-- شــات الانــيمي للدردشــه والترحـــيب --

[Grandia]

السلام عليكم ورحمة الله وبركاته

هذا الموضوع للترفيه عن النفس في منتدى الانيمي احيانا تجي فترة ملل في المنتدى ويجي بعض الاخوه ويفتح مواضيع مصيرها في النهايه الاغلاق لذلك فك مللك في هذا الموضوع طبعا الدردشه بتكون عن الانيمي ومشتقاتها

ومثل ما تشوفون للترحيب ايضا مواضيع الترحيب كثرة شوي واحيانا يتردد المراقب يقول شي في حذفها حبيت اخفف عليهم لذلك ارجو التعاون

انا اخذت موافقة جميع المراقبين بفتح هذا الموضوع عن طريق الاخت الامل جزاها الله خير

الله يعطيهم العافيه تفهمو الوضع ووافقوا ولاكن بشروط واعتقد انها في محلها

والشروط هي

1- عند وصول الموضوع اللي 1000 رد سوف يتم حذف الموضوع وفتح موضوع اخر بدله يعني اللي يشاركنا عشان يفرفش ويرفه عن نفسه حياه الله اما اللي يدخل عشان يزيد مشركاته مصيرها في النهايه تنحذف لأخذ العلم فقط


2- ارجو ان يكون النقاش او الدردشه وديا بعيدا عن الشتائم والعصبيه والتجريح كرتون ما يسوى كل هذا ولوحدث ذلك رجاءا يرجى مراسلة اي من المراقبين في هذا المنتدى وهم كما تعروفون alamal13 و FFX-Yona و ولدالبوكواره ارجو اعانتهم في هذه المهمه ليس فقط في هذا الموضوع بل في منتدى الانيمي ككل تكتمل الرقابه والاشراف بمساعدتكم


3- الصور ..... ارجو ان تكون صور عاديه بعيدا عن الخزعبلات الكل عارف اتمنى الفكره وصلت


وعلى كلام المراقبين وكبار المسوؤلين في المنتدى ان اي شرط يكسر بنده نتيجته اغلاق الموضوع فورا

انتوا ناس واعيه وفاهمه بس من الافضل التذكير والتنبيه

========================================

:icon6:

ببدأ الدردشه ان صح التعبير

كم ساعه تشوف اهلك وكم ساعه تشوف الانيمي بما فيها الدخول للــ pc للمنتدى

بالنسبه لي ماشاوف اهلي وان شفتهم اسلم عليهم كأن لي سنه ماشفتهم

بس الحين الوضع قام يتعدل علي شوي شوي

سلام عليكم

[TNT-BOY]

يا سلام عليك يا جرانديا
موضوع المفروض من زمان ينفتح مو الحين لما قربت تخلص العطلة

شباب عندي اقتراح لكل عضو يريد يزيد مشاركاته من هل موضوع

بس نريد تعاون الكل

زي ماقالو المراقبين ادا وصل 1000 رد راح يحذفو الموضوع وراح تنحذف مشاركاتكم

فالحل البدل هو

انكم توصلو الموضوع الى 999 رد وبعدين توقفو

<<<<<<<< العقل المدبر :icon6:

ماعلينا

الموضوع دردشة ذكرتني باقسام في المنتديات الاجنبية يسموها Chit Chat يعني عندك اي شي تريد تقوله خذ راحتك

دردشة مع اعضاء المنتدى ؟
مع اني افضل الديوانيات الى تصير على الماسنجر اله تتكون على ا لاقل من 5 اشخاص
تكون احلى لان الواحد ياخذ راحته على الاخر .....حش و كلام مرتب وجميل و عبط ةكل شي يحبه قلبك

