مطبخ أبو لبن للوجبات المتنوعه :)

[Renoa Heartilly]

أي رجيم يا شيخ, خراط مجلات.. أقولك, موضوعك نام و الناس طول يومها في المطبخ, شرايك تحتاج مساعده؟ ^_^ أحمم أحمم.. سمبوسه بالتفاح!!! ترالالالا!!
لا تسوون وجيهكم كذا, ترى طلع طعمها حلو مره! كل السالفه أنكم تاخذون تفاحه و تقلقلونها على نار في مقلاه و ترشون عليها شوي سكر, بعدين لما تستوي بنيه تحطون عليها ملعقه صغيره قرفه و تحركونها شوي و تحشون فيها السمبوسه. بعدين السمبوسه تقلونها في زيت غزير *غزير أشوي مو حيل خخخ* بعدين بالهناء و الشفاء *لاطشه هذي من منشوره حق لوزين خخخ*

[Bu Laban]

مشكورة كثييييييير يا رينوا على السمبوسة .. و الموضوع ما نسيته و هذي طبخة جديدة

شوربة كويكر ..

المقادير ..
3 ملاعق من كويكر أو أكثر على حسب الطلب .. 2 طماط و 2 بصل مقطعات متوسطات و تزيد الكمية بزيادة اعداد الأشخاص .. صلصة طماط .. و شوية لحم مفروم أو دجاج مقطع على حسب الرغبة.. شوية زيت

الطريقة ..
يحمس البصل و الطماطم مع الزيت حتى ينضجوا جيدا و يضاف اللحم أو الدجاج حسب الرغبة .. ثم يضاف الصلصة و يخلط ثم يضاف بعض الماء عليه .. بعد كذا حوالي 5 دقايق يضاف الكويكر و يحرك مباشرة حتى لا تتكون كتل متجمعه منه و يقلب حتى تتماسك .. و بالهنا و الشفا

[Renoa Heartilly]

نيام نيام! أقوللك الشوربه أحسن شيء على الجوع ^_^ مشكور على الوصفه بو لبن, و أقولك, علشان ما تتكتل الكويكر أمي تحطها في الخلاط مع شويه ماي من المرقه اللي مسوينها قبل لا نحط الشوفان, كذا ما تتكتل على بعض ^_^

و شسالفه الموقع اللي في توقيعك؟ قريته و طحت من الكرسي!

[Bu Laban]

مشكور على النصيحة يا رينوا .. بالنسبة للموقع اللي حطيته في التوقيع هذي عبط إنجليزي و يتمسخرون على لغتهم فيها

و الحمدالله أنه عجبك

[Renoa Heartilly]

لوول! من زمان عنك! وينك؟ أقول, كل عام و الكل بخير

[Bu Laban]

ههههههههه .. و انتي بألف خير

[mai_arumashi]

اكلات عجيبة...يم يم

و على فكره الموقع الي فى التوقيع يموت من الضحك

[Taja]

ابي ااااااااااااااكلللللللللللللللل ميته من اليوع ..كمل بليز

[Renoa Heartilly]

تاجا أكلي ذراع سول اللي في توقيع ماي خخخخ شكلها كنها هبر من خروف XD

[Bu Laban]

السلام عليكم و رحمة الله .. أرى أن الموضوع انتعش شوي و أشكر رينوا كثييييييييرا على المتابعة

عندي اليوم طبق أتمنى أن تعجبكم ... و للأمانة أنا ما بعد أجرب السندويتش هذا فاللي يسويه يعطيني رأيه أوكي

ساندويتش اللحم المفروم

المقادير:

لحم مفروم
1فلفل اخضر حار
ربع كوب زيتون اخضر
ربع كوب زيتون اسود
ربع كوب صلصة طماطم
2 ملعقة طعام زيت
ملح - فلفل
ملعقة صغيرة فلفل احمر حار
بصلة صغيرة مقطعة صغير
جبنة شيدر مبشورة او موزريلاا
فص ثوم مهروس
خبز فرنسي

الطريقة :
نسخن الزيت على النار ونحمر اللحم المفروم مع البصل و الثوم والملح والفلفل الى ان ينضج ثم نضيف الصلصة و الفلفل الحار و الفلفل الاخضر والزيتون ونخلط جيدا ثم نضعه في الساندويتش والجبنة على الوجه او نخلط الجبنة مع اللحم و ندخله الفرن قليلا الى ان تذوب الجبنة....

و تقبلوا تحياتي

[Bu Laban]

ماي أروماشي: الحمدالله أن الموقع أعجبكي .. أنا ما حطيت هاللنك الا عشان أنشر الضحكة بينكم

تاجا: و هذي طبخة و عرضناها و انشالله تجربينها و تعطينا رايج

و تقبلوا تحياتي اللبنية هق هق هق هق

[-][HaNa Sun][-]

من زمان ما رديت على طبخاتك بولبن أكلاتك الاخيره حلوه ..المشكله أنا ما احب اللحم..يعني ما بقدر أطبق الطبخه . لكن طبخاتك كعادتها في المقدمه

المهم...لا تتأخر علينا بطبخاتك العجيبه و ما تقصر يا بولبن

[Renoa Heartilly]

واو! بو لبن أخيراً جاب طبخه عندي مكوناتها كلها بدون استثناء! *نط نط* صايمه أنا اليوم, بس بارد عليك لما أسويها انشاء الله

[Renoa Heartilly]

هاي بو لبن! آسفه جداً جداً جداً على التأخير, لكن كل ما جيت ابغي أسوي رد ألقى الموضوع نزل تحت و اختفى و أنسى لا أرد >_< عموماً أنا سويت الساندويش اللي قلتلي عليه *و زدت الفلفل أكثر من اللازم* >_< بس أيشرك أخواني بغو ياكلون ذراعي! خخخخ

بعدها راحوا طايرين على البارد :vereymad: لأنه حرق بلاعيمهم و سويتها فيهم مقلب سويت الحشوه الحاره ذي في المكرونه و صارو كلهم أحح أوححح :vereymad: :vereymad: لول!

أنت شكلك سويتها و أكلتا لحالك و أختفيت, وينك؟ وين البقيه اللي يبغون طبخات؟

[Bu Laban]

أهلا برينوا الغالية .. و شكرا على متابعتك الدائمة للموضوع .. بصراحة حسيت أنه في واحد متابع للموضوع .. بس أبشري .. و هذا طبق جديد

سويسرول بالدجاج

علبة قشطه+3بيضات+4حبات توست منزوعه الاطراف+جبنه كرافت وسط مبشوره+
ملعقه بكنج بودرصغيره
تخلط جميعها بالخلاط ثم ترص بصينيه تيفال مدهونه بقليل من الزيت وتدخل الفرن فقط
خمس عشر دقيقه ----15
ثم تخرج وتقلب على قطعه قصدير وبعد ذلك تدهنى عليها بجبنه سائله (كاسات)
وتكونى مجهزه خلطت الدجاج التى تفضلين
ممكن دجاج مسلوق وبه قليلا من البهار ومخلوط بمايونيز
او دجاج مسلوق به مكعبات الجزر المسلوقه ممكن وضع بدل المايونيز صلصه الباشميل
حسب ذوقك00000
توضع على طبقه الجبن السائل وتلف جيدا وتغلف بالقصدير
وتوضع بالثلاجه لمده ساعه ثم تقطع حلقات وتقدم بارده