الموضوع الرسمي | Silent Hill 5 : HomeComing

[سكوال الصنديد]

مشكور على التوضيح

[التل الصامت]

السلام عليكم

كيف حالكم يا أخوان

لماذا لا تحللون هذا الجزء بطريقة الأخ كريستل :
http://www.montada.com/showthread.php?t=521578

لأنه طريقته مفهومة ومحلل ادق التفاصيل

هل من الممكن احصل نفس هذا التحليل ؟؟

وسوف أكون من الشاكرين

أخوكم
التل الصامت

[yami vergil]

Mr.Tommy

يعجبني شغلج حار بحار ومن الصبح بعد هههههه
>>> وراه محاضرة الساعة 11 ومو نايم من امس

ههههههههه فاضيه مافي شغل من الملل ادخل المنتدى
شكلك كنت تفكر بأليكس ولا جيمس ؟؟
لا شكلك تحب اليكس اكثر دام انك تحمله مصايب سايلنت هيل 2 بعد كاااااااك

اعتقد ان النقاش كشف تقريبا كل شي بالجزء الثاني وصرنا ولله الحمد عارفين اكثر من المطلوب, انا اللي ساعدني
اني كنت احب الجزء الثاني وفاهم ....

اي الحمدالله وممكن مع الاستمرار بالنقاش نطلع بنقاط جديده او نطور النقاط السابقه اووو نستبدل نقطه بنقطه اخرى اقوى وافضل ^^ ... راح اقرا التحليل مره ثانيه ... الحين احاول اقص على اخوي واخليه يلعبها .. بتابع معاه وبقريه تحليلك ان شاء الله

بخصوص الجزء الرابع ( عودة اخرى لبطل ابرد هههه ) راح ابدء بالجزء هذا من الاسبوع القادم لانشغالي حاليا
بالاضافة اني لازم استرجع الشريط من واحد عطيت هالجزء قبل 6شهور ولي الحين ما العبه ( حده مزاج )

اي انا بعد انسب لي نبتدي الاسبوع الجاي لان في انيمي ابي اخلصه مع اراشي الاول عشان اتفرغ حق SH4 ان شاء الله تعالى

--------

سكوال

شفتك كتبت حق Mr.Tommy انك عندك وايد اسئله بخصوص الجزء ... جرب تقرا ردودنا انا واراشي حاطين اسئله وتعليقات يمكن تجاوب على تساؤلاتك ^^ ولا تتردد تسأل عشان كلنا نستفيد

-----------

التل الصامت

مرحبا بيك اخوي معانا ^^
بالعكس حاول تقرا التحليل وايد حلووو ما شاء الله وهو يركز على تحليل الشخصيات واحداث القصه

[Mr.Tommy]

يامي وما ادراكم من هي يامي>>>> داش اكشن شوي P:

ههههههههه فاضيه مافي شغل من الملل ادخل المنتدى
شكلك كنت تفكر بأليكس ولا جيمس ؟؟
لا شكلك تحب اليكس اكثر دام انك تحمله مصايب سايلنت هيل 2 بعد كاااااااك

ههههههههههه اي والله اليكس المسكين خلاني اعاني الامرين وانا اكتب التحليل من كثر ما اكتب اسمه بالغلط
انا بشكل عام احب الشخصيات الباردة مثل جيمس وهنري لانهم مصدر دسم للتحليل والاستنتاج
دايما الهادي يطلع راعي البلاوي ( المشكلة يقولون عني اني هادي هههه )
من ناحية اني احب اليكس بصراحة من شخصياتي المفضلة, يكفي تدلعنا معاه بحركات ولا بطل كان يحلم فيها هههه

اي الحمدالله وممكن مع الاستمرار بالنقاش نطلع بنقاط جديده او نطور النقاط السابقه اووو نستبدل نقطه بنقطه اخرى اقوى وافضل ^^ ... راح اقرا التحليل مره ثانيه ... الحين احاول اقص على اخوي واخليه يلعبها .. بتابع معاه وبقريه تحليلك ان شاء الله

ممتاز ممتاز, كل ما قريتيه اكثر بتكتشيف شغلات اكثر وبتعرفين تطلعين معلومات حلوة وانا تغاضيت عنها
يلا محللتنا شدي حيلج ابيج تبهريني بالمعلومات , ترا هالجزء كثر ما تحللين فيه تبقى اشياء اكثر مستورة
وخوش فكرة انج تخلين اخوج يلعبها, يا حظج عايلتكم كلها تلعب سايلنت هيل مو انا ما يعرفون غير الدوري الياباني ومصارعة هههه

اي انا بعد انسب لي نبتدي الاسبوع الجاي لان في انيمي ابي اخلصه مع اراشي الاول عشان اتفرغ حق SH4 ان شاء الله تعالى

خوش كلام, انا بعد بحاول انهي فيلرز بليتش هالاسبوع عشان اتفرغ عدل ^^


اخوي التل الصامت رديت عليك بموضوعك ما انتبهمت لردك هني
حياك الله بالرابطة معانا ^^

[Arashi]

أستاذ تومي أبغي بعد درجه credit لي وليامي لأن أقنعنا اخونا (عدو سايلينت هيل) ان يلعب الجزء الثاني

ان جيمس يحط ايده على عينه وكأنه يسكر عين شخص مات!

