-- شــات الانــيمي للدردشــه والترحـــيب --

[TNT-BOY]

انا لحين اسمع واشوف Dido - Hunter "فيديو كليب "

With one light on in one room
I know you're up when I get home
with one small step upon the stair
I know your look when I get there
if you were a king up there on your throne
Would you be wise enough to let me go
for this queen you think you own

كلمات الاغنية ^^

بس انا انزل الحين الـOST مالت كاوبوي بيبوب واخر اغنية نزلت Wo Qui Non Coin حلوه "ولو اني ما افهم ويش يقولو بس نوعها Blues "

والحين واحد يرسل ليي على الماسنجر OST مالت GTO الى اسمها Last Piece للمغنة
kirari <<<< الولد يحب يتكلم واجد عن الاغاني

Misao.
احسن عضوة ليش ؟؟؟؟؟؟؟؟
لانه الوحيدة الى نفذت القانون الى سويته <<<<<<<<< مع اني بنفسي نسيته في آخر رد ليي

white dragon
شوي شوي على نفسك ^^
وويش هل اسم الغريب لقطة ؟ وويش سالفته ؟ خرج ولم يعد ؟^^
وانا لما شاهدت الاوفا مالت كنشين بعد كان ودي لو عندي سيف واسوي زيه ^^


الرقمي
انا عادي اروح بس اهم شي تصوتو اليي

المشكله حاولت اصادق كذا كم واحد يحب الانمي في الواقع لكن الحظ الردي له دور للاسف -_-

ولله قصتك مؤثرة اخوي ............................

مع ان كل واحد ينصب على الثاني
نفس حال شلتي لما يشاهدو شي في غيابي كل واحد يفهم في الثاني اشيا مالها علاقة بالقصة خاصة عندنا واحد من الشلة ما ئاء الله عليه ولله تحتار من وين يجيب هل افكار

بس لاحمد لله واحد منهم من كثر المشاهدة و الاستفسارات مني صارت لغته جيدة وتمشي حال

ما اعتقد ان فيه واحد خجول ودلوع مثلي
صدق او لا تصدق انا انسان خجول جدا يعني احيانا بسبب خجلي اسوي اشيا سخيفة ومالها داعي ^^
هدا غير عن الارتباك وهل اشيا -_-"
بس انا خجلي كله يكون من الجنس الآخر زي قبل فترة كنت مضطر اني اجل في حجرة كلها بنات "نصهم ما اعرفهم" ومافي الى انا ولد معاهم:icon6: ووحده منهم كانت صاروخ وانا اقول في قلبي" Why Me Why :shock22: Me"
وهم كل شوي يضحكو وانا عاد شوفني كيف ^^
المهم موضوعنا اليوم مو البنات والمواقف معاهم ^^ مادري ليش قلبت انا عليهم

امممممممممممم

سؤال حلو
اعطينا موقف محرج صار لك هل فترة
اعتقد اني جاوبت على هل سؤال ^^

[Al-RaQmi]

اممممممم
موقف في البنات ايه تذكرت
اما صار لي موقف غير طبيعي
في احد الايام..(مسوي فيها كل يوم مغامرة) نزلت الماما -الله يطول بعمرها- في السوق انا جالس في السيارة انتظرها
شويه الين وحده جايه بأتجاهيي ما اعرفها تقرب تقرب الا وهي فاتحه الباب في اعتقادها اني زوجها -_- ودور الوجهه وين راح ... في هذي الساعه مدري شو صار انا نزلت وهي نزلت وخافت يعني كل واحد خرع الثاني =منهذاك اليوم وانا اقفل السيارة الين اتأكد ان الي يفتح الباب هو امي= من كثر الفر والدوران في السوق صارت كل وحده ما تدري وين سياراتهم

[kokume]

مشكوور واايد على الموضوع ...كوووول

الصراح ما أعرف شو بكتب من الضحك والخبال

المواقف إلي إستوت مع الأصحاب واايد حلوه ...

أما عن أليلسة مع الأهل فهي كل وقتي لإن الكمبيوتر في الصالة ... بس إذا دخلت النت أنا في عالمي وهم في عالمهم ...

