خـــــــــــزعبلات الطــــــــفولة ×____×

[.Atlas.]

ليتل انجل

ملح ؟؟ يااااوك >< انواع التسمين ههههههههههه
حنا ما كان عندنا خزعبلات خاصه بالسن..او بالاخرى مذكر =(
تصدقين انا اجل ماعشت ايام حمار القايله؟
وشو هو قصي لي سالفته..

هههههههههههه
والله وقتها ..كانت النحافة صج ..شكلي بارجع له :P
اما حمارة القايلة ..علمي علمج..ماكانوا يقولون لنا شلون شكلها..بس انها تخوف وتاخذ الصغار اللي يطلعون القوايل ..عاد انا شجاعة ماشاء الله علي..مايحتاج اقولج

الحين في حلاوة تجيب على شكل قواقع

شكولاته وفانيليلا

ياليت واحد يجيبلي اسمها او صورتها لاني اموت في هالحلاوة>>>>يالله يا لينا يا ام الحلاو جيبيلي اسمها

انيما:
هي الي تصير بعلبه كذا كرتون ابيض وفيه داخل كذا شكل مختلق للقواقع؟
اذا هي فطعمها رهيييييييييب
ما مدا شايفتها بالسوبر ماركت

http://www.guylian-choc.com/eng/prd1.htm

صار لي شهرين طايحة فيه ..اشتري العلبة الصغيرة اللي على اليسار تحت..
ثلاث حبات بأربعه ريال
طعمها رهيب ..

[Lena]

ليتيل انجل..يس يس هيييييي T_______T

مادا مادا ...صدق؟؟ قابلته؟؟ اهب @-@...<==مات الولد

انجل..واااي وناسة هالجاينت ماركت..امبي واحد عندنا بعد '^' فيه اشياء كثيرة ابي القاها

ياماتو..علمنا مما عندك يارقل ._. onegai

اشرف..وانتا بعد onegai قووول

الغريب..كشخة مو؟

[ashraf_2003]

طيب ..................الصراحة ردك اجى متاخر

وخليكم مترقبين another خزعبلة of خزعبلات اشرف Zeeeeeeeee3
لازم اروح انام بكرا بتعرفو الخزعبلة
و زي ما قلت خزعبلتي للتعليق بسسسسسسسسسسسسسس ممنوع النشر

وبعدين ايش يعني onegai

[Anima]

انيما:
هي الي تصير بعلبه كذا كرتون ابيض وفيه داخل كذا شكل مختلق للقواقع؟
اذا هي فطعمها رهيييييييييب
ما مدا شايفتها بالسوبر ماركت

ايواه

عليك نووووور

انا ما اكل الا هي

little-angel

الله عليك

تسلم يدك على الصورة الحلوة

[ashraf_2003]

طيب اجى الوقت الي اقو فيه الي عندي
طبعا لازم تصدقوا انه هذا الكلام صادر عن واحد اسمه اشرف في المرحلة الثانوية

انا قبل اعتقد في وسط 2005 انه الانسان لازم يكون يغلط في حياته وما في حد ما بغلط في الدنيا وعرفت اني انا كمان رح تصير معي اخطاء وين ما كنت في الشارع, البيت,المدرسة .......هذا الكلام كله دار في ذهني في وقت من الاوقات ......وبعد مدة صار في عندي شئ اسمه Ineer Ashraf يعني اشرف الداخلي هذه الظاهرة صارت عندي من غير ما اعرف وصار في بعض الاوقات لما تصير معاي مشكلة او اغلط يحكي معي اشرف ويوريني خطأي وانا مرات اسمع كلامه واقله: معاك حق لازم اصحح غلطي .....ومرات اقله : يا شيخ روح انا مش فاضيلك هلقيت مثال انا ما شي في الشارع وشفت واحد عمل شئ غبي اطلع واقعد اضحك و اقول في مخي هذا اهبل يطل اشرف ويقلي : لا لا يحق لك انك تغلط عليه انا اقله : صحيح كلامك لازم ما اعمل اشي زي هيك ومرات يطلع في غير المشاكل بس ماني ذاكر هلقيت..........................هذه ولا زال لليوم يطلع لي ويقلي هذا غلط هذا صح .....انت كذاب يعني واحد بعرف الي بنفسي

[smigle]

أقول لينا...أيش هالحكتات يا فتاة...

