتيما والماكس والكابرس خير ان شاء الله وصلت قيمتها لهذا الحد على اية أسااااااااس؟؟؟؟؟؟؟؟؟؟؟؟؟

فعلاً مافيه حماية مستهلك

[cleverman]

اخوووي
انا انصحك
تجمع شووية فليسات على ال 120 الف
و اشتر لك مرسيدس CLS

و موفق باذن الله

[][-][Mr.ZeNoN][-][]

وبعدين الاخ اللي وصف هولدن باسواء مصنع في العالم
حاط من الاختيارات (هيونداي كوبيه)
والله ياناس سيارة مريضة من جوا كانها لعبة
تشطيبات صفررررر واداء غبي ومايحبها الا الفلبينيين خخخخ

الهيونداي ليست سيئة بذيك الدرجة..

تلاقي الهيونداي متواجدة بكثرة ليش؟؟

لانها أصبحت إحد أكثر السيارات مرغوبة خصوصا بعد مانزل السوناتا الجديد..

لكن البعض يذمها أو يتردد في شراؤها نظرا لانها كورية وهذا عيبنا يالعرب..المهم مجمل السيارة وليس السمعة..

وحطها حلئة في ودانك .. ((الكورية لم تعد مثل السابق))

انا عن نفسي لو معي 120 الف والله ماحطها بالسيارات الخرابيط هذي كابرس والتيما ومادري ايش والله ماحطها الا بسيارة صح فياقرا 2001 او 2000 مثلاً أو اطق لي بي أم 540 تلقاها ماشية لها 26 الف وتاخذها كأنها جديدة

المستعمل غالبا غير موثوق به..ربما باعها حديثا بسبب تورطها بحادث..أو قد تخبط المكينة والقير من قبل..ماتدري!!!!..وهذا ناهيك عن شكلها القبيح مع الإسطبات القديمة والإسطبات الجديدة على ماأعتقد الوحدة بـ1800 ريال..إذا لكزستي 96 الإسطب الأمامي بـ1300 غيرتها بسبب حادث بسيط فمابالك بالفياقرا...؟؟؟؟؟

ورأيي لصاحب الموضوع خذلك أكورد ولا سيفيك وهاذي الأشكال أفضلك من المرسيدس وخرابيط الألماني فكر في سيارة تناسب ميزانيتك..لاتتسرع وتستعجل وتشتري سيارات غالية..ترا الندم والصياح واللياح مابينفعك بعدين


تحياتي..

[AL_JARE7]

السلام عليكم.....
اذا كنت تحب الفخامه خذ لك landcrouser vxr
و اذا كنت تحب السبوورت خذ لك lumina ss coupe:vereymad:

[الوصلاوي]

إذا تبى رايي

MUSTANG GT 2005 (( الموستنج اليديد روووعة و شكلة وحش ))
أو
HONDA ACCORD V6

و ابتعد عن اللومينا و الألتيما .. لأنه البدي مالهم جداً ضعيف ... و راح تخسر السيارة بسرعة لو لا سمح الله حصل لك حادث بسيط ...

[الياباني جحش]

مثل ما قال الوصلاوي ابتعد عن اللومينا لنه مو ثبات
جرب الموستنج اليديد حلو و سعره معقول

[محمود ش س]

اخوي انه ما عندي خبره في السياير ..

بس اذا نت تحب السياير الاسبورت .. شكلا ومضمونا

اخذ لك بيجو 206 ..

[الياباني جحش]

البيجو هذي سبورت
ليه كم حصان هذي و كم تسارعها
ويريت بس تجيبلي موتر واحد امريكي تصف وياه هالنكته
لو ما الملامه جان قتلك خذ ترانز رامير حلو و جبار "مو قوي لاحظ"
ستوك يمحط لك باقوى كمارو و بورش

[ya7y007]

أخوي لازم تحط شي في بالك قبل لا تقرر ... إنتا تقول سيارة مو منتشرة .. شنو اللي منع إنتشارها ؟؟؟

أكيد قطع غيار عالية ..وكيل حرامي ... خبرة صيانة محدودة ... غير مرغوبة في الديرة ....


على العموم حبيت أذكرك .. في هني خيارات وايد ..بس أنا صراحة ما أعرف أسعار السيارات في المملكة ..و راح أحط إقتراحات بحرية حسب طلبك :

1- بيجو 307 سي سي

2- فولكس واجن بيتل كابريوليه

3 -أودي A4

4 - جي إم سي إنفوي

5- لانسر إيفوليوشن


صراحة أخوي أنا نفسي مو مقتنع بإقتراحاتي ..إنتا ماحددت تبيها حق السرعة و الشيطنة و لا الكشخة و الفخامة ... على العموم الله يوفقك و يسدد إختيارك ..و أي خدمات أنا حاضر ...

مشكور

[محمود ش س]

البيجو هذي سبورت
ليه كم حصان هذي و كم تسارعها
ويريت بس تجيبلي موتر واحد امريكي تصف وياه هالنكته
لو ما الملامه جان قتلك خذ ترانز رامير حلو و جبار "مو قوي لاحظ"
ستوك يمحط لك باقوى كمارو و بورش

اي نعم هاي اسبورت !!! اشفيك اخوي متخرع ..


..

[الياباني جحش]

لا بس 206......
المكسيما اقوى منها بكثير
الا اذا تحسبون عندكم المكسيما سبورت هذا شي ثاني

[الياباني جحش]

Max power 138 bhp
Max speed 126.7 mph
0-60 8.9 secs
تسمي 138 حصان سبورت؟
تسمي 9 ثواني من صفر لميه سبورت؟
206 بيجوت مكينته اكبر من الكرولا بثنين من العشره من اللتر سبورت؟
الله يهديك خليت المازدا 3 سوبر كار انها اربعه سلندر 2 لتر 147 حصان !!!!!
شخليت للموستنج اليديد 4.6 لتر 300 حصان تسارعه 5.1 ثانيه؟

[Imaj]

أنا اللي قاهرني، ترانز أم موديل 94، معروض بـ 14 ألف ريال!!

أنا أمووووووووووووت في شيء اسمه ترانز أم، لكن ما معي فلوووووووس

[محمود ش س]

Max power 138 bhp
Max speed 126.7 mph
0-60 8.9 secs
تسمي 138 حصان سبورت؟
تسمي 9 ثواني من صفر لميه سبورت؟
206 بيجوت مكينته اكبر من الكرولا بثنين من العشره من اللتر سبورت؟
الله يهديك خليت المازدا 3 سوبر كار انها اربعه سلندر 2 لتر 147 حصان !!!!!
شخليت للموستنج اليديد 4.6 لتر 300 حصان تسارعه 5.1 ثانيه؟

صح السانك اخوي...

بس اخوي في ناس ما اتحب السرعه خير شر يعني مو مهم السرعه عند الكثير من الافراد ..

انه عن نفسي احب هاي السياره وافضله على كثير من السياير ..


واشكرك اخوي على المعلومات ونتمنى لاخينا ان يختار السياره الي اتناسبه ..


مع اطيب تمنياتي لكم بالتوفيق..



..