الأكثر جهنمية..الأكثر شيطانية >.>

[][-][Mr.ZeNoN][-][]

كأنه ردي إنحذف بس معليه أصلا أنا أحسها كبيرة شوية

[Angel whisper]

ماشي ردود انحذفت O__o

[Lena]

يآآآآآآلهي..

كثير منكم شيطانيته مؤلمة..فيها تكفخ والم..على قولة Ralf.. طلعت small devil عند بعضكم._. ..

احبب الشيطانية الي فيها ضحك وتهبيل بالناس ايام اول



بلاك بكس:
انت كوخة وش ذا اجرام صدقي


كيربي:
بريئة متأكدة؟؟؟؟؟؟



ترابد:
صدق عاد.. ماتخيلتك هالtype..



SFS:"سعد فهد سعد"
ههههههههههههههههه قلبس تضحك سالفة التسميع من جد على نياته استاذكم..
لكن سالفة الحريف قويةXD
ودي اجرب هالنوع من الشيطنة بس راحت علينا كبرنا


مادا
انتا في موضوعي!! هلا والله ولكم باك وينك يا راقل؟؟
بس يمة منك ماتوقعت شيطون كذا._.
كيف اجل ياشرير..اخوي قد سواها فيني والله انها نكتة سودا بقلبي للحين عجزت انساهاT_T
بس حركة فيلم الرعب شي



مستر زينون:
مسكين كل ذا ومسكين
ههههههههههههههههههههههههههه
خطة رهييييييبة
بالله وين تنباع هالاكياسXDامااااااانه تقول ليييي اببببببيييهاااااااا
*ناوية تهبل في بنات خالتها وخالها الي جايين لهم هالصيف*

ايه صح اذا اتحذف لك رد تصير كثير عده اذا فيه شي حلو معليك لا تشيل هم

[Kaze]

موضوع عنيف وجميل

إذكر مره كنت بالآركيد ألعب Meat Slag X2 هذي كنت فيها فنان يعني ما اخسر واحصل سكور عالي مره .

بس مره من المرات كنت زاير آركيد جديد بالمنطقة وكان في ناس يتابحون على هذي ألعبة , ودائما يتحدون على السكورات الي يحصل اعلى . المهم انا نزلت نفسي ولعبت ألعبة , وحصلت سكور عالي جدا , بس شوفوا النذالة

الي كانو يتذابحون على سكورات شافوا سكوري وبعدها راحوا من وراء وسكروا الجهاز وطار كل شيء , وانا صدتهم وهم دائما يقولون الجهاز سكر بحاله . مع العلم انهم بتان

ومن يومها اول ما ادخل هل الآركيد اذا شفتهم يلعون اي لعبة اسكرها قدام عيونهم طول ما انا في الآركيد اي لعبة يلعبون انا لهم بالمرصاد , يوصلوا شوي وعلى طول اسكرها , وهم يخسون يسكرون الجيم الي العبه مهما حصل .

الموقف الثاني :

مره كنت رايح مع اصحابي KFC وركبنا الطابق الثاني , وكلنا , بس لاحظنا ناس تاكل الاكل الزايد , فأيش عملت ؟ قمت جبت صابون وحطيته في السندويش الي ما كملته و صاحبي الثاني حط بُرادة سجاير و هذولي كلوا منهم وعطونا تعابير وجه عجيبه قعدت اضحك عليها ليومك هذا.

الموقف الثالث :

جات ايام أزور كل اسبوع آركيد جديد , وكنت دائما اطمح بان احصل واحد فنان في لعبة KOF , وفعلا نشوف ناس يلعبون , بس مره في واحد استهزء بي لانه يعرفني من قبل , فلعبت معاه او لعبة و ما كنت ألعب على ما انا عليه بغرض اني أراهنه في فيما بعد , المهم بعد كذا جيم ,

قالي :يالله هذا آخر جيم اذا غلبتني بسوي كذا وكذا
, قلت له : ما ابي بس اشيء واحد
, فرد علي : شنو ؟
, قلت : الي يخسر يخبط راس الخاسر في اي شيء

هو وافق , مع العلم اني ما كنت العب عدل عمدا ( اصلا ما اقدر اسمي لعبي لعب وقتها )

فلما غلبته و الكل استغرب من التغير

فهو كان يلعب وهو واقف فعلى طول اول ما خسر خبطت راسه بالزجاج مال الآركيد وخيلت راسه داخل وتكسر كل شيء ( طبعا وهو ما يدري بغفه بس الطريقة مثل ما اتفقنا عليها )
وطبع هو دفع التعويض
ومن بعدها تم يقول انه غلب فلان الفلاني عدد مرات الفوز + انه غلبني آخر شيء
بس يسألونه شنو سر الربطه الي على راسه , فيرد عليهم : طحت على راسي يوم قمت المن النوم

[Angel- lady]

لوووووووووووووووووول XD ...