بس بخصوص وحشكم هالنمنم،، بالله عليكم هذا أسم يخوف؟؟؟

الله يرحم الأسامي اللي كانوا يخرعونا فيها (وحش الزبمبعععععع وااااعااااااا)

عموماً خلوني أقول لكم عن خزعبلات عيايزنا، خيالهم واسع ما شاء الله

الله يسلمكم كنت لما أرجع من اللعب مع عيال جيرانا (اللي سمعتهم كانت واصله لين سابع فريج، كانوا مشهورين بنمو القمل بوفره في رؤوسهم)، كانت يد أمي ترحقها علشان تفليني (يعني تشغل الـSearch Fingers على راسي قبل ما يتفشى داء القمل لدى الأسره الحاكمة وقبل ما تصير أمي أضحوكة الفريج وتقع ضحية شماتة خالتي المثاليه "اللي عيالها كانوا ياخذون معاهم شنطة الأكل لين ثاني أعدادي"

أمي: تعال يا يمه سميجل خلني أفليك <<<<< من برا ، ومن داخل.

أنا: مابا

أمي: ليش ما تبا، ماتخاف إذا رقدت يطلع القمل من راسك ويشلك ويوديك البحر ويعقك هناك؟

أنا: لا، ماصارت من قبل.

يدتي "تحاول أن تتلاحق الموقف قبل ما يتفشى الوباء في جميع أرجاء المملكه" : أقول أم سميجل، ما سمعتي عن بنت فلانه المسكينه

أمي: من، أم القمل أيش فيها..."أيش فيها قولولي أيش فيها، فيها سنطر فيها عنتر، فيها حوسه، فيها لوزه"

يدتي: أيه وعليه، مسكينه، أمها تبي تفليها والبنت قالت لها مابا ورقدت، ويوم قاموا الصبح دوروها وما لقوها، وعقب ما دوروا عليها في الشوارع لقوها طايحه عند البحر

أمي: وعليه المسكينه، ها سميجلوه، بتيني أفليك ولا لأ؟

عاد أنا المسكين تذكرت حلقة توم وجيري يوم الكلب يروح نزهه ويوم النمل يشلون الأكل وحتى شالوه وهو راقد، بس بعد قلت لها : مابا

أمي: ......شوفوا الصوره



يدتي:....شوفو التوقيع

أنا:..... شوفو صورتي الرمزيه، وبتعرفون تأثير هذه الحادثه على شعري -_-

[aoks]

لووووووووووووول سمييييجل XD

دائما رد اسطوري :P

[Lena]

اشرف
ياحليلك ذكرتني بال angel وال devil حق الكرتونات
الي يطلعون من الجنبين يقولون له اعمل كذا ولا تعمل كذا
onegai يعني ارجوك بالياباني .. بس احسها كيوت اكثر



سميقل
looool
god ba6ni hurts so much
XD
مدري وش اعلق عليه وش اخلي اسلوبك صراحة از ذا بست
زييين طليت عالموضوع وانا اقول وين سميقلوووه وينه اشوه جيت
بس سالفه القمل بتوعينك سااااالفه..اذكر كان معقدنا كلللللنا القمل انواع الوسوسة 24 ساعه يفلونا
خصوصا الي شعرهم لفخوذهم واصل.. تقعد سنة امي علي انواع الزهق
اضحك الله سنك يارقل على سالفتك .. عن جد لك مستقبل باهر في سرد السباحين اذا كبرت واصبحت old man

لا تقول ماتعرف وشو هي السباحين؟ no no not swimmers

تحرير:
ناااايس بومة عجبتني اكثر من الارنب .. كانت تقرفني السيجارة الي من ورا T____T

[عبودي]

خـــــزعبلات
1- ام سبع عيون
2- ظلام اليل
3- أم السعف و اليف
===========
مدري كيف كنا نخاف منها المهم انا انخاف وبس ..
خاصتا ً أم السعف اليف
.. بس تدرون شو طلعت بالاخير
نخلة .. نخاف من نخلة
هههههه
بس الاسم يخوف صح
مثلا يوم تقولي الوالد لا تطلع بليل ولا بتشلك ام السعف واليف و بتنفل عليك ريشها .. تصيبني قشعريرة من الخوف
خخخ

[Jin Kazama]

اسطورة أبوشريه

هذا جني طويل اطول من النخل ويقولون كان في واحد جاي من الدوام الظهر وطلع له بويهه وسلم سلامة الريال وهذي صورة للحادثه



طبعا هذا تشبيه بليغ

يطلع نص النهار يعني بدال حمارة القايله عدنا .