يس انا قاعده اتابع مع اخوي القصه ولاحظت اللي قلته
الحين منبهه عليه يركز على كل صغيره وكبيره عشان يقرى تحليلك بعد ما ينهي اللعبه
انا شوي استغربت يوم سأل Why am i looking for her?
أتوقع مشكلته النفسيه بدت من هاذي النقطه
لأنه ما قال انا راح اضحي واسوي المستحيل عشان أدورها حتى لو ميته
مجرد سأل نفسه "ليش ادور عليها"
بعدها بدا شوي شوي يقول I'll do anything just to see her again لما يجوف ماريا
كان ناسي انه قتلها وبس ...يعني الوهم بأنه زوج مثالي بدا بشكل قوي اول ما دخل المدينه وبعدها قام يتمادى ويدخل في عالمه الخاص

شوفي تريلر البداية على سبيل المثال

يس في مشاهد في التريلر كنت احسبها سريه
بعد ما انهيت اللعبه فهمتها
اش رايك أدور على ملف من النت فيه كل الرسايل بالكامل ونحللها؟

يبيلنا نلعب الجزء الرابع عشان نتاكد

اوكي لما تسترجع اللعبه من رفيجك

هذه بروحها يبيلها تفسير كامل

انا أتوقع ان الالهات في المدينه عايشه وموجوده فيها (اتوقعهم شياطين)
وهم اللي يمشون المدينه على كيفهم وهم اللي يسوون هالمقالب والكوابيس للشخصيات اللي تدخلها
واحس انهم يمسكون الناس اللي لهم ولو صله صغيره بالمدينه

احد منكم لاحظ هالنصايح اول مرة ؟

لا ما لاحظت

good observation. but no bonus

لييييش؟
أنا ابي A+ في الماده

شنو كوابيس الطفولة هذه؟

باختصار كان لي مدينة سايلينت هيل تخوف اكثر من اللعبه وفيها حفر عميقه اقفز فيها ومصاعد فيها دم وضيقه وتعلق علي او تسقط بقوه.... وبوجي مان وبوجي وومان بعد

اوبس
اخوي وصل عند انجيللا للمره الاولى الحين >>> بث مباشر
اول مره صرخت خافت يوم جافت جيمس
يمكن من خوفها من الرياييل تخيلته ابوها وراها

عاد انتي لو مكانه ولازم تقفزين عشان تكتشفين حقيقة خبيتيها عن نفسج طول عمرج, تسوينها؟

في كوابيسي سويتها لكن عالواقع........................................

مرة يكسر خاطري ومرة لا, مادري شقول

هههههههه
يذكرني بدكتور فاستس>>>هذا من ربعي عاد
مره يسوي عمره مسكين ومره شرير
وفي الاخير نهايته مأساويه...بس يستاهل
انا احس جيمس مثله...يبي غصب يقنع نفسه انه طيب ويبرر أعماله الشريره على انها خير
لكن في النهايه يعاقبه القدر
المفروض نهايته تكون الموت او يجن جنونه

(مثل نهاية أليكس hospital)

حتى انا حاطها نغمة جوالي

أي وحده فيهم؟
انا اخترت letters

بيج تتذكرين لما تتحفلين فيه ان في شخص تعيس بهاليوم
وقاعد يدرس مواد اهو مو صوبها مثل الاحصاء

خلاص بحط عالكيكه 25 شمعه بيضه ووحده سوده عشان ذكرى امتحاناتك

بس مثل ماهو واضح ان المدينة تظهر بشكلها الهادي للناس العاديين

هاديه ومهجوره .. محطمه محروقه >>> جوف السجع
ودي أكتب عليها قصيده

انتو اللي عفستوا حياة المسكين ( ناوي تطبقين حركات التايكوندو عليه هههه)

وانتوا اللي عورتوا قلوب هالمسكينات
اول رفسه راح تكون في ويه جيمسو

1- ما قتلها قتل رحيم ( يعطيج العافية عالفيديو اللي اثبت هالنقطة)
2- ماكوا شي يبرر قتله لزوجته حى لو انها مريضة وبتموت!, لو هجرها احسن

أبي bonus
هو لو كان يحبها كان ضربها بالرصاص او طعنها عشان تموت بسرعه
طريقة قتله لها فيها حقد وكراهيه وكأنه يبي يعذبها عشان يعوض السنوات اللي (في نظره) تعذب وهو يجابلها

لا انا من نوع الاساتذة اللي يسوي امتحان حتى انا اللي سويته ما اقدر اييب فيه 10\10 هههه (دكتور حقير ومحتكر مادة ههه)

بل!
تذكرني بالاستاذ اللي رسمت البيراميد هيد يقتله

يالطماعة تبين 5 مرة وحدة, وانا كنت مفكر بونس درجة بس شكلي بلغيه P:

هههههه خلاص عطني 2ونص بس

.......يتبع بعد ما ارجع البيت
احد يبي شي من السوبر ماركيت؟

[Arashi]

......رجعت
اوكي بكمل الرد ^^

1- ماري فيها سذاجه شوي.. <<< من اولها ههههه

أنا حسيت فيها انها كاتن تثق في جيمس الى اخر لحظه
اعتبرها لحظة ضعف وكانت محتاجه...ممكن سذاجه واسميها ضعف بالاصح
ومثل ما قال أستاذ تومي ان هالموقف هو اللي بيّن ان جيمس اناني وسطحي

ههههههههه عليه فواصل قبل كل جمله لازم يفرغ

ايه ...برااااااااااااااااااااااااااع

ممم من تحليلك نقدر نقول لما ماري مرضت تم معاها العنصر الثاني لحد ماماتت وفقدت العنصر الاول من قبل

