الموضوع الرسمي MGO β (ديمو) تمت التجربة : الإنطباعات بالرد 105 - تم إغلاق السيرفرات

[Dr-CuTe]

شباب
3bood
جالس العب

[thaer89]

دخلت تدريب و بدي ادرب

[thaer89]

يا اخوان تحكم صعب فوق اني ما بخب العاب زي هيك وكمان تحكم ايد صعب

[DREEMOO]

مو لاقي الديمو ،

ياليت احد يقولي وين القاه

[Mr.X]

احس ان ما فيه فايده من اننا نعرف اسامي بعض
يعني شلون نلقى بعض بالديمو ؟؟

جتني فكره بما انها فيها كلانات ,, وشرايكم كلنا يالـ 17 شخص نصير فريقين أو اكثر من فريق أو كلان ؟

[thaer89]

اتصال بضل يقطع في حدا ضار عنده نفس اشي

[مشاغبي نت]

يا اخوان ارجوكم ساعدوني انتو كيف عم تلعبوا؟
انا عملت حساب konami id و game id وحصلت على الكود وقمت بتحميل اللعبة من store الياباني وحملت للعبة وقمت بعمل تحديث للعبة 1.2 ولكن ما اقدر اعمل اتصال بسرفير دائماً تظهر لي رسالة
unable to connect to the server ob-0000006
وايضاً جربتها مع حساب اوربي ونفس مشكلة

ارجوكم ساعدوني

[Dr-CuTe]

شباب سوو كلان

[thaer89]

طيب انا راضي اعملو كلان سمو منتدى

[Urahara Kisuke]

اللعب رهيب فيه بس التحكم صعب

mazen

[meshale]

الصراحه اللي ما عجبتني الteam death match مايمديك تلعب الا خلص كل فريق له 15 ذبحه شي غريب والله او الجرافيكس ممتاز بس توقعت ان اقوى او توقعت الجرافيكس اقوى من uncharted

GameID:kwt_resistance

[solid 2005]

شركه متخلفه من الساعه 8 الصبح لحد الحين مو قادر اسوي ابديت .. المفروض السرفرات اشتغلت و انزل الابديت من سرفراتهم

[son of cid]

اختار بير تو بير وراح ينزل عندك في نصف ساعة بالكثير..
إذا ما نزل فالمشكلة من عندك..

[solid 2005]

اختار بير تو بير وراح ينزل عندك في نصف ساعة بالكثير..
إذا ما نزل فالمشكلة من عندك..

سويت و وصل لحد 57 % و توقف مو راضي يتزحزح منها من الساعه 8 الصبح

[Snake-87]

خلصت التريننج كله وفصفصت التحكم عدل مدل .

إنطباعاتي :