السد والحلاوة

أحنا نسكن جنب سد وطبعا يوم يكون فيه يمتلي ماي لازم الاهل يفكروا بشي عشان ما نروح للسد لانه كان مكشوف واي واحد اذا انزلق بيروح فيها ( صارت و غرق واحد كان بصفي اذكر كنا في الصف الثاني ابتدائي الله يرحمه) المهم فامي تقول لنا لا تروحون السد نقولها لا تخافي ما بنغرق تقول ولو البركه ( السد ) تقول لليهال تعالوا باعطيكم حلاوة طبعا انا ما كنت اصدق لاني كنت ادري ان الماي ما يتكلم ( يا عبقري ) بس كنت افكر شلون البركه تقول تعالوا وشنو نوع الحلاة ( توك تقول تدري ان الماي ما يتكلم )

في اشياء ثانيه بس ما تحضرني

والسلام ختام

[ميستي]

اهلييين وسهلييين



حلو موضوعك^ ^.. وحلووه الخزعبلات إلي ذكرتوها



عاد تصدقين يالينا .. إن حمار القايلة إلي تتكلمون عنه ماقط سمعت عنه..إلا الحين(ياعيباه كلكم تعرفونه إلا أنا) بس بجد ماحد كان يجيب له طاري.. شكل عايلتنا مايعرفونه



وصراحة عجبتني سالفة الطير الأخضر إلي ذكرها العضو(نسيت اسمه؟) بس السالفة كانت وايد حلوه ..صراحة تصلح نطبقها على اخواني.. يعني لمن يسوون فوضا..نقول لهم روحو لبابا وقولو له امسك الطيور الخضرا تراها ازعجتنا:D تنفع والله



~~~~~



اما سالفة تقليع الأسنان إلي ذكرها اودن..كانوا يقولونها لنا..بس ماكنا نعتقد فيها..:D انا لمن اخلع سني ارميه بالزباله واقول مايحتاج اقول<< ياشمس خذي ضرس الحمار وعطيني ضرس غزال.. عشان ضرس الغزال بيجي لي يعني بجي..فليش اتعب نفسي و أردد هل جمله واطلع في الحر



~~~~~~



اما اليد الغريبة إلي قال عنها دارك سول (اليد الحمراء...مجزرة الرعب)