يامي...تحليل منطقي @_@
عشان جذي عنصر ماريا م ذكر اي علاقه بماري
عنصر لورا هو اللي تم مع ماري لحد ما ماتت
وممكن كلام لورا ان كان لها علاقه بماري كان مهم عشان تشد انتباه جيمس
لأن جيمس كان همه الاكبر ماريا بس لما لورا قالت انها تعرف ماري زاد اهتمام جيمس فيها
هاذي كانت طريقه عشان جيمس شوي يلتفت للعنصر النقي لماري اللي اهمله ايام حياتها
واهتمام ماريا في لورا هو عشان تخلي جيمس يهتم بالعنصر النقي لماري
وعلى كلام يامي..كانت ردة فعل ماريا غريبه لما تحاول تقنع جيمس ان يلحق لورا "شلون تخلي بنت صغيره مثلها في هالمكان؟؟..الخ" طبعا لأن مصدرهم واحد
وكلام ماريا لجيمس كأنها تبي تقول له شلون تخلّى عن ماري ايام مرضها وقبحها


وهكذا

وواضح من شرحك شلون النغزه

ايه والله

اي انا قلت بالتحليل شلون كل واحد منهم له اسبابه الخاصة عشان يتواجد بسايلنت هيل واسبابه الخاصة عشان يتواجد مع جيمس

قصدها يامي انهم كلهم يحملون theme of appearance

باين ان جيمس عاش بالظلام لفترة طويلة وما قدر يستحمل هاالذنب لين اضطر بالنهاية ان يواجه نفسه في سايلنت هيل.

وهالسبب اللي خلاه ينط في الحفر الظلمه مع ان كان احتمال كبير ان يموت فيها

حيث انه نسى كليا ما حدث داخل عقله الباطن بسبب صدمة عاطفية كبيرة

تقريبا نفس صديقنا أليكس >>>لازم أليكس في كل سالفه

ههههههههههه عاد جيمس وسندريلا مرة وحدة هههههه, انا متاكد ان اراشي مأثرة عليج بهالموضوع والا انتي مأثرة عليها عاد وحدة منكم تعترف

جات صدفه
ههههه سندريللا
معليش على كلام يامي..جيمس مثل سندريللا اللي تلبس فستان وعربه وكلهم مثل illusions ويختفون عالساعه 12
حب جيمس لماري مثل فستان سندريللا تلاشى مع مرضها
لكن يبقى الحذاء ... جيمس ضميره هو الحذاء اللي خلاه يغامر في سايلينت هيل
وطبعا الجزمه لقت جزمتها الثانيه...ماري (في نهاية leave)

سوري عالتخريف

اما بخصوص النهايات حبيت اناقش اكثر نهاية حسيت انها ملائمة للقصة والتحليل لكن ولا يهمك بنزل رد عن النهايات عشانك

كنت بطلب نفس الطلب لكن سكوال سبقني

وعقب انط اناقشها عن جيمس وفي السياره اتكلم عن جيمس

هههههه تعقدت من اسم جيمس
يننتني هاليامي جيمس جيمس جيمس جيمس جيمس

بخصوص الجزء الرابع ( عودة اخرى لبطل ابرد هههه )

هههههههه احس انه يصلح يكون صديق لجيمس
تخيلهم بطلين في جزء واحد!!!

اي شي متعلق بالجزء الثاني في مجال نناقشه هالاسبوع على ما نبلش بالرابع ^^

خلاص نمسك النهايات

مو انا ما يعرفون غير الدوري الياباني ومصارعة هههه

باااااااااااااااااااااااااااع

[Mr.Tommy]

أستاذ تومي أبغي بعد درجه credit لي وليامي لأن أقنعنا اخونا (عدو سايلينت هيل) ان يلعب الجزء الثاني

مصار بونس اللي كل شوي تبين واحد, لا وياليت درجة يالطماعة تبين 2 ونص على كل بونس>> مطلع الدرجات من جيبه

يس انا قاعده اتابع مع اخوي القصه ولاحظت اللي قلته
الحين منبهه عليه يركز على كل صغيره وكبيره عشان يقرى تحليلك بعد ما ينهي اللعبه
انا شوي استغربت يوم سأل Why am i looking for her?
أتوقع مشكلته النفسيه بدت من هاذي النقطه
لأنه ما قال انا راح اضحي واسوي المستحيل عشان أدورها حتى لو ميته
مجرد سأل نفسه "ليش ادور عليها"
بعدها بدا شوي شوي يقول I'll do anything just to see her again لما يجوف ماريا
كان ناسي انه قتلها وبس ...يعني الوهم بأنه زوج مثالي بدا بشكل قوي اول ما دخل المدينه وبعدها قام يتمادى ويدخل في عالمه الخاص

معاج 100% وهو هدفه الكامن كان البحث عن "نفسه" عن طريق البحث عن "ماري", ومثل ما قلتي جيمس تمادى بعالمه الخاص وكان بغيد عن الواقغ بكل شي بالبداية ( حواره مع الشخصيات يبين انه مو صوبهم وانه بعامه الخاص حيث كل منهم "يغني على ليلاه") بالاضافة الى الرسالة "الفارغة"

يس في مشاهد في التريلر كنت احسبها سريه
بعد ما انهيت اللعبه فهمتها
اش رايك أدور على ملف من النت فيه كل الرسايل بالكامل ونحللها؟

تدرين فيني ما اقول لا (شايف yes man ههههه)
اوكي اراشي واي شي مثل الترجمة وهالسوالف دزيلي مسج بالرابط عشان اسويه

اوكي لما تسترجع اللعبه من رفيجك

soon

توقع ان الالهات في المدينه عايشه وموجوده فيها (اتوقعهم شياطين)
وهم اللي يمشون المدينه على كيفهم وهم اللي يسوون هالمقالب والكوابيس للشخصيات اللي تدخلها
واحس انهم يمسكون الناس اللي لهم ولو صله صغيره بالمدينه

احساس كبير جدا عندي ان الجزء اليديد بيجاوب على هالنقطة ( شوفي الصورة الاخيرة )