أما عن فلسفت الأخوان يوم أشوف الأنيمي فمالي خص فيهم ألبس السماعه الخاصة وأعلي علي الصوت وما أسمع شي ... ويرمسون إلين ما ينطرون وما أرد عليهم ((( مساكين )))



أما إذا كان في حد يشبهني من الأعضاء فأنا ما أدري .. أعتبر نفسي يددديده



أما ألحين فأنا ما أنزل شي ولاأشوف شي ولا أسمع شي ((أتخيل نص الليل أسمع أغنية pray مال القناص )):shock22:

يالسة علا النتدى وبس ...وياسلام بس على اليلسة على المنتدى



سوووري بس طولت شوي



باااي

[kitten]

لاااااا هذا الموضوع وين عني من زمااان
حده يونس و الردود تموت من الضحك

Tokimiki

على طاري الاهل ...انا أبوي بصراحة يكسر خاطري !! مرات احسة ان ودة ياخذ الكمبيوتر و يحذفة من الدريشة !! او يقطع خط التلفون احسن !!! XD وطبعا امي كل ما تدخل داري و تلاقيني مندمجة قاعدة اطالع انمي و هي تحاجيني و انا ارد علية بالقطاااارة من حرتها ...اتقولي أخاف متابعة اسهم البورصة و انا ما ادري XD

انا ابوي جذي كلما يقعد على كمبيوتري يشوف الف برنامج تنزيل فاتحه (الدي سي و التوررينت و الاكسيليريتور و الدايركت و الا ر سي ) تنبط جبده و يعصب و يقول شنو هذا الانترنت ذبحتوه رحموه شوي ما تخلون الواحد يشيك ايميله (ابوي رجل اعمال :icon6: ) بس خل اتيي الدوامات و انا اوريكم ماكو انترنت و الكمبيوتر يتصادر يصير حقي و بس (هذا كمبيوتري بفلوسي شاريته بس .... )

و اما عن امي بس تدش اتقول بس بسكم معاصي و ذنوب (عندها تضييع الوقت معصيه ) انتوا بس مجابلين هل الكمبيوتر ما نشوفكم عاد انا ما اصدق (احب الكلام وااااايد يعني قراقه حدي) اروح لهم و اقعد اسولف و اسولف او اتكلم و اهم تلوع جبدهم و كل واحد يقطني على الثاني (يباااا ناد كيتين عورت راسي و امي بس بس روحي عن ابوج كلميه و اختي الكبيره تطردني من دارها ) و من اهني اروح داري و اشوف الانمي على راحتي :icon6:

...قوليلها مدام انتي مو مصدقتني ..تعالي شوفي الانمي معاي 24 ساعة ....طبعا مثل كل الامهات راح اتمل و تقول خلاص يا بنيتي صدقتج سوي الي تبينة بس انا ابي اطلللللع

من صجج وين تلاقين انمي مافي لقطه او قصه تفشل ماااكو الا اذا بحط ماروكو

انا طفارتي ان احد يشوف معاي انمي...حتي لو كان اكشن ولا رياضي ...و مافي اي رومانسية و لقطات "عابرة" بس انا ادري الي معاي يلوعون الجبد ...يا ان لحظة لما اكون مندمجة بالمشهد و تأثرت فية ...يي أخوي يعلق تعليق بااايخ يخليني اضحك !! او السيناريو الاخس لما يكون واحد الي قاعد يشوف وياك غبي و مخة ما يستوعب شيء لا و انت قاعد اتشوف انمي خيااالي !!! عاد اقعد و ترجم !!

اي انا حدي تنبط جبدي من اللي جذي
مثلا اختي كيتي (راح تذبحني) اذا مافهمت شي تقول شنو !!! و عاد اذا بشرح لها ولا طار نص الانمي و بعدين تعالي عيديه و هذي شغلتنا (لكن الحمدلله تفهم 95% من الانمي بس ال 5% تأذيني فيه )
wies girl

خاصه اني انسانه صامته وجاده طول الوقت وانطوائيه ما احب اتدخل فاللي مايخصني

انا عكسج امووووت على السسوالف و لازم اعرف شنو صاير دار مداري
يعني اذا شفت اختي زعلانه او متهاوشه اروح على طول حق امي اشفيها شنو السالفه (طبعا امي تقول ماكو شي روحي دارج) و انا يما يماااااا قولي و اقعد احن و احن لي ما اعرف شنو السالفه و بعدين اتحسف على الجهد اللي بذلته في استخراج المعلومات من امي لان السالفه تطلع سخييييفه و ان اختي زعلانه من شي سخييييف
و لا اذا شفنا هوشه بالجامعه لازم اعرف شنو شنو شنوووو !!!!

