(¯`·._) Warchif على كرسي أعتراف World of Warcraft (¯`·._)

[Twinked]

ماشاء الله ماشاء الله الأخ وارشيف ماخذ إجازه :@@

يالله قم وراك أسئله !!
------------------------


1- وش أكلتك المفضله ؟؟

2- وزنك وطولك ؟؟

3- وش رقم جوالك؟؟ هههه امزح امزح أبي نوع جوالك (وإذا عندك أكثر من جوال عددها من فضلك)!!؟

4- قارن بين الأنظمه التاليه ,, الأندرود و الأيفون !!!؟

5- مأرايك باللي يشتري أيفون و أيباد في نفس الوقت ؟؟ ولا أيفون + ايبود !!؟

6- رأيك بالبلاك بيري بالتفصيل الممل(( كجهاز وكخدمه))!! وهل يقارن بالايفون او الجلاكسي؟؟

7- بصراحه لو فزت في مسابقه وقالوا لك أختر حدى الأجهزي هذي وش تختار؟؟ Blackberry , Iphone or galaxy s2 ???

8- طيب نرجع للأكله المفضله ,, هل تحب شي معيين لازم يكون مع الأكل زي; الليمون/فلفل/زيادة ملح او شطه...الخ؟؟

9- وهل إذا أكلت وبعد ما تحمد ربك تقول "شكراً يا زوجتي العزيزه" ؟؟ ولا لا ؟؟ :<

10- اماا بالنسبه لأخر سؤال ,, همممم ,, نسينا نسألك وش نووع موترك؟؟

------------------------
يالله جاوب :> واحمد ربك أن البشر ناسينك ,,واضح انهم قاعديين يذاكروون ماشاء الله عليهم (( اممحق كلهم عند الديث وينق )).

واتمنى اني ما ثقلت عليك Have nice day

[usoppu]

جايك طابور اسأله بأذن الله

لا اخليك تتذكر الابتدائيه يوم انهم يصفون طابور عن المقصف من كثرتها نيها ها ها ها ها <-- برا بس

[usoppu]

تفضل طال عمرك





1_ هل انت تفعل ما تقوله هنا بالمنتدى ؟

2_ اعتذار تريد ان تقدمه لمن؟

3-ماذا ستكتب لنا لتعبر عن حياتك التي عشتها الى الان في كلمات قليله ؟

4_ اذا اردت ان تبكي الان , فعلى من تبكي؟

5_ من ستختار ليمسح دموعك ؟

6_ ما هو اقتراحك الذي تتمنى ان يحدث في هذا القسم ولم يحدث الى الان ؟

7- اقرب صديق لك ويعرف اسرارك ؟

كذا 7 اسأله


خذ الكابتشينو وروق




1- شي من المـآضي تـتـمنى ان يعـوـود ؟

2 -ماهي حكمتك بالحياه؟

3-ماالذي يحزنك وماالذي يغيضك وماالذي يفرحك؟

4-ومن اخر شخص تتذكره قبل ان تنام؟ أتوقع ولد بطنها

5-هل اتشوف نفسك انك شخصيه محبوبه مع ذكر السبب ؟

6-معك 3 بطاقات تحيه لمين توجهينها؟؟

7-ما هي طبيعة المواضيع التي تعجبك ؟؟

8-ماهى الاكله اللي ماتستغني عنها في يوومك ؟؟

9-نصيحه مهمه توجهها الى ولد بطنها؟؟

10-اختار 3 اعضاء وتكلم عنهم بكل شفافيه

سواء كانت عيوب او نصيحه او اي شي اخر؟
_____________________________________

سؤال اخذته من الكاميرا الخفيه السعوديه برنامج (ردة فعل)

إسم الوالده الله يطول بعمرها ؟

هل تشوف انك وسيم اذا لا ليش !!

[Warchif]

ماشاء الله ماشاء الله الأخ وارشيف ماخذ إجازه :@@

من حقي اخذ يوم إجازه في الإسبوع حسب قانون مكتب العمل والعمال

يالله قم وراك أسئله !!