لييييش؟
أنا ابي A+ في الماده

المشكلة طالبة متفوقة مابي ازعلج.... بس هم ماكو بونس


لانج تستاهلين A+ بدونه

باختصار كان لي مدينة سايلينت هيل تخوف اكثر من اللعبه وفيها حفر عميقه اقفز فيها ومصاعد فيها دم وضيقه وتعلق علي او تسقط بقوه.... وبوجي مان وبوجي وومان بعد

اوبس
اخوي وصل عند انجيللا للمره الاولى الحين >>> بث مباشر
اول مره صرخت خافت يوم جافت جيمس
يمكن من خوفها من الرياييل تخيلته ابوها وراها

تصدقين ما جربت العب سايلنت هيل ومعاي احد باستثناء الجزء الثالث
كانت تجربة لا تنسى, خصوصا اذا كان اللي معاك الطالب رقم 1# يالادب الانجليزي ( ما عانينا بالالغاز مع انها على هارد هههه)
بس الشي الغلط اللي صار ان بعد ما وصلنا لقطار الموت بالمدينة الترفيهية اللي لازم تطفيه, خزنا وقلنا نكمل باجر, والا ثاني يوم يعطيني الخبر المفجع ان الميموري انمسح بالغلط, طبعا ثاني يوم اخذت الشريط وانهيته بيوم واحد, لاني مار على اغلب المراحل وعارف وين اروح فما كان شي صعب


ا

في كوابيسي سويتها لكن عالواقع........................................

هههههههههههه بحط خط احمر على (.............)

هههههههه
يذكرني بدكتور فاستس>>>هذا من ربعي عاد
مره يسوي عمره مسكين ومره شرير
وفي الاخير نهايته مأساويه...بس يستاهل
انا احس جيمس مثله...يبي غصب يقنع نفسه انه طيب ويبرر أعماله الشريره على انها خير
لكن في النهايه يعاقبه القدر
المفروض نهايته تكون الموت او يجن جنونه
(مثل نهاية أليكس hospital)

دكتور فوستس؟؟ ههههه انتي شنو مغبرة هالاسم مو طاري ببالي من سنين.... الدكتور المينون
دكتور ما شفت دكتور بسلامة عقله

حتى انا حاطها نغمة جوالي
أي وحده فيهم؟
انا اخترت letters

كنت حاط promise بس الحين خليتها true
على طاري الـost هذه هدية
http://www.shapocalypse.com/e_sh2ost.php

خلاص بحط عالكيكه 25 شمعه بيضه ووحده سوده عشان ذكرى امتحاناتك

خليهم ثنتين عشان عندي امتحانين>>> طرار ويتشرط هههه

هاديه ومهجوره .. محطمه محروقه >>> جوف السجع
ودي أكتب عليها قصيده

خوش فكرة يبيله تجربين اتوقع بيطلع منج شي ممتاز
عاد وايد كتبت dark poetry بس تصدقين ما فكرت اكتب عن سايلنت هيل

وانتوا اللي عورتوا قلوب هالمسكينات
اول رفسه راح تكون في ويه جيمسو

ماراح اسمحلج تضربين جيمس, راح استدعي كل الابطال (جيمس وهنري وهاري وحتى ايدي البطة وولتر سوليفان وغيرهم) وراح نوقف جدامج ونحمي عزيزنا الحقير جيمس سنديرلاند (ادري شلون بتقرينها هههه)
احنا petrarchan society ونحب الـVictorian era
<<<<< رسمي بتكرهوني هههه

ابي بونس

As usual

هو لو كان يحبها كان ضربها بالرصاص او طعنها عشان تموت بسرعه
طريقة قتله لها فيها حقد وكراهيه وكأنه يبي يعذبها عشان يعوض السنوات اللي (في نظره) تعذب وهو يجابلها

عليج خوش افكار بالقتل الرحيم...تجربة سابقة؟
انا احس ان سبب استخدامه هالمنهج مو المقصد منه انه يعذبها, بل انه بسبب كبته لمشاعره لفترة طويلة والصبر زاد عن حده فقام باستخدام اسهل طريقة "بالنسبة له" وهي وسادة لكتم انفاسها الى ان تموت, مثال اخر على انانيته. تحسين انه فقط يريدها ان تصمت للابد وما تهمه العواقب, المهم تنتهي فترة العذاب هذه من حياته ( لكنه اقبل على اللي اسوء منها بمراحل)

بل!
تذكرني بالاستاذ اللي رسمت البيراميد هيد يقتله

ههههههههههههه
شكلج راسمته يقتلني وخالصة

هههههه خلاص عطني 2ونص بس

هذا نفس اللي صار اليوم بيني وبين دكتور كتابة البحث الاكاديمي هههه
بالنهاية بجاوبج نفس جوابه....Hell no

احد يبي شي من السوبر ماركيت؟

يبيله عصير بااارد... بس التوصيل بالبريد؟

برد اعقب على ردج الثاني بعدين لاني بروح المطعم (محدش احسن من حد )
سي يا

[yami vergil]

هذا رد خاشته في الوورد امس ونسيت انزله هع

انا من خلال مشاهدتي لفم سايلينت هيل اتضح لي او اظن ان المدينه ملعونه لكن مب لكل الناس

اذا انت انسان عادي ومالك مصلحه في هاذي المدينه او ما عليك ذنب راح تمر على مدينه عاديه هادئه مهجوره وتخرج منها بالعافيه...

الناس الي يلتقون ببعض عليهم ذنوب مشتركه تقريبا مثل القتل في الجزء الثاني وممكن حالة واحد تكون نغزه حق الثاني


مثل مابينت في ردي السابق

اتوقع ان المدينه في الاصل خرابه ومحروقه..لكن لما تتحول لكابوس تتغير وتتشكل على حسب حالة الشخص للي يدخلها...الغريب ان في الفلم كانت البطله موجوده بنفس المكان اللي زوجها كان واقف ويادوب يشم ريحة عطرها (اكيد عرقها من الخوف اي عطر يا شيخ....