و إذا يات يدتي احسن شي عشان اشوف هواشها ويه امي >>>my mother VS grand mother

هذي السالفه حدها كوووول يريت اشوفهم
عاد انا استانس على هالسوالف (بس طبعا مو هواش يلوع الجبد لاني ما احب الهواش كلشششش اتنرفز منه و المشكله ان هواش اي احد حتى لو ماكنت انا ان الهواش يضيق خلقي طول اليوم و يخرب عليي مزاجي )

شالغباء اي سالفه تسمعها من الحريم خلاص بتطبق علينا

ااااخ من الامهات ثم ااااخ
هذي سوالفهم كلهم وحده تخرع الثانيه (دوانيه شاي الضحى خطييييرة اهي اللي تقلب الامهات علينا لازم نلاقي لها حل ) (حسافه لو موضوع بنات فقط جان قلت السوالف اللي تسويها الامهات للبنات و انتوا كلكم تدرون )

وابوي لما يمر يمي يتعوذ من ابليس عباله فيني يني لأني كله اقعد بروحي وما اكلم احد

لووول هذي تموت من الضحك
عاد انا حتى لو قاعده بروحي لازم اعلق بصوت عالي
يعني اذا صار شي بالانمي ماعجبني او شي حلو لازم اعلق اقول لييييش او ونااااسه
ما اقعد ساكته (عشان جذي يحبوني البنات بالجامعه يقولون اني عفويه و اقول اللي بقلبي... لكن هذا الشي يوديني بمشاكل في بعض الاحيان )

[Magical Angel]

اولاً مشكورين ع الموضوع

يالله انا جا دوري

أحم أحم

انا كل ماأجلس أحمل أنمي يجي لي أبوي يقول لي:شنو هذا الي تحمله من زماااااان ..انت شكلك مابتخلص من التحميل إلى يوم الدين, يالله قم وسكر هذا الي تحمله
<<<<<<<<<مايدري ان التورنت يسمح لي اني أكمل التحميل
وبس يطلع الوالد انا اكمل تحميلي للأنمي
ولا إذا شافتني امي جالس على الكمبيوتر وجالس أشارك في قسم الأنمي تجي تقول لي:ليش ماتشارك إلا في هذا القسم(تسمين البونمي مو الأنمي)ههههههههههههه
انا أقول لها أن شاء الله
وكل يوم نعيد نفس الحكايه

انا عندي مواقف واجد صارت لي بس
<<<<<<<<<<<ابي انااااااام
ههههههههههههه

نشوفكم على خير حبابين^^ ..

[kitten]

ما يكفي الرد هذا الثاني (الموضوع طافني من البدايه الحين بعوض بردين )

TNT

انا قانوني " الى يريدني يجيني "
يعني خالتي وعمتي ادا ما اشوفهم بالصدفة في بيتنا ما اروح ليهم <<<<<<<<< من كثر المشاغل
لان اكره شي اني اجلس مع واحد يصير ليي مابيني وبينه قاسم مشترك الى العائلة

كشخه والله اللي يبيني اييني
اما عن زوارات ما احب اروح مالي خلق كلش
مثل ماقلت ان مافي اي قاسم مشترك بيني و بين اهلي (قصدي بنات عماتي و اولاد عمامي )
يعني اللي تسولف عن سيارات و اللي تسولف عن مكياج و اللي تحش بهذي و اللي تتكلم عن المذيعه الفلانيه يعني ملاااقه في ملاااقه
و اذا رحت حق الكبار عماتي يتلاقيهم بس يتكلمون عن الخدامات و شنو سوو و شنو حطوا بالاكل و يتكلمون عن هذي تطلقت و هذي تزوجت يعني سخااافه (بس تصدقون بعض المرات استانس على السوالف هذي )

وانا بعد فوشيقي يوقي مادري ليش الايام الى كنت اشاهدها فيه كانو اهلي كله يجو يقعدو معايي <<< ما ادري من وين طلع هل حب مرة وحده
عاد وانا قاعد على اعصابي واقول في قلبي "يارب ماتطلع لقطة يارب ماتطلع لقطة" وبس احس ان بيطلع اروح اوقفه واقول الى امي " شكلك تريدي تشاهدي يلله خذي راحتك"

