موضوع نقاش عام عن المانجا

[GrassHopper]

مانجا Life @@
مانجا مريضة .. وفيها كل العقد النفسية .. قريت فوليومين للحين وأحس قلبي يعورني بسبتها ... بس مو قادرة أهدها بعرف شنو راح يصير بـ Ayumu المسكينة -__- .. سليبلس غيرل وينج ؟ .. أبي أحد قاريها علشان أطلع اللي بقلبي

[sleeplessgirl]

سليبلس غيرل وينج ؟ .. أبي أحد قاريها علشان أطلع اللي بقلبي

هلا جراس ...انا شايفه ردج من جم يوم بس والله مافضيت ارد ( عيد العلم- اجتماع اولياء امور - الشهايد..الخ)

انا قريت 3 فوليومات منها ..الرابع طلبته قبل اسبوعين من امازون انطر بس يوصلني ..

المانجا مينونه حدها ..ايومي ..ومن كثر حبها لرفيجتها و احساسها انها السبب بانها مادشت المدرسه معاها..
خلاها تقطع بايدينها ..

والماساه يوم رااحت المدرسه اليديده...وتسوي صداق مع مانامي...وشلون تحاول تراضيها عشان ماتكرهها..

ويوم مانامي يخليها رفيجها كاتسومي ..وتروح لايومي وتقولها انتي وعدتيني انج تساعديني...
شفنا شخصيه كاتسومي الحقيقه..بصرااحه مينون ..وسالفه البوم الصور حق His slaves وشلون يجبر ايومي... واهي عااد ماتقول لمانامي وتصير فيها عقده منه..

حبيت شخصيه هاتوري...تحسينها غامضه..

مابي اقول شي عن فول 3 عشاان مااحرق عليج..

[GrassHopper]

أهلين سليبلس ^^

الله يعينج .. التدريس بلوة وعوار راس

وعن لااايف .. أيومي باطة جبدي كثر ماهي كاسرة خاطري .. يعني اللي سوته بنفسها بعد ماخلتها رفيجتها .. شي غبي .. أنا ارتحت لما دخلت الثانوية وتعرفت على مانامي .. قلت أخيراً بترد طبيعية .. بس صار العكس .. حرام اللي صار فيها .. بس هي غبية بعد .. كان لازم تتكلم وتفضحه .. مو تسكت .. كل هذا علشان لا تخسر مانامي -__-
اي بالفوليوم الثاني لما كاتسومي يقول حق مانامي إنه راح يدز لها صور وايد وبعدها يخز أيومي ويطقها على ريلها .. نظرته هني تخرع .. حقييييير

بطلب الفوليوم الثالث والرابع الشهر الياي ^^

[GrassHopper]

لقيت جم فوليوم من ماروكو .. بس بالياباني .. لكن تقدر تطلب معاها Translation .. ما أدري أطلبها أو لأ .. ودي أقراها .. أحسها شي فريد ولازم يكون عندي .. بس فكرة إنه يكون بالياباني مع ورقة ترجمة .. حركة بايخة

[.Atlas.]

لقيت جم فوليوم من ماروكو .. بس بالياباني .. لكن تقدر تطلب معاها Translation .. ما أدري أطلبها أو لأ .. ودي أقراها .. أحسها شي فريد ولازم يكون عندي .. بس فكرة إنه يكون بالياباني مع ورقة ترجمة .. حركة بايخة

يعطونج معاها ترجمة @__@
أول مرة اسمع هالشغلة ..اذا موقع زودينا فيه..فية كم مانجا قديمة لـFuyumi Soryo ودي فيهم..اذا بيعطوني معاهم ترجمة..ماعندي مانع اشتريهم XD

*Dreams*

[TNT-BOY]

ايوه اذكر صاحبي في الكويت لقا مانجا DevilMan كانت يابانية ومع كل صفحة على جنب صفحة مكتوب فيها الترجمة فقط...
هل حركة يمكن تطير عنصر المفاجئة وتقتل الحماس احياناً S:

[GrassHopper]

ليتل آنجل

أنا لقيتها بـ ebay وكانوا كاتبين بالحرف الواحد :-

Unless specifically stated as English or Bilingual, all of our books are the original Japanese versions. Many are fine, first edition prints!
Many of our books have English translations available. A few of these translations are text files, formatted to follow the books, page-by-page. However, Most of these translations are high quality scans of the original books, with English text over-writing the original Japanese Kanji. If you request the translations, we will provide them via email or CD-ROM depending on the file sizes.