أصبحنا وأصبح الملك لله
ناس ماتجامل
------------------------


1- وش أكلتك المفضله ؟؟

المفطح

2- وزنك وطولك ؟؟

لو تتابع الأسئله كان عرفت

3- وش رقم جوالك؟؟ هههه امزح امزح أبي نوع جوالك (وإذا عندك أكثر من جوال عددها من فضلك)!!؟

جاوبت

4- قارن بين الأنظمه التاليه ,, الأندرود و الأيفون !!!؟

بإختصار
الأندرود : عالم من إختياري
الأيفون : مكالمتك لا تتم حسب الطريقه التي إستعملتها فضلا تأكد من الرقم الصحيح وشكرا

5- مأرايك باللي يشتري أيفون و أيباد في نفس الوقت ؟؟ ولا أيفون + ايبود !!؟

والله هو حر في فلوسه بس يفضل إنه يوازن بين إحتياجاته و بين رغباته

6- رأيك بالبلاك بيري بالتفصيل الممل(( كجهاز وكخدمه))!! وهل يقارن بالايفون او الجلاكسي؟؟

البلاك بيري أساسا موجهه لقطاع الأعمال وتم إستغلاله أبشع إستغلال للأسف وصراحه الواحد يبط جبده وهو يشوف الشباب مسوين فيها إتيكيت ورازين ارقامهم على السيارات وصار بدل مايغازل ويعطي رقم الجوال يدقها برقم BB وطبعا الأمور غير الطيبه اللي يتم تداولها بين الشباب والبنات المخله بالأداب والمحرفه للأخلاق
الله يهديهم ويهدينا جميعا
و حاليا موضة البلاك بيري إن شاء الله قاربت على الإنتهاءبسبب موجة الجالاكسي والأندرويد
وطبعا هو مايتقارن من ناحية الهاردوير او السوفت وير بالأيفون والجالاكسي اللي متقدمين عليه بأشواط

7- بصراحه لو فزت في مسابقه وقالوا لك أختر حدى الأجهزي هذي وش تختار؟؟ Blackberry , Iphone or galaxy s2 ???

الجالاكسي

8- طيب نرجع للأكله المفضله ,, هل تحب شي معيين لازم يكون مع الأكل زي; الليمون/فلفل/زيادة ملح او شطه...الخ؟؟

السلطه الخضراء والسفن آب

9- وهل إذا أكلت وبعد ما تحمد ربك تقول "شكراً يا زوجتي العزيزه" ؟؟ ولا لا ؟؟ :<

ياليت الحريم يعرفون للمفطح بالبيت
احيانا اقولها تسلم ايدك وأحيانا أنسى بس اهم شئ إذا الطبخ عجبني اعلق بكلام حلو

10- اماا بالنسبه لأخر سؤال ,, همممم ,, نسينا نسألك وش نووع موترك؟؟

ياكثر اسئلتك المكرره
راجع من أول
انت راسب خخخخ

------------------------
يالله جاوب :> واحمد ربك أن البشر ناسينك ,,واضح انهم قاعديين يذاكروون ماشاء الله عليهم (( اممحق كلهم عند الديث وينق )).

واتمنى اني ما ثقلت عليك Have nice day

الحمدالله هذا من رحمة ربي
بعضكم عليه أسئله ماترحم

[Warchif]

تفضل طال عمرك

تسلم




1_ هل انت تفعل ما تقوله هنا بالمنتدى ؟

مثل وش ؟؟

2_ اعتذار تريد ان تقدمه لمن؟

لوالدي
عن كل كلمه او تصرف أحزنهم وأتمنى من الله أن يقر أعينهم بي

3-ماذا ستكتب لنا لتعبر عن حياتك التي عشتها الى الان في كلمات قليله ؟

الحياة محطة عبور
أنسى الماضي إذا كان حزينا وانظر للمستقبل بحذر لكن بإيمان وثقه بالخالق المدبر
واحن للذكريات الجميله
حياتي لن تكون سعيده دائما ولن تكون شقيه بإذن الله
فالدنيا سجن المؤمن وجنة الكافر
وكل مايهمني أن ألقى ربي على حسن الخاتمة

