بشرى للجميع - أول لعبة PS3 باللغة العربية

[Mr.X]

بالنسبة لقرصنة الـPS3 , هم نجحوا انهم يشغلوا الألعاب من الهارديسك حق الـPS3 , واعتقد فيه واحد فك الـBLU - RAY بس باقي شغل

مادري ممكن يكون هالموضوع عن دارك أليكس له علاقه بالكلام اللي انت تقوله ..
http://alek.dark-alex.org/PS3Zone.ph...135#nucleus_cf

على فكرة سئلت دارك إذا كان بإمكانة يضيف اللغة العربية للفريم وير إذا كان بيهكر الـ PS3
بتلقون سؤالي في آخر الصفحه ..

Hi Alex

can you add an Arabic language to the PS3 when you hack it ?
i hope you can do it because alot of arabs want that ..

can you Answer me if you can add it or not because the answer not jost me waiting it
,, big arab video game fourm montada.com waiting for you Answer ...
Sultan
from Saudi Arabia

[ramizak]

re5 نتكلم معاهم
gw2 لن تصير ابدا لان الاكسبوكس فيه قرصنة
mgs4 too late
sh5 ليست تجاريا بنجاح الالعاب الاخرى
square games ما نوزع لهم.

الحين شغالين على العاب ubisoft thq capcpm midway
سلام

[راؤول الأسطورة]

re5
sh5 ليست تجاريا بنجاح الالعاب الاخرى

بالعكس..اللعبة صار اسمها يقترن حتى برزدنت ايفل تجاريا ما عليها خوف..نصيحة لكم تشتغلوا عليها ، خصوصا انها تحمل قصة نوعا ما معقدة وتستاهل التعريب أكثر من الكثير غيرها..

square games ما نوزع لهم.

خلكم بعيد عن الار بي جي بشكل عام أبرك لا تشيلون الفكرة كلها من راسكم

الحين شغالين على العاب ubisoft thq capcpm midway

Mortal Kombat vs. DC Universe ؟؟

[Mr.X]

mgs4 too late

بالإمكان تنزيل الترجمة بواسطة تحديث بسيط للعبه مستقبلاً .. فلذلك لا ارى انه الوقت متأخر لترجمتها !!

[Mr.X]

طيب وبالنسبه لـ GTA IV فيه إمكانية تعربيها اولا ؟؟ طبعاً بترجمة المحادثات والنصوص فقط بدون دبلجة وتنزل الترجمة على شكل تحديث بسيط للعبة لإضافة اللغة العربية لها .

سؤال جانبي .. بالنسبه لـ GTA IV نسخة الـ 360 PAL
سواءً النسخة العادية 18+ أو الأسترالية 15+ ,, هل سترسلونها للسعودية او لا ؟؟
لأني مثل ما سمعت وزارة التجارة عندنا مانعتها وانها ما توصلنا إلا بعدد نادر وتنتهي بسرعه

فما ادري هل عندك اي معلومات بخصوصها ؟؟ والا مافيه حل إلا اني اطلبها من مواقع البيع بالنت ؟؟

[Kunio-Kun]

أفحمتم الرجال ... يعطيك العافية أخي ramizak ... ما هيا أخر الأخبار عن الترجمة هل حصلت تطورات؟
هل هناك أخبار جديدة ؟

[][-][Mr.ZeNoN][-][]

ياما...يااااما سمعنا عن تعريب الألعاب ولاشفنا شي..هذا والأخبار كانت على جرايد فمابالك من خبر مصدره عضو مجهول؟؟

[ramizak]

mrx
الترجمة لن تحصل عن طريق ملفات [patch file. ليش؟ لان الهدف هو أن تشتري (المستهلك) النسخة البال الاوروبية الرسمية التي تأتي الى الخليج يوم صدورها وليس التي توجد في انكلترا مثلا. وإذا نزلت باتش ما عليها رقابة في التوزيع.

كيف يصير اتخاذ القرار؟
يجي الموزع يقول للناشر يا جماعة سوولنا لعبة عربي. الناشر يقول تقدر تشتري كذا الف من النسخ؟ (عادة 25 ألف وفوق). هنا السؤال المهم. هل يريد الموزع المحلي يشتري 25000 دفعة واحدة؟ والا يشتري 5 ويوم يبيع 5 وهكذا.

الناشر لن يدخل في معمعة التعريب إن لم يوجد موزع محلي يدعمه.

