ميلس منتدى الألعاب العام -- اجازة صيفيه كشخه ووناسه

[GrassHopper]

Darkness withiN

داركنس أنا صارلي سنتين أدرس بأمريكا وتوني رادة الكويت ( الصيف بس ).. ومستعدة أقولك تجربتي وأعطيك رايي إذا تبي بس إنت عطني الضوء الأخضر وأنا أقرق وأقولك كل شي .. ( أسوي نفسي ذربة وأنا أم اللقافة )

[Darkness withiN]

Hiroshi
الله يبارك لك وفيك ويخليك يارب^^
من ذوقك والله تسلمين>_<


GrassHopper
الله جابك يابنت عمي..اقرقي وبان عليك الأمان وطاحت عليك بركات موهوبيان
لابجد تفضلي ..مقدر لك هالأمر كثير لأني حايس فعلاً..:s

[Electro M]

داركنيس
اذا انت متاكد من ان خطتك اللي قلتها بتمشي زي الساعة
فخلك معها
اما اذا كان في شك و لو بنسبة 10% فاسحب عليها

و قول لاهلك افرضوا اني سمعت كلامكم
و صار شي و لخبط اموري هناك
هل بترضون اني طول عمري بجلس اقول انتم السبب؟

اهم شي لما تستشير احد او احد يشير عليك
انه يعرض النقاط الاجابية و النقاط السلبية كلها و بدون اختصار
و ما يفرض عليك اي راي
حتى ما تجلس طول عمرك تقول لو ما سمعت كلام علان و سمعت كلام فلان كان احسن

خل القرار قرارك و لا ترتبط باحد

[GrassHopper]

Darkness withiN

الله جابك يابنت عمي..اقرقي وبان عليك الأمان وطاحت عليك بركات موهوبيان
لابجد تفضلي ..مقدر لك هالأمر كثير لأني حايس فعلاً..:s

الله يسلمك أول شي لازم تفكر فيه قبل ما تقرر .. إنت شنو تبي تدرس بالضبط ؟؟ .. أو مثل ماكنا نقول واحنا ياهال .. إنت شنو تبي تصير ؟؟ ^^
بعد ماتقرر شنو تبي .. شوف يدزون بعثة هالتخصص اول لأ .. إذا يدزون روح وتوكل على الله ... لأنك بالهطريقة تكون اخترت اللي تبي ورحت بعثة ^^
بس بشكل عام إذا إنت محتار بين الدراسة هني والدراسة برا ... اممم .. الدراسة بالكويت لها سلبيات وايجابيات والدارسة برا نفس الشي ... لكن الدراسة برا فيها اشياء وايد زينة وتغير فيك أشياء وايد .. وبنفس الوقت ممتعة وحلوة ^^ .. ومتعبة بعد +_+
أنا أول مارحت هناك كنت مستانسة إني بدرس برا ... وكانوا أمي وأخوي رايحين معاي .. يعني في البداية ماحسيت بهوم سيك ولا شي .. قعدوا معاي أسبوعين وراحوا .. بعدها حسيت بهوم سيك مو طبيعي وندمت إن طلعت برا الكويت .. كنت كل يوم أبجي ( كل ما أتذكر اضحك على نفسي .. لوووول ) .. بس بعد شهر شهرين تعودت على المكان وصار عندي رفيجات وايد .. وصرنا مثل خوات .. والدراسة صارت واضحة وسلسة .. ما أقول سهلة لأنه في مواد صعبة وسهلة مثل أي تخصص ^^ .. بس ألحين صارلي سنتين بأمريكا .. وكل ما أبي أرد الكويت أتضايق وأقول بقعد بأمريكا .. ولما أرد الكويت وييي الوقت اللي لازم أرد فيه الكويت أتضايق وأقول بقعد بالكويت .. ولما اوصل أمريكا تحوشني ضيقة أول أسبوعين بعدين أتعود عادي ^^
الغربة صعبة وحلوة .. واحنا ماراح نعيش هناك طول العمر .. جم سنة ونرد ديرتنا .. حتى بهالجم سنة نرجع الكويت كل سنة ثلاث مرات أو أكثر
أخوي إختار التخصص اللي تبيه بعدين فكر بالقعدة هني أو البعثة .. وإذا تبي تروح بعثة وأمريكا بالتحديد .. قولي علشان أقولك الولايات اللي فيها كويتيين وخليجيين وايد .. علشان ماراح ترتاح لحد كثر أهلك وراح يساعدونك بكل شي صدقني^^
اممممم .. هذا كل اللي ودي أقوله ألحين .. وأي شي تبي تسأل عنه لا تتردد وبالتوفيق إن شاء الله سواء برا ولا بالكويت ^^