4_ اذا اردت ان تبكي الان , فعلى من تبكي؟

على حال الأمة الإسلامية والمجازر التي تحصد ارواح الأطفال والنساء

5_ من ستختار ليمسح دموعك ؟

لا أحد

6_ ما هو اقتراحك الذي تتمنى ان يحدث في هذا القسم ولم يحدث الى الان ؟

الشباب ماقصروا

7- اقرب صديق لك ويعرف اسرارك ؟

أقرب صديق الأن أصبح بعيد


كذا 7 اسأله


خذ الكابتشينو وروق

تسلم إيدك



1- شي من المـآضي تـتـمنى ان يعـوـود ؟

البراءة والعفويه الصادقه

2 -ماهي حكمتك بالحياه؟

جاوبت سابقا

3-ماالذي يحزنك وماالذي يغيضك وماالذي يفرحك؟

يحزني تفكك العلاقات والإبتعاد عن تعاليم الإسلام
يغيضني السفهاء الذي أطلق عليهم الرسول صلى الله عليه وسلم (الرويبضه) وكذلك الظلم والنهب والفساد الذي ينهش جسد الأمه الإسلاميه
يفرحني رؤية إنتصار المجاهدين على عصبة الكفر والإثم
وكذلك رؤية إبتسامة الأطفال البريئة

4-ومن اخر شخص تتذكره قبل ان تنام؟ أتوقع ولد بطنها

هههههههه اخر شئ افكر فيه هع هع
ماذكر شئ انا ما انام إلا وانا ميت تعب لأني اذا كنت مصحصح شوي ماراح يجيني النوم واقعد افكر إلين الصبح

5-هل اتشوف نفسك انك شخصيه محبوبه مع ذكر السبب ؟

الحمدالله محبوب من الأهل والأقارب والأصدقاء لأني دايما أتعامل بأخلاق مع الناس وماحب أذيتهم نهائيا
يستثني طبعا عديمي الأخلاق و منعدمي الضمير

6-معك 3 بطاقات تحيه لمين توجهينها؟؟

نعم ؟ توجهينها ؟ حضرتك تكلمني وإلا سارق السؤال من منتدى ثاني
عموما اوجهها إلى
والدي
زوجتي
أخواتي <-- ماعنده اخوان

7-ما هي طبيعة المواضيع التي تعجبك ؟؟

إذا فيها شئ يوافق طبعي وميولي


8-ماهى الاكله اللي ماتستغني عنها في يوومك ؟؟

؟؟
ليش فيه اكله الواحد يقعد ياكلها كل يوم

9-نصيحه مهمه توجهها الى ولد بطنها؟؟

أظنه عاقل وكبير كفايه عشان يعرف مصلحة نفسه

10-اختار 3 اعضاء وتكلم عنهم بكل شفافيه

أسف مثل هذه الأمور ماحب اناقشها في العلن
وزي ماهو معروف النصيحه على الملأ فضيحه

سواء كانت عيوب او نصيحه او اي شي اخر؟
_____________________________________

سؤال اخذته من الكاميرا الخفيه السعوديه برنامج (ردة فعل)

إسم الوالده الله يطول بعمرها ؟
أقدر احطه لك بس ماشوف منه فايده
هل تشوف انك وسيم اذا لا ليش !!
شكلي طبيعي والحمدالله ويكفي شهادة الآخرين لي بأني وسيم

ذكرتني بحلقة طاش
ولد سميره

[ميكافلي]

ياحبيبي يا وارشيف هنا كرسي اعتراف

يعني مافيه سالفة م.س. ع وأشتغل في شركة صناعية

لازم تعترف بالتفصيل الممل عشان ابني أسألتي على إجاباتك

مافيه رحمه هنا ياحجي

[Yoshi]

اخر سؤال لي كان في تاريخ

07-12-2011 12:23

يعني مضت ثلاثه ايام .. ولازم تجاوب على اسئلتي !!


1- ماهو رـأيك في لبن اكتيفيا هل هو يهضم ام انه مجرد خزعبلات < لول .. !