هذي الحركه خاااايسه ما احبها
اذا احد وقف على راسي يشوف انمي معاي و انا بس خااايفه ان تطلع لقطه فيها شي و يحظرون الكمبيوتر مني :shock22:
يعني في مره قعدت اشوف انمي trigun هذا الانمي محترم و مافي اي شي و في يوم قاعده اشوف وحده من اخر الحلقات و لا اشوف ابوي و اخوي الكبير واقفين و يشوفون قلت لا عادي ارتاحي مافي شي هذا الانمي
و لا اتفاجأ ان هذي البطله الطويله (البطله الثانيه الضخمه) و لا انها تلم (تحضن) البطل هذا اللي عنده رشاش على شكل صليب و تقعد تمسح عليه و تواسيه
انا مو انقص ويهي الا قام يقط الوان :shock22: يعني الانمي كللللله مافي اي حركه و على حظي طلعت هذي الحركه جدام ابوي فشللللله

ناكازارا تعني الاشياء القذرة تعني قـ ذ ا ر ة "

هذا المقطع حدي احبه يفطس من الضحك
انها ليست قذاره و لكنها ناكازارا و ناكازارا معناها ليست قذاره ياكبمارو ناكازارا و ليست قذاره انها ناكازارا ليست قذاره
(خلاص مصختيها يا مي عطيناج ويهه وايد احترمي نفسج عااااااد )

انا لحين اسمع واشوف Dido - Hunter "فيديو كليب "

With one light on in one room
I know you're up when I get home
with one small step upon the stair
I know your look when I get there
if you were a king up there on your throne
Would you be wise enough to let me go
for this queen you think you own

الله عجيييبه هذي الاغنيه حلللوة و الكليب حلو بعد
انا قعدت اغنيها مع الكلمات اللي حاطهم
من صج كووول هل المغنيه
اسمع اغنيه thank you , white flag , life for rent , with her, on step too far, here with me
حلوة اغانيها (حسافه بس عندها البومين)


الرقمي

من كثر الفر والدوران في السوق صارت كل وحده ما تدري وين سياراتهم

لووول الموقف حده يضحك (بس يخرع وقته اكيد )
انا مره صار فيني موقف جذي
كنت طالع مع خواتي السوق و ركبنا الاصنصير (المصعد) و كان في وااايد ناس داخله و لما وصلنا الطابق اللي نبيه خواتي كلهم اطلعوا من المصعد و علما وصل دوري ولا يسكر علي المصعد و بقيت داخله بروحي مع واحد صعيدي
عاد انا شنو صار فيني قمت اناقزر و اطامر(اقفز) من الخرعه و اقول لاااااا و اطلع اقول اهئ اهئ اهئ و حالتي حاله
حتى ان الصعيدي اخترع مني و قال خلاص يا انسه حيفتح الاصنصير دلوقتي
و لما وصل خواتي كانوا واقفين و يضحكون علي
و انا كنت ميته من الخوووووف :shock22:

[*Ran*]

انا عكسج امووووت على السسوالف و لازم اعرف شنو صاير دار مداري

انا مثلج كيتين أمووووت على السوالف ^___^
وإذا صار شي تبدأ عملية التحري والاستطلاع ..... بس تبون الصراحه اخرتها يطيح
كل شي على راسي وأطلع انا الغلطانة بكل شي +____+

ااااخ من الامهات ثم ااااخ
هذي سوالفهم كلهم وحده تخرع الثانيه (دوانيه شاي الضحى خطييييرة اهي اللي تقلب الامهات علينا لازم نلاقي لها حل ) (حسافه لو موضوع بنات فقط جان قلت السوالف اللي تسويها الامهات للبنات و انتوا كلكم تدرون )

اي والله صاجه ...... الامهات لما يقعدون ويا بعض كل وحده تخرع الثانية وأخير شي
احنا إلي نتوهق ^^ ..... كل سوالفهم شفتي بنت فلانة سوت جذي وجذي عاد تيي
أمي وتقارن وتاخذ احتياطات مالها داعي ^^ ..... وعن دوانية شاي الضحى صج كلامج
يبيلها خطة تدمير بأسرع وقت ^___+

يقولون اني عفويه و اقول اللي بقلبي...