ملاحظة :- مافي أحلى من الديرة بس الغربة تبني وايد أشياء وتخليك تشوف الدنيا بنظرة ثانية .. وتعلمك إنه ( الكويت ) الصغيرة فيها أنواع وايد من الناس .. ومو شرط المختلف عنك يكون غلط .. صج هالغربة علمتني أحترم كل الناس مهما كانوا غير عني ^^

لاتسمع كلام أحد .. سو اللي إنت تبيه .. بس قبل ماتسوي أي شي لازم أمك وأبوك يكونون راضيين .. لأنه رضاهم أهم شي .. صدقني ... ^^

[Snake Eyes]

يا ماجي....
تعجبني يابني كويس انه الكلام نفع معاك و الله كنت حاسس انك ولد مصغي للطرف الاخر ^^

سلام للجميع ومبرك للناجحين

[Mada Mada Dane]

داركنيس .. بناءاً على معرفتي بشخصيتك و مايخفى تحت اعماق جمجتك .. ادرس برا الغربة بتعلمك الكثير وماهي مصيعتك زي ماصيعت نص المفجوعين الي ماشافوا خير .. توكل على الله مستقبل شهادة من امريكا احسن من مستقبل شهادة داخل البلد .. وانت واحد راعي هموم خخخخخخخخخخخخخخخخخخ الغربة بتعلمك كثير p: lol

واذا تبي مساعدة اعتقد اعتقد انه عندك رقم جوالي السعودي انا الحين بالسعوديه ..

وسلامو عليكم ..

[نيو ايرفين]

اليابانيين مزحهم ثقيل


http://pictureserver.funnyjunk.com/m...ever_sleep.wmv


http://pictureserver.funnyjunk.com/m...dy_slammed.wmv

منقول

[Master ArNab]

السلام عليكم .. أصبحنا وأصبح الملك لله

بالنسبه لسالفة الإبتعاث لبرا

أعرف واحد هوَن يروح للدراسه لإمريكا .. بيروح لكندا وبالتحديد مدينة فان كوفر
حتى أخوه اللي يدرس بإمريكا الأن ... بيطلب نقل لكندا

إمريكا تدحدر


تحرير
ياماتو .. تشيك ذس صوره
http://www.flickr.com/photos/8094660...eblinkofaneye/
&
http://www.flickr.com/photos/changa_...eblinkofaneye/

[HIROSHI_11]

لأنك إبن بطوطة المنتدى .. مو مثل بعض الناس كل أسبوع في شغله وأنواع الطفره

بنت بطوطة المنتدى قصدك..خخخخ
لا خلاص صرت منكم الحين
والله كنت ناوية اروح الهند بس ضاعت الفرصة بكلم ابوي مرة ثانية
اريد اطلع جبال الهملايا
اصلا ما باقي شئ من الاجازة الا شهرين لااااا

تحرير:
شباب حد يعرف موقع اقدر انزل منه الفوتوشوب .. اللي عندي خلصت مدته

[Darkness withiN]

Electro M
الله يسلمك ويخليك يارب..كلامك على العين والراس Senpai
Man..It`s always good to have a big bro : )