2- افضل كلاس حبيته ولماذا

3- خلال اسبوعان من الأن سندخل السنه الميلاديه الجديدهـ ما اللذي سوف تفعله ؟ تسافر ؟ ترقص في الشارع ؟ حفله ؟ club etc

4- إذا طلبت بروستد وش تبدى تاكل ؟ الصدر, الفخذ قلنا بالترتيب اللى بالعادهـ تبدى فيها

5- حالياُ نناقش تغيير اسم القهوهـ إلى اسم افضل .. ماذا تقترح للأسم الجديد ؟

6- اول ماتصحى من النوم وانت متجه للدوام هل تكون معصب وحالتكـ حاله ومبهذل ..
وتلعن هذا وتحد هذا بالسيارهـ وتقطع الإشاره ولا نظامي وهادي وفي حالك ؟

7- ماهو اسم اكبر ابنائك وكم ع ـمرهـ ؟ ومتى اخر مره اخذته إلى الملاهي

8- ماهو تعليقكـ ع الإنسان اللى تقابله في واو ويكون إنسان بسيط وحبيب .. وبعد مايجيب ملابس HC او PvP العاليه يبدأ يتكبر على الناس

9- هل تصلي فروضكـ في المسجد ولا البيت ومتى اخر مرهـ صليت السنه اللى بعد كل صلاهـ

10- رساله توجهها لكل من بشار الأسد & على عبدالله صالح ( كل رساله تكون فقط من سطرين )

11- هل انت كثير الفقعات ( الهروب ) من العمل يعني ترجع البيت تلعب واو او تسوي حاجه ثانيه ؟

12- خلال البرد هل تلبس بيجامه داخليه على الثوب ام جاكيت او تلف على نفسك فوطه ام تمرخ نفسك بالكريمات ؟

13- موقف محرج حصل لك من الأقارب او الأصدقاء

14- اخر مشاور ( شغله ) رحت لها او خلصتها متى وـأين ؟

15- رأيك في القسم وماذا تظن يجب ان نظيف / نزيل لكي نرتقى به للأفضل ؟

16- لو جائك لص وقال اعطيني مافي جيبكـ وانت محفظتكـ مليئه بالدراهم < نخبرك تحب تجمعها على قلبك خخخخ
هل تعطيه مافي جيبكـ مع العلم انه يهددك بسكين ام تتعاركـ معه ؟ وإذا اعطيته ماذا تقول ؟ ( يقلع ام الحاله ) ( وش الحظ النحس هذا ) Etc عبر لنا

17- لو قالت لك إمراءه ع ـجوز غنيه تمتلك اموال كثيرهـ < الحين وارشيف كيذا عيونه *_* ( يااارباااهـ ! )
وقالت ابغى الزواج يكون علني يعني مو صغير .. هل توافق ؟ وماهو ردكـ لأهلك وقرايبكـ ؟

18- بعض الأحيان الإنسان تمر عليه لحظات في الحياهـ يسمونها ( لحظه العمر ) هل سبق ومرت عليكـ وضاعت ام لا ؟
إذا ايه علمنا ماهي .. !

19- يقول فهد ان الشنب من علامات الرجوله .. مع العلم انه يوجد اطفال بأشناب ويوجد نساء بأشناب ماهو تعليقك إتجاه هذا الأمر
وهل انت ممن يحلقون الشنب بالموس ام نص ام تخليه مثل صدام الشاص ههههههه

20- اكتب لنا ثلاث ( نكت ) من ذوقكـ !

21- يقولون ( انا خويك للأبد وين ماكنت سيفك بوقت اللازمه تنتخي به ) هل وجدت هذا الصديق ام ليس بعد ؟

22- ماهو رأيكـ بالشباب الذي يذهب للبحرين بغيه فعل المنكرات والفواحش ويتباهى امام اصدقائه فعلها وانه رجل ؟

23- الكثير والعديد منا اول مابدء لعب wow كانت إدمان بشكل مو طبيعي .. حتى البعض كان يصحى وينوم عليها ويحلم فيها !
هل سبق وحلمت فيها وأيش كان الحلم والسبب اللى خلاك تحلم فيها ؟