حيل ودي أشتريها .. يعني شي حلو يكون عندي مانجا ماروكو والنسخة الأصلية والطبعة الأولى بعد .. بس كلام TNT صح .. هالشي راح يخرب علينا متعة القراءة -___- ... بس إذا في مترجمين مثل ماهم قايلين أكيد راح أشتريها ( ألحين بدزل لهم وأشوف )

قاعدة أقرا Hot gimmick ( وصلت للفوليوم الثالث ) ... حلوة بس ما تستاهل كل الضجة اللي صارت عليها .. يعني حلوة وتونس وفيها أحداث حلوة .. بس مو توب ..
آه لو ألقى مانجات الانيمات القديمة .. يعني ليدي ليدي - رانزي - كبامارو .. خصوصاً ليدي .. واضح إنه رسم المانجا روعة .. أي أحد عنده مانجا كاندي أو جورجي يزودنا فيه لو ما عليه أمر ^^ .. أنا كان عندي موقع حق كاندي بس مايشتغل ألحين .. ودي أقراها -___-

[Anime Girl]

من كم يوم طالعت مانجا قديمه
اصدار :1983
ميريام ! مانجا حلوة ويمكن اتحسونها شوية طفولية بس عن جد عجبتني وراح اكملها اكيد (^ه^)
MiRiAM

النوع : شوجو , كوميديا, مغامرات, آكشن
مانجاكا : HIKAWA Kyoko
سبع فوليمات موجوده كامله باللورك
فيه كم صورة حلوة قصيتهم من المانجا وعاجزه ارفعهم |(_ _ )

[.Atlas.]

والله الدلع..انت وياها
بعض المانجات مافية أمل تحصلونها بالإنجليزية أو العربية واغلبها بدى يصير نادر!فليش الواحد ما يستغل هالفرصة؟..الخوف بس ان ترجمتهم تكون مو دقيقة
تدرون شنو السيء في الموضوع هذا كله بالنسبة لي؟ ..ان مالي بالـebay
T__T

آه لو ألقى مانجات الانيمات القديمة .. يعني ليدي ليدي - رانزي - كبامارو .. خصوصاً ليدي .. واضح إنه رسم المانجا روعة .. أي أحد عنده مانجا كاندي أو جورجي يزودنا فيه لو ما عليه أمر ^^ .. أنا كان عندي موقع حق كاندي بس مايشتغل ألحين .. ودي أقراها -___-

اذا مو مشكلة عندج انها تكون بالياباني..دوري بالـEmule
برنامج مشاركة تلقين فية كل انواع المانجا القديمة ..عن طريقه قدرت احمل مانجا ليدي اوسكار وقلب توماس بالكامل..بس على ما اعتقد اني شفت مانجا كاندي في قناة اللورك @__@

[abdulaziz1]

Gantz .. ترخصت ولا لا؟ ولو ترخصت كيف ترجمتها ؟ يجي منها ولا ماش ؟ ~_~

وThanx مقدما ^^

وصح .. محد فيكم قرا ديبر كيو ؟

[kaddam]

Gantz .. ترخصت ولا لا؟ ولو ترخصت كيف ترجمتها ؟ يجي منها ولا ماش ؟ ~_~

وThanx مقدما ^^

وصح .. محد فيكم قرا ديبر كيو ؟

كح كح كح كح كح كح
من وين ظهر هذا؟؟؟
وايوه انا قريتها
او جزء كبير منها

[silver diamond]

السلام عليكم ^^

كيفكم يالحلوين ^^


المهم نرجع للحماس :P

الحين انا محتار فأي مانجا ابدأ يعني قريت كم مانجا على بعضها
حدود العشره << اجل ما قريت شيء :S

تعرفون مانجا اسمها NANA؟؟
سمعت انها جيده صح ؟؟!!!!!!!
يعني وحده مدحتلي هيا .... شوية وتبكي على المانجا :S
فأذا احد يعرف هذي المانجا وقيد قرأها يقلي رأيه فيها ..... وياليت لو يقلي عن اجمل مانجات قرأها

وتشكرات جميعاً ومقدماً

[abdulaziz1]

السلام عليكم ^^

كيفكم يالحلوين ^^


المهم نرجع للحماس :P

الحين انا محتار فأي مانجا ابدأ يعني قريت كم مانجا على بعضها
حدود العشره << اجل ما قريت شيء :S

تعرفون مانجا اسمها NANA؟؟
سمعت انها جيده صح ؟؟!!!!!!!
يعني وحده مدحتلي هيا .... شوية وتبكي على المانجا :S
فأذا احد يعرف هذي المانجا وقيد قرأها يقلي رأيه فيها ..... وياليت لو يقلي عن اجمل مانجات قرأها

وتشكرات جميعاً ومقدماً

أقرأ Samurai Deeper Kyo ..

[Sakura A.S]

السلام عليكم و رحمة الله و بركاته

silver diamond

تعرفون مانجا اسمها NANA؟؟
سمعت انها جيده صح ؟؟!!!!!!!
يعني وحده مدحتلي هيا .... شوية وتبكي على المانجا :S
فأذا احد يعرف هذي المانجا وقيد قرأها يقلي رأيه فيها

أنا قرأت 9 شباتر منها, و إلى الآن القصة حلوه, دراما جميلة, الرسم رائع, بس حسيت أن جوها جدي "أول مرة أقرا مانجا كل شخصياتها في المرحلة الجامعية".
بالنسبة لي فالمانجا جيده, و ناوية أكملها في الصيف.

وياليت لو يقلي عن اجمل مانجات قرأها

معظم المانجات اللي قرأتها شوجو "إن ما كانت تقريبا الكل".

