مرة أخرى .. يتحول موضوع كروي معين إلى موضوع آخر لمجرد كلمه قلتها !! ..
أنا ما يبت كلامي من فراغ .. يعني أنا أقول للأعمى إنت أعمى .. و للمبصر إنت مبصر .. و الحمد لله .. اعطي كل ذي حق حقه ..
هل في واحد منكم مرة شافتي أقول إنت منتخب الإمارات أفضل من السعودية ؟ .. أكييييد لأ .. تعرفون ليش ..
لأني ما احب اوهم نفسي بأني الأفضل بالكلام .. و أرى بعيني انجازات الأخرين و اتغاظى عنها ؟؟؟ هل هذا من العقل ؟؟ ..
أنا لا اتكلم بلغة القلوب و المشاعر .. اتكلم بلغة الأرقام ..
إذا بتتكلم عن الدوري الإماراتي .. بتتكلم عن الدوري الأقوى عربيا .. و آسيوياً .. و خليجياً .. و حتى لو دخلت الدوريات الأفريقية ....!!!
فهل من المعقول إنك اتي و تجحد مركز الدوري الإماراتي ؟؟ ..
أبى اعرف الدوري السعودي في شو أقوى ؟
الأداء
شهادتي و شهادتك أخوي ما تنفع .. لأننا نبى طرف محايد .. لكن .. برد عليك بحياديه ..
الأداء /
الدوري الإماراتي الصراحة اشوفه أفضل من الدوري السعودي في أداء الفرق .. يعني اتي المباراة و إنت ما تعرف منو بيفوز في المباراة .. حتى الفرق الصغيرة و الي تصارع على الهبوط تفوز على الفرق المتصدرة .. و كم مرة صارت في دورينا إن الفريق الأخير يفوز على الفريق المتصدر !!
شو تبى أكثر من هذا الدليل على قوة و تقارب مستويات الفرق .
الشارقه يوم فاز على الهلال بخماسية (( كان في المركز الأخير في الدوري الإماراتي )) .. و لحسن حظ الشرقاوية إنه ما كان في هبوط في ذاك الموسم ..
الجمهور ..
بتقول .. شو الفايدة من:
جمهور يرتدي لون موحد ..
أو يشل أعلام بلون الفريق..
أو يغني بصوت واحد ..
أو يكون صورة كبيرة لشعار الفريق ..
أو يتحرك بصورة جماعيه مثل حركة الموجة ..
أخوي شو خانته الجمهور إذا ما تباه يسوي هذي الشغلات ؟؟
هل تباه يحضر للمشاهدة .. و يوم يتسجل هدف يصفق .. و انتهت السالفه ؟؟
هل هذا هو تعريفك للجمهور .. إذاً أنصحك بمتابعه مباراة برشلونه و الريال .. أو الإنتر و الميلان .. و شوف كيف الجمهور .. هل يسوي الي إنت مب عاجبك ولا ؟؟ إذا ما كان يسوي من هذي الشغلات .. لك مني اعترف لك إن جمهورنا متخلف !!!
في السعودية .. فيه جماهير .. لكنها مب في كل المباريات .. تحصلهم في مباراة معينه بعدد هائل .. و في مباريات أخرى الملعب مهجووووووور ..
و حتى لو بتاخذ عدد السكان .. و بتاخذ نسبة الحضور الجماهيري للدوري .. راح تشوف إن الدوري الإماراتي يتفوق على الدوري السعودي ..
التغطيه الإعلاميه ..
الحمد لله .. إعلامنا قوي .. و يغطي معظم مباريات كل اسبوع .. (( 5 قنوات تنقل مباريات الدوري مباشره )) .. يعني بإمكانك مشاهدة الدوري بـ 5 مباريات مختلفه كل اسبوع !!
بينما في السعودية .. توجد قنوات (( مشفرة )) و لا يتابعها الكثيرين .. و توجد قناة السعودية لكنها ما تقدر تجذب المشاهد من خارج المملكه للأسف ..
إسأل غير السعوديين و الإماراتيين .. شو الدوري الي تتابعه و راح تشوف إن الأكثرية تفضل مشاهدة الدوري الإماراتي ..
الملاعب ..
الحمد لله ..
نحن في الإمارات .. يمكن الدولة الخليجية الوحيدة حالياً إلي لكل نادي فيها ملعبه الخاص .. و الحمد لله .. عندنا عدد كبير من الملاعب الجيدة .. حوالي 5 ملاعب جديدة قيد الإنشاء .. و أحدهم سوف يلعب فيه منتخب الإمارات مع عمان هذا الثلاثاء .. و الي هو ملعب العين الجديد ..
في المملكة .. تشوف كل ناديين أو ثلاث يتقاسمون الملعب .. ؟؟
أعتقد هذي كلها دلائل تتحدث عن نفسها .. و تفرضها على العقل السليم ..
و الي بيرد على كلامي .. ياليت ما يرد بكلمه (( دورينا الأفضل )) .. بل يرد على كلامي و يقول كلامك خطأ .. و الصح (( كذا و كذا )) .. و يذكر أشياء واقعيه ..
في النهاية .. بالتوفيق للإمارات و السعودية ..