المشاركة الأصلية كتبت بواسطة Electro M
هدهد
ما راح اقول الا شوفي موون جيرل كم تبي مهر كحد ادنى
هذه من وين نجيبها لو كانت رواتبنا 3 الاف ريال؟!
امممم هي مهور الحظر مادري الحضر مادري شلون تنكتب خخخ تتراواح بين 30 الى 40 الف
يعني عندك البدو مهورهم اعلى بكثير ..بس سامعة عندهم قطة للشاب الي يبي يعرس
عموما والله يالكترو ان يوم جو ازواج خواتي خطبوهم ولاواحد طلب منه ابوي رقم معين ولا حتى شرط معين جملته الي قالها لأهل ازواج خواتي الثلاث (حسبت بنتكم )
يعني الي يجي منكم خير
وعندنا وعند اغلب الحضر عيب ينشرط المهر او نعارض عليه اصلا مانعرف كم المهر الا وقت الملكه
اقربها اختي ملكت الاربعاء الي فات ناداها الشيخ وسألها موافقه عليه .. الخ وسألها عن المهر وربي ماكنت تدري كم قبلها ولا ابوي يدري
بنت خالي خطبها واحد كان راتبه قليل وماعنده حد يساعده والله مهرها 20 الف
وعلى فكرة ابوي هو الي عمل زواج خواتي التكاليف كلها عليه مو النص بالنص
مو بس ابوي قرايبنا اغلبهم كذا وبنات كثير اعرفهم نفس الحاله
هي السالفة عادات تفرق من ناس لناس
يعني مو كل البنات ولا كل الاهل يشرطون على الشاب مبالغ ومقدم ومؤخر وفله ... الخ
الناس اشكال
عموما انا مثل اختي مون اتمنى يجي مهري بهالحدود بس اذا صار اقل عادي مو شرط اساسي بس اتمناه يجي كذا
ـــــــــــــــــــــــــــــــــ
انا اقول ذا الحكي علشان اشوف بعض الشباب متحمسين حق زواج الاجنبيه (ادري انك مو منهم يالكترو
) ... هو نصيب وقضاء وقدر صح
بس لايصير تفكير بعض الشباب سيء ببنات بلده انهم متطلبات .. الخ
ترى حكي البنات كثير والامنيات كثيره بس وقت التنفيذ شيء ثاني
ياكثر البنات الي ساكنين مع اهل الزوج
وياكثر البنات الي انعملت اعراسهم باستراحات
يعني اصابع ايديكم مو سواء
على فكرة كوافيرة نعرفها من الجنسيات العربية بدون تحديد خطبها واحد حارثي ومهرها 80 الالف والله
وهالسالفة لها اقل من اسبوع
ــــــــــــــــــــــــــــــــــــــــــــــــــــــــــــــــــ
المشاركة الأصلية كتبت بواسطة Electro M
و بخصوص الزواج الدعوة فضفضة بس
و الا هين القرار ما راح يطلع الا بعد تمحيص من جميع الجوانب
الله يكتب الي فيه الخير واهم شي الاستخارة ... استخير زين والباقي على ربك
سلام ^^