والله طلعتوا شياطين درجة أولى ...

أممم ... أنا ما أعتقد أسوي مقالب قوية لهذي الدرجه أو عندي أفكار شيطانية ... يعني صفاتي على أسمي ... j/k ، بس الصج أنا ما أحب أسوي خطط شيطانية ... نشوف هذا الموقف

إحم ...

أيام PS1 ... كانت عندي وحده و أخلي بس البنات يلعبون فيها و كان لولد خالي بعد بس وحده و الأولاد يلعبون فيها << عنصرية + منع إختلاط

المهم ، كانا نبي نلعب في بيت يدتي و كان قبل عندهم تلفزيون واحد شاشته كبيرة ( ما أذكر جم بوصه @@) و ثاني شاشته أصغر، تهاوشنا على التلفزيون الكبير ، فكنت أنا أكبر وحده فيهم كلهم و ولد خالي أصغر مني بأربع سنين ، اقترحت إن نلعب لعبة و الفايز راح يلعب بالتلفزيون الكبير ( البنت ديموقراطية ) ، و كان عدد الصبيان كبير و أهم اقترحوا كرة قدم << لا أحبها و لا أدري شسالفتها >.<

و البنات مساكين قالوا إني أعرف ألعب كل شي فأكيد بفوز >_> ... ما يدرون إني ما أفهم فيها شي

المهم لعبنا و طبعاً أول دقيقة 3/0 ... و أول شوط خلص 9/0 لصالحهم >_> ...
بدا الشوط الثاني و قالي ولد خالي إن راح يخليني أسوي هدف بمرماه -__- رأف بحالي عشان ما أتفشل ... بس شنو المشكلة .. إني سويت هدف بمرماي أنا إشدراني أنهم يبدلون الأماكن ، الشرير ما قالي ...

بسلامتي قمت من مكاني و قلت لهم ، بما إني أنا الأكبر شيلو قشكم ( أغراضكم) و روحوا للتلفزيون الثاني أبرك لكم و لا ترفعون لي ضغطي أكثر مو أهو مرتفع ... و بما إن الويه الثاني مني يخرع ، المساكين قامو بسرعة و لعبنا بسلام بعدها

[HAMAD 11]

طلع عندنا سفاحين بالمنتدى ب__ب

يالله نتبدي

الموقف الاول :

كنت رايح عند صديقي , كنت من زمان حاط عنده PS2 خربانة ومتكسرة وحالتها حالة ومن سابع المستحيلات تتصلح , رحت العب وياه بالـ PS2 تبعه وقال يبي يروح الحمام انا اغتنمت الفرصة وفكيت البلاي ستيشن وحطيت بدالها المكسرة ويوم رجع قلت له صقعتها كهرباء وتكسرت ..
شوي وتجيبه جلطة

الموقف الثاني :

كنت اتحوط مع ربعي , واحد منهم كان نفسه بكيكة شوكلاته من كينتاكي وما كان عنده غير 5 دراهم علشان ياخذ قطعة واحدة بس .. المهم انا دخلت وياه المحل واصحابي كانوا خارج واشتراها وعطاني اياها وقال لي امسكها علي بال ما اطلع من الحمام ..
انا قمت قطعت ثلاث شعرات من راسي وحطيتهم على الكيكة ويوم رجع قلت له شوف الكيكة فيها شعر رح تأكلها بهالطريقة ؟ المسكين راح رماها ويتمني لو عنده فلوس عشان يشتر قطعة ثانية , بينما انا وهو طالعين جانا صاحبي الثالث ولسوء الحظ شافني وانا احط الشعر >__< قام غرمني الفلوس واشتريت له قطعتين بدال واحدة ..

الموقف الثالث :

هذا صار لي وانا صغير , كنا تنقلنا لبيت جديد .. المهم غرفتي فيها بلكونة وباب البلكونة وراء الستارة ومو باين خير شر لأنه الستارة غامقة , يعني لو انت سوبر مان ما تلاحظه .. وزارونا اولاد وبنات عمي الصغار , جلسوا بغرفتي .. حوالي الساعة 4 بالليل كنا صاحيين نشوف فيلم رعب مخيف بقوة , يعني شياطين وهالسولف .. انا قلت لهم بروح المطبخ اكل لي شيء وارجع...
البلكونة كان في باب ثاني من غرفة اخوي اقدر ادخل لها منه ... رحت من غرفة اخوي ودخلت على البلكونة وضربت الزجاج بقووووووووووة




وما تسمع الا الصراخ .... المساكين طلعوا من الغرفة وهم يصيحوا لكن انا بعد اكلتها ضرب -__-

[Trapped Inside]

Lena .. it was a joke >.> .