- الرسم جيد جدا ومتحسن عن آخر عرض طلع بوايد .
- الحركة روووعة والكنترول واجهت صعوبة فيه لأني متعود على الأجزاء القديمة ... بس بالنهاية عرفت له صح .
- الأسلحة تقدر تعدل عليها .
- الي سأل عن المحادثات فيه محادثات صوتية .
- بالبداية تقدر تصمم شخصيتك ولبسه والوانه واكسسواراته .. بعدين تختار صوته من عدة اصوات .. بعدين تختار حدة الصوت (WoW) ناعم وإلا خشن وله طبقات .
- تسويلك نك نيم غير كونامي والبقية .
-لما تضغط R2 مدة معروفة تطلع لك لستة الأسلحة وL2 لستة الآيتمز .. لما تضغط R2 لمسة وحدة يبدل السلاح إلى السلاح التالي .. وتقدر تختار ترتيب الأسلحة . وتقدر تخلي الستايل القديم (لمسة تشيل السلاح واللمسة الثانية ترده ) بس ما يسوي ريلود مثل قبل .
- R1 ضربات الـMelee .. و تدخلك على الـCQC إفرض عندك المسدس تقدر كالعادة تسوي الخصم رهينة وتطلق ... بس لما تختار رشاش M4 على ما اعتقد وتروح تسويله CQC راح يطقه بحركة يديدة ماشفتها بالعروض ويرجعه لي ورى ويخليه Off Gard لمدة محدودة .
-تقدر تمسكه وترقعه بالأرض مثل السابق (MGS3) .
- تقدر وانت خانقه تنزله بالأرض وتكتم نفسه ... أو تسدحه (R1 + يمين او يسار) وانت بالأرض (مثل الحركة إلي بالعرض) استمر بالضغط لما يفقد وعيه .
-إذا كنت جالس وضغطت L1 (سي كيو سي) راح يقوم يسحب الجندي وتقعده بالأرض معاك .
- لما تضغط X راح يجلس ولما تستمر ينسدح .. بعد ما ينسدح إضغط مثلث راح ينسدح على ظهره .. ولما تضغطها مدة طويلة راح يخلي نفسه ميت (ظهر أو بطن) .
- لما تكون منسدح طق مثلث وشكل عليها وروح يمين أو يسار .. راح يتدحرج بالأرض (بس بطيئ مو مثل العرض).
- لما تقوم من الأرض عدلوها حييييييييل ... لما تكون منسدح بالأرض وتقوم (MGS3 ) كنت تضغط X مرتين بعدين يقوم .. الحين لأ .. إضغط X وانت تركض .. راح يحط إيده على الأرض ويركض وهو منحني (بسرعة) مو مثل قبل .
-طبعا لما تكون قاعد وتمشي راح يكون ماشي وهو منحني .
- دققت على شغلة .. طلقات الشوت جن الموجودة بالأرض استمرت مدة طويلة وما اختفت !!! ما ادري متى تختفي هذا إذا كانت تختفي
- ضربتين من الشوت قن تقتل الخصم (من قريب).. إذا صوبت على الجهة العليا من جسده راح يطير من قوة الضربة .. وأي سلاح لما يحوش الراس بطلقة وحدة (يموت طبعا ) .
- لما تركض وتضغط X يتدحرج وإذا استمريت ينسدح (قديمة) .
-زر L1 هو زر اللوك .. لما تضغطه يسويله auto aim على القريب منك ..لما تضغط مربع راح يحول الكاميرا فوق كتفك ..ولما تضغط R3 يبدل من يمين إلى يسار .. ولما تضغط مثلث راح يحولك إلى FPS المنظور الأول ..(تقدر بالاوبشن تختار لما تضغط L1 يحول تلقائي FPS) .
-جميع الكاميرات تقدر تغير سرعتها بالخيارات ( الكاميرا العادية - الكاميرا فوق الكتف - سرعة المنظور الأول) .
- لما تضغط R3 راح ترجع الكاميرا وراك . . . لما تضغطها مرتين متتاليتين راح ترجع الكاميرا الأساسية .
-لما تلصق بالجدار إضغط مثلث .. وروح آخر الجدار راح يطلع .. صوب وراح تقدر ترمي وترجع .ولما تضغط R1 يطق الطوفة ويطلع صوت .
- في خيار ممتاز جدا بالاوبشن .. لما يكون اللاعب واقف وانت تحرك الكاميرا الجهة الثانية (المعاكسة مثلا) وتضغط L1 للتصويب .. راح يلف دورة كاملة أو مهما كان ويصوب إتجاه الكاميرا .. تقدر تخليها العكس الكاميرا بس للرؤية ولما يصوب يصوب مكان ما كان ( على وضعيته وليس وضعية الكاميرا) . خيار قوي حده .
- لما تضغط مثلث جنب ربعك راح تستخدم SOP وتعرف مكان ربعك وين ماكانو. وتقدر تشوف معلومات وحوسة عن إلي ضدك .
- لما تكون تتسلق سلم وتوصل فوق تقدر ما تصعد وتتمسك بالحافة إلي جنب السلم وتروح الصوب الثاني وتصعد (تفيد إذا واحد ينطرك عند السلم تروح له من وراه) .
- لما تكون متعلق بحافة ما تقدر تحول FPS وترفع نفسك وتطل مثل قبل .
- إضغط مثلث مدة يعطيك تحية xD .
- بالمنظار تقدر تمشي وانت ماسكه والزوم تسويه بالأسهم .
- بالـFPS الأسهم راح تفيدك أيضا بالتحرك .
- القنابل رووعة المؤشر مالها يعطيك 5 امتار قوة الرمية (ما ادري إذا اقدر ازيد) .
- الـC4 تقدر تلصقه بالخصم تسوي Lock بعدين R1 وإذا تبي تفجره إضعط دائرة .
- يوجد صناديق مبعثرة بالمرحلة علشان يشتتك ماتدري هالصندوق فيه أحد وإلا فاضي .
- البرميل لما تتدحرج فيه وايد طبعا عزكم الله **** .
- لما تضغط SELECT يحطون لك 4 خيارات (دفاع - هجوم - ...) وكل وحدة داخلها 4 اوامر تقولها شخصيتك بالصوت إلي اتخرته بالبداية .
- تقدر تسخدم الكيبورد .
- تقدر تسويلك إختصارات للكيبورد F2 مثلا يعني كلمة معينة .
- إضغط SELECT مدة طويلة وراح يتفعل المايك .
- لما تكون متعلق وتطيح شوف البطئ بالطيحة كأنه واقعي فعلا .
أتمنى إني ما نسيت شي .. بروح أكمل لعب
الأونلاين :
ما لعبت إلا جيمين وطلعت .. ما اقدر احكم .

اسمي Snake87 ضيفوني .