• نقاشات أعضاء المنتدى في عالم الـRPG •

[haseo]

شباب شرايكم بوايلد ارمز 5؟؟

بديت افقد حماسي للعبه

ولا وحش قابلته هزمني؟؟ المعارك سهله حدها وشكلي بخلصها بكم يوم

مثلي تماما ، اللعبة حلوة واسلوب القتال ممتع لكن سهل مرة ×_×

الى الان ما في زعيم يقدر يعقدك او يهزمك ، وبعد كل حرب يرجع يمتلي الاتش بي يعني ما في اي خطر من الحروب ، اللي ينقص بس هو الام بي

[kingx11]

^^^^^^^^^
المشكله الأدويه والبقالات ماتلقاها بكل مكان صعبه شوي

فيه وحش صعب في اخر اللعبه شكلي بنبسط عليه

[The Shadow]

باركوا لي ، اللعبة بين يدي ، يشكر اخي عبدالله ماقصر ، قدها وقدود
قال لي خذاللعبة يمكن ماتشتغل ، يوم جربناها على جهازه ما اشتغلت ، قلت له جهازك الكبير هذا ماينفع ، جربت عالبلايستيشن الصغير حقي واشتغلت
طبعا مالعبتها حتى الان انا بس طلع شعار ليفيل 5 وسكرتها [ اتاكد هل هي عدلة ولا لأ ]

الشباب اللي لعبوها ، ايش رايكم فيها ؟بالنسبة لي اللحين جالس ادور تقارير وتقاييم اللعبة وحاجات زي كذا

مرة ثانية ، Umi.....U R Thr Best

تصدقون صادق صدق <-- ، اي والله ، صادق يقول ان التورينت عالم ثاني ، صحيح والله ، بسبب التورينت لعبت لعبتين جدا نادرتين وحدة منهم دارك كلاود ..الثانية هيهيهي ماتصلح لكم

[inter virus]

اهلا بكم اخواننا
-انا وصلت في فينال فانتازي 12 الى اخر زعيم في اللعبة ( على ما اظن ) واسمه على ما اظن فاين عموما انا ما قدرت اغلبه وتعقدت منه ..
لكن اذا اكملت اللعبة هل سيتاح لي التجول في المدينة ؟ مثل gta؟

[ShRsHr]

ماعتقد ان راح يتاح لك تجول في المدينه بعد ماتهزمه
بس انا عندي يعتبر من اسهل زعماء فاينل فانتسي وهزمته ولفل45

فان وباسج اتاك وبنيلو بس حق العلاج
حط هل جامبيت وماظن راح تواجه مشاكل

[مذكرة الموت]

ايوة صحيح كلامك ! مرة من المرات ذبحت الزعيم من اول مرة ، ومرة مانقصت الا " نكتة " مثل ما قلت ، اتذكر رد لسايلنت هرور <-- لازلت انادية باسمه القديم ، كان يقول فيه ان هذه الحركة بعض الاحيان تضبط وبعض الاحيان لأ

نظام قتال وايدل ارمز 5 اكشن ؟

يبدو ان المشكلة حُلت ، صحيح انه شهر كريم ^^" ، يعطيك العافية انت الوحيد اللي قال لي كذا كلام

هدي هدي @@ ، بس من جملتك الاخيرة ........................يبدو ان الصعوبة عاجبتك !!

تصدقون توني انتبه لشي ......في العاب الاربيجي ، مايقولوا لك ايش تبقى مستوى اللعبة ! بعكس العاب المغامرات والاكشن اول ماتبدأ يقولوا ( Easy ، Hard ..etc )

وعلى فكرة ، اذا الله وفق ، العضو Umi بيرتبني بالاسطورة دارك كلاود @@ ! لعنبوا بليسه استجن علي يوم نزلها وقال انه يوصل فيها مرة اخرى ( كانت عنده من قبل واختربت ) ، يله ربي يسهل والطشها منه ....

أولا:الرد 500

ثانياً: صدقت ماتقدر تحدد المستوى في اللعب.!!

ثالثا : على طاري اللعبة إذا خذتها من الأخ الحبيب Umi انا

بلطشها منك

يا THE shadow

سلامز.!!