فإذا تبي شوجو فأنصحك بالآتي:
D.N.Angel (مانجا شوجو شونين, قصتها حلوه, رسمها عذاب, تتابع الأحداث جيد, بس عيبها أنها ما أكتملت و العمل عليها متوقف من سنتين)
Fruits Basket (أفضل مانجا قرأتها في حياتي, رائعة في كل شيء قصة شخصيات دراما "الدراما لوحتها عالم ثاني", مانجا تدخلك عالم ثاني, و هي تعتبر من أفضل مانجات الشوجو).
Full Moon wo Sagashite (ممكن اعتبرها ثاني أفضل مانجا درامية قرأتها, بس بدايتها ما كانت قوية, و نهايتها كانت غير منطقية شوي, مع ذلك فهي من أكثر المانجات اللي أستمتعت بقرأتها)
Hana Kimi إذا كنت تبي تضحك و تبي قصة حلوه و أحداث قوية فما لك غلى هذه المانجا (المانجا من نوع الcroos-dressing اللي أموت فيه) و هي من المانجات اللي سهرتني الليالي من كثر الحماس, بس للأسف فيها عيب واحد (أن فيها مشاهد Yaoi بين بعض الشخصيات الفرعية....)
Mekakushi no Kuni مانجا فانتسي دراما كوميدي, للأسف غير معروفة, بالرغم من قصتها الحلوه الخارجة عن المألوف, الرسم جيد و إن كنت أفضل رسم العمل الجديدة اللي من نفس المانجكا.
Nine Puzzle مانجا قصيرة "غير مكتملة" تتحدث عن رياضة البلياردو, صراحة رسمها اللي مرة كيوت كان السبب في تحميلي للمانجا, و فجأة لقيت نفسي منشده لها, و أصبحت أهتم برياضة البلياردو كثيرا "بس للأسف ما أعرف ألعبها كويس"...
Ouran High School Host Club كمان مانجا رائعة, من نوع الcroos-dressing كوميدية لأبعد الحدود, إذا كنت مهموم فعليك بهذه المانجا حتنسيك الدنيا.

إذا تبغى شونين فأنصحك بمانجا
Black Cat مانجا قوية مليئة بالأكشن و الفانتسي, القصة حلوه, رسمها متقن رائع, و حركات الأكشن واضحة ما حتتوهك

((ملاحظة قد تلاحظ أن كثير من المانجا اللي ذكرتها لها أنمي, بس بالنسبة لي و لكثير من الفانز المانجا كانت أفضل بكثير و بها النهاية الأصلية اللي ألفوها في الأنميز))

أتمنى أن أكون أفدتك "مع أن القائمة شوجو, و ممكن ما تعجبك"

سلام

[silver diamond]

أقرأ Samurai Deeper Kyo ..

شيئ جميل سمعت عن هذي المانجا ^^
شكراً على المعلومة ^^

=======

Sakura A.S

السلام عليكم و رحمة الله و بركاته

وعليكم السلام والرحمة ^^

اهلا بساكورا ^^

أنا قرأت 9 شباتر منها, و إلى الآن القصة حلوه, دراما جميلة, الرسم رائع, بس حسيت أن جوها جدي "أول مرة أقرا مانجا كل شخصياتها في المرحلة الجامعية".
بالنسبة لي فالمانجا جيده, و ناوية أكملها في الصيف.

ههههه لازم الواحد ينوع ^^
وسمعت ان ترجمتها بطيئة نوعاً ما ولسع ما اكتملة من الاخت دريمر ( عضوه فمنتدى ثاني :P)

معظم المانجات اللي قرأتها شوجو "إن ما كانت تقريبا الكل".

همممممم لا بأس بالشوجو ^^ وخاصة اني من النوع الي متنوع الذوق ^^
من الممكن انك تجديني اقرأ مانجا بيرسك ثم بعدها اقرأ مانجا angel_densetsu
يعني الذوق عندي متنوع والحمدلله ^^

Fruits Basket(أفضل مانجا قرأتها في حياتي, رائعة في كل شيء قصة شخصيات دراما "الدراما لوحتها عالم ثاني", مانجا تدخلك عالم ثاني, و هي تعتبر من أفضل مانجات الشوجو).

جميلة هذي المانجا وبالفعل من اجمل المانجات الي قرأتها ^^

((ملاحظة قد تلاحظ أن كثير من المانجا اللي ذكرتها لها أنمي, بس بالنسبة لي و لكثير من الفانز المانجا كانت أفضل بكثير و بها النهاية الأصلية اللي ألفوها في الأنميز))

الشيئ الذي يدفعني لقراءة المانجا هو نكهت القصة الأصلية والسماح للخيال باخذ دوره ^^

أتمنى أن أكون أفدتك "مع أن القائمة شوجو, و ممكن ما تعجبك"

بصراحة اعجبتني منها كم مانجا ويمكن اخذ منها مانجا Hana Kimi ^^

ومشكورة يا قمر على التعب وما قصرتي والله ^^