GrassHopper
لك جزيل الشكر وأقدر لك تعبك معاي بشكل كبير..I owe you one
بصراحة بعد كلامك وكلام أحد مدرسيني الأفاضل..أشوف إن البعثة هذه لازم ماأفوتها أبداً

بس ممكن تعرضين لي سلبيات وإيجابيات الدراسة بالكويت وأمريكا؟
وإذا أمكن من فضلك تحددين لي أفضل الولايات,لأن حسب كلام الأهل الدارسين هناك كل ولاية عبارة عن دولة بروحها وتختلف عن الباقي بشكل كبير

وأول ماتدخلين الجامعة يعطونك مقرر تأهيلي ؟
وشاكر لك بنت عمي كفيتي ووفيتي وماقصرتي أبد : )







Mada Mada Dane
اخس!..يامحللني هههههههههه
لا أستحييي عالجوال أخاف أطلع بنت أو إنت تطلع بنت ونتوهق>_<

لابجد..بسألك عن السكن هناك؟كم يكلف ؟والسكن الي داخل الجامعة والي خارجها ممكن تذكر لي كل الي تعرفه عنهم؟

وجامعة أريزونا الي إنت فيها الحين..الجامعة والمنطقة كيف الوضع فيهم؟

وأريجاتو جوزيمس إن فوروارد^^
وعليكم السلام ورحمة الله وبركاته
(أجل راعي هموم تباً لك )






Master ArNab
وعليكم السلام ورحمة الله وبركاته^^
كندا رهيبة بصراحة حسب الي سمعته..لكن بمجالات معينة


--


شباب فيه أحد مغبر ويلعب Breath of fire 4?
شريتها من قبل كم يوم من محل مغبر مع فاينل فانتسي تاكتس..ذكرياااااااااات

كنت ألعبهم أيام ماكنت بزر ولا فاهم شئ وكله جيم شاركxr

فديت ال Kaiser wallah>_<

[Mada Mada Dane]

Electro M





Mada Mada Dane
اخس!..يامحللني هههههههههه
لا أستحييي عالجوال أخاف أطلع بنت أو إنت تطلع بنت ونتوهق>_<

لابجد..بسألك عن السكن هناك؟كم يكلف ؟والسكن الي داخل الجامعة والي خارجها ممكن تذكر لي كل الي تعرفه عنهم؟

وجامعة أريزونا الي إنت فيها الحين..الجامعة والمنطقة كيف الوضع فيهم؟



ال Kaiser wallah>_<

على سالفة انا اطلع بنت او انت تطلع بنت .. صراحه No Comment ..
وبخصوص اريزونا .. ابد والله كانك في المكسيك بس حلوة والاكل المكسيكي حلو .. والجو حلو في الشتاء مائل للبرودة و 4 شهور بالصيف حر ..
السكن يعتمد على حسب نوع الولاية الي بتروح لها و على حسب قرب السكن من الجامعة ..
انا سكني 525 خارج الجامعه وقريب جداً منها .. الي داخل ماادري ..
احسن شئ فيها موقعها جنب المدن الي ابيها كل اجازه رايح محل >_< ..

طيب يالي تستحي .. نشوفك على خير خخخخخخ

[Classic Evil]

داركنس :
شخبارك؟
وبشر ولا تنفر, كيف النسبة؟
و اش حال اختك الصغيرة غاليتكم اللي سوت عملية إن شالله تمام؟
المهم يا وليدي وش لك في الغربة واهوالها ورزق الله في ديرتكم ..
لا بس يبالك تدرس قرارك زين, وبعدين ترى بيصيبك اكتئاب بالفعل فلازم تدور ولاية فيها عرب وناس تقرق معاهم <==أصلا إنت شارد عن العرب تدور عرب ...
الله يوفقك في الحل و الترحال
و تروح وترجع بالسلامة <== مرة حار بحار ...


مادا :
الحين المبتعثين يدفعون فلوس السكن؟
ولا يعطونكم الفلوس وانت تدور المكان اللي يريحك؟
إذا الإجابة الأولى !