كلامهم صح ^^ .... أصلاً هذا إلي حببني فيج

[*Ran*]

اعطينا موقف محرج صار لك هل فترة

ياكثر المواقف المحرجة إلي تصير لي ^___^
من قبل فترة يانا خالي وانا نايمة في الصالة وحالتي حالى وماحسيت
إلا وهو يقعدني ما اقدر اشرحلكم شلون كان شعوووري ....

[alamal13]

ياكثر المواقف المحرجة إلي تصير لي ^___^
من قبل فترة يانا خالي وانا نايمة في الصالة وحالتي حالى وماحسيت
إلا وهو يقعدني ما اقدر اشرحلكم شلون كان شعوووري ....

شلون كان شعورك؟؟؟ نذالة


وانتي ما لقيتي ترقدين الا بالصالة...........في اختراع اسمه غرفة النوم...

[*Ran*]

شلون كان شعورك؟؟؟ نذالة


وانتي ما لقيتي ترقدين الا بالصالة...........في اختراع اسمه غرفة النوم...

انتي تعرفيني اموله هالأيام ما انام نومه كامله نومي مقطع ^___^ .... فما لقيت نفسي
إلا نايمة في الصالة ..... وعن الشعووووور تمنيت اختفى من كثر ماكنت منحرجه
تعالي اموله الي يشوفج يقول هذي البنت عمرها ماانحرجت .... يلا قولي مو بس انا
إلي اقول ....

[al_saffah2]

هههههههههههههههههههه

الله يستر ما تنقلت معركه طاحنه هههههههههههههههههههههههههههه
ترى امزح لا احد يزعل

[TNT-BOY]

اسمع : DJ Tiesto - Love Comes Again <<<<< آخر اغنية نزلته ^^


الرقمي
موقف جميل ^^
لاكن الشره مو عليك الشره على المراة الى لخبطت وخوفتك

منهذاك اليوم وانا اقفل السيارة الين اتأكد ان الي يفتح الباب هو امي

اش دعوة كم عمرك ؟

... بس إذا دخلت النت أنا في عالمي وهم في عالمهم ...
انا طوال الوقت عايش في عالمي الخاص ^^

kitten

و اما عن امي بس تدش اتقول بس بسكم معاصي و ذنوب (عندها تضييع الوقت معصيه )
مؤمنة على خير

اروح لهم و اقعد اسولف و اسولف او اتكلم و اهم تلوع جبدهم و كل واحد يقطني على الثاني
يبغا لهم يسوو منظمة اسمه " الرفق بكيتين" ^^ وتكون فيها تجمعات الى الناس الفاضيين
طبعا ما يحتاج عارفة من الرئيس مالها



من صجج وين تلاقين انمي مافي لقطه او قصه تفشل ماااكو الا اذا بحط ماروكو
اي ولله مافي الى الانميات مالات الاطفال وياليت لو هم بمستوى ماروكو
بس عندك Lupin III رائع جدا جدا جدا ومافيه اي شي
بس اتوقع ما تحصل ليه وصلات تنزيل "انا شاريه" ^^

راح تذبحني) اذا مافهمت شي تقول شنو !!!
اكيد بتقول كدا.....اجل تريديها تقو لشاورما !؟


و عاد اذا بشرح لها ولا طار نص الانمي و بعدين تعالي عيديه و هذي شغلتنا
انا اطنش الى يسألني واسوي روحي ما اسمعه وله مانا فاهم النقطة الى يسأل عنها الى ادا وقفه او خلصت الحلقة مرة وحده تجي الاجابات واقول ليه <<<<<< معجزة ^^


انا عكسج امووووت على السسوالف و لازم اعرف شنو صاير دار مداري
هو اكيد مافي احلى من الحشارة ^^
بس احيانا الحشارة تخليك تعرف اشيا المفروض ما تعرفها
و له تعرف اشيا تكدر الخاطر XS
زي قبل كم يوم كنت مع امي فقلت خلني ادور بها في السيارة <<<<<<<<<< اكشخ بها
وعلى دوارتنا قلت لازم اوديها المناطق القديمة والاثرية في المنطقة
اله بوبات الماضي تنفتح عند امي وتقعد تقول ليي سوالف اول وكان ضحك ووناسة "تخيل تسمع عن الاشيا الخبلة الى كانت تسويها خالتك الى الحين عمرها 40 سنة " ^^
اله شوي وانا اسئل واسئل واسئل الين ماوصلت الى مرحلة سمعت اشيا ما كنت اريد اسمعها
وهي عن الحال الى كان والموت والامراض وهل اشيا
فحتى لما رجعت البيت كنت متكدر الخاطر ........ خمس دقايق وانا ارجع مفرفرش ^^

