الموضوع الرسمي لـWorld Cup FIFA 2006

[ثريول]

ما يستاهلون الخسارة ساحل العاج! , لعبوا مباراة قوية والله.
عبود كيتا خرب مستوى الفريق , النظام عنده نظام فرجان والناس في كاس عالم ..

مباراة حلوة ..

[! غــريــب !]

أتفق مع قرَة عيني وتسبدي ثريول

المباراه حقة الخوال والتانغو حليوه .. اللي استغربته لعب الارجنتين

يعني توقعت يدرعمون على الباب على طول والخوال خذ لك تكسير بس صار العكس

الخوال مستلجين ولايدرون وش يسوون والأرجنتين يتكتكون على أقل من مهلهم

ريكليمي أستلجَ اليوم هو والزلابه سافيولا اللي جاب هدف حليل .. ساحل العاج أحس

ينقصه شئ بس وشو مدري يعني لياقه كويسه وبنيه كويسه بس العقليه لك عليها

يعني الخال خال لو تلعبه في الستامفورد بريدج << مايقصد دروجبا أبد

اللي مستغربه في مباريات اليوم الروح بنت اللذينا اللي عند لاعبين ترينداد

[SFS]

يا خسارة..

حرام ساحل العاج تخسر جدام الأرجنتين..والخبرة مثل ما قالوا الأعضاء رجحت كفة الأرجنتينيين..

والمباراة بالفعل اقوى مباراة في البطولة حتى الآن..

[BOOOB_2002]

شفت المباراة يا ايفل نفر داي يوم قلت لك برب نزلت لقيت صديقي يحتريني تحت يبي يروح المقهى


المهم مباراة قوية كانت

وساحل العاج يستاهلون اقل شي التعادل


شكلي بشجعهم مع البرازيل


مررررة سريعين وحركاتهم خفيفة

[ssaa]

الشوط الاول كان الاقوى الثاني عادي
تكتيك الارجنتين كان واضح من بدايه المباره لعبهم على الهجمه المرتده وساحل العاج ضيع فرص با الهبل وكان في بلنتي بس الثور دروجبا قام على طول وعطاه اتاحه فرصه لو انه ربض با الارض كان اصرفله احلى شي صراحه قطه القول الثاني تتعب وانت تقول قويه كنت متوقع يدخل ميسي في اخر ربع ساعه بس للأسف ما دخله اما ماردونا مسوي جو صراحه هو وخويه نسيت اسمه مع بنته
بكره اقوى مباره هي المكسيك وايران هولندا اتوقع الفوز لها

[! غــريــب !]

صباح الليل

اليوم هولندا وصربيا .. صربيا مدري وش وضعهم صراحه ولا قد

شفت لهم ولا مطش كل اللي أعرفه إن فيه راس حربه عندهم كويس

اسمه كيزمان كان في تشيلسي وانتقل لأتلتيكو مدريد الإسباني ..

بالنسبه للطواحين ياحبني لهم الفوز متوقع لهم لو السناتره يتغيرون

يعني يكون في السنتر بلحروز خالد والثاني مدري وشسمه

بالنسبه للنص شنايدر أظنه يعاني من إصابه والأكيده مشاركته

هو كوكو ويمكن يكون معاه فاندر فارت وفان بيرسي

قدام بيكون نستلروي وكيويت وروبن ..

التشكيله ذي كويسه نوعاً ما .. عمومتاً في انتظار مباراه كويسه

[! غــريــب !]

أدري ياكثري بس كمن كلمه تقرقع ولازم تخرج ولا بيصير فيه حالة إنفجار ..