جولدن :
الفلم اللي عطيتني ما عندك ترجمة له؟
قول تم, لآني بعد أبغي فلم ثاني وفق معايير معينة ..

[GrassHopper]

Darkness withiN

لا تشكرني .. ماسويت شي ^^ .. اممم .. بالنسبة للبعثة .. أنا بعد أقولك لا تفوتها عليك .. لأنك راح تستفيد وايد من البعثة .. وأهم شي راح تدرس بأحسن الجامعات ببلاش وبدون ماتصرف ولا فلس تقريباً .. وبعد ألحين زادوا معاشات الطلبة اللي يدروسون بأمريكا .. صار المعاش تقريباً 540 دينار شهرياً ( بس أفكر بالفلوس ) .. صج الجامعة الحكومة تدفع لها كل شي وبنفس الوقت إييك معاش كل شهر .. وإذا قدرت تنظم أمورك راح يكفيك المعاش وتخلص دراستك وأنت مو دافع ولا فلس ( مو إنجاز هذا ^^ )

لا جد البعثة لها مميزات وايد .... وراح تعتز بنفسك إذا رحت .. البعثة بروحها تعتبر نجاح .. وراح تفيدك بنواحي مختلفة .. سواء من ناحبة تغيير شخصيتك للأفضل أو علمياً ^^ .. عموماً أنا بذكر لك إيجابيات وسلبيات كل من الدراسة برا أو بالكويت حسب رايي ( بحاول أكون حيادية ^^ )

الدراسة بالكويت
الإيجابيات :-
1- راح تكون بين أهلك وفي بيتكم .. وماراح يتغير عليك شي بالدراسة ( بدال المدرسة .. الجامعة )
2- ماراح تحاتي الفلوس .. ولا جم بقالك .. والمصاريف ماراح تكون شي كبير +_+
3- لا تفكر بأوراق رسمية ولا فيزا ولا شي
4- ماعندك مسؤوليات وايد .. ودراستك هي الشي الوحيد اللي يعتبر من مسؤولياتك أو أكبرها
5- عارف طريقة تفكير الناس اللي حواليك ( دكاترة واللي يشتغلون بالجامعة ) فراح يكون شي سهل عليك إنك تتفاهم معاهم وتضحك عليهم

السلبيات :-
1-ماراح تغير وايد أشياء بشيخصتك ولا ارح تكتشف أشياء يديدة يمكن تكون السبب بتغيير وايد أشياء فيك ( يمكن لما تروح جامعة الكويت تشوف فناتق بنات الجامعة وتكره البنات )
2- بعض الدكاترة ( بعضهم مو كلهم ) مو مهتمين بالتدريس .. وحاطين في بالهم إنه كل الطلبة مايبون يتعلمون ومستهترين
3- بعض اللي يشتغلون بالجامعة والدكاترة يعاملون الطلبة جنهم متخلفين ولسانهم متبري منهم .. يمشون ويغلطون .. ولازم تسكت علشان لا يسقطك
4- الواسطات هواية منتشرة بكثرة بالجامعة .. ماشاء الله الكل يحبها +_+

الكلام اللي فوق عن جامعة الكويت .. الجامعات الخاصة غير طبعاً ^^

الدراسة بأمريكا
الإيجابيات :-
1- تتعلم شلون تصبر وتنطم حياتك كلها من الآلف إلي الياء بروحك
2- تكون حر نفسك وتكتشف نفسك أكثر .. وتفهم الحياة أكثر بعد ^^
3- يزيد إعتزازك وثقتك بنفسك .. لأنه وايد ناس يبون يروحون بعثة لكن ترددهم وخوفهم منعهم .. وإنت رحت
4- الشهادة من أمريكا أقوى وأحسن من الكويت .. وتشغلك بأي مكان
5- بتدرس بأحسن الجامعات ببلاش ومعاشك عندك
6- بتكون لك ربع بيصرون مثل أخوانك وأكثر .. لأنكم بغربة فراح تتقربون من بعض حيل وماراح يكون بينكم حواجز ^^