[المـ ح ـب]

السلام عليكم

اكيد شفتو غلاف Final Fantasy XIII

واللي ما شافه يشوفه الحين



والحين بعد ما شفتم

اكيد شفتم شيفا وشفتو تحولها لدراجه

تعتقدون ان باقي الاستدعاءات راح تكون بنفس الشكل

يعني تتحول شيء

[haseo]

والحين بعد ما شفتم

اكيد شفتم شيفا وشفتو تحولها لدراجه

تعتقدون ان باقي الاستدعاءات راح تكون بنفس الشكل

يعني تتحول شيء

اممممممم ، لو الاستدعاءات تتحول بيكون شي حلو وجديد ، في اشياء في الار بي جي لو تتغير مثل اسلوب اللعب الكلاسيكي الواحد ما يفضل غيره ما يبي الاكشن

الا الاستدعاءات لما تتغير وتتطور تصير احسن يصير للعبة طعم ثاني

[المـ ح ـب]

اممممممم ، لو الاستدعاءات تتحول بيكون شي حلو وجديد ، في اشياء في الار بي جي لو تتغير مثل اسلوب اللعب الكلاسيكي الواحد ما يفضل غيره ما يبي الاكشن


الا الاستدعاءات لما تتغير وتتطور تصير احسن يصير للعبة طعم ثاني

اعتقد ان هذا الجزء راح يكون خليط بين الاسلوب الكلاسيكي والا كشن يمكن

اما قصة الاستدعاءات انا افضل تكون مثل فف10

لانه في فف12 ضاعت هيبتها ~_~

[The Shadow]

بعد قطع خمسة كيلو بالاقدام للبحث عن بيرسونا 3 ...تتكلل الامر بالفشل ، بس لقيت FFXII Zodiac job....etc
فا قلت باشتريها لكن صديقي قال بلا هبالة وامش ، اختم اللي عندك " يقصد FFXII العادية " بعدين تكلم ، قلت له تدري ان هذي النسخة يابانية ، اقصد الزوديك جوب سيستيم " قال امش ********* يا ******** صج انك *******
قلت خلاص خلاص امش امش ، فا شرايكم انتوا اشتريها ولا ؟ وتراها متوافرة بكميات

[haseo]

اما قصة الاستدعاءات انا افضل تكون مثل فف10

لانه في فف12 ضاعت هيبتها ~_~

امممم ، الكل كان يقول ان الاستدعاءات احلى شي في العاشر ، بالنسبة لفف 12 فعلا خربوها بطريقة الاستدعاء البايخة

اللي اعرفه انك انت بحاجة الاستدعاء مو هو اللي بيصير بحاجتك ، يعني مو معقولة ضربة والا ثنتين ويموت XD

[KSA_BOY]

<<< إيش هي الفروق عن العادية ؟
هاسيو أدخل الماسنجر أبيك بكلمة

[just guy]

امممم ، الكل كان يقول ان الاستدعاءات احلى شي في العاشر ، بالنسبة لفف 12 فعلا خربوها بطريقة الاستدعاء البايخة

اللي اعرفه انك انت بحاجة الاستدعاء مو هو اللي بيصير بحاجتك ، يعني مو معقولة ضربة والا ثنتين ويموت XD

انا بوحوش الاستدعاء هاذي انقص نصف او ربع من طاقة الزعيم

افادتنا كثير وخصوصا في مهمات الموب هنت

[just guy]

بعد قطع خمسة كيلو بالاقدام للبحث عن بيرسونا 3 ...تتكلل الامر بالفشل ، بس لقيت FFXII Zodiac job....etc
فا قلت باشتريها لكن صديقي قال بلا هبالة وامش ، اختم اللي عندك " يقصد FFXII العادية " بعدين تكلم ، قلت له تدري ان هذي النسخة يابانية ، اقصد الزوديك جوب سيستيم " قال امش ********* يا ******** صج انك *******

قلت خلاص خلاص امش امش ، فا شرايكم انتوا اشتريها ولا ؟ وتراها متوافرة بكميات

بصراحة اللعبة تستاهل انك تشتريها بس انها بالياباني بالكامل يعني ما راح تستفيد شي

بس اذا انت مصمم تاخذها بقولك شنو الفرق في اللعبة

الجرافيكس فيه تحسن بسيط عن النسخة العادية ومافيه اختلاف من ناحية القصة

فيه طور جديد حق تحدي نفس قود اوف وار اذا انهيت اللعبة

لوحة الرخص اختلفت عن النسخة العادية للعبة

وطبعا زادة صعوبة اللعبة من البداية عن اول

بس هذا الي قدرت الاحظه لاني ما وصلت فيها للبعيد لانها يبانيه بالكامل

[The Shadow]

امس كنت احوس في السوق ، ولقيت






ركزوا عالسطر السفلي

5TH Year anniversa Release
ما سمعتكم تكلمتوا عنه من قبل هاللعبة " بشكل عام " .....