24- اريد برنت سكرين لكـ في wow وتحس انها صورهـ بطوليه / رائعه / اعجبتكـ كثير

25- هل تلبس سراويل السنه ام الشيعه هههههههههه امزح .. سراويل السنه قطن ام عادي الفضفاض <

26- هل وانت جالس تسوق سيارتك الدوج تكون ماسك الدركسون ( الطاره) بيد وحده ومرجع المرتبه على ورى وتناظر الناس بطرف عين ولا عادي

27- اخر مره بغيت تنجلد او تنفرش متى ؟ وايش كان السبب

28- اريد صورهـ للمكان اللى بالعادهـ تجلس فيه وتلعب واو + صوره الجهاز وكل شي واضح

29- انت ابو ايش ؟

30- ماذا تمثل لكي الكلمات الاتيه

الدين

الحياه

الاب

الام

الاخ والاخت

الزوجه

الصديق

الحب

الخيانه

المنتدى

واو

الدووج سيارتك

بسطويسي قدس سرهـ

^
^
كل واحد اكتب التعليق تحتها مباشرهـ

لاهنت بكرهـ 10 اسئله جديدهـ

يالله جاااااااااااااااااااااااوب جاااااااااااااااااااااااوب !!

[Warchif]

ياحبيبي يا وارشيف هنا كرسي اعتراف

يعني مافيه سالفة م.س. ع وأشتغل في شركة صناعية

لازم تعترف بالتفصيل الممل عشان ابني أسألتي على إجاباتك

مافيه رحمه هنا ياحجي

من ضمن الشروط يحق للمستجوب الإمتناع عن الرد عن الأسئله وانا هنا امارس حقي في عدم الإجابه
وانا على الأقل جاوبت
بعدين ياخي اسم لا يجدم ولا يأخر
المهم نوعية اسئلتك الموجهه
ممكن افصح مع مرور الوقت

[Warchif]

اخر سؤال لي كان في تاريخ

07-12-2011 12:23

يعني مضت ثلاثه ايام .. ولازم تجاوب على اسئلتي !!

ماعندك وقت ضايع !!

1- ماهو رـأيك في لبن اكتيفيا هل هو يهضم ام انه مجرد خزعبلات < لول .. !

خزعبلات تعتمد على إيهام الناس

2- افضل كلاس حبيته ولماذا

الروق ايام تالنت الأساسين لانه بكل بساطه ملك النحشات + الهجوم من الظلمات
كان يكفي اسم الروق عشان يبعث الرعب في قلوب الأعداء ياااه اخذتني الحميه شوي هههه
وطبعا لانه ماحد يشوفني فلو مثلا دخلت الباتل مع شلة نوبات وجوا الالينس يفرمونهم انا اقعد بعيد احط رجل على رجل و اشرب شاهي

3- خلال اسبوعان من الأن سندخل السنه الميلاديه الجديدهـ ما اللذي سوف تفعله ؟ تسافر ؟ ترقص في الشارع ؟ حفله ؟ club etc

أكبر المخده وأنام

4- إذا طلبت بروستد وش تبدى تاكل ؟ الصدر, الفخذ قلنا بالترتيب اللى بالعادهـ تبدى فيها

أبتدي اول شئ بالصدر بعده الفخذ ولازم يكون معه صحن ثوم ( يازين الثوم حق ابو نواس)

5- حالياُ نناقش تغيير اسم القهوهـ إلى اسم افضل .. ماذا تقترح للأسم الجديد ؟

الديوانيه

6- اول ماتصحى من النوم وانت متجه للدوام هل تكون معصب وحالتكـ حاله ومبهذل ..
وتلعن هذا وتحد هذا بالسيارهـ وتقطع الإشاره ولا نظامي وهادي وفي حالك ؟

نظامي وهادي وفي حالي إلا إذا كنت مستعجل اكون معصب

7- ماهو اسم اكبر ابنائك وكم ع ـمرهـ ؟ ومتى اخر مره اخذته إلى الملاهي

الجوري وعمرها عشر سنوات ماخذهم الملاهي لأنه امهم تطلع المجمع مع اهلها وتلعبهم بالألعاب هناك انا اخذهم للمطاعم

