لا حول ولا قوة الا باللهالحمدلله تركت التدخين و تاريخ 11 اكمل سنه كامله وان شاءلله طول العمر
وانا مدخن ل5 سنوات كنت باليوم علبه او علبه وكم زقاره ققررت اقطع وحاولت كثير
وكلها كانت تجارب ماتطول يوم وتميت على هالحال مدة شهر وشوي ادخن باليوم زقارتين او 3
الين قطعت كلش فترة 3 ايام وسافرت وانا بالمطار شريت باكيت ودخنت وكرهت نفسي وكسرته
ومن وقتها ولا زقاره لمده 4 ايام وبعد مارجعت الكويت وانا طالع مع ربعي حسيت بضيق بالتنفس بالبدايه وعوار بالصدر وبسرعه صرت ماقدر اتنفس واشوف الدنيا بياض وعلى طول انقلوني المستشفى الكلام هذا الساعه 12 بليل اول مادخلت على طول حولوني المستشفى الصدري والساعه 8الصبح اجريت عمليه جراحيه بالرئه اليمنى
تميت بالمستشفى 7 ايام ومانفعت العمليه وسويت عمليه ثانيه عن طريق المنظار وطلعت ثاني يوم من عيد الاضحي بعد معاناة 15 يوم شفت الموت فيهم لا امشي ولا اتحرك وفقدت صوتي اول الايام فانصح الكل يترك وترا والله العظيم ان صعوبتها بس باول الايام
شد على نفسك 4 او 5 ايام وبس تكسب صحتك
اسف للاطاله لكن حبيت انقل تجربتي عشان تتعظ الناس
الحمد الله على سلامتك والله مصيبة الدخان
والله يبعد عنك الدخان ويرزقك الصحة والعافية