السلام عليكم...
حبيت اوضح لكم بعض النقاط الضرورية بالمنتدى....
1- اول شي احب اتكلم عنه هو المواضيع المنقوله....ما شاء الله....فيه بعض الاعضاء عندهم نشاط زايد في منتدانا....يصك لك 10 مواضيع في نص دقيقه....طبعا كلها كوبي بيست..(وفي رواية اخرى منقوووله)...بس العجيب ان اغلب هالمواضيع ما يكلفون نفسهم هالاعضاء اللي ناسخينها ويكتبون كلمة (منقول)...وش بيضركم اذا كتبتوا هالكلمة في آخر الموضوع المنقول...والله ما تحسون بقهر الكاتب المسكين اللي تتكسر اصابعه على الكيبورد وهو يكتب الموضوع...وآخرتها ينزرف بدون لا احم ولا دستور....
الزبده...اي موضوع منقول لااااازم...واكررها مرة ثانيه...لاااااازم.....ان تكتب فيه على الاقل كلمة (منقول)...واذا ما كان عليك كلافه...ما راح يضرك لو تقول لنا اسم الكاتب (تقديرا لتعبه)....
واللي ما يكتب هالكلمة...بننبهه اول مرة....ونحذره في المرة الثانيه....بس في الثالثه....ايقاف بدون اي تفاهم...
---------------------------------
2- تقسيم المنتدى....الظاهر المنتدى فيه 3 اقسام....(الصرقعه-النكت-الاصدقاء)...وما اتوقع اننا قسمناها عبط....المفروض كل قسم يكون له مواضيعه الخاصه من حيث النوع...لأنه بصراحه شايف ان الاقسام الثلاثه لها نفس المواضيع تقريبا حتى انه بعض المواضيع مكرره في اكثر من قسم وهذا غلط×غلط....اجل وش استفدنا من التقسيم....الفرق الوحيد بينهم هم الاعضاء اللي يردون....يعني في منتدى الصرقعه تلقى فيه مجموعه من الاعضاء ما يردون الا على مواضيع الصرقعه....والنكت فيه بعض الاعضاء ما نلقى ردودهم الا هناك...ونفس الشي منتدى الاصدقاء....
الحل....
باعطيكم التقسيم المفترض للمنتديات الثلاث....وانتم وزعوا مواضيعكم على حسب نوعها....
(منتدى النكت والقصص الخياليه) : هنا تقدر تحط اي شي...حتى مواضيع التشات...سوي تشات...اكتب مواضيع منقوله...حش في اعضاء...اكتب نكت..سوي اللي تبغى...
(منتدى الاصدقاء) : هنا نحط مواضيع التعارف بين الاعضاء...مواضيع الترحيب والوداع...اذا واحد يبغاني نبارك له على شي...مثلا وصل ل1000 مشاركه...او نجح...او...او...او.....غير هالمواضيع...فيه عندكم قسمين كل واحد احلى من الثاني اكتبوا مواضيعكم فيها....
(الصرقعه) : هنا....للمواضيع السبشل....يعني مواضيع منقوله بنرسلها لمنتدى النكت...مواضيع تشات على طووول حذف...مواضيع مكرره تتقفل بدون اي كلام....بس المواضيع المتعوب عليها....اي شي من افكارك او انت مشارك فيه...وتحس انه حلو...حطه بالصرقعه...
الظاهر التقسيم واضح...واي واحد فيكم بيكتب موضوع يشوف وش نوعه...وعلى حسب نوعية الموضوع يحدد اي منتدى يحطه فيه....
---------------------------------
3- الممنوعات...يمنع العلك والفصفص والجوال و....<--- متعقد من المدرسة
نجي للجد...يمنع منعا باتا المواضيع الشخصيه (يعني تكتب...الى العضو الفلاني...وتسأله سؤال او تقول له شي شخصي) <--- هالمواضيع بتتقفل لأن مكانها الرسايل الخاصه....طبعا هالشي شامل كل الاقسام....
---------------------------------
عارف اني طولت عليكم....بس عشان محد يزعجنا اذا تقفل او انحذف موضوعه ويقول انه ما درى <--- الموضوع موجود في كل قسم ومثبت
ايه تذكرت...اي واحد عنده اعتراض او استفسار يتفضل يرد...اما اللي بيستهبل او يكتب رد ماله علاقة بالموضوع بينحذف رده.....