8- ماهو تعليقكـ ع الإنسان اللى تقابله في واو ويكون إنسان بسيط وحبيب .. وبعد مايجيب ملابس HC او PvP العاليه يبدأ يتكبر على الناس

بدون وجع راس وليش وكيف أعطيه أشكل على طول

9- هل تصلي فروضكـ في المسجد ولا البيت ومتى اخر مرهـ صليت السنه اللى بعد كل صلاهـ

اصليها بالبيت للأسف

10- رساله توجهها لكل من بشار الأسد & على عبدالله صالح ( كل رساله تكون فقط من سطرين )

مالهم رساله مني إنما دعاء عليهم بأن يزيل الله ملكهم وان يحشرهم مع فرعون وهامان

11- هل انت كثير الفقعات ( الهروب ) من العمل يعني ترجع البيت تلعب واو او تسوي حاجه ثانيه ؟

أسويها بس مو كثير يعني بالكثير مره كل شهر شهرين

12- خلال البرد هل تلبس بيجامه داخليه على الثوب ام جاكيت او تلف على نفسك فوطه ام تمرخ نفسك بالكريمات ؟

البيجامه البسها في البيت فقط وقت النوم عشان الصباح لما اقوم دفيان اظل دفيان ماموت برت واكره حياتي
اما بره البيت البس الجاكيت على الثوب واللثمه بالشماغ
الكريمات مادانيها ماحب أي شئ دهني على الجلد

13- موقف محرج حصل لك من الأقارب او الأصدقاء

ماذكر

14- اخر مشاور ( شغله ) رحت لها او خلصتها متى وـأين ؟

اليوم للبنك وخلصتها في ظرف نص ساعه وقت الظهر

15- رأيك في القسم وماذا تظن يجب ان نظيف / نزيل لكي نرتقى به للأفضل ؟

القسم كويس بس يحتاج مواضيع متخصصه لكل كلاس ويكون مثبت

16- لو جائك لص وقال اعطيني مافي جيبكـ وانت محفظتكـ مليئه بالدراهم < نخبرك تحب تجمعها على قلبك خخخخ
هل تعطيه مافي جيبكـ مع العلم انه يهددك بسكين ام تتعاركـ معه ؟ وإذا اعطيته ماذا تقول ؟ ( يقلع ام الحاله ) ( وش الحظ النحس هذا ) Etc عبر لنا

أظن اللص هذا راح يفكر الف مره قبل مايحاول مع واحد طوله 186 سم ووزنه 88 كيلو

17- لو قالت لك إمراءه ع ـجوز غنيه تمتلك اموال كثيرهـ < الحين وارشيف كيذا عيونه *_* ( يااارباااهـ ! )
وقالت ابغى الزواج يكون علني يعني مو صغير .. هل توافق ؟ وماهو ردكـ لأهلك وقرايبكـ ؟

أتزوج وحده فقيره شابه جميله واخلاق احسن عندي من هالعجوز الغنيه

18- بعض الأحيان الإنسان تمر عليه لحظات في الحياهـ يسمونها ( لحظه العمر ) هل سبق ومرت عليكـ وضاعت ام لا ؟
إذا ايه علمنا ماهي .. !

مامرت علي

19- يقول فهد ان الشنب من علامات الرجوله .. مع العلم انه يوجد اطفال بأشناب ويوجد نساء بأشناب ماهو تعليقك إتجاه هذا الأمر
وهل انت ممن يحلقون الشنب بالموس ام نص ام تخليه مثل صدام الشاص ههههههه

والله الشنب بدون اخلاق اعتبره لا مرجله ولاشئ انا احلق شنبي جنتل مرتب والحمدالله شنبي ماهو عريض ولا هو كبير لكنه طويل من الاطراف وانا اقصره وارتبه

20- اكتب لنا ثلاث ( نكت ) من ذوقكـ !