وانا اموت و اقعد مع خواتي لما يبدو جلسات الحش والاخبار "وناسة"
بس للاسف هم ما يسوو هل جلسات الى في حجرهم وله ادا كانو لحالهم في الصالة -_-"
بس يلله جلسات امي والهدرة على التلفون حلوه بعد ^^

بس طبعا مو هواش يلوع الجبد لاني ما احب الهواش كلشششش اتنرفز منه و المشكله ان هواش اي احد حتى لو ماكنت انا ان الهواش يضيق خلقي طول اليوم و يخرب عليي مزاجي

اكره شي ان اثنين تحبهم وتعزهم يتهاوشو قدامك
بس لما اشوف واحد ما اشتهيه وينضرب ويتكسر عدل قدامي استانس <<<<<< عقبال الى في بالي
وحتى قبل فترة كنت اشمت على واحد على شان انه سوا حادث وكسر سيارتهم
بعدها بفترة كنت على وشك اني اسوي حادث مرتين ^^ <<<<<<< الاشارات الإلاهية
يعني حتى اليهودي له حوبة ^^

حسافه لو موضوع بنات فقط جان قلت السوالف اللي تسويها الامهات للبنات و انتوا كلكم تدرون
عادي اخذي راحتك
لما تريدي تتكلمي عن هل سوالف سوي زي التحذير للحراق
واكتبي السالفة بللون الابيض على شان ما حد يشوفه <<<<<<<< ويش قالو لك جاهلة بتصدق كلامك
يلله كيتين فليها وقولي السوالف يعني ويش المانع ؟؟؟؟
واحنا ماورانا شي فاضيين ^^

عشان جذي يحبوني البنات بالجامعه يقولون اني عفويه و اقول اللي بقلبي... لكن هذا الشي يوديني بمشاكل في بعض الاحيان
يلله عاد يعني تحسسينا انكي بنت محبوبه في الجامعة ^^
ولله شكلها شخصتك " شخصية قيادية" صح وله لا ؟
واما عن المشاكل من وراها فهي كثيرة
حتى ان احيانا اكون جريء بزيادة مع المدير " الشيزل " <<<<< ويسما احيانا بـ"وحش ميكا ميكا" + جعفوصة + سنفور "عد وغلط"

بس انا استانس على الاساتذة الى يفلوها
يعني احيانا استاذ فلة بس احنا ما ندري عنه
فيستلزم الوضع ان واحد يكون جريء شوي ويسوي موقف نعرف من خلاله مستوى الفلة ليه ^^
بس انا قانوي الاستاذ فلةٌ الى ان تتم تبرئته ^^

:ليش ماتشارك إلا في هذا القسم
لوووووووووول
شكلها امك طوال الوقت معاك لما تجلس على الجهاز ^^


الموضوع طافني من البدايه الحين بعوض بردين
خذي راحتك لان في النهاية هل موضوع بينحذف يعني اكتبي لين تملي ^^

و اذا رحت حق الكبار عماتي يتلاقيهم بس يتكلمون عن الخدامات و شنو سوو و شنو حطوا بالاكل و يتكلمون عن هذي تطلقت و هذي تزوجت يعني سخااافه
هل سوالف حلوه كاستماع فقط
بس ياويلك ادا كانت عنك >_<

لا اتفاجأ ان هذي البطله الطويله (البطله الثانيه الضخمه) و لا انها تلم (تحضن) البطل هذا اللي عنده رشاش على شكل صليب و تقعد تمسح عليه و تواسيه
اي ولله ذكرتيني بالمشهد مالها لما تبكي عليه كان محزن >_<
اوان الحمد لله القانون بيني وبين اخوتي هو : شاهد على كيفك بس اهم شي لاتخلي اهلك يشوفو
يعني احيانا انا وله اخوتي نجيب افلم امريكية
وبالعادة لازم فيها هل اشيا وخاصة الكوميدية فتلاقي اخويي يشاهده بس لحاله وما يخلي احد يشوفه معاه
ونفس الحال ليي بعد يعني هو يدري اني اشاهد اشيا فيها شويت شغلات بطاله بس ما يتكلم ليي لاني كبير وفاهم وما يحتاج احد ينصحني + انا اشوفها لحالي يعني ما اخرب غيري ^^ <<<<< مبدأ التفاحة الخايسة ^^
وانا مع ان عندي تلفزيون في الحجرة بس صغير وقليل ادا احب اشاهد فيه <<<<<<< آخر شي شفته فيه فلم امريكي قديم شوي اسمه Lost and Find على ما اعتقد
وهذا السبب الى يخليني احيانا اروح اشاهد في المجلس وله الصالة
لان احيانا ازهق من مشاهدة الكمبيوتر -_-"