صج هاذي اليد خوفتني حيل حيل وصرت اخاف ادخل الحمام بجد..طبعاً هذا وانا كبيره وبصف 3 إبتدائي..طبعاً هي السالفة قديمه وكنا نسمع عنها من زمان..لكن ماكنت اخاف منها..بس بثالث إبتدائي.. كان عندنا بنت خطيره..عليها قصص تزلزل قلوبنا..تجلس بحصص الفراغ وتسوي حلقه وكلنا نتجمع حولها وتجلس تقص علينا قصص عن ناس مساكين راحوا ضحية هل يد..وتقول قصص صار تبهل مدرسه إلي احنا فيها..سترك يارب.. وانا عن نفسي كنت مندمجه وخايفه..ادري انه كلها خرابيط..بس بجد خفت حيل..



~~~~~~~~~~



ولا على سالفة القمل يا سميجل

ذكرتني بسالفة.. منزمان بنت عمي جاها قمل..تعادت من البنات إلي بالمدرسه.. ونقلت العدوى لنا(تعرفون القمل مايروح من الراس إلا بشمبو خاص) و أي واحد فيه قمل وجلست جنبه.. تنتقل العدوى لك .. عاد امي قالت لأبوي يشتري فليت إلي يرشوونه بالشعروعلى ما أضن اسم الفليت(بارا)..عاد ابوي طلع ويوم رجع..جاب معاه فليت وكان مرسوم عليه صراصير<< عاد بنت خالتي خافت حيل وراحت بيتهم تركض..:D عاد انا أستسلمت للامر الواقع ..بعد كل شيء ولا القمل وييع.. بعدين يقولون لي مو نظيفه



وفيييه عندي أشياء كثيرة ..حابه اذكرها..بس بوقت ثاني

[ashraf_2003]

اشرف
ياحليلك ذكرتني بال angel وال devil حق الكرتونات
الي يطلعون من الجنبين يقولون له اعمل كذا ولا تعمل كذا
onegai يعني ارجوك بالياباني .. بس احسها كيوت اكثر

والله ممكن بس هذا يحكي الصحيح ونادر لما يطلع واحد يحكي الشر
ليكون هذا مرض نفسي وانا مش داري فيه لا لا اعتقد

[7_Dark Soul]

اما اليد الغريبة إلي قال عنها دارك سول (اليد الحمراء...مجزرة الرعب)



صج هاذي اليد خوفتني حيل حيل وصرت اخاف ادخل الحمام بجد..طبعاً هذا وانا كبيره وبصف 3 إبتدائي..طبعاً هي السالفة قديمه وكنا نسمع عنها من زمان..لكن ماكنت اخاف منها..بس بثالث إبتدائي.. كان عندنا بنت خطيره..عليها قصص تزلزل قلوبنا..تجلس بحصص الفراغ وتسوي حلقه وكلنا نتجمع حولها وتجلس تقص علينا قصص عن ناس مساكين راحوا ضحية هل يد..وتقول قصص صار تبهل مدرسه إلي احنا فيها..سترك يارب.. وانا عن نفسي كنت مندمجه وخايفه..ادري انه كلها خرابيط..بس بجد خفت حيل..

الي خلاني بعد اخاف زيادة ان صديقي (الله يرحمه) قالي انه طلعت له في الحمام..و حاولت تمسك رجله بس داس على اصابعها و انحاش...و بديت اصدق السالفة اكثر ...و تستحق القصة بكل جدارة لقب مجزرة الرعب

و على شان ما اصير قطة وجه على الموضوع....هذا اساطير جديدة

الجرارة.......وينك يا عبود!!!

تعريفها:
هي وحش ( مؤنث) ضخم جدا تأتي ليلا الى الاطفال الذين لم يتناولو عشائهم....و تبدأ بأكل بطونهم ببطء شديد حتى يتعذب الطفل

القصة:
طبعا قصة الجرارة جديدة و هي من تأليف احد اقاربي...تهاجم الطفل و هو نايم...
و لا تهاجم الطفل الي اكل...لانها تنقرف من الاكل ال اكله

سبب التأليف:
حتى يتناول الاطفال عشاهم (عشائهم)

[asf4ever]

Gomen Lena-sama for the late post
توني بس قاري الموضوع
أنا حمارة القايلة سامع فيها بس محد كان يخرعني فيها لأني أصلا تعديت مرحلة الطفولة وأنا بعدي بيتوتي
يقولون لي إدلف برع البيت والناقص بس يشوتوني-__-ولما بديت أهيت صرت ما أرد غير بنصايص الليل.."خربانة خربانة"
من الأشيا إلي أذكرها هي اللولو ههههههه أتخيله مثل هذا الوحش الأسود إلي في لعبة ماريو
وسوالف الينون هذي هي إلي مصدعة بي والمشكلة إني أحب أسمعها لأنه فيها إثارة وتشويق وخراط بس أتخرع بشكل مب طبيعي لدرجة إني أكره الظلمة حتى يوم أرقد -__-
الارضي وأم العيال وأبو السلاسل وأبو شراع وعويجة
هذي سوالف يقولونها ليهال>.>


وعن الكاكاو إلي مثل القواقع من زمان ما كليته وولا مرة شريته بس طعمه صدق عجيييب
صار خاطري فيه الحين بسبتكم×_×
والبهلوان هو مثل اللبان بس يذوب في الحلق
وينه موضوع الـJunk food >>


ja~

[Classic Evil]

وعليكم السلام ورحمة الله وبركاته


والله الخزعبلات كثيرة من الطفولة إلى الرجولة , وشي منها عام وفي منها خاص , الشي العام أذكر أم الصبيان , وهذي اللي تاخذ اليهال من بطون امهاتهم تخلي الحرمة(تسقط-تطيح) فتحرمها من الأطفال , فتعيش باجي حياتها بلا عيال


والشي الثاني يعني (الخرافة الثانية) أم-(فلان) ناسي اسمها انا وهذي الله يسلمج جنية إذا كنا برا وشمينا ريحة عطر قلنا هيييه هييه مرت صووبنا ام الصرود او الخصوف مادري نسيت !

وعلى فكرة! .. ماعلمتُ من جنيةٍ إذا حضرت يأنس بها اليهال إلا هذي فقط !!

وكنا ايضا اذا ذبحنا ذبيحة لازم ندوس الدم ....!!!

وكان عندنا من الخرافة ويخوفونا فيه بعد أبو مركاع , وما أدراكِ ما ابو مركاع ؟!!!

ريال ضخم كبير لا يُعرف وجهه من قفاه , يلاحق اليهال اللي مايسمعون كلام امهم (العاقين منذ الصغر).. فيحطمهم ويكفي شرهم

وفيه اشيا ثانية لكن نسيتها الميموري مالي تعرفين 64 ميجا خلاص صرت امسح اشيا عشان أضيف غيرها

اما الخاص , كانت عندنا حرمة تزورنا ولما نحط لها القهوة تشربها بطريقة غريبة جدا , لما سألنا يدتي قالت :
تشوفون البومة اللي دايما فوق بيتها ؟؟؟ قلنا : هيه , قالت هذي هيه صرنا إذا شفناها مانقدر نقص عليها .. والحرمة الله يرحمها ماتت ..


وكان في عندنا بالمستشفى -وللحين موجود بس ماعاد يخوف خلاص - جهاز كهربا فيه زجاجتين صايرة مثل عيون وعلى اطرافه تركيب صاير مثل الايدين وهو بمكان منعزل تقريبا رحنا له انا واخوي شفنا يمه قطوة ميته وشعرها ناقز , قلنا أكيد هذي هو قتلها وما صرنا نقرب يمه البتة .. ولا نلمسه خوفًا أن يكون مصيرنا كمصير القطة وبئس المصير