" جــGYM ــــيم المنتـــدى "

[Booyaka]

انا لي الان 6 شهور العب وبعد ماحسبت القطعات الي قطعته من التمرين طلعت متمرن حوالي 3 شهور .>حسافه كل يوم قطعته بس الحمد لله النتائج مرضيه الى حد ما.


اليوم أرجل+تراي.
ان امداني لعبت بطن

تقريبا نفس مدة لعبي ، وانت جسمك مع طولك مناسب حسب اللي اعرفه عنك بس عليك تشد شوي وتبرز العضلات اكثر .

[السلطان..]

الاسبوع هذا الاخلاق أو النفسيه مقفله افضل تمرين احس إني لعبته صح الصدر والباي.اول يوم,,حتى اليوم لعبت سكوات+رفرفه أمامي+رفرفه خلفي+تمرين تراي ع الطاير.

الاسبوع الجاي بحاول ادخل تمارين جديده وبلعب بتكرارات عاليه وأوزان متسوطه>تغيير روتين ع الجسم.........الله يعين بس النفسيه شوي حبتين مع التمرين ماتبشر بخير.

[السلطان..]

تقريبا نفس مدة لعبي ، وانت جسمك مع طولك مناسب حسب اللي اعرفه عنك بس عليك تشد شوي وتبرز العضلات اكثر .

انت قاطع كمان!!؟
بخصوص طولي ترا ماني متأكد,طولي من173الى 175
إن شاء راح اشد حيلي بالتمرين بس عندي مشكله عويصه الاجهزة قليله جدا جدا والتمارين أغلبها العبها مكررة,,والايام هذي طفران إن شاء الله بالعطله يعني حوالي 4 شهور راح أدور لي وظيفه وراح ادخل صاله محترمه+كورس كآآآمل.وراح أفجر إن شاء الله.>متفائل جدا.ة__ة

انت شد حيلك وورنا النتائج ياوحش..الله يوففك.

[Booyaka]

^ ^
الله يوفقك اخوي ، ولازم تفاجأ العضلة بشيئ جديد ..

انا وقفت شهر واحد بسبب النفسية كانت تعبانة وخسرت فيه يمكن 3 كيلو ، انا حاليا في تحدي جديد على جسمي بدون مكملات قاعد اعتمد على التغذية الطبيعية واللي استخدمه حاليا الكرياتين بعد التمرين لكي أتفادى الهدم العضلي اما البناء على التغذية الطبيعية وزدت كيلو واحد بس في اسبوعين اعتبره 70 % مرضي لكن طموحي اكبر .

[مشاري الرياض]

مساء الخير شباب

قبل شوي لعبت ارجل وبطات والحمدلله كان جيد

شباب وش رايك بعشاء بعد التمرين تونا وقلابه وعريكه طبعا دسمه بس مادري تصلح والا لا

بكره راحه

موفقين

[oOhimaOo]

السلام عليكم ورحمة الله وبركاته
اخباركم يا شباب عساكم طيبين
اليوم التمرين اكتاف ورقبه .. بس التمرين بارد مدري ليه

شباب وش رايك بعشاء بعد التمرين تونا وقلابه وعريكه طبعا دسمه بس مادري تصلح والا لا
بكره راحه
موفقين

هلا مشاري ..الف عافيه عليك ياوحش
الوجبه جيده لكن بدون القلابه

[مشاري الرياض]

هلا ولله

الله يعيطيك الف عافيه اخوي oOhimaOo

القلابه مافيه بروتين والا هذاك العدس ؟؟

[oOhimaOo]

القلابه شي والعدس شي ثاني
القلابه فول لكن معاهـ خضار وكذا ..لكن من ناحية فيه بروتين ..100% فيه بروتين بس لو ما خاب ظني بروتين ناقص لانه يعتبر من البقوليات ..لكن انت ماقصرت اضفة تونا

[مشاري الرياض]

لاهنت يالغالي

[oOhimaOo]

عـ الرحب والسعه عزيزي مشاري

بكره افخاذ بس الظاهر راح اسحب عليها : ( لان الجمعه عندي مباراه كوره زمان عنها هههههه

[بردان1]

السلام عليكم جميعا
اليوم تمرنت بطن مع ارجل
بس اخوي بردان كيف سنة تتمرن بدون نتائج تذكر وبنفس الوقت انت راضي كل الرضى
انا لو اسبوع واحد ماوصلت للوزن اللي المقرر اني اوصل له اعاتب نفسي واجلس ابحث عن الاسباب هل في التغذية ام التمارين ،
واشد حيلي في الاسبوع الجاي والنتائج تكون مرضية غالبا في الاسبوع هذا.

