انتصار المرأة على الرجل

[AOD]

يسعد صباحكم
والله قهرني هالشايب الي متزووج حريم وش كثرهم
فتذكرت هالقصة الي قريتها بالجريدة
مدرسة متزوجة عندها عيال رجالها ماشي حاله بالوظيفة راحت هي بطبيعة رومانسية الزوجه بمساعدته في بناء الفلا المكونة من طابقين وبعد الانتهاء من البني طبعا اغلبها من فلوس الزوجة
تفأجأت بزوجها المحترم يدخل عليها زوجتة الصغيرة ويقولها حلالي انت ماعاد تصلحين
فيلا جديدة وحرمه جديدة
طبعا سكنها بالدور الاول والمسكينة مع عيالها بالدور الثاني وما شاء الله على الاولى كانت عاقلة وذكية صبرت وفكرت
وفكرت
قالت يرجال والله انه ظلم لي فلوسي وبيتي اكتب الدور باسمي علشان بكرة المشاكل اخاف انطرد انا وعيالي من زوجتك لو يصير شيء لك
وبعد اقناع وافق الزوج وكتب الدور باسم الزوجة
انتهت الخطوة الاولى
راحت تبكي وتقول ما اقدر اتحمل اشوفك معها خلاص طلقني وابي اربي العيال
طبعا على طول طلق عنده بنيه ويش يبي بالعجوز
انتهت الخطوة الثانية
راحت دورت لها على زوج صالح والله رزقها
زعل طليقها واخذ عياله وحطهم عند الثانيه قال ايه يبي يحرق دمها
وزوجته الاولى مع عريسها داخله طالعه شهر العسل قدام طليقها وهو حايس بعياله والحرمه زهقت من عياله وراحت عند اهلها زعلانه
والتمشيات اخر الليل مع عريسها وذاك يطالع بينهبل من المنظر حتى انهار وانهبل ودخل المصحه العقلية
طالبت الزوجة الاولى بعيالها ونصيبهم بالبيت
وتفوقت وانتصرت على زوجها بيت وعيالها وزوج جديد
ويش رايكم خطيرة صح

[moon girl]

هههههههههههههههه احسن يستاهل

قاعده تساعده وبالاخير يتزوج عليها

شيء يقهر تعزه وتساعده وتضحي بفلوسها علشانه وبالاخير خخخ

ربي راحمها والله ناس واجدين كذا

مشكوره اختي

[AOD]

العفووو حبيبتي
كذا الحريم والا بلاش

[Son_OF_Liberty]

أخت رجال والله

اعوذ بالله من كيدكم يالحريم
بس ترا هالرجال ثور والله وماعنده سالفه
لأنه أول شي تزوج على وحده ساعدته والثانيه إنه وافق يكتب لها دور كامل بأسمها

مشكوره أنجيل عطيتيني درس كيف أنصب على حريمي الأربع

[Electro M]

هذه فيلم كوميدي موب قصة حقيقية

المشكلة انكن يالبنات مصورين الرجال هم بس اللي يخونون العشرة
ما تدرون ان كلا الجانبين له عيوبه

انا ما ادافع عن عديم المروءة اللي كافأ زوجته بهالشكل - بالرغم من عدم اقتناعي بنهاية القصة -
لكن ترا قصص خيانات الزوجة اسوأ بكثير و ما يتناقلها الناس لانه يكون التعتيم عليها اكبر لاسائتها لعوائلهم

[shjoonal3in]

قصة عجيبة صراحة ...
ومع هذا بقول أنانيين وما فكروا في الاطفال اللي ضايعين هنا وهناك..كل همهم نفسهم وان يغيضون بعض

هذه فيلم كوميدي موب قصة حقيقية

المشكلة انكن يالبنات مصورين الرجال هم بس اللي يخونون العشرة
ما تدرون ان كلا الجانبين له عيوبه

انا ما ادافع عن عديم المروءة اللي كافأ زوجته بهالشكل - بالرغم من عدم اقتناعي بنهاية القصة -
لكن ترا قصص خيانات الزوجة اسوأ بكثير و ما يتناقلها الناس لانه يكون التعتيم عليها اكبر لاسائتها لعوائلهم

هو فعلاً غالباً البنات يرثون لحالهم وحال الحريم مع ان ممكن الزوجة في بعض الحالات تكون الغلطانه ...
بس في النهاية الزوج هو اللي بيده القوامة...متى ما بغى يطلق يطلق^^
يعني إذا زوجته خانت الثقه راح يطلقها بينما الزوجة في المقابل ما تقدر إلا تسكت و تصبر ...
أو تجرجره بالمحاكم

[AOD]

تدرووون شباب الي طلعت من هالقصة فايدة حلووة وهي
لازم الوحدة فينا اذا جائها عريس تشرط عليه شقه بإسمها علشان المستقبل
وترى الزوجة هي الضحيه دايما لانه يمكن تنسى حياتها في سبيل اولادها وتترك الزوج يلهو كما يحلوو
مشكورين اخواني وبالتوفيق
سوون لما تتزوج اخبرك عن كيد الحريم

[Electro M]

وترى الزوجة هي الضحيه دايما لانه يمكن تنسى حياتها في سبيل اولادها

تنسى حياتها و زوجها
عشان كذا ينجبر بعض الازواج للزواج بثانية
ثم تبدا المناحة المعتادة
اخذني لحم و رماني عظم
و انا اللي سويت وما سويت
و في الاخير يتزوج علي