بس يلله نحاول ندردش شوي هنا <<<<<< مايريد يكسب سيئات واجد

كم ساعه تشوف اهلك وكم ساعه تشوف الانيمي بما فيها الدخول للــ pc للمنتدى

اشوفهم واجد
بس
ما اجلس معاهم
يعني اقول لك روتيني اليومي
اجلس من النوم اصلي واستلم الكمبيوتر على طول طبعا اول شي اسويه اشيك على المنتدى والخاص<<<<< يريد يحسسكم انه VIP :icon6:
وهل اشيا دي و اروح الى المواضيع المهمة "تنعد على الاصاب‘" واشوف المواضيع الباقي ادا عندي كلام اقوله وله لا
بعدها اقوم من على الجهاز لمدة 10 دقايق
هل 10 دقايق اوزعها على : الاكل + الحمام + شراء بعض الاغراض الى البيت + اكلم امي شوي <<<< ويش اسوي ليكم احبها واموت فيها
بعد ما تخلص هل 10 دقايق ارجع للكمبيوتر و اشبك بالماسنجر اله 90% كله من اعضاء المنتدى واقعد اتجمع مع شلتي " حبيب الزبالة + 1/2 + قبوط + الخكا + ............الخ <<<<<< قائمة طويلة من احلى الاعضاء

طبعا 60% من هدرتنا ما تكون عن الانمي وله المنتدى <<<< شبعنا من الحش
طبعا الدردشة هي الى تاخذ معظم وقتي وما تخليني اشاهد شي فترة العصر كلها
يعني اكون محظوظ لما اشبك وما احصل واحد من الشلة موجود على شان اشاهد انمي

وكدا قضية العطلة كلها لا شغل ولا مشغلة

سؤال :
من هو اكثر عضو حسيته يشبهك ؟
مو شكليا ً لاكن يعني لم تتكلم معاه تحسه يفهمك وتفكيره زيك ؟

[white dragon]

السلام عليكم
اخوى جرانديا يشرفغنى ان اكون اول عضو يرد
بصراحة بالنسبة لاهلى فحدث ولا حرج كلنا عائلة مشغولة خصوصا فى اوقات الدراسة يعنى انا اصغر واحد فى العائلة
وادرس فى الجامعة وباقى اعضاء العائلة كلها متخرجين ويشتغلون
اذا كانت امى نفسها مديرة مدرسة----- احيانا يمر اسبوع ما اشوفها ----
لهذا استغنى عن الانمى فى الصيف واعطى وقتى لعائلتى لانى عارف مش رح اشوفهم ابدا فى اوقات الدراسة
ولكن اذا تحسب المعدل العام تجد الانمى واخد كل وقتى يعنى ممكن 7 ساعات فى اليوم
و لكن المسلى فى الامر انه كل ما اترجم فلم اتفرج عليه مع العائلة
يعنى الانمى يعتبر احدى اللحظات القليلة التى تجتمع عليها العائلة
اما المنتدى فملاحظين ان دخولى امر نادر.........حسبما اعتقد

والسلام عليكم

[Mibu Wolf]

مبادره حلوه منك اخوي جرانديا يعطيك العافيه ^^.. ونتمنى من الكل يتقيدون بشروط

كم ساعه تشوف اهلك وكم ساعه تشوف الانيمي بما فيها الدخول للــ pc للمنتدى

كيف يعني كم ساعه اشوف اهلي؟ هههههه.. عالعموم اهلي 24 ساعه بوجهي ..وبنسبه لمشاهده الأنمي فعلى حسب ماقدر احدد والله اما كم ساعه اكون فالمنتدى تقريبا 5 ساعات بس على فترات يعني بظهر ادخل ساعه او ساعتين وبنص وباليل 3 ساعات

[السفاح المرعب]

موضوووع حلو

اقول الموضوع شات متأكد . اكتب عادي

[white dragon]

وا لله يا اخى تى ان تى كان الله فى عون الوالدة الكريمة عشر دقايق بس تكلمها عشان تحبها
يا ترى ايش الوضع مع اخوانك ياللى اكيد فاصعين راقبتك------قاعدة عالمية الاخوة دائماً مصدر الازعاج والقرف----
اسالونى
اما الخاص.......فبكل فخر اربع اشخاص فقط...... طبعا اول ما يتعرفون على يطفشون.....طبعا الاربعة بما فيهم جارى........من كثرة الكسل حرام اروحله البيت واقعد ادردش معاه .....على الماسنجر احسن و اوفر فى الجهد
ولكن طبعا هاليومين مدلع على الاخير بعد ما اصابنى مرض مجهول فى القلب
العائلة واخذه بالها على ................يموتون فى
طبعا بعد ما رحت للطبيب ........ قالى ما فى عندى شئ.....قال برد فى القلب.......بالله عليكم عمركم سمعتوا برد فى القلب .....المهم الحال فى استقرار هاليومين بس اذا انقطعت عن المنتدى فاعلموا....و افرحوا....اكيد اكون ميت ........
يبدو انى كثرة كلام
سلااااااااااااااااااام