هههههههههههههه ضحكتيني بريحة العرق

يمكن كان جيمس معجب بممرضات ماري

تخيل انه كل فتره يزور زوجته المريضه القبيحه المعفنه وتدخل عليهم ممرضه بكامل صحتها وتعطيهم هالابتسابه العريضه المشرقه...مجرد تحليل بس اتوقع ان الفرق بين الممرضه الجذابه و زوجته المريضه واضح

هههههههههههههههه عيونه زايغه .. بس حلوه المقارنه بين ماري والممرضه عجبتني

من هي ماري؟ زوجة اليكس المحبوبة والبريئة

خطأ مطبعي

أليكس صغير عالزواج

هههههههههههههه انا مبرمجة على جيمس عيل وسبحان الله انا من الاول كنت اقول لج انه اكثر واحد اكرهه في سايلنت هيل تذكرين ؟؟ كرهي له في محله ..

ههههههههه وفوق كل ذي جيمس قالها ببرووووووووووووود

انا من البدايه وحسيت في شخصية جيمس البلاده والبرود وكنت اظن السبب كان من سوء الاخراج
لكن الحين فهمت...السبب ان جيمس قلبه بارد ومشاعره جافه

اي اخبر يوم اتطنز عليه يوم يشوف الجثه الي عالكنبه مجابله التلفزيون



[♥ ?james:who could have done this ]


... طلع ناشف نفس ماقلتي

والتر كان من عباد الشياطين وقتله لنفسه يمكن كان جزء من تعويذه او قربان للشيطان اللي بيعطيه قوه انه يعيش كشبح قوي في الجزء الرابع ... اتوقع

صج ؟ طبيعي يقتل نفسه لان الي يعقد عقد مع الشيطان مستحيل يلغيه ولو حاولت تهرب راح يلحقونك ويقتلونك وهذا واقع

الغريب ان ايدي قتل بشر حتى في سايلينت هيل...من وين جاوا البشر والمدينه اصلا مهجوره؟

الا اذا كانوا البشر اوهام نفس ماري ولورا

يمكن صج كلامج يتوهم ان ناس تطلع له وتسخر منه ويقتلهم ... بس يضحكني يوم تقاتلينه لانه جيمس مايقول شي وهو على كيفه يفسر انه يتطنز عليه .. عنده عقده نفسيه

انا بعد استغربت من ردة فعله لكلامها...غريبه انه ما شك فيها ولو شوي

او كان على الاقل يعصب عليها لأسلوبها الفظ وياه
غبي

عادي تعصب تسبه مافي مشكله عنده طول ماهي مدردحه وصج يوم تعبت وبلعت حبوب ما نفر وتخلى عنها ؟؟ شلوون ؟ ضيغت شوي >< انا لازم ارد اقرا التحليل

ههههه هني انا مت من الضحك لما تناديه mama

اكيد امها كانت قبيحه بشنبات

ههههههههههههههه تفشل لما تقول له ماما يمكن تدورها لان الام هي مصدر الحمايه حق العيال وابوها لما كان يغربلها يمكن كان هالشي يصير من ورى الام والام ماكانت تصدق بنتها او كانت ميته وصار يغربلها لما الام ماتت .. لان اول مره نشوف انجيلا عند القبور فاحتمال انها ماتت

Mr.Tommy

لا انا عكسج تماما اظن ان المدينة طبيعية لكنها تتغير بمنظور الشخص نفسه

مثلا بالجزء الثاني الفندق كان محترق وجيمس يشوفه طبيعي ولما يكتشف الحقيقة يشوفه على حقيقته

اما العالم الثاني فهو بالفعل حقيقي واعتقد مثل ما قلتي انه بعد اخر لكن بالنهاية حقيقي والدليل ذكرته بالتحليل.

مهجوووووووووره @@ والناس تتناقل هالمعلومه بينها في سايلنت هيل والله اعلم

عدل كلامج بو راس هرمي كان يعذب النسوان فقط بما انه يمثل جيمس نفسه, فتعذيبه للنساء فقط منطقي جدا

النسوان ما وراهم الا البلاوي>> يبي ينطق

ايييييييييييييييييييي ههههههههههههه بس الرياييل مب هينين وربعكم جيمس واليكس يشهدون هع

هههههه لا تعيشيني الدور لا من الاحد اروح الجامعة اسوي حملة تواقيع عشان افتح المادة

افتح الماده وانا بطلب من الشغل يطرشني دوره تدريبيه عندكم كااك

ههههههه انا قريت الموضوع مرة ثانية عشان احرص اني ازيل هالخطأ الشائع عندي, واقري ردي اللي بعد التحليل كنت اتكلم عن هالمشكلة, بس ماكو فايدة انا غصب ادخل اليكس بالسالفة

مسكين اليكس ما خلص من معاناته مع اخوه قمت لصقته بماري بعد ههههه

هههههههههههههههه مسكين اليكس

صار كل شي بسبته هو من اول مابدت احداث سايلنت هيل ... اعلان اي حد يبي يرتكب خطأ اليكس مستعد يتحمل المسؤوليه عنا كلنا

[A7laa Kuwaitya]

^لا ما عليج ما قلتي شي غلط وكلامج سليم واشياء بالفعل حدثت وما نقدر نتغاضى عنها
بخصوص شاترد ميموريز هالجزء الوحيد اللي ما لعبته لي الحين قلت بلعبه وانا بالكورس الصيفي ( عفية مزاج هههه) بس شنو انطباعج عنه؟ الي اعرفه انه ريميك للجزء الاول هل اعتبره "ريميك" ام جزء يديد؟