السلبيات :-
1- الغربة والبعد عن الأهل .. اللي راح يكون متعب جداً أول شي
2- لازم أدور لك سكن مناسب علشان ترتاح فيه .. ومو دايماً تلقى اللي تبي
3- طريقة الحياة والدراسة كلياً مختلفة عن الكويت .. فيمكن تحس إنك ضايع اول شي
4- لازم تفكر قبل ما تشتري أي شي ( مو لهدرجة .. بس المادة راح تكون شي يشغل باللك مو مثل لما تكون بين أهلك )

امممم .. هذا اللي في بالي ألحين ..إذا تذكرت أي شي بقولك .. ومثل ماقلت لك هذ رايي يمكن غيري يشوفني غلطانة .. إنت فكر وأستخير والقرار بالاخير يكون لك أكيد ^^

وإذا أمكن من فضلك تحددين لي أفضل الولايات,لأن حسب كلام الأهل الدارسين هناك كل ولاية عبارة عن دولة بروحها وتختلف عن الباقي بشكل كبير

اي كل ولاية تختلف عن الثانية بأشياء وايد .. خصوصاً من ناحية الغلا والأسعار والتاكس +_+
أنا ما أعرف عن الولايات وايد .. بس بحاول أقولك كل شي أعرفه عن الولايات اللي أعرفهم
1- فلوريدا
2-فيرجينيا
3-بوستن
4- واشنطن دي سي

1/ فلوريدا ولاية مالت وناسة وصيف .. يعني تروح لها بالصيف وتتمشى جم يوم وترد .. بس مع هذا فيها جامعات قوية وخصوصاً بميامي .. في ناس أعرفهم يدرسون هناك ويقولون الدراسة حلوة وقوية .. بس فلوريدا كلها مكسيكيين .. تحس نفسك بالمكسيك مو أمريكا +_+.
التعليم العالي يدزون بعثات هناك وخصوصاً لميامي بس ما أعرف شنو التخصصات القوية هناك .. فلوريدا مو غالية وايد بس بعيدة وايد .. بس مش بطالة للدراسة ^^
2/ فيرجينيا .. بلد العشاق .. حبيبة قلبي .. ديرتي الثانية ... لووووول .. الله يسلمك هذي الولاية ولاية اختك الماثلة أمامك ( ما ادري وين يبت الماثلة .. لا تكون غلط +_+ ) .. أنا أدرس بفرجينيا وبالتحديد Richmond عاصمتها ... ريشموند مملة جداً جداً .. بس دي سي العاصمة قريبة .. ساعتين بالسيارة .. يعني نقدر نروح لها أي وقت .. بفرجينيا في كويتيين وايد .. والسمستر اللي طاف دزوا وايد سعوديين .. فصارت ريشموند دولة خليجية مو ولاية أمريكية
الدراسة فيها زينة .. وفيها جامعات تعتبر من أحسن الجامعات بأمريكا .. ومو غالية .. التاكس يمكن 4 او 5 بالمية .. أنا انصح بفيرجينا لأنها مو سياحية ومالت دراسة .. وقريبة من دي سي ..يعني نقدر نروح دي سي حق الوناسة .. بس يقولون هالسنة بسوون بلووك على فيرجينيا وخصوصاً ريشموند .. من كثر الكويتيين هناك ( صارت فيها جرائم أكاديمية .. غش )
ملاحظة : 60 بالمية أو أكثر من سكان فيرجينيا سوود ( بوق وشغل عصابات ) .. وتعتبر ريشموند ثاني ماأدري ثالت أخطر ولاية بأمريكا @@
3/ بوستن فيها جامعات مهمة جداً .. وممتازة .. والولاية وايد حلوة وفيها وايد أشياء تونس .. بس عيبها إنها غالية واااايد .. بنت خالتي تدرس هناك .. وأجار شقتها دبل أجار شقتي مع إنه مافي فرق بالمساحة .. علشان جذي أنا ما انصح فيها .. لأنك راح تضطر تدفع فلوس من جيبك ( وايد مو شي بعد ) فأحسن تروح ولاية مو غالية وفيها جامعات قوية .. خل بوستن حق الويك آند والوناسة جم يوم ^^
4/ دي سي ..هي عاصمة أمريكا مثل ماتعرف.. وفيها جامعات وايد زينة وممتازة .. والولاية حلوة وكلها حياة .. وبالويك أبداً ماتحتار شنو تسوي .. لكن أكيد هي غالية وايد .. وبعد الناس اللي فيها يتأثرون بالسياسة واللي يصير بالعالم .. يعني بيلوعون جبدك بسالفة العرب والعراق وماأدري شنو +_+ .. دي سي جنها توكيو .. الناس يمشون بالشوراع ودايماً زحمة .. حفظتها من كثر ما أروح لها كل ويك آند مع رفيجات السوء