[Grandia]

تشوف اهلك ما يعني تشوفهم كأنهم سحابه عابره ومع السلامه

الكلام كنايه عن كم ساعه تقعد معاهم :icon6:

سؤال :
من هو اكثر عضو حسيته يشبهك ؟
مو شكليا ً لاكن يعني لم تتكلم معاه تحسه يفهمك وتفكيره زيك:

انا كل مئة سنه يجي واحد ونصف مثلي وبعد خمسن سنه يسيرون 2 يشبهوني يعني كل 15 سنه 2

حاليا ما احد يشبهني بس بعد 100 سنه ان شاء الله بعد طول العمر للكل بشوفه

[Grandia]

موضوووع حلو

اقول الموضوع شات متأكد . اكتب عادي

شكلك ما قريت المقدمه المهم شوف

هذا الموضوع طبعا الدردشه بتكون عن الانيمي ومشتقاتها

ومثل ما تشوفون للترحيب ايضا مواضيع الترحيب كثرة شوي واحيانا يتردد المراقب يقول شي في حذفها حبيت اخفف عليهم لذلك ارجو التعاون

[QataR NighTMarE]

موضوع حلو وفكره حلوه يا جرانديا

وسيتم تثبيت الموضوع حتى ما يقوم بتنزيل المواضيع الجديده

بخصوص سؤالك

اشوف اهلي يومياً يعني اقوم من النوم اغسل وجهي واقعد ربع او نص ساعه اتصفح من خلالها المنتدى ونظره سريعه عليه بعدين اروح اسلم على الأهل واقعد شوي وبالمره اشرب لي شاي

واقعد شوي وبعدين ارجع للنت اشوف المنتدى مره ثانيه وبعدين يا اشوف لي فلم او عده حلقات انمي طبعاً بعد كم حلقه اوقف واشوف المنتدى وارجع اكمل الحلقات ^^ وبكذا يكون جا العصر فأروح اقعد شوي مع الأهل من يديد وبعدين اطلع ويا الربع وارجع بعد العشا تقريباً واشوف الأهل واقعد شوي وارجع للنت واشوف المنتدى وبعدين يا اقعد طول ليلي بالكمبيوتر او اطلع مع الربع ^^

هذا هو جدولي اليومي طبعاً مو كل يوم مثل الثاني لكن فيه تشابه كبير بينهم ^^

وبخصوص سؤال تي ان تي فنعم عضونا اللي خذ له فتره غايب عنا وهو ماجن فيجيتا اشوفه الأقرب لي ^^

تم تثبيت الموضوع

[Tokimeki]

مساااء الخير ^^

على طاري الاهل ...انا أبوي بصراحة يكسر خاطري !! مرات احسة ان ودة ياخذ الكمبيوتر و يحذفة من الدريشة !! او يقطع خط التلفون احسن !!! XD وطبعا امي كل ما تدخل داري و تلاقيني مندمجة قاعدة اطالع انمي و هي تحاجيني و انا ارد علية بالقطاااارة من حرتها ...اتقولي أخاف متابعة اسهم البورصة و انا ما ادري XD

بس الحين استحيت على ويهي ...و قمت اقلل من إدماني !! ما ادش النت او شوف أنمي إلا إذا احس خلاص شبعوا مني و ودهم يطردوني

[TNT-BOY]

white dragon

يا رجال ولله مايهم الوقت المهم اني كل يوم ابوس راسها واكلمها في بعض الاشيا الهامة ولما اخلص استأذن منها
ومو معناتها خلاص ما اشوفها الى اليوم الى بعده يمكن انا بالغت شوي في الكلام الى قلته قبل

