نبدي قسم جديد من الشرح ... و هو المؤثرات النصيه بالأكشن سكريبت
اولا احب أقول ... ان هاذا الشرح هو شرح شخص هاوي لا أكثر و لا اقل .. ينقص كثير من الدقه لإنه مبني على خبره شخصيه و عبث و مواقع انترنت
عرض الفلاش مثل المسرح
و كإنك تصيغ نص و حوار ... هاذا النص ينفذه الفنانين ... و الفنانين لهم زي و مظهر و قدرات خاصه تميز كل واحد فيهم .. و كل فنان له دوره اللي يناسبه بالتحديد
و كل الفنانين يمثلون المسرحيه داخل خشبة المسرح ... اللي ديكورها يكون شكله جميل حسب ذوق مهندس الديكور و المخرج و المنفذ
و لكل مسرحيه عدة فصول ... تنتقل من فصل إلى الفصل الثاني حسب احداث القصه
مرات تكون المسرحيه هي نفسها كل مره تنعرض بنفس الشكل و الكلام تماما ... ما تتغير
لكن بعض المخرجين يسمحون للمثلين بالخروج عن النص ... يعني في كل مره تشوف المسرحيه راح تلاقي أشياء كثير تتغير في كل مره تنعاد فيها المسرحيه
الحين يمكن وضحت الفكره .... و هي مثل فكرة و مبدأ عرض الفلاش
الـ Movie clips,Buttons,Graphics هم الممثلين و لكل واحد ميزه فريده مو موجوده عند الثاني
الـ TimeLine (شريط التوقيت) اللي دوره مثل دور النص و الحوار المكتوب بالمسرحيه ... يعني ينسق الأحداث حسب الزمن و القصه
الـ stage و هو الماكن اللي تدور فيه كل أحداث القصه و المسرحيه .... يعني هو خشبة المسرح بإختصار
و الـ scenes و هي فصول المسرحيه .. و ممكن تكون المسرحيه فصل واحد بس
أما اهمممم جزززززء هوووو :! المخرج و المنفذ و مهندس الديكور و الإضائه و الكاتب اللي هو انت يا شاطر
و ممكن يكون عرضك بمنتهى الروعه و يطير العقل :واو: ... و ممكن يكون حيل بسيط :6
المثال اللي راح نشرحه ... هو كيف تعمل مؤثر بالفلاش ... مثل المؤثرات اللي شفناها بالصفحه اللي قبل هاذي
و راح نستخدم ملف فلاش خام ... نشكله مثل ما نبي و نعمل فيه المؤثر اللي نبيه
ها الملف الخام موجود فيه الكود كامل لكن ينقص بس الحركه و المؤثرات اللي انت راح تسويها فيه و تحفضها
و راح نعرض الطريقه كامله خطوه خطوه و بتكون النتيجه ها الفلاش البسيط هاذا ... ( الفلاش للتوضيح فقط ... يعني مو متعوب عليه :6 )
و راح تكون النتيجه ها الفلاش هاذا
<embed width="510" height="100" src="http://members.lycos.co.uk/mzm3/Basic_t1.swf" type="application/x-shockwave-flash">
تابع الشرح و راح يوضح الكلام
هذا هو الملف الأساسي ( الخام) حق المؤثرات النصيه ..اضغط هني
الحين راح نفتح ملف المؤثر بالفلاش ( خزنه من الرابط و شغله بالفلاش )بعد ما تخزنه من المنتدى
((( مع خطوات الشرح راح يكون فيه تعريف بسيط للنوافذ و الادوات اللي راح تبان معانا بالشاشه ...
مع بعض الافكار اللي ممكن تغير مسار الشرح و اللي راح يكون لون الخط فيها أزرق ..للعلم بالشي لا اكثر و لا اقل.. و تبسيط الأمور .. يعني ممكن تتجاهلها )))
اولا افتح البرنامج و روح لـ File
بعدها Open
التعديل الأخير تم بواسطة MZM ; 01-11-2002 الساعة 09:20 AM
تلاقي بالنص حرف w .... و بشريط التوقيت فيه طبقتين
الأولى طبقه للكود ( خاصه بالسطور البرمجيه اللي تحرك المشهد و تخلي فيه حياه ..و إستجابه وردود الأفعال )
و الثانيه طبقة العرض الرئيسي اللي فيها يكون الصور او الحروف او مقاطع الفيديو ( الممثلين .. ابطال المشهد :6 )
و لاحظ وجود نافذه على اليمين المحدد بالإطار الاحمر ... إسمها المكتبه (Library)..