امممم .. أنا ما أعرف أتكلم بشكل عام .. فلو عندك أي سؤال محدد .. إسألني وأنا حاضرة ^^

أخوي قبل ما تسوي اي شي .. فكر عدل .. وشوف شنو اللي مرتاح له وسوه .. بس مثل ماقلت لك البعثة مكسب .. لا تضيعه إذا إنت قادر وأهلك يشجعونك .. وأنا ماراح أقص عليك وأقول الغربة سهلة .. الغربة صعبة اول شي بس .. بعدين بتتعود ويصير عند أكثر من العادي ...

إذا قررت تقدر تروح اللقاء التنويري اللي راح يصير بجمعية أطباء الأسنان الكويتين بالجابرية .. راح يكون فيه طلبة يدرسون بأمريكا وهم عندهم خبرة أكثر مني .. وراح يساعدونك بكل شي تبيه .. إنت بس روح وأسأل ^^
اي صح روح التعاليم العالي .. وقولوهم تبي أرقام طلبة يدرسون بأمريكا ويشتغلون بالإتحاد .. هم راح يعطونك أرقام ( الأفضل تحدد الولاية ) .. دق عليهم ولا تستحي .. هم شغلتهم يساعدون الطلبة اللي عندهم أي استفسار عن الدراسة بأمريكا ^^
مثل ماقلت روح التعليم وأسأل ( لا تسأل اللي يشتغلون هناك .. ترى مايدرون شسالفة .. كلم طلبة أحسن ) .. وروح اللقاء التنويري ^^
اي هذا موقع إتحاد الطلبة الكويتيين فرع الولايات المتحدة الامريكية .. أدخل يمكن تلقى أرقام الطلبة ..
روح وأسأل .. هم يحبون يساعدون وماراح يتضايقون .. أنا اعرفهم عدل

يلا أنا بروح ألحين .. وأي شي تبيه قولي .. خذ راحتك ^^

وأول ماتدخلين الجامعة يعطونك مقرر تأهيلي ؟

سوري مافهمت قصدك داركنس .. قصدك اللغة يعني ؟

يلا بروح آكل ربيان ألحين .. وسوري إذا في بدليات وايد بردي .. كتبته بسرعة

[Yamato]

هيروشيما..
انتي لازم تفشلينا جدام خلق الله
انا الحين وين اودي ويهي.. هااه -___-!
بس بكون احسن وبمشيها واعتبر نفسي مخطوب مش خاطب.. نذالة فيكي بس


بروذر ارنب..
الصور ما تطلع عندي.. الموقع محظور
وتعال.. على سالفة الصعقات الكهربائية مالتك.. كنت اريد اكلمك فيها.. بس الوقت ما يساعد حاليا.. بنخليها لبعدين


المهم..
وينها قطوة المنتدى.. صاير لها فترة غايبة..
اريد اشكرها على شي

[SFS]

زين رجعت خاصية تحديد الردود..وطبعا بعد الضغوطات الجماهيرية..