هذه احلى جملة بردج, دايما ارحب واستانس على عشاق سايلنت هيل لكن اتمنى استمرارج معانا ونشوف ارائج بمختلف الاجزاء, احنا الحين قاعد نتناقش الجزء الثاني وقريبا بنرد نلعب الرابع ونتناقشه, عندج استعداد تلعبينه معانا؟

thanks tommy,ana kent bas 7aba anaqesh elmaw'6oo3 bklam 9ree7 i hope i didn't bother anyone with my words anyway, about shattered memories i totally recommend it you got to play it ...the graphics maybe bad shwaya bas el gameplay wel story is so deep not very silenthillish bas 7lwa you'll be sooo shocked when you reach the final part of the game and if you needed any help or if you got stuck in it just text me
and thanks again for being supportive wklamhom ma yhmny la t7aty wana ma gelt shay '3la6 el games feeha a7dath chetheeh

about silent hill 2 it's my favourite by the way bas i have a question mo 9a7 the town calls every one with sins(sinners) bas laura sheno elthanb ely saweta 3ashan silent hill t3aqbha ?? lena ehya elwa7eeda ely ma tshoof monsters?? ya3ny james yeshoof mash'had laman fel apartment building yedsh room feeha pryamid head f****ing another femail monster on the ground and pulling her that shows how james was! so as when the two PHs kills maria! that was all the things jimmy did.. so my theory is maybe the red monster pyramid head is actually james

[Mr.Tommy]

^
^
ههههههههههههههه يامي اخاف لو يطرشونج الدورة التدريبية ترجعينلهم انسانة ثانية
باكر المراجعين اللي بيكالونها
Yami: They were makin' fun of me in the way they looked at me, from now on,
anyone tries to mock me (specially Arashi) I'll kill em, as simple as that

ذكرتيني بنقطة جوهرية الله يذكرج بالشهادة

اي اخبر يوم اتطنز عليه يوم يشوف الجثه الي عالكنبه مجابله التلفزيون

ما لاحظتي شي مريب حيل بهالجثة؟
جثة ملطخة بالدماء على كنبة امام التلفزيون.... ماكو شي مألوف؟؟
والجثة من ورا نسخة طبق الاصل من اللي بالي بالكم....يلا انتو عاد قولولي السالفة ههه


--------------------------------

احلى كويتية ^^

باين انج ما انتبهي للتحليل اللي حطيته قبل يومين هني, ارجعي صفحتين ورا وبتلقين كل الاجوبة اللي تحتاجينها بموضوع تحليل سايلنت هيل 2, اقريه وتعالي قوليلنا شنو الاشياء اللي توافقيني او تعارضيني فيها عشان نستفيد من خبراتج
وتسرني المناقشة خصوصا اني مثلج اعتبر هالجزء جزئي المفضل ^^

[Arashi]

تدرين فيني ما اقول لا (شايف yes man ههههه)
اوكي اراشي واي شي مثل الترجمة وهالسوالف دزيلي مسج بالرابط عشان اسويه

Yes Sir


الرسايل جوفهم عالخاص بس لا تنسى نصيبي من الترجمه

soon

خلاص خلنا نقتحم بيته وناخذها بالقوه

( شوفي الصورة الاخيرة )

وين؟

طبعا ثاني يوم اخذت الشريط وانهيته بيوم واحد, لاني مار على اغلب المراحل وعارف وين اروح فما كان شي صعب

اااااااخ شي يعور القلب >_<
زين انك ما شاء الله انهيتها
لو انا ارجع لها بعد 6 شهور

دكتور ما شفت دكتور بسلامة عقله

خخخخ هذا انا ماخذه فيه دكتوراه
الدكاتره يدرون انها مسرحيتي المفضله
المهم ان شخصيته تذكرني بكل الابطال الاشرار واللي يسوون عمرهم زينين
مثل جيمس ولايت ياجامي من ديث نوت
كونامي مشت على قانون (ارسطو اظن) عن tragic hero اللي مثل ما ذكرت يبدأ كشخص نبيل وبعدها يرتكب جريمه ويستوعب الحقيقه وينتهي بنهايه حزينه...اللي هي في اللعبه in water

كنت حاط promise بس الحين خليتها true

true بتاخذها عمتي او امي واحتمال امي لأنها اعجبت بموسيقى اللعبه
نجوف
شكرا عالهديه
لاحظت على سايلينت هيل 2 ان كل مشهد له موسيقى ماتتكرر
الموسيقى في هالجزء وايد معبره اكثر من اي جزء ثاني
وكل موسيقى تعبر عن الشخصيه والموقف
مثل promise تحس تبدأ كموسيقى غامضه ببيانو بطيء لمريض نفسي وبعدها تصير شوي أسرع تحسها لطفله صغيره (انجيللا شوي تتصرف مثل الطفله الخايفه) وترجع غامضه وترجع سيرعه
تعبّر عن شخصية أنجيللا كفتاة وحيده وضعيفه لاحول لها ولاقوه تشعر بالخوف وعدم الامان وتبحث عن حنان الام ... sooooo sad

عاد وايد كتبت dark poetry بس تصدقين ما فكرت اكتب عن سايلنت هيل

شنو دارك بويتري؟ مثل الايمو يعني؟

هههه ترى انا مب شاعره خخخخ

سايلينت هيل مدينه مخيـفه
تمشي فيها بخطوات خفيفه
وحوشها كريهه وسخيـــفه
سلاحك فقط صابون ولـيفه