اهلا وسهلا اخي

اشكرك ع الملاحظة وتساؤل بمحله وكلامك منطقي

لكن رضاي عن نفسي مهو رضى عن المستوى الجسماني الي وصلتله لا مثل ماتقول لما تكون عارف السبب والمشكلة وانت كذا لكاعه وقل اهتمام ماتعالجه من الصعب انك تلوم نفسك
فا بالتاكيد انا غير راضي عن جسمي اتمنى لو هو افضل . لكن الحمدلله المرحلة الي انا به استحقه لاني ماقدمت شي يستحق اني اكون افضل من كذا
ولو رجعت لهدفي اساسا . رياضة عامة حركة الجسم لياقة استغلال وقت الفراغ .. بالاضافة للهدف الاول الي هو بناء العضل وتحسين الصورة الجسمانيه

وان شاءالله تكون المرحلة القادمه افضضل من المرحلة الماضيه
الان لي اسبوع تقريبا العب وماراح ابدا بالبروتين الا لما اتاكد ميه بالمية اني تعودت على الجدول الغذائي وبعده راح ادخل البروتين مع اني من الان اتهدد عليه كل شوي اراعيله وودي اخذ سكوب لكن الحين عازم اني اضبط الاكل وراح نشوف الفرق ان شاءالله

----

اليوم لعبت صدر
ولله الحمد والمنه ايضا اوزان ماتوقعته ابد ماراح الا شييي بسيط من اوزاني قبل والتركيز جدا عالي داخل التمرين مع انه اول تمرين صدر بعد العودة

الله يوفق الجميع

[buraydawi]

مرحبا شباب
اليوم مارحت للتمارين لاني نمت هاك النومة الي من العصر لين الساعة 12 ..الله لايبلى ..باتسر ان شاء الله اكتاف وترابيس وبطن

شدوا حيلكم شباب نبي كل اسبوع تحديث وشي جديد
موفقين ان شاء الله ولاتنسون تدعون لاهلنا في سوريا

[بردان1]

^ ايوالله الله ينصرررررررهم بس يارب يارب انصرهم
شفت لي مقطع توووو لو شافه يهودي ما استغرب انه يفز من محله ويدعي على بشار النعجه الله لا يحله ويرينا فيه عجائب قدرته

ان شاءالله يابريداوي القادم افضل بس دعواتك ونصحك : )

[بردان1]

يا اخوان افكر اسوي صدور دجاج حق ثلاث ايام او اربع كذا واحطه بالثلاجة وكل يوم اطلع منه شوين واسخنه مجرد تسخين
ينفع هالشكل او يضر ؟

لان المطبخ بدا يسبب لي عقدة نفسيه قطع بصل قطع طمماط مادري وش تعمل

[فيصل 2003]

هلا اخوي بردان ههههههههههههه شفت النك حقك وتذكرت اني موجود بالاردن ودرجة الحراره الان 11خخخخخخخخخخخ وبالليل الله يعين ..

ع طاري الطبخ والله مشكله انا نفس تفكيرك بس مدري ينفع او لا ..

والله عزابي وحالتي حاله .. بس الحلو بالموضوع اني استاجرت سكن وتحته نادي بدون مدرب بس النادي متكامل بنسبه 80%

بس السالفه بالاكل .. رحت امس شريت مايكرويف عشان يسهل التسخين .. وقلت بسوي مثل حركتك اني اطبخ حق يومين او ثلاث ايام واجي اسخن الاكل ..

بس كيف تسوي صدور الدجاج شوي ؟؟؟ انا بسويهم على الصاج التيفال احط شويه زيت واشويها عليه بنفع ؟؟

وبعدين القروشه هنا مافي وقت طالب جامعه وعلى الله ..

لزوم نسوي اكل سريع ..

وكمان اليوم بروح السوبر ماركت ارح اتقضضى وش تنصحون اخذ حاط ببالي اشتري تونه علب كثير وامكن برجر لحم ودجاج .. بس ننتظركم لاغنى عنكم