اما موضوع الكسل فيكفيك اني اليوم مشغل الـWebcam مع جاري الطوب بالطوف

انا الحمد لله صار ليي 4 سنين مارحت المستشفى اتعالج "قولو ماشاء الله "


جرانديا ويش تهربد انت ؟
شكلك ولله شخصية فذة وانا ما ندري


ونسيت شي في نضامي اليومي وهو الطلعات

طبعا انا ما اطلع الى 9-10 " عكس محمد "
يعني بعد شوي يمكن اروح الى مقر الشلة وما ارجع الى مع الاذان وله بعد بشوي <<<<<< الولد ماخذ راحته على الاخر

ووله ذكرتني بالشاي من زمان ما شربت شاي

Toki
انا نفس حالتك بعد ابويي توه قبل شوي قاعد يهزء فيي على شان مقضي يومي كله على الكمبيوتر <<<<<< البركة في هل منتدى هل اسبوع صاير حماس وفرفشة


انا بعد من الناس اله الى الحين ما شفت احدج فهمني 100% مافي الى شخص واحد بس ماهو من المنتدى <<<<< يصير ولد عمي وولد خالتي في نفس الوقت

يعني انا وياه نذالة وحده
وعاد اول شوف الخطط الى نسويها ماحد سلم منا
كنا ثنائي خطر <<<<<<< زي اونيزكا ودانما

[*Ran*]

موضوع حلو وايد ^^
وعن الاهل .... انا هالأيام ما اطالع انيمي لكن أقعد على الماسنجر والمنتدى والأهل
أشوفهم وايد يعني معاي على طول ^___^ .....

سؤال :
من هو اكثر عضو حسيته يشبهك ؟
مو شكليا ً لاكن يعني لم تتكلم معاه تحسه يفهمك وتفكيره زيك:

امممم ..... في عدد من الأعضاء أحسهم يشبهوني لكن أكثر عضوة احسها قريبة
من تفكيري وتفهمني هي حبيبتي توكي لكن هي متفاءله أكثر مني ( تعرفين شقصد توكي ^^)

[TNT-BOY]

اقتراااااااااااح

زي ماعرفين انتو الحين فاتحين مجلس صح ؟

وكل مجلس حلاته بالحش

فويش رايكم نشوف لنا مراقب حلو كدا من الى عندنا نتفق معاه

انه يخلينا نحش في عضو وبعد 30 دقيقة يحذف ردودنا ؟؟؟؟؟؟

يعني ناخذ راحتنا

يعني لو نريد نحش في سانشيرو ناخذ راحتنا
وقبل ما يجي هو ويقرا الكلام يحذفه احد المراقبين ^^ <<<<<<<<<< منعا للمشاكل


فويش رايكم ؟؟؟؟؟؟؟؟؟

ادري اني مستنذل بس يلله انتو فتحتو موضوع فلة وانا واحد يحب الفلة

[Mibu Wolf]

تشوف اهلك ما يعني تشوفهم كأنهم سحابه عابره ومع السلامه

ههههههههههههههههههههههههههههههه

طيب بسألكم شغله ماتحسون انه عشاق الانمي مايحبون يطلعون وايد يعني مومال سوالف المجمعات وطلعه كل يوم عالفاضي مثل معظم الشباب -___- حبيت اشوف رأيكم لانه انا ربعي نفسي بظبط مايحبون يطلعون وايد نادر جدا .. وايضا سألت كم صديق عندي بال Msn وبعد قالولي نفس الكلام .. فشرايكم

[QataR NighTMarE]

طبعا انا ما اطلع الى 9-10 " عكس محمد "
يعني بعد شوي يمكن اروح الى مقر الشلة وما ارجع الى مع الاذان وله بعد بشوي <<<<<< الولد ماخذ راحته على الاخر

ومن قالك اني ما اطلع 10 وفوق
اطلع بس مب كل يوم اقط وجهي عندهم لازم اثقل شوي
يوم الاحد اللي راح قاعد عندهم لين 6 الا ربع الصبح
وامس لين 3ونص الفجر
وقبلها يومين لين 2 الفجر
فقلت اليوم اخذ راحه لأني لاعب كوره العصر وتعبان + ان مب حلوه كل يوم احذف وجهي عندهم