وسلامتكم

<<<<< رسمي بتكرهوني هههه

والله خوفي تبي تنال شرف تكفيخ جيمس لنفسك

شكلج راسمته يقتلني وخالصة

لالا هههههه اذا تحبون برفعها لكن على مسؤوليتكم لأنها دمويه بزياده


يامي

ن اول مره نشوف انجيلا عند القبور فاحتمال انها ماتت

هي انجيلا قالت ان امها قالت لها كلام يجرح
اظن شي مثل "انتي ما منج فايده" ما اذكر الصيغه عدل
احتمال مثل ماقلتي الام ماتت
وانجيللا قتلت ابوها...مب كان عندها اخو بعد؟

اعلان اي حد يبي يرتكب خطأ اليكس مستعد يتحمل المسؤوليه عنا كلنا

خخخخ خلاص انا اخطائي وايد
هو بيتحمل مسؤولية الاربع مزهريات اللي كسرتهم

[سكوال الصنديد]

كيفكم شباب

أبغى اسأل عن نهاية الجزء الثالث لما هيذر واجهت أختها في النهاية ؟؟؟؟

ما هو الشيء الذي طلع من فم هيذر ؟؟؟ أختها أخذته وبلعته ثم تحولت لوحش ؟؟؟؟

أنا ما لعبت الرابع حق ( The ROOM) لإني سمعت أنه أسوء جزء ؟؟ فهل هذا صحيح ؟؟

أم تنصحوني به ؟؟؟؟

[A7laa Kuwaitya]

كيفكم شباب

أبغى اسأل عن نهاية الجزء الثالث لما هيذر واجهت أختها في النهاية ؟؟؟؟

ما هو الشيء الذي طلع من فم هيذر ؟؟؟ أختها أخذته وبلعته ثم تحولت لوحش ؟؟؟؟

أنا ما لعبت الرابع حق ( The ROOM) لإني سمعت أنه أسوء جزء ؟؟ فهل هذا صحيح ؟؟

أم تنصحوني به ؟؟؟؟

heather mason ma 3ndha sister claudia wa7da sicko mo e5tha
elshay ely 6la3 men fmha ohwa "god" the heart of god elah silent hill wo claudia tabeey twaled hal "god" mara thanya nafs ma 9ar m3a alessa 18 years ago in silent hill
3an silent hill 4 hmmm etha kent modmen silent hill you have to play it even though it's not the best in the series but still it's worth trying ana agool roo7 el3aba bas akeed ye6la3 wee3 etha qarnta fey silent hill 2
and by the way heather = alessa = cheral

[Mr.Tommy]

اسكوال احنا بنبلش بالجزء الرابع الاسبوع الياي اذا مهتم تلعبه معانا

كلام اختي احلى كويتية وافي, كلوديا مو اخت هيذر, اهي "متعلقة" حيل بالرب ويوم شافت ان هيذر ما منها رجى قامت بابتلاع قلب الاله عشان تولده بنفسها
------------------

خلاص خلنا نقتحم بيته وناخذها بالقوه

You're in, bring some c4 in your way
"some walls will demolish on someone's head "accidently"

وين؟

اقصد بموضوع اكيرا وساينت هيل ما افترقوا


ا

ااااااخ شي يعور القلب >_<
زين انك ما شاء الله انهيتها
لو انا ارجع لها بعد 6 شهور

حاس فيج, صارتلي بالجزء الرابع هالسالفة, تركته كم شهر ورديتله

خخخخ هذا انا ماخذه فيه دكتوراه
الدكاتره يدرون انها مسرحيتي المفضله
المهم ان شخصيته تذكرني بكل الابطال الاشرار واللي يسوون عمرهم زينين
مثل جيمس ولايت ياجامي من ديث نوت
كونامي مشت على قانون (ارسطو اظن) عن tragic hero اللي مثل ما ذكرت يبدأ كشخص نبيل وبعدها يرتكب جريمه ويستوعب الحقيقه وينتهي بنهايه حزينه...اللي هي في اللعبه in water

ناااايس انا احب شخصية لايت بديث نوت, انسان لما يفكر احس اني غبي ههههه
دايما احلى نهاية بسايلنت هيل يكون فيها tragedy

true بتاخذها عمتي او امي واحتمال امي لأنها اعجبت بموسيقى اللعبه
نجوف
شكرا عالهديه
لاحظت على سايلينت هيل 2 ان كل مشهد له موسيقى ماتتكرر
الموسيقى في هالجزء وايد معبره اكثر من اي جزء ثاني
وكل موسيقى تعبر عن الشخصيه والموقف
مثل promise تحس تبدأ كموسيقى غامضه ببيانو بطيء لمريض نفسي وبعدها تصير شوي أسرع تحسها لطفله صغيره (انجيللا شوي تتصرف مثل الطفله الخايفه) وترجع غامضه وترجع سيرعه
تعبّر عن شخصية أنجيللا كفتاة وحيده وضعيفه لاحول لها ولاقوه تشعر بالخوف وعدم الامان وتبحث عن حنان الام ... sooooo sad

سايلنت هيل بالموسيقى مافي مثلها, تحسين كل ساوندتراك dedicated حق مقطع معين, سواء كان بكلمات والا بدون كلمات تلقينه يحكي قصة وباداء راقي
لا عجب من اهمية اكيرا في سايلنت هيل

شنو دارك بويتري؟ مثل الايمو يعني؟

ههههههه لا وين ايمو. اقصد Gothic مثل ادغار الن بو (الكاتب الامريكي)
بالنسبة لي هو احد افضل الكتاب في الغموض والغوثيك

هههه ترى انا مب شاعره خخخخ

سايلينت هيل مدينه مخيـفه
تمشي فيها بخطوات خفيفه
وحوشها كريهه وسخيـــفه
سلاحك فقط صابون ولـيفه

خل احلل الابيات ههههه

سايلينت هيل مدينه مخيـفه

الشاعرة ذكرت انها مخيفة مما يدل على ان سايلنت هيل استدعتها لغرض ما, وسايلنت هيل ما تستدعي شخص الا لانه ارتكب خطا فادح بالماضي وعنده شعور بالذنب

تمشي فيها بخطوات خفيفه

وهذا يدل على صحة نظرية السطر الاول حيث ان الشاعرة تمشي بخطوات خفيفة خوفا من ماهو حالك بالظلام, يبدو انها بدأت بملاحظة شي غايب من فترة طويلة!