مالي خلق انكت الحين

21- يقولون ( انا خويك للأبد وين ماكنت سيفك بوقت اللازمه تنتخي به ) هل وجدت هذا الصديق ام ليس بعد ؟

موجودين لكن مايظهرون الا وقت الشده ووقت الرخا مالهم حس ولا خبر

22- ماهو رأيكـ بالشباب الذي يذهب للبحرين بغيه فعل المنكرات والفواحش ويتباهى امام اصدقائه فعلها وانه رجل ؟

نطلب لهم من الله الهدايه

23- الكثير والعديد منا اول مابدء لعب wow كانت إدمان بشكل مو طبيعي .. حتى البعض كان يصحى وينوم عليها ويحلم فيها !
هل سبق وحلمت فيها وأيش كان الحلم والسبب اللى خلاك تحلم فيها ؟

بدايه اللعبه كنت قبل مانام افكر بكره وش اسوي ووين اروح وكيف اسوي
وقد حلمت كذا مره بس نسيت احلامي خخخخ

24- اريد برنت سكرين لكـ في wow وتحس انها صورهـ بطوليه / رائعه / اعجبتكـ كثير

والله كل صوري في واو حق المناطق اللي احبها اقعد اكشخ قدامها عشان المنظر فقط
لكن عندي صوره للميج اركين ايام اللش كنج كنت الأول من ناحية اكثر واحد يقتل والثالث من ناحية الدامج تقريبابس انا اباشر من المكتب ممكن لو رجعت البيت احطها

25- هل تلبس سراويل السنه ام الشيعه هههههههههه امزح .. سراويل السنه قطن ام عادي الفضفاض <

عادي فضفاض

26- هل وانت جالس تسوق سيارتك الدوج تكون ماسك الدركسون ( الطاره) بيد وحده ومرجع المرتبه على ورى وتناظر الناس بطرف عين ولا عادي

عيني على الطريق فاضي يابن الناس اطرف للرايح والجاي عشان ادعم اللي قدامي بعدين

27- اخر مره بغيت تنجلد او تنفرش متى ؟ وايش كان السبب

والله ماحط نفسي في مواقف بايخه لكن اخر مره قبل شهر تقريبا كان فيه ثلاثه في سياره يمشون وقدامهم ونيت وانا جنب الونيت ابي الف يمين على الرصيف والونيت كان مبطئ ويضايق السياره اللي وراه الونيت لف يمين وصفط انا لفيت بعده وصفط واللي وراي جالس يدق بوري بدل مايروح الغبي يسار يبي يمشي سيده المهم السواق مشى السالفه لكن خويه اللي جنبه قام يزعط طلع راسه من الدريشه وقاعد يأشر وشفيك انت ومادري ايش تعرف حركات المبزره المهم انا اطل عليه واقول ضف وجهك امشي يالله والوح بيدي له بحركه معناها انقلع امشي قدام خخخخ المهم الرجال زعط بزياده طلع من السياره انا عاد ولعت طلعت من السياره رايح له شافني طول وعرض على طول انصدم وجا يقول ياخي انتبه ماتشوف مسكت ايده قلت له انا ماكنت قدامكم اللي عطلكم راعي الونيت وانا مأشر يمين المفروض تروحون يسار قام يقول لي معليش اسفين حصل خير قلت له خير ان شاء الله خخخخ واتوقع اخوياه قاموا ينكتون عليه بالسياره لووول

28- اريد صورهـ للمكان اللى بالعادهـ تجلس فيه وتلعب واو + صوره الجهاز وكل شي واضح

خير شكلك ناوي تسرق والا شئ

29- انت ابو ايش ؟

أنا أبو س. ( لوووول تبي تعرف اسم ابوي يعني هههههه طيب انا ابو سعيد)