بس احيانا لما اتحمس الى شغلة استني اهلي الين ينامون واروح اشيل التلفزيون الى في الصالة"كبير" واركبه حجرتي واشاهد على راحتي ^^

انا مو انقص ويهي الا قام يقط الوان يعني الانمي كللللله مافي اي حركه و على حظي طلعت هذي الحركه جدام ابوي فشللللله
اوووووووووووه تصير ليي واجد
بس الى يقهر ادا انمي مافيه شي ماحد يجي لك
ولما توه بيطلع شي ماتشوف الى الاهل كلهم متلايمين عليك -_- "

انها ليست قذاره و لكنها ناكازارا و ناكازارا معناها ليست قذاره ياكبمارو ناكازارا و ليست قذاره انها ناكازارا ليست قذاره
نسيت شي بعد
ناكازارة وليست قذارة.....لايجوز قول كلمة قذارة بحضور شيزون.... لا يجوز........الخ
وله لما يطلعو وجه ناكازارا والشغلات نازلة على راسها تموت من الضحك

الله عجيييبه هذي الاغنيه حلللوة و الكليب حلو بعد
انا قعدت اغنيها مع الكلمات اللي حاطهم
من صج كووول هل المغنيه
اسمع اغنيه thank you , white flag , life for rent , with her, on step too far, here with me
حلوة اغانيها (حسافه بس عندها البومين)

ايه صوتها مميز "مع اني مااهتم بالصوت واجد" ^^
on step too far مع Faithless "حلاتها بسيارة والصوت مرفع " ^^
واستغربت اخويي كان مار وانا اسمعها الى ويكمل الاغنية معاها وكان مقطع
Wants to be a Hunter again
----I want to see the world alone ag
طلع ماهو حافضنها كاملة -_-"

وترا الفيديو كليب صغير "10ميجا" ادا تريدي تسحبيه عادي "اسمح لك " ^^
تشوفيه في ملف "Cocktail" ^^



عاد انا شنو صار فيني قمت اناقزر و اطامر(اقفز) من الخرعه و اقول لاااااا و اطلع اقول اهئ اهئ اهئ و حالتي حاله
لووووووووووول
ولله خرعتي الرجال سويتيه كانه مجرم"Pervert" وهو بريء ^^
ومن مواقف المصعد "اللفت" معايي
اني مرة كنت في دبي "دار الحي" ^^
وكنت طالع آخر الليل ومادري ويش كان عندي شي احوس فيه
وركبت المصعد لحالي وكنت ادن ادن واحوس في هل شغله اله مرة وحده يفتح الباب وانا ساهي
اله وحده اجنبية تقول ليي "هاااي" <<<< على شان تحسسني
عاد انا رفعت راسي مرة وحده من الخلعة الى واشوفهم يستنوني اطلع على شان يركبو "والابتسامة تغطي وجههم " <<<<< البركة فيي ^^
ومن الفشيلة ماعرفت ارد قمت ابتسم من الفشيلة واقول " هـ-ها-هاي "
وبعدها مادري ويش قامو يقولو ليي بلغتهم "بولندي يمكن " على شوية انجليزي "مادرو اني عربي" وانا مانا فاهم عليهم وطنشتهم كأني ما اسمعهم ^^
وبس مشيت منهم قمت اسوي من الفشيلة <<<<< الله ستر ماحد شافني كان صار موقف ثاني ^^
يعني كان من المواقف المحرجة ليي لدرجة اني ماعرفت اتكلم
بس اموت واعرف في ويش هو الشي الى كنت احوس فيه وخلاني اسهى

حتى ان الصعيدي اخترع مني و قال خلاص يا انسه حيفتح الاصنصير دلوقتي
ولله كسر خاطري هل صعيدي كان خايف تسوي له فضيحة