[aoks]

والله ماادري ._. انا احس اني شرير ... بس مااتذكر اني سويت شي شرير .________.

[IRON]

كنت صغير شرير الحين لا

[احلامو ادوماتو]

لأه =p

انا طيب وأمييييييييييييييييير من يوم وانا ورع <<<الي يسمع يقول رجل الحين O.o

على قولة الماما الكريمة "خباثته على نفسه" كل خباثتي وشري على نفسي ما ليش خص بأيتها أحد ×_×

ومع كذا خبل ×_× يعني شيطانيتك ما لها علاقه بخبالك فاطمني ما هيب عقوبة

ta ta ~

[Blue Ocean]

والله مدري بس يوم قريت بداية الموضوع علطول خبطت في بالي قصة صارت لي تقريبا قبل 5 او 6 سنوات

المهم انه يومها اخذت اثنين من الشباب وطلعنا كالعادة نفرر بهالشوارع على صباحية ربنا ساعتها من كثر الفضاوة قررت اروح اسوي صيانة دورية لسيارتي وهم معي ساعتها مادريت ان الوكالة بتلطعنا ساعتين انتظار وكنا قاعدين بغرفة الانتظار وحالتنا مزرية من الملل ولاحن قادرين نروح لبيوتنا
المهم جات الفكرة الجهنمية يوم شفت ترمس شاي كانوا حاطينه بالغرفة قمنا حنا ووجهينا فتحناه وكان مع واحد من الشباب علبة موية تقريبا كان ربعها مليان وكان من اول صايد حشرة كانت على ستارة الغرفة حشرة غريبة عجيبة مدري اهي يعسوب والا ايش بالضبط المهم انها ضخمة طبعا اخونا في الله صاد الحشرة وحطها بعلبة الموية وقاعد يرجها بقوة لين ماتفتت فيها
والله مادرينا الا وحنا كابين الموية بحشرتها في ترمس الشاي وجالسين ننطر الضحية بكل خبث لين دخل شخص تقريبا خمسيني جلس ينتظر شوي وجت عينه على الشاي والمسكين راح صب لنفسه وشرب وانبسط وشكله بعد انبسط من الطعم لانه قاعد يزيد يصب كل شوي
طبعا انا واخوياي الناس قاعدة تتفرج علينا برا يحسبونا سكرانين من شدة الضحك ومنسدحين على الاسفلت اللي يشوفنا يقول خلاص بيموتوا

عالعموم الله يغفرلنا وعسا الرجال بس ماجاه شئ

[SALM0RE]

i used to go near the street and strat throwing dead pigeons on the Running Cars . . . . is that Pure Evil ? i think so .l

[EVIL KNIGHT]

هههههههه والله فلة الموضوع
عاد انا واحد شؤي بقوة
كذه موقف اسوي لاخويائي والشايب وربعه وهذي بعضها

مرة وربعي قاعدين جبت لهم شاهي وصبيت لكل واحد فيهم وشوي تشوفهم قايمين يكحون ويصارخون ويسبون
كنت حاط لهم بالشاهي طن ملح يعني طعمه يصير على كيف كيفك

ومرة كنت رايح مع الشايب على عزيمة وطفش مرررة
جا العشا وكلنا وقمت مسوي روحي بروح الحمام ورحت المغاسل شغلت المويه السخنه وخليتها دقيقه شغاله وطفيتها
ورجعت قعدت مسوي فيها بريء وخلص العشا والشياب طلعو يغسلون وإلا تسمع صوت صراخ وناس تخانق

وفي كثير مواقف غيرها بس مو متذكر شي الحين
سلام

[Mista Koo]

هلا لينا ^^
صراحة ما أتخيلك إنتي أبدا شريرة قلت يمكن She's Writing About The Fun She's Missing
المهم أنا طيب وعلى نياتي ودايم يسوون فيني المقالب مو أنا أسويها >.> بس ما يحضرني شي حاليا
بس صراحة مقالبكم روعة وردي بمثابة "نحن هنا"
وأذكر مرة في واحد من المواضيع "ضب Tale" لـOdin حط فيه صور الذبحة
ردت لينا قالت ما شفت صور الذبح قرف مدري ايش
جا Arnegrim حط سبويلر بوكس كاتب فيه "إلى لينا" وحاط فيه صور الذبح XD مت ضحك يومها
وأقول في نفسي "هذا الشبل من ذيك اللبوة" xr