`~`أتمنى أن تصل الأندية الإيـرانـيـة لمستوى الإمـارات`~`

[العيناوي]

هذي العادة يا اخوي الوصلاوي الموضوع في وادي والبعض يتداخل في موضوعات أخرى

[ابتسامــــــه]

للأسف .. ما شفت أحد رد أو عقب على كلامي !!!

هل هذا لنقص الحجه ؟؟

أرجوا عدم الخروج عن الموضوع .. الموضوع مب المنتخبات .. ولا الإنجازات .. ولا الآسيوية .. الموضوع من هو الدوري الأكثر إثارة و قوة حالياً .. يعني من السنه الي طافت و إلى هذي السنه ...

هذا هو محور النقاش .. ولا اريد الخروج عنه ..

إلى الآن ما شفت أحد عقب على كلامي .. لهذا .. ما أقدر أواصل الحوار معاكم ..

أخويه الوصلاوي .. أشكر لك ردك أنا قريته كله مــاشاء الله عليك بالحجه والبراهين ما اعتمدت على عاطفتك ..

وأنت أؤيدك بكل كلمه قلتها



يعيطك العافيه اخويه الوصلاوي ويخيلك ذخر لبلادك

[master_akuma]

كيف تبغون يردون عليكم والفرق بين كل رد والثاني ثلاث اربع دقايق

يعني فبركه من خاطر

سبحان الله كل يتكلم على قدههالمرتين لي اخذ فيها الدوري الاماراتي افضل

دوري فرحانين فيها

ولست ادري علام تم ذلك ربما يتميز بلعب المحترفين والحيره بإختيار لاعبين المنتخب

[abdulaziz1]

الدوري الإماراتي أفضل لسبب..التنظيم والاحتراف..

أما في التنافس..فبدون احتراف وتنظيم مايسوى..فبكذا أرشح الإماراتي..

أما السعودي..اليوم مباراه..بعد شهرين 5 مباريات..بعد يومين 3 مباريات..ولخبطه مابعدها لخبطه..وديون للأنديه بالهبل..

فمن أي منطق السعودي أحسن.؟

حتى لو كانت الأنديه أقوى وأعرق..أو تقدر تقول نادي أو 2 يقدموا عروض قويه في الخارج..لكن المشكله في الدوري..

والمنتخب ماله دخل..لأنه يمكن المحترفين يكونوا أحسن..أو الأنديه مستوياتها متقاربه..

ملاحظه..(أنا سعودي)..بس الإعتراف بالحق فضيله..

كلمة أخيره..

الدوري الإماراتي في تطور..الدوري السعودي الله يستر..

بس ان شاء الله يرجع الدوري السعودي كما كان وأحسن..

تحياتي..

[الكلام الصح]

كيف تبغون يردون عليكم والفرق بين كل رد والثاني ثلاث اربع دقايق

يعني فبركه من خاطر

ههههههههههه

يعطيك العافية

والله قلت اللي على لساني

الأخوان هنا ماتلقى محور حديث أو نقطة للنقاش كل واحد يشكر الثاني ويطيب خاطره

يعني

يجيك واحد من الأخوان ويقول الشارقة سوى وسوى
ولما ترد عليه يقول ... لا... لاتدخل التاريخ والماضي

ثم يقول العين هو اللي ترك وفعل
ولما ترد عليه بالحاضر يقول ...لا ...أنا أقصد بالماضي


أو يتكلم عن نتائج المنتخب السعودي ويقدح فيها ولما تواجهه بالحقيقة
يتراجع ويقوا أتركوا المنتخبات لا تكلمون عنها


إحترنا معاكم ياشباب الإمارات الغالين

الكلام واضح والمقصد بـيـّن

ولامانع من تكراره

الدوري الإماراتي دوري ضعيف فنيا وتنافسيا
ومتقدم جدا تنظيميا وإداريا وباذخ إعلاميا (وربما هذا هو السبب اللي يجعله يحتل مرتبة جيدة في التصنبف فالفرق الإماراتية مسالمة والجمهور الإماراتي حبييييييييييييب ولا تصدر منه مشاكل
زي الدوري السعودي ومشاكله التي تصل بعض الأحيان للفيفا )


