أخوي انت فهمتني بشكل خاطىءالمشاركة الأصلية كتبت بواسطة SNOoOP
الله اكبر
كل ذا بمجتمعنا الشرقي الاسلامي
وانا ادور بشوارع الرياض كلها يالله القى مكان للعزابيه
كل الخدمات للحريم والا للعوائل
لا ياحبيبي المرأة عندنا محفوظه بحفظ الرحمن لها الحرية بكل شي بشرط الا يخالف الشريعة الاسلاميه
ووالله مادري وش ذا الاسلوب الي يخليك تتهم مجتمع بأكمله انه متخلف بسلوك
شخص كان يدور بشاليه وشافله حرمه تمرجح
والله اعلم بهالقصه (( مع احترامي لكاتب الموضوع))
الحمد لله في مجتمعنا المرأه ماخذه حقوقها في كل شي ماخذه حقها من زوجها ومن عائلتها وماخذه حقها من العفه
بعكس المرأة الغربيه التي ينتهك عرضها ويفرق بينها وبين الرجل في الراتب على نفس الوظيفه لأنها امرأة
بالله
اول شي تكلم عن مجتمعك المحيط بك ان كانه متخلف فأنا ولله الحمد عايش في مجتمع واعي خاصه وانا بقلب الرياض
ولا تعمم
ممكن حظرتك تقولي من هم المتشددين الي تتكلم عنهم
ثاني شي وش دخل التشدد بهالامر اخونا بالله كاتب الموضوع ماحدد ان كان خويه ملتزم او لا
ثما اعرف لك كثير ملتزمين يطلعون ويلعبون عيالهم وبناتهم ولا قالوا شي
أنا اتهمت المجتمع بالتخلف ؟ أنا قصدت شي ثاني تماما ...
و أنا يا خي ما قصدت مسألة حقوق المرأة من عدمها ، و لكن قصدت أمر اخر ، و هو النظرة السطحية من المجتمعات الشرقية نحو المرأة ، و الان دعني أوضح كلامي حتى أزيل الالتباس ..
حتى أوضحلك قصدي ، لا بد من ذكر بعض الأمثلة ^^
ألا تلاحظ - و بكثرة - الفئة الموجودة بالمجتمع و التي تحاول إهانة المرأة ؟ كم من قصص مرت ، هذي خنقها زوجها .. و تلك شوهها أبوها ، و أخرى حرمها من رؤية أرض الشارع ، و الكثير الكثير من الأمثلة التي لا تعد و لا تحصى ، و هذا هو قمة الظلم للمرأة ... لاحظ التفرقة في المعاملة بين الولد و البنت ، الولد يحق له يعمل كل شي ، البنت لأ .. الولد لو غلط بيكون هذا شي يدعو للفخر ، البنت لو غلطت مصيرها للمقبرة ..
و الكثير من الرجال مصابين بالغرور ، نعم هذي الحقيقة ، و أنا لا أتحدث عن أحد من أعضاء المنتدى الكرام ، و لكن عن حقائق موجودة فعلا .. ألا تسمع كيف يبالغ البعض بإهانة زوجته وتعذيبها أو أذيتها لأتفه الأسباب أو إثباتا لرجولته ؟ ... مع أن هذا أبعد ما يكون عن الرجولة ...
و القصص - يا أخي العزيز - كثيرة .. و لكني أتمنى أن أكون قد وضحت لك وجهة نظري ، و التي تحمل الصواب و الخطأ لأني بشر ... و أنا يا أخي لم أتحدث عن الحقوق أو عن دين الإسلام الحنيف و لكنني وجهت انتقادي لفئة معينة من الناس أهانت ما كرمه الإسلام .. و هو المرأة .
mada mada dane : تروح و ترجع بالسلامة أخوي