30- ماذا تمثل لكي الكلمات الاتيه

الدين
أساس الحياه

الحياه
فرصه للتأمل ومشاهدة معجزات الخالق عز وجل

الاب
أساس الأسره والمسؤول عن الرعيه

الام
مربية الأجيال والصدر الحنون

الاخ والاخت
الرفيق والصديق والصاحب تجمعهم اقوى رابطه وهي الدم

الزوجه
شريكة الحياة وأم العيال

الصديق
شخص يستمع لهمومك ويفرح لفرحك ويحاول مساعدتك وقت ضيقك

الحب
كلمه تحمل طياتها الكثير من المعاني الساميه

الخيانه
داء يجب استئصاله

المنتدى
ملتقى للأصدقاء من كل مكان

واو
مرض يجب التخلص منه

الدووج سيارتك
سيارة المهمات الصعبه احبها هالسياره ماشاء الله موتور من قلب

بسطويسي قدس سرهـ
ماعرفهوش
^
^
كل واحد اكتب التعليق تحتها مباشرهـ

لاهنت بكرهـ 10 اسئله جديدهـ
ماتعترف بالمفرق ياشيخ ارحم حالناانا ماقد سألت احد ولا عذبته وانتم تتفننون الله يستر منكم
يالله جاااااااااااااااااااااااوب جاااااااااااااااااااااااوب !!

ارحموا من في الأرض يرحمكم من في السماء

[ahmad 0070]

الله يحيي وار تشيف، ماشاء الله عليك طولك 186 cm, يعني اطول مني بـ3 cm لووول، يالله لحد الان عندي مجال اطول نلحقك يعني ان شاء الله

جاي لك بسؤال خفيف يعجبك ان شاء الله.

افضل سنة دراسية مرت عليك؟ (اذا تكرر هالسؤال اعتذر منك لأني ما شفت كل الأسئلة)

[Fluta]

السلآم عليكم ..
أهلن أهلن بـwarchif ..
مآ شآء الله الأعضآء شغلوا المكآين عليك ..
الغريب في الموضوع , إختفآء المفآعل النووي ..
اليوم آخر يوم أتوقع والرجآل شكله يجمع لك أسألة ..
المهم أنآ حبيت أعطيك أسئلة خفيفة ..
1- سمَ 3 أشياء تجعلك تبتسم ؟
2- ما هو آخر فيلم شاهدته ؟ وهل أعجبك ؟
3- ناظر يمين .... ايش اول شي طاحت عينك عليه ؟
4- مــآهي أعظمَ خسـآرة يَخسرُهآ الإنسآن في حيآتِه ؟

[Warchif]

الله يحيي وار تشيف، ماشاء الله عليك طولك 186 cm, يعني اطول مني بـ3 cm لووول، يالله لحد الان عندي مجال اطول نلحقك يعني ان شاء الله

جاي لك بسؤال خفيف يعجبك ان شاء الله.

افضل سنة دراسية مرت عليك؟ (اذا تكرر هالسؤال اعتذر منك لأني ما شفت كل الأسئلة)

حياك الله
ايه ان شاء الله تلحق بس لا تطول زياده عشان لا يقولون لك ياطويل ياهبيل هههههههه
الطول عز

افضل مرحله دراسيه كانت صف ثالث متوسط بمدرسة الجزيره في الدمام بحي العمال

السلآم عليكم ..
أهلن أهلن بـwarchif ..
مآ شآء الله الأعضآء شغلوا المكآين عليك ..
الغريب في الموضوع , إختفآء المفآعل النووي ..
اليوم آخر يوم أتوقع والرجآل شكله يجمع لك أسألة ..
المهم أنآ حبيت أعطيك أسئلة خفيفة ..
1- سمَ 3 أشياء تجعلك تبتسم ؟
2- ما هو آخر فيلم شاهدته ؟ وهل أعجبك ؟
3- ناظر يمين .... ايش اول شي طاحت عينك عليه ؟
4- مــآهي أعظمَ خسـآرة يَخسرُهآ الإنسآن في حيآتِه ؟

الله يحيك
ايه المفاعل مختفي لأني طالبت حكومة روسيا بسحب بطاريتها فا شكله انطفى الحين

1- رؤية والدي فدائما عندما اراهما ابتسم
ابتسامه طفل برئ
منظر شنبات فتى الجبل

2 - آخر فلم Sucker Punch

3 - زميلي بالمكتب ههههههههه

4 - والله الإنسان يواجه خسائر كبيره في حياته مثل فقدان قريب او عزيز لكن اشوف انه الخاتمة السيئة هي أعظم خساره