و يكون فيها كل الـ Movie clips,Buttons,Graphics (الممثلين )اللي انت مسويهم بها الملف الفلاشي
لنافذة الـLibrary فايده حلوه و سريعه و هي انك كل ما حبيت تنادي اي Movie clips,Buttons,Graphics من اللي انت مسويه ...
ما عليك إلى انك تختار الإسم و تسحب العنصر بالماوس و تحطه بالمشهد سيده و بكل سهوله بالمكان اللي تبي
تأكد إن ها النافذه ظاهره عندك
و طبعا يندرج تحت قائمة الـ Window كل النوافذ اللي انت تحتاجها على حسب رغبتك
أكيد بعضها يكون ظاهر و بعضها يكون مخفي .... لكن المهم انك الحين عرفت شلون تناديهم و شلون تخفيهم بمجرد انك تروح للـ Window
بعدها للـ Panels
و بعدها تختار النافذه اللي تبيها و اللي راح تسهل عليك شغلك حيل
ها النوافذ راح تعرف فايدتهم بشكل اوضح مع الإستخدام
مثلا و بختصار
نافذه الـ Instance خاصه باسماء العناصر (Movie clips,Buttons,Graphics) و تعريفاتها و مؤثراتها ..
و نافذة الـ Info من اسمها واضح انها نافذه خاصه ببيانات و خواص العنصر .. مثل ابعاده (طول و عرض)و موقعه داخل المشهد ..و تحديده و تلوينه شلون صاير
و نافذة الـ Character الخاصه بعرض بيانات النصوص و تعديلها من ناحين تباعد الأحرف و السطور و نوع الخط و تنسيق الفقرات و نوع الحقل النصي نفسه هل هو نص ادخال او نص ثابت ما يتغير
و نافذه الـ Mixer اللي يتم فيها خلط الألوان و تنسيقها على شان تلون فيها اي عنصر تبي ... و هي مهم و لها دور كبير
هاذي بإختصار هي اهم النوافذ
و هو الملف حق المؤثر
بعد ما فتحناه .... لازم نحدد ابعاد ( طول و عرض ) عرض الفلاش النهائي اللي نبي نسويه و ننتجه
طبعا طول و عرض الفلاش لازم تحدده بأول خطوه علي شان تقصص الصور(بإستخدام الفوتوشوب مثل ما عرفنا بالخطوات الأولى بالموضوع)اللي تبي تعرضهم بالفلاش على حسب ابعاد عرضه
و يساعدك بإنك تكون علي بيّنه انك كل شغلك داخل نطاق محدد ...و لا تتعدى حركة عناصرك و مؤثراتك حدود العرض اللي تبيه
و بعد تحدد سرعت العرض
و لون خلفية المشاهد
على شان تسوي ها الأمر ... روح للـ Modify
بعدها للـ Movie
الـ Frame Rate خاص بسرعه العرض الفلاشي ( التردد .. كم Frame لكل ثانيه ) و لها الخاصيه دور كبير بنعومة العرض ... يعني كل ما قل الرقم تصير حركة العرض مقطعه و شكلها مو حلو ..و كل ما كبر الرقم تصير الحركه ناعمه و شكلها حلو
أضن رقم 20 او 30 حيل مناسب :6
الـ Dimensions و هي ابعاد المشهد ... الطول و العرض ( بالبكسل طبعا )
و الـ Background color الخاص بلون خلفية الشاشه
ضبط بالعرض الفلاشي حسب اللي تشوفه مناسب لك
و لما تخلص ..لاحظ وجود زر اسمه Save Default ها الزر يحفض تضبيطاتك اللي سويتها الحين بحيث انك كل ما تدخل الفلاش مره ثانيه تلاقيهم مثل ما انت الحين مسويهم
يعني تحفض لك إعداداتك الأخيره و تخليها دوم موجوده ما يحتاج تغيرها من جديد مره ثانيه
بعد ما ضغطت اوكي راح تشوف المشهد صغر
المستطيل الأسود ( حسب لون الخلفيه اللي اخترته انت ) صارت ابعاده مثل اللي حددناها تمام
هاذا هو حجم العرض اللي راح نسويه ... شي صغيرون على قد الحال .. يصلح توقيع :6
طبعا فيه شريطين تمرير طولي و عرضي مثل ما هو باين بالصوره تحت و مشار لهم بالاحمر ..