اللي يمكن أن تفعله كمستهلك انت تدعم العاب البال. لأن هذه اللي ممكن تتعرب لك وليس الامريكي. يعني يوم تشتري لعبة ps3 لا تشتري الامريكي صمم على لعبة البال (مع انهم الاثنين يشتغلوا على جهازك.)

يوم يبيع الموزع أكثر يتشجع أكثر.

القرصنة هي المشكلة الثانية. ليش؟ لان بس ps3 نقدر نبيع كمية جيدة الباقي كله قرصنة. ولولا وجود دبي ما وجدت صناعة العاب منتظمة في الشرق الاوسط لانه للاسف القرصنة منتشرة في المدن الاخرى.

gta4 ليس عندي أخبرا عنها بس اللي سمعته من الوزارة (ما نوزعها)

mr zenon انشاء الله صبرك ما بيطول. كلها شهر.

[General BiG Boss]

انشاءالله نشوف لعبة عربية أو مترجمة
وبصراحه انا احب اشتري العاب تتعلق بأي شي عربي من مدن وأصوات وأشكال ...الخ على البلاي3
مثل : Call Of Duty 4 - Assassin Creed
والقادم بالطريق Metal Gear Solid الجديد
وشكرا ,,,

[DREAMCATCHER]

1- الوعي العام يرتفع. يبدا المستهلك يقرا ويسأل ويتابع وينزل الديمو أول وهكذا.

أنا اشهد .. ولا اول اشتري الشريط من غلاف اللعبه اذا حلو ولا لأ .

2- التنظيم ودعم المجتمع. إنت يوم تشتري القرصنة تدعم تجارات غير مشروعة مثل الاسلحة والمخدرات وغيرها لأن من يقوم بالقرصنة؟ العصابات!!!! بينما يوم تدف المبلغ لجرير والا غيره هو يوظف ناس ويفتح بيوتهم.

المشكله يا عسل ان محلاتنا النصابه يبيعون الشريط بـ20 دينار واذا نزل بـ18 دينار والسعر لازال

معقول بالنسبه لي ، اما وكالة سوني ماشاء الله عليهم يبيعون اشرطه "سوني" بسعر ارخص من

بره يعني 15 أو 14 دينار بس هذا بعد شهور من نزولها ، واذا كانت الاشرطة شركة طرف

ثالث حدث ولا حرج 25 دينار وطالع ونفس الشي حق فيرجن و جرير الي شادين الظهر فيهم

بس هذول على مستوى كل الاشرطة تقريبا 24 + ... طبعا أنا مع الاصلي من ناحية التنظيم الي

مسويه ودعم المجتمع مثل ما قلت وايجابياته كثيره يعني .. لكن أنا أقولك بصراحه اذا تهكر الـPS3
راح اشتري الكوبي خصوصا مع الوعي و التنظيم الي عمله الاصلي لي >>> نذل

+ ما عندنا عروض وخصومات مثل اوروبا و امريكا لانه ما عندنا محلات رسميه .

انزين انتوا شغلكم حق السعوديه بس ولا الشرق الاوسط احس مو معطينه وجه ترى اللعيبه الي

عندنا ما يقلون عن السعوديه حتى مع فارق عدد السكان مادري معلومه يمكن تفيدك 60+ % من

عدد السكان شباب >>> من الجنسين على اساس ما تفهمني غلط .

نحن كشركة موزعة كان لدينا شخص واحد في السعودية من 5 سنوات، الحين لأنه القرصنة مش
موجودة على ال ps3 وظفنا 7 اشخاص والبحث جاري عن 12 غيرهم.

وانا فعلا اتمنى انها ما تقرصن لكن في ظل الظروف هذي الكوبي يشكل اغراء شديد
والله يوفقكم .


سلام

[m.m.alsaadi]

الموضوع منقووووووووووووووووووووووووووووووووووول!!!!!!!! والي بيعارض اعطيه الموضوع الأصلي

[][-][Mr.ZeNoN][-][]

الموضوع منقووووووووووووووووووووووووووووووووووول!!!!!!!! والي بيعارض اعطيه الموضوع الأصلي

طيب ممكن تعطينا الرابط؟؟

[m.m.alsaadi]

اخوي الرابط هذا وشوف بنفسك :
http://www.gm*********com/vb/showthread.php?t=321449
وابغاك تساندني وشكرا

[Urahara Kisuke]

الموضوع منقووووووووووووووووووووووووووووووووووول!!!!!!!! والي بيعارض اعطيه الموضوع الأصلي

على الاقل اقرا تاريخ وضع الموضوع!!!!!!!!!!

وغير كذا مكتوب في الموضوع انه ramizak كاتبها

[ramizak]

الاعلان الرسمي