الدوري السعودي
دوري فتاك وشرس ودموي فنيا
وسيئ وإرتجالي تنظيميا وكثير التوقفات والفرق كثيرة الإعتراضات
والجماهير حية ونزقة ومتعصبة جدا جدا
يعني الدوري السعودي دوري حي متحرك تحس بحرارته ولو كنت غير متابع دقيق لمبارياته


وعلشان نضع الأمور في نصابها

تخيلوا معي أن فريق مثل العين أو الشارقة يخوضون تجربة موسم واحد مع الفرق
السعودية في الدوري السعودي

وتخيلوا أن الهلال أو الأهلي أو الإتحاد أو الشباب يخوضون نفس التجربة في دوري
مثل الدوري الإماراتي

[ولد مشاغب]

يعطيك العافية على الموضوع

[Rivaldooo 11]

اللي يقول الدوري السعودي مافيه الا اربع فرق فخليه يرجع للنهائيات

الموسم الماضي الهلال اخذه واللي قبله الشباب واللي قبله الاتحاد

وشوف الاهلي ماخذ بطولة عربية والاتحاد ماخذ العربية والاسيوية في موسم واحد والهلال مكوش على بطولات الدوري

الموسم الماضي القادسية لعب النهائي مع الهلال وشوف امس القادسية لعب مع الشباب وكلها 6

وقبل كم موسم لعب الطائي نهائي الدوري واين يلعب الطائي ؟؟ في الدرجة الاولى
اذكر بعد ذلك الموسم الطائي لعب بطولة خارجية ولعب ضد فريق اماراتي لا اذكره وفاز عليه وبعد المباراة قام واد من الفريق الاماراتي يقول ان الطائي لعب بكامل نجومه اما هم فعندهم اصابات

واذكر مبارات الاتحاد والاهلي الاماراتي قبل تقريبا 7 سنوات حضرت الملعب ووقتها فاز الاتي 7-0

بطولات الاندية السعودية الخارجية لا تعد ولا تحصى ومن الظلم مقارنتها باي انجازات في المنطقة العربية

حبيبي رئيس كوريا بنفسه قبل مباراة الاتحاد وبوسان الكوري الاخيرة راح لمقر نادي بوسان وطلب منهم وضع حد للانتصارات السعودية على كوريا

ولكن هيهات مع الاتي


يا اخي ترا الفيفا بعد العشرين الاوائل يخبصوا في الترتيب يعني المنتخب السعودي في اسوا الاته كان ال 27 على العالم

وايام عز منتخب الكويت لما كان يفوز بالخمسات والستات وفاكر وقتها كان فاز على الامارات 4-0 في كاس الخليج
وكان التصنيف مخلي الامارات متقدمة على الكويت بعشرين مركز تقريبا

على العموم ترا الكلام في هذا الموضوع ما راح يخلص

[!!!!!]

اسمحولي جدال عقيييييييييييييم

لان كل واحد متعصب ومتمسك برايه اللهم القلة من الاعضاء بس قالو كلمة الحق.

اللي يقول الدوري الاماراتي ضعيف فنيا : اقوله روح كحل عينك عدل وشوف الدوري اول OK
احنا ما قلنا الدوري السعودي ضعيف .. لكن اعتقد ان الفيفا افهم مني ومنكم كلكم
الفيفا تختار على اسس ومعايير كثيرة بعضها نعرفها وبعضها نجهلها فارجو عدم الفلسفة..
الفيفا هي المسؤول الاول والاخير عن القوانين والاحصاءات في كرة القدم.
فإذا ما عجبكم راي الفيفا واتحسون انها ظلمتكم .. فقل لدنيا كرة القدم السلااام..

