السلام عليكم ورحمة الله وبركاته
قووولوولللييييش
طبعا اهني نفسي على كتابة موضوعي بعد انقطاع 
(موضوع الهكر مب موضوع ذاك كله خرعة في خرعة الله لا يعيده ._. مع ان عدد مشاركاته يهمبل)
على كل حال...المكتوب باين من عنوانه..السالفه ومافيها...انه لقيت قدامي عالمكتب بقايا من مؤوونة العيد
وش هي مؤوونه العيد؟
هذا طقس من طقوسنا انا وبنات خالتي وخالي..نروح السوبر ماركت قبل العيد ونقش الي نبيه من حلاو وشوقلاطة وشيبس نهني نفسنا بالعيد..
الي خلاني اكتب هالموضوع هو هاالبقايا..ذكرني بشي كنا نسويه بالطفولة..
خلني اعرفكم عليه اول :
وهذي صورة اوضح للحبة السحرية:
لما نجي نتكلم عن الطعم ...يمييي يمييييي..مذاق التوفي الاصلي الللللللذيذ الذي تذوب معااااه(اصلح دعايات
اما عن دخله بخزعبلات الطفوله انا اقولكم ..
كنا نسمي هالحبة :
حــبــة القوة
لا تتوقعون انه اسم عبيط كذا..لالالا..كنا عن جد وحنا اطفال انا واخواني نعتقد اعتقاد جازم ان هالحبة تمدنا بالقوة..القوةالجسدية الي تخلينا ولا سوبر مان..اسرع من البرق..واخف من الريشة..
وكنا قبل لا نلعب غميمة (حبشة) لازم نمر البقاله نشتريها نتبارك فيها استغفر الله 
وناكل حبه منها عشان تمدنا بالسرعه والذكاء ..في ايجاد اكثر الاماكن صعوبة للاختباء (اموت في السجع )
وطبعا حمدلله والشكر السرعه هي السرعة والذكاء نفسه مايتغير لكن الدعم المعنوي هو السر._.
هذي احد خزعبلات الطفولة الي كنا نؤمن فيها رغم غباءها ايمان عنيف بدون اي شك ولا هزار..
خزعبلات اخرى :
الحمامة الزرقا
خدعة كانت امي تستخدمها عشان مانخبي شي عنها
كل ماسوينا مصيبة من وراها
للاسف تدري عنها مدري كيف؟!
وتطقنا وتهاوشنا ..ثم نسالها كيف عرفتي
قالت الحمامة الزرقا..
ياحنا كنا ننقهر..اذكر اقعد بالساعات في الحوش اترصد الحمامة الزرقا عشان احبسها او اذبحها
فضحتنا..
عن جد كنت مصدقة بوجودها
طبعا الحمامة الزرقا هي في الواقع احد يكون مفتن علينا وفاضحنا بس امي تبي تستر عليه >.>
شجرة الاظافر
كنا اول اذا قرضنا اظافرنا امهاتنا يقولون
ترى الاظفر يدخل داخل بطنك ويمشي مع عروقك ثم تطلع براسك شجره ثمارها اظافر
وعن جد كنا نصدق
وذاا شفنا اي بزر نقول له هالمعلومة ويخاف
ياللله..غبااااء هههههههه
الجمجمة المتحركة
اااااه ياقلبي
عقدة طفولتي..
سببها صديقة اختي اليمنية..ياحليلها راعية خرااااابيط
تقول جدتهم يوم ماتت
حطوها في تابوت فوق في بيتهم
وانه بعد ايام
صارو يشوفون جمجمة تتمشى في البيت و تتغبى في الغرف
انا كنت نونو وسرعان ماصدقت
واقسم بالله استمرت معي العقدة سنين
اخاف من المستودع الي فوق في بيتنا لان الجمجمه راح تنقز لي من هناااااك
يمااااه
هذا الي جاء في بالي الحين من الخزعبلات واكيد في كثير نسيت اقولهم
----------
بخلي الدور عليك الحين تقولون لنا
واكييييد كل واحد عنده خزعبلة وحدة عالاقل في حياته
. طيب طيب 
.. مفاجأة عظمى يوم عرفت , 
!!
المشاركة الأصلية كتبت بواسطة 7_Dark Soul
, وبعدين وش دخّل سواليف حريم بسواليف بزران , والله حاله 
ابيض بعد 