منتخبنا العزيز بعد هالمكافآت اللي هي 100 ألف مقابل كل فوز و 300 للأدوار اللي بعدها

وعطية أبو متعب اللي هي 45 مليون ... وش رايكم تشدون حيلكم ؟

طيب سؤال ثاني .. وش يعني لكم يوم الشايب عندي بعد ماتخطى حاجز الـ 70 سنه

يروح يتعنى ويشتري علم كبر الجدر ويعلقه في الصاله وكل ماشاف واحد من أخواني

ذبَ على المنتخب ولا شئ وراه شغله ولعن مثواه ؟

طيب .. تصدقون ودي أهايط على عيالي ولا أي احد اصغر مني وأقوله وينكم مالحقتم

على القحطاني ولا تكر ولا المنتشري ولا سنتر 9 ولا حتى ان شاء الله الخثران الارهابي

وقسم ليصير أسطوره لو سوينا شئ ..

ياعالم زغلول ماقد فحط لعيون أحد .. البارح مستنزل وجالس يعقد ومشغل لاجا وقت الجد

وكله عشان عيون المنتخب

يمكن أكثر ناس ينسئلون عن المنتخب يجيك ردة فعل * بينصقعون ويرجعون * بس ورب الكعبه

ووربي اللي خلقني انهم يتمنون ان المنتخب يفوز .. أنا بيني وبين ألمانيا مدري كم كيلو

بس متأكد إنها أبعد من سوريا اللي تهورنا ورحناها يوم كنت صغير .. بس أقدر أدعي

وأقدر أساند .. أبو خطط مدروسه ماراح يوقفني عن هالشئ وبلعن مثواه ان تدخل في التشكيله

هو وقصة الأسد حقته اللي بطلوها من فيديو كليب راشد الماجد المسافر راح ..

الفرصه الوحيده قدام الكوره السعوديه بعد 3 أيام .. ويانكون أو لانكون

لأن خلاص لو حصلنا مثل ماحصل في كوريا واليابان بتنطبع الصوره قدام العالم كلها

إننا ماعندك أحد والأهم من كذا بتنطبع الصوره في مخيلة جمهور الأخضر وخلاص العقده بتحصل

بتحصل وماراح يلاقي المنتخب جمهور يسانده ولا يشجعه ونصير مثل منتخب كيتاهاو << ماعرفه ترا

وبس خلاص خلصت .. يلعن أم الضيقه

تحرير : سالفة عيالي تعني أني متزوج سكارليت بس بشكل غير مباشر حبيت ألمح

[القــعـقـاع]

يا حليلكم يا مشجعي الاخضر...

يعني مثل الانتكاسات النفسية بسبب سوق الاسهم..راح يصير فيه انتكاسات بسبب اخضركم

كل ما ارتفعت امالكم فوق كل ما كانت المسافى للارض اكبر...

المفروض يتاهل البحرين و تقعد السعودية

[HAMAD 11]

المفروض يتاهل البحرين و تقعد السعودية

......... لا تعليق



ساحل العاج امس كانت الفرص عنده اكثر من فرص الارجنتين , لكن ضيعوها كلها ...
يعني اللعب اكثر شيء كان لساحل العاج اما الارجنتين فأستغلت الفرص بشكل افضل من ساحل العاج

[Classic Evil]

لا تخافون عالأخضر دام محمد نور و المنشتوي موجود ...

المهم ما يتعرضون نوووور للإصابة ...

---

هدف لهولندا - روبن من انفراده , دقيقة 16 ..

صربيا تلعب وهولندا تسجل ..

[Trapped Inside]

منتخب الدعايات وش ترجون منهم؟

ويلعن امها من دعايات -_- .

[donatelo]

super Cool ! mais je crois que cette fois çi l'angleterre qu'elle va y avoir la coupe du monde ! opsss

[Classic Evil]

خبر عاجل :

الدوري السعودي حصري على الاي أر تي لمدة 3 سنوات

[ssaa]

انتهت مباره هولندا 1/0 روبين وفاندرسار هم الي كان لهم حس في المباره المباره ممله بشكله عام مباره المكسيك وايران اتوقع تكون حماسيه بعد ساعه من الان

[Electro M]

المنتخب الهولندي فاز بأقل مجهود

روبين فعلا ابدع