*Ran*

اي والله صاجه ...... الامهات لما يقعدون ويا بعض كل وحده تخرع الثانية وأخير شي
احنا إلي نتوهق ^^ ..... كل سوالفهم شفتي بنت فلانة سوت جذي وجذي عاد تيي
أمي وتقارن وتاخذ احتياطات مالها داعي ^^
اعتقد هذا مصيركم في المستقبل

من قبل فترة يانا خالي وانا نايمة في الصالة وحالتي حالى وماحسيت
إلا وهو يقعدني ما اقدر اشرحلكم شلون كان شعوووري
انا تصير ليي واجد
وآخر مرة عمي هو الى قعدني ^^
طبعا انا ماشاء الله كل العائلة الكريمة قعدوني لازم ^^
لاكن مافي زي خالي ما يقعدني اله يتسلى بي الين ما يشبع -_-"

بس يلله الايام بيننا وادا ما طلعتها منه اطلعها من اولاده <<<<< انتقام رامبو ^^

وخلينا على المواقف المحرجة احسن ^^
موقف محرج ليي : "موقف بايخ"
يوم من الايام كنت طالع مع واحد لاول مرة وكانت طلعة مهمة جدا جدا وما تستحمل اي اخطاء <<<<< Vip
وانا كنت ماشي عدل بدون ما اغلط او اسوي شي " كل شي على الاصول"
بس على النهاية واحنا راجعين "كنا رايحين المجمع" قمنا نهدر ومادري ايش
الى وانا اتكلم عادي هو فكره راح بعيد وفكرني اني ............... >_< <<<<<< شي قوي جدا
والمشكلة اني ماحصلت فرصة ابين له انه غلطان لان بعدها جو ناس ركبو معانا

>_< بس ولله مو مشكلتي ادا هو فكره تعبان وراح بعيد مع اني مالمحت الى هل شي >_<
الحمد لله الله فكني منه هل فترة ولا بشوف رقعت وجهه مرة ثانية
الله ياخذه وياخذ الساعة الى عرفتني به <<<<<<< حسو على دمكم وقولو "آمين"

53 رد في الموضوع الى الحين بس

[haruno-sakura]

على طاري المواقـــــــــــــف المحرجة ...

إلين باجر ما بتخلص !!!!!!!

بس يلاا بقولكم وااااحد ...

كنت رايحة مرة مركز من المراكز إلي فبوظبي ..

أنا و بنتين من أهلنا كنا نتمشى ..

دخلنا محل محترم ...

كانو حاطين المانيكان فوسط المحل ..

فنحن ألحين نبا نتفلسف و نسير بين المانيكان ..

ولا يطيح المانيكان و نطيح كلنا عليه ...

فضيييييييييييييييحة .. و كل الناس طالعونا ..

احترق ويهي ما عرفت شسوي !!!!!!!!!

بس يلاا المهم ما استوا فينا شي

خخخخخخخخخخخخخخ

[dgdg]

السلام عليكم
عندي سؤال لي الانمي ناروتو شنو فلم ناروتو السبشيل مو فاهم هل هو مقاطععن الفلم الحالي ام شنو ؟
وشكراً..............................

[Misao.]

مرحبااااااااااااااااااااااااااااااااااااااااااااااااااااااااااااااااااااااااااا

ااااخ من الامهات ثم ااااخ
هذي سوالفهم كلهم وحده تخرع الثانيه (دوانيه شاي الضحى خطييييرة اهي اللي تقلب الامهات علينا لازم نلاقي لها حل )

انا طفارتي ان احد يشوف معاي انمي...حتي لو كان اكشن ولا رياضي ...و مافي اي رومانسية و لقطات "عابرة" بس انا ادري الي معاي يلوعون الجبد

نفس الحااله خاصه ادا كانت اختي الصغيرررره :mad22: كلا تسأل اسأله... وادا كان الأنمي مترجم تبغاني
اقرا ليها ويش مكتووب ....ماتلحق على الترجمه

لووول هذي تموت من الضحك
عاد انا حتى لو قاعده بروحي لازم اعلق بصوت عالي
يعني اذا صار شي بالانمي ماعجبني او شي حلو لازم اعلق اقول لييييش او ونااااسه

انا ما احب اعلق الا ادا كان الي يتابع ويايي يحب الأنمي