وردا على اللي قال الفرق اللي تنافس على الدوري الوحدة والعين
اقوله كلامك اكبر دليل على انك اصلا ماتشوف الدوري الاماراتي ولا اتابعه
الفرق المتصدرة في الجولة الثالثة:
الوحدة
الجزيرة
الشارقة
**************
يا اخواني شوفو الدوري كله بعدين احكموا اوكيه
ما يجي واحد منكم ويطالع مباراة او مباراتين ويقول شاف الدوري الاماراتي!!!!

*******************************************
في مسالة ثانية ابا اوضحها:
سالفة المشاركات الخارجية اللي كليتونا فيها ... الفيفا قالت اقوى دوري محلي شو يخص المشاركات الخارجية؟؟!!!
الله يبارك بالبطولات اللي حصلتوها بس للعلم :اندية الامارات لم تشارك حتى الان في بطولة ابطال العرب.واذا شاركت يمكن اتشوفو بطل من الامارات.من يدري؟
**********************************************

واخيرا شكرا اخي العين تيم وان شاء الله كاس اسيا في القطارة^^وعقبال الوحدة.

[الوصلاوي]

الصراحة أحلى رد قريته كان الرد الأخير للعضو !!!!! .. مب لأنه قال دورينا الأحسن ... لكن تحس من كلامه واحد فاهم شو يبى يقول .. و ما تلخبط ... ولا ذكر بنتايج مباريات (( لأن التذكير بنتايج المباريات يدل على التحدي او الاستهزاء )) ..

لان كل واحد متعصب ومتمسك برايه اللهم القلة من الاعضاء بس قالو كلمة الحق.

صحيح كلامك .. لكن في شباب تكلموا بعقل والحمد لله ..

اللي يقول الدوري الاماراتي ضعيف فنيا : اقوله روح كحل عينك عدل وشوف الدوري اول OK
احنا ما قلنا الدوري السعودي ضعيف .. لكن اعتقد ان الفيفا افهم مني ومنكم كلكم
الفيفا تختار على اسس ومعايير كثيرة بعضها نعرفها وبعضها نجهلها فارجو عدم الفلسفة..
الفيفا هي المسؤول الاول والاخير عن القوانين والاحصاءات في كرة القدم.
فإذا ما عجبكم راي الفيفا واتحسون انها ظلمتكم .. فقل لدنيا كرة القدم السلااام..

100% صح .. أنا متأكد من إن الأغلبية لا تتابع الدوري الإماراتي .. أنا الصراحة هذي السنه ما أتابع الدوريات بشكل جيد (( و من ضمنها الإماراتي )) .. لني بنيت أحكامي على الموسم الماضي .. حيث كنت متابع للدوري الإماراتي و السعودي و القطري .. و أطالع الكثير من المباريات ..
و لو تشوفون الجملة الي تحتها خط .. أقروها مرة ثانية ..
شباب ... يمكن أنا ما وضحت هذي النقطة .. أنا من كلامي ما قلت إن الدوري السعودي ضعيف .. ولا هو دوري سيء !! .. لكن قلت إن الإماراتي افضل .. و هذا خلاصه الكلام .. الحمد لله .. دورياتنا قوية .. و فيها الكثير من الإثارة ..

وردا على اللي قال الفرق اللي تنافس على الدوري الوحدة والعين
اقوله كلامك اكبر دليل على انك اصلا ماتشوف الدوري الاماراتي ولا اتابعه
الفرق المتصدرة في الجولة الثالثة:
الوحدة
الجزيرة
الشارقة

صحيح أخوي .. أنا نسيت اذكر هذي النقطه .. هم يشوفون العين يفوز بالآسيوية بالـ6 .. قالوا بس هذا هو المتصدر في الإمارات ... و ما يعرفون إن العين خارج الـ4 الأوئل .. إذا الوصل الي طلع الموسم الماضي الـ8 .. و حالياً هو في المركز الـ5 .. و هو المرشح الأول بعد الوحدة حامل اللقب ..!! ... و شوفوا فريق دبا الحصن الي في المركز الـ 7 .. حبايبي هذي الفريق الموسم الماضي أول مرة في تاريخة يصعط للدرجة الأولى (( الممتازة )) .. و قدر إنه يصارع الكبار ... و شوفوا الوصل .. الي قدم عروض قوية في كأس الخليج (( وكان بالإمكان افضل مما كان )) يقبع في المركز الـ10 ..!!