حركهم حسب اللي تشوفه يناسبك و يسهل عليك الشغل .. يعني خل جزء كبير من العرض واضح قبالك
و لاحظ بعد موقع العنصر ( حرف الـw) بنص المشهد علي اليسار
إذا كان العنصر مكانه مو تمام
ما عليك إلى انك تضغط على النقطه السودا (اللي تحتوي العنصر او الشكل)بشريط التوقيت بعدين تسحب الشكل (حرف الـw)وين ما تبي ... :6
او انك مباشره تمسكه بالماوس و تحركه
الحين بدى الشغل الحلو
داخل نافذة الـ Library
فيه شي مكتوب عليه ممنوع اللمس :6 .... بإختصار ممنوع اللمس ( لإن ها الملف مربوط بالسطر البرمجي حق الكود )
و فيه بعد الكليب المتغير
هاذا الكليب هو اللي تحط فيه الحركه اللي تبيها و اللي انت تتصورها بخيارك
بعدين الكود (اللي موجود بطبقة الكود ) راح يتعرف على ها العنصر توماتيكي توماتيكي ههههههههههههههههههه ... و ينسخ لك ها الحركه على كلللللل الحروف الباقيه
بحيث المؤثر يطلع بشكر متواصل على كل الجمله النصيه بشكل اكثر من رائع
طبعا الكل فهم الفكره ان شاء الله
أحس طلعت لي قرون ":" :6 لإن ها الخطوه هي اساس الإبداع كله ... و مافيه حدود للخيال
فـ شد حيلك يا حلو و ورينا ابداعك
على شان تغير بالـ ( الكليب المتغير ) اضغط عليه دبل كليك
( طبعا اضغط على الرمز الأزرق اللي جنب كلمة ( الكليب المتغير ) مو تضغط حروف الكلام ...هههههههههههه لإن كثير يسوون ها الغلطه )
الحين فتح معاك الكليب المتغير
لاحظ فوق اننا انتقلنا من الـ scene1 إلى الكليب المتغير ... مؤشر عليهم انا بالدائر الحمرا للتوضيح ... ها السطر يبين لك مكانك وين بالضبط بالفلاش
يعني حنا الحين داخل الكليب المتغير .... لو بغينا نرجع للمشهد الرئيسي الـ scene1 .. ما عليك إلا انط تضغط على الـ scene1
لاحظ انه كليب خالي ...مافيه بشريط التوقيت اي أحداث و نقاط سود
يعني كليب خام ...تقدر تشكله فيه مثل ما تبي داخل الـ Layer1
و حنا راح نعرض مثال عن طريقة عمل كليب بسيط ... و ها الحركه اللي راح نسويها ما ننسى انها راح تنسخ و تتكرر على كللللل الحروف بالكلام اللي راح نعرضه بالفلاش بشكل نهائي
يعني نعنش خيالك يا حلو شوي و إعمل حركه حلوه مو متشربكه :6
طبعا ها الخطوه تعتمد على ان تكون عندك خلفيه بسيطه بالفلاش و كيف تعمل كليب على حسب خيالك للحركه
روح لمواقع الإنترنت و قوي ها الخلفيه عندك بشكل كبير ... و راح صج صج تبان النتايج بشكل قوي مع ها الكود القوي اللي بها الملف الفلاشي
شوف الصوره و الملاحظات اللي فيها
على شريط التوقيت فيه بيانات مهمه
التوقيت الحقيقي لعرض الفلاش ( نقطه مهمه حيل انك تراعي التوقيت ... خصوصا لو انت العرض عندك يعتمد على التوقيت بالاحداث ..و ها التوقيت هو التوقيت الحيقي للعرض النهائي)
الحين نبدي بعمل الكليب و الحركه اللي راح نستخدمها كمؤثر نصي
هاذا طبعا مثال بسيط جدا جدا
المهم ... نبدا :6
إضط بالزر الايمن للماوس على الـ Frame اللي التوقيت فيه يصير 0.5 ثانيه ((( هاذا مثال فقط لعمل كليب .. يعني انت مو مجبر تسوي مثله تمام ..)))
راح تطلع لك نافذه اختار منها Insert KeyFrame ( يعني حط لي نقطه سودا ...و ها النقطه هي مفتاح يحفظ وضعية و خواص العناصر بها الزمن بالتحديد داخل ها الـFrame)
فنان مبدع
.. ينقص كثير من الدقه لإنه مبني على خبره شخصيه و عبث و مواقع انترنت
... يعني ينسق الأحداث حسب الزمن و القصه