وحوشها كريهه وسخيـــفه

ها قد ظهرت الوحوش, الوحوش كريهة وسخيفة لسبب تم تفسيره بالسطر الرابع, لذا ساقوم بشرح هذا السطر مناصفة مع السطر الاخير

سلاحك فقط صابون ولـيفه

هذا اللي يسمونه "بيت القصيد" هنا انكشفت حقيقة ان اراشي بالماضي قد استخدمت الصابون والليفة لقتل شخص ما (اعتقد انه قط بما ان الوحوش "سخيفة" مثل ما قالت) وطبعا الصابون يفسر قولها عن الوحوش انها "كريهة".. اراشي قتلت قط فقط لانها كانت بمزاج سيء وهي تغسل الملابس وهالقط مر جدامها... والان تستعد لمواجه هذا الماضي! ( الجزء القادم من سايلنت هيل )

وسلامتكم

صح لسانج
بعطيج لقب Cats serial killer

والله خوفي تبي تنال شرف تكفيخ جيمس لنفسك

ما استحق اني اتوحد فيه؟ بعدين جيمس ممكن ينفعني بطريقة اتخلص فيها من دكتور, او على الاقل يعلمني اصير بارد مثله واتحمله كم شهر

لالا هههههه اذا تحبون برفعها لكن على مسؤوليتكم لأنها دمويه بزياده

برابطة سايلنت هيل؟ الدموية عندنا مثل الفيمتو, نعشقه بكل الاوقات ههههه

خخخخ خلاص انا اخطائي وايد
هو بيتحمل مسؤولية الاربع مزهريات اللي كسرتهم

فوق القط اللي قتلتيه هم مكسرة مزهريات؟؟
كم جزء من سايلنت هيل ناوية تمسكين البطولة فيه؟ P:

[Arashi]

دايما احلى نهاية بسايلنت هيل يكون فيها tragedy

يعتمد على نوع البطل
هاري ميسون (الجزء القديم) مثلا تأكدنا ان نهايته

تكون لما يهرب بطفله جديده

جيمس يستحق الانتحار
هيذر لما

ترجع للمحقق وهي سعيده ومرتاحه >>> احس لها رجعه

هنري الاهبل لما

يهرب ويا البنت ووالتر يموت وهم يقررون ترك البنايه

أليكس لما يطلع من المدينه مع إيل (ادري ان الاغلبيه يفضل نهاية المستشفى خخخ)
تارفيس لما

يرجع للشاحنه ويجوف أليسا ماسكه طفله جديده

يعني الوحيد اللي يستحق أسوأ نهايه هو جيمس لأنه هو اللي سبب عل نفسه هالمصايب
لو تلاحظ الفرق:
هاري دخل المدينه عشان خاطر بنته (طيّب)
جيمس استدعته المدينه عشان ينال جزاءه (شرير)
هيذر تقرر بنفسها تروح المدينه عشان تنتقم لأبوها (طيبه)
هنري مظلوم لأنه يعيش في غرفه ملعونه (أهبل وطيب)
أليكس يحاول ينقذ اخوه..هو بطعا قتله بالخطأ لكن المدينه كانت تستدعيه عشان تساعده يكتشف حقيقة عملته السوده عشان يرتاح من المرض النفسي وعشان يكتشف شر أفعال كباريتهم...باختصار جوش من حبه لأخوه أليكس كان يساعده عن طريق كابوس سايلينت هيل ويستحق اليكس النهايه الجيّده (بالنسبه لي هي الاكثر منطقيه لأن جوش وصل رسالته لأخوه)....(طيّب)
اخر شي ترافيس اللي مسكين مايدري عن سبب موت امه وابوه وصدفه انه دخل المدينه وقت ما بدت المشاكل وكانت فرصه عشان يعرف الحقيقه بالكااااااااامل (طيّب)


اذن الشخص الوحيد اللي استدعته المدينه عشان تعاقبه هو جيمس




------------------------------------

اقصد بموضوع اكيرا وساينت هيل ما افترقوا

الحين فهمت كل شي
حتى العنوان بعد يدل على ان أسرار المدينه راح تنكشف
بس لا يكون اخر جزء

لا عجب من اهمية اكيرا في سايلنت هيل

الله يخليه لها

بالنسبة لي هو احد افضل الكتاب في الغموض والغوثيك

على حظنا انا ويامي لغوا مقرر الادب الامريكي علينا
لما اختنا الصغيره تاخذها راح اقرى كتابها

اراشي قتلت قط فقط لانها كانت بمزاج سيء وهي تغسل الملابس وهالقط مر جدامها... والان تستعد لمواجه هذا الماضي! ( الجزء القادم من سايلنت هيل )

ههههههههههه تحليل منطقي وكلامك صحيح 100%
انا لي جريمه وانا صغيره مع قطوه سوده
كنت معصبه على يامي اظن ولقيتها عالدرج ورفستها من فوق الدرج...طبعا بقى لها 8 ارواح خخخخخ الظاهر رجعت تنتقم مني
بس يامي عليها نفس الجريمه راح تستدعيها المدينه معاي

جيمس ممكن ينفعني بطريقة اتخلص فيها من دكتور, او على الاقل يعلمني اصير بارد مثله واتحمله كم شهر

انا بعلمك طريقه اسهل خخخ اصبر بس أرفع لكم القصه الدمويه