لاتهملين زوجك في سبيل اولادك و راح تقللين من نسبة زواج زوجك عليك

[Son_OF_Liberty]

تدرووون شباب الي طلعت من هالقصة فايدة حلووة وهي
لازم الوحدة فينا اذا جائها عريس تشرط عليه شقه بإسمها علشان المستقبل

هاااااه
انتي صاحيه؟؟
العريس هو نفسه مو قادر يملك له شقه بأسمه تبغينه يشتري لها شقه
خلاص بطلت ماعاد ابغى اتزوج سعوديات

سوون لما تتزوج اخبرك عن كيد الحريم

خابزهم وعاجنهم
ولاتنسين اني آخذ كورس من مسلسل الحج متولي

[hod hod]

السلام عليكم
والله قهر من شياب هالوقت قال ايش قال انتي عجوز ماعاد تصلحين لي وانت ياحضي وشو
عموماً الحريم اشكال فيه حريم يصبرن واصلاً الوضع عندهم عادي
زي مره وحدة تقول احنا فخذنا لازم رجاله ياخذون على ثنتين ثنتين
وفيه مستحيل عندهم...
وذكرتيني بسالفه البيت بقصه قريبة لي
اخذ قرض بأسمها وهي الغبية كانت موافقة واثقة فيه وطلقها الحقير
البنت عمرها 28 سنة صغيرة هبلها الله يهبله الزفت الحين تزوجت وزوجها طيوب ماشاء الله بس للحين تسدد القرض
الله يعينها على القهر ....
وفيه ناس يقولون الأسلام احل اربعة صح
بس لاتنسون الشروط
هو ابو خمسين ياخذ ام 18 ويطنش ام عياله يامى صارت لااردياً رح يطنش ام عياله
وكثير تصير الغلطة من الحرمة نفسها بصراحة ... بس يجرب يوجهها مو يعرس عليها وهي ماتدري شسالفة
المشكلة الحرمة اذا كبروا عيالها عيالها يصيرون كل دينتها وهذا الي مايفهمه الرجال
والرجال تجي له فترة مراهقه ويبي يرجع لأول الزواج وهو عنده درزن عيال

يعطيتس العافية ياويخيتي
سلام ^^

[moon girl]

تدرووون شباب الي طلعت من هالقصة فايدة حلووة وهي
لازم الوحدة فينا اذا جائها عريس تشرط عليه شقه بإسمها علشان المستقبل
وترى الزوجة هي الضحيه دايما لانه يمكن تنسى حياتها في سبيل اولادها وتترك الزوج يلهو كما يحلوو
مشكورين اخواني وبالتوفيق
سوون لما تتزوج اخبرك عن كيد الحريم

وانتي الصادقه لا واحط مؤخر على سنع

بس المشكله لما يقول تنازلي عن الشقه والمؤخر علشان اطلقك

نصيحه للبنات

اقعدي في بيتك وعنسي احسن لك

تعقدت شكل مافيه رجال اوفياء لا واقول المفروض انه يوصل الى حد لو ماتت الحرمه ماراح يتزوج عقبها

خليه يكون وفي وهي حيه بالاول ههههههههه

حتى اهلي وصديقاتي يضحكون علي

تعقدت من هالقصص خلاص ابقعد في البيت احسن لي خخخ

[Classic Evil]

شو هالقصة؟
هل هي مقتبسة من المسلسل الخليجي الهابط دارت الأيام ؟
ومبروك هالمرة الانتصار.. فيوم لنا ويوم علينا ..ويوم نُساء.. ويوم نُسر

[.Atlas.]

والله الخيبة الاثنين..هو وهي

[Yamato]

موون جيرل.. ترا كثر متابعة هالسوالف تخرب مخ البنت... الدنيا مش ماشية بهالطريقة..

في ناس تقدر شي اسمه الحياة الزوجية... مش كلهم سواسية في التعامل مع النساء..

[Mista Koo]

المشكلة انكن يالبنات مصورين الرجال هم بس اللي يخونون العشرة
ما تدرون ان كلا الجانبين له عيوبه

انا ما ادافع عن عديم المروءة اللي كافأ زوجته بهالشكل - بالرغم من عدم اقتناعي بنهاية القصة -
لكن ترا قصص خيانات الزوجة اسوأ بكثير و ما يتناقلها الناس لانه يكون التعتيم عليها اكبر لاسائتها لعوائلهم

QFT!
I Agree

تعقدت شكل مافيه رجال اوفياء لا واقول المفروض انه يوصل الى حد لو ماتت الحرمه ماراح يتزوج عقبها

ما شا الله بس الحريم اللي ملائكة ووفيات ومحد زيهم؟؟
بعدين لو مات زوجك ما رح تتزوجين غيره؟؟
هذا سؤال بينك وبين نفسك مو لازم تجاوبيني!
بعد شذنبه الرجال يقعد لحاله؟؟ غير إحصان نفسه أحيانا يحتاج حرمة تربي عياله أصلا!! فكري مرة ثانية!
بعدين في أسباب تأخر الزواج وتسبب الزواجات الفاشلة والأسباب واضحة ومعروفة...
ولا الأوفياء موجودين وبكثرة!

صراحة نظرتي عن الزواج إنه قلق وتعب ومسؤولية ما أقدر عليها خليها لغيري!
وكما قال الشاعر: ما هم إلا هم العرس × ولا وجع إلا وجع الضرس <<< ايفل لا تطفشني لو كان غلط