في مسالة ثانية ابا اوضحها:
سالفة المشاركات الخارجية اللي كليتونا فيها ... الفيفا قالت اقوى دوري محلي شو يخص المشاركات الخارجية؟؟!!!
الله يبارك بالبطولات اللي حصلتوها بس للعلم :اندية الامارات لم تشارك حتى الان في بطولة ابطال العرب.واذا شاركت يمكن اتشوفو بطل من الامارات.من يدري؟

كلام سليم .. أنا لاحظت الكثيرين يتغنون بالأمجاد .. الصراحة .. ما احب ارجع و أذكر إن هذا كله خارج موضوعنا .. بيقولك زين ترا الفرق تاخذ بطولات آسيوية يعني دوريها قوي .. (( بقولك شغله )) .. الكلام هذا سنه كم صار .. و نحن سنه كم نتكلم الحين .. عرفت الفرق أخوي ..

[الوصلاوي]

رداً للي يقول الدوري الإماراتي مافيه جمهور ... كم صورة تثبت العكس أخي الكريم ..

صورة الجماهير في مباراة الشارقة و الشعب /:



صورة من مباراة النصر و الجزيرة /:


صورة من مباراة الوصل و الشباب /:



ملاحظة /: أنا ما جلبت صور لجماهير العين ولا الوحدة .. و المعروف إن هذيل الناديين حضور جماهيرهم الأكبر في كل اسبوع .. و حتى نادي بني ياس .. الصاعد الحديث جماهيرة كبيرة و تحضر بقوة .. و نادي النصر ما حصلت صورة لجماهيرة من مباراته مع الجزيرة .. و الأهلي و الإمارات ما قدرت احصل صور .. لكن المباراة بعد كان فيها جمهوووور ممتاز ..

الي ابى اوضحه لك أخي الكريم .. إن كل المباريات المذكورة .. كانت في يوم واحد و في توقيت واحد
فهل هذا معناه جمهورنا ما يحضر المباريات ؟؟

الوصــــــــــــــــــــــــــلاوي

[ابتسامــــــه]

ولست ادري علام تم ذلك ربما يتميز بلعب المحترفين والحيره بإختيار لاعبين المنتخب

أكيد من عدة نواحي مب من ناحية أو ناحيتين

[ابتسامــــــه]

الدوري الإماراتي دوري ضعيف فنيا وتنافسيا

الاخ عضو بالفيفا ؟؟؟؟


خلاص سير عطهم حججك وبراهينك وتقييماتك و أرقامك .. وإن شــاء الله يغيرون رايهم بالدوري الاماراتي

[DMC]

عندي اختصار لكل هذا الكلام وارجو ان ينتهي هذا الحوار الي اشوفه عقيم
الدوري لاماراتي اقوى دوري لعام 2004\2005
على صعيد اسيا
هذا كلام الفيفا ^_^
اظن كل شي واضح نفس وضوح الشمس
وان شاء الله الدوريات العربية تصل لاعلى المراتب
وبالتوفيق لدوري السعودي وناديه لاتحاد في كأس اسيا
وعقبال نشوف لاندية السعودية لاخرى في كاس اسيا
النهاية

[abdulaziz1]

رجعنا!؟

مصير الموضوع بيتوقف إذا أستمر..

أتناقشوا بهدوء أحسن..

تحياتي..

[Bu_Sultan81]

مع احترامي للسعوديين الدوري الاماراتي الافضل اسيويا....

وياليت اخوانا السعوديين يقتنعون ويحتكمون بالمنطق .... ويفكونا من هالتعصب الاعمى