كيف اشتري من Amazon ?

[looooo25oooool]

بسم الله الرحمن الرحيم

السلام عليكم ورحمة الله وبركاته :
انا في السعودية (الرياض) وابي اشتري من امازون بس مثل ما انتم عارفين ان امازون مايوصل للسعوديه وودي اشتري منه ضروري ، سمعت ان في طريقه اسويها من ارمكس لكن مافهمت شي فياليت اللي جرب يعلمني الله يخليكم لو تعلموني التكلفه والطريقه ، ياليت اللي يعرف يساعدني ولو بكلمة .

[Gentleman]

وعليكم السلام ورحمة الله وبركاته ..

الطريقة سهله اخي يجب عليك الاشتراك بشركة شحن توصلك القطعه من المكان ( امريكا على سبيل المثال ) الى بيتك .. فتضع عنوان التوصيل في موقع امازون العنوان الذي يعطونك اياه شركة ارامكس .. وستصلك البضاعه في بيتك .. لأي استفسار آخر تستطيع زيارة الموقع الرئيسي لشركة ارامكس www.Aramex.com ..

وشكرا ..

[looooo25oooool]

شكرا اخ
Gentelman

[looooo25oooool]

اليوم دخلت موقع امازون واشتريت منه من غير بريد من ارامكس ولا شي ، مجرد اني حطيت الدوله "السعودية" وحطيت عنوان بريدي في السعوديه و مشت الامور تمام وهذي صوره
http://www.arabsupload.com/download....cal=x646d4829b

انا صراحه مو مصدق ؟!!

[Gentleman]

لا اعتقد انه الموقع يقبل التوصيل الى السعوديه .. وستصلك رساله عن قريب تفيد بآنه الطلب لا يمكن توصيله الى بلدك ..

عموما اتمنى لك كل التوفيق وأبلغنا عن النتائج ..

وشكرا ..

[][-][Mr.ZeNoN][-][]

تشتري بالفيزا كارد ويوصلك الشحن بالفيدكس..

ماأعتقد إنه مشكله طالما إنه نظام الـpaypal

والله أعلم..

[looooo25oooool]

انا ما سويت هالحركه الا لمى شفت اكثر من واحد في الانترنت قال انه اشترى من امازون مباشره فرحت اجرب و ظبطت مع العلم اني شفت كم واحد قالو انه مباشره طلعلتهم رساله تفيد ان امازون مايرسل للسعوديه ، عموما انتظر واشوف آخرتها

[looooo25oooool]

ابشركم وصلني الكتاب قبل كم يوم ، لكن اكتشفت ان امازون مايوصل للسعوديه مباشره إلا الكتب بس !

[Gentleman]

متأكد انه امازون يوصل الكتب للبلدان العربية بدون الاشتراك مع شركة شحن ..؟؟

وشكرا ..

[looooo25oooool]

انا بالسعوديه (الرياض) وطلبت كتاب ووصلني ، طبعا يوم جربت اطلب اشياء ثانيه مباشره طلعلي رساله بالحمر تفيد انه مايوصل هالاشياء للسعوديه
---
بأختصار هذي ثلاث صور لطلب الكتاب :



---
طبعا اذا طلبت شيء غير الكتب تطلعلك هذي الرساله :

---
اختصار الموضوع لو قبل طلبك معناه انه يوصل ، لكن تراهم مايوصلون إلا الكتب ، عموما ترى عندهم كتب رائعه خاصه لأصحاب التخصصات العلميه لأن مثل ما انتم عارفين مكاتبنا ماتجيب شي من الكتب الانجليزيه
اما بخصوص قيمة التوصيل اللي ياخذها امازون فهي برأيي رخيصه جدا مقارنه بـ ارمكس

[z.o.e]

شوف ياخوك أنا عندي لك كتاب شرح صغنطوووط فيه الشرح الكافي والوافي لأسألتك وإنشالله يكون فيه الفايده لك وللجميع لكيفيه الشراء من أمازون وغيره من المواقع المعروفه وكيف تفتح لك صندوق بريد في أمريكا عن طريق أرامكس وأسعار الشحن وغيره الكثيييييير عالعموم أنت إقراه وإدعيلي...

موجود هنا....
http://www.0sss0.com/up/download.php?file=scS10816.zip

ودمتم سالمين.....

[][-][Mr.ZeNoN][-][]

فيه مواقع بيع سلع غير الأمازون؟؟

[صلاح9]

أمازون يرسل بعض الامور الى خارج امريكا مباشرةً

[Dapoo]

صارلي سنتين اشتري من امازون

بس الموقع ما يرسل خارج امريكا كل شي بس بعض الاشياء مثل الكتب والافلام
http://www.amazon.com/gp/help/custom...&nodeId=596204

نصائح قبل شراء اي شي من الانترنت:

- تأكد ان الموقع يقبل بطاقات الإئتمان من خارج امريكا.
- تأكد ان الموقع يقبل التعامل مع الــ Mail Forwarding مثل ارامكس وغيرها.
- تأكد اذا كان يستطيع ارسال البضاعة الى خارج امريكا قبل عملية الشراء ودائما إقرأ الــ Help.
- تأكد ان الموقع آمن ولا تعتمد على الشكل الجذاب.
- تأكد من خلو الكومبيوتر من اي نوع من الفايروسات والتروجينز او البرامج الاخرى.

[masa848]

روح الارامكس افتح عنوان في امريكا واشتري من عندهم ماستر كارد فاضية واشحنها كل ما تبغى تشتري من امزون واراميكس راح توصلها الين باب بيتك بسعر رخيص جداً...مثل السوني بلاستيشن 3 60 قيقا وصلني 2510 ريال فقط والما راحت اسال عنه في المحلات لقيته ب 8000 الاف ريال والله انصدمت
وهذا افضل طريقة للحفاظ على الماستر كارد المسبوقة الدفع
وتوجد في بعض البنو ك مثل بنك الاهلي يقدم خدمة ماتر كارد مسبوقة الدفع ببلاش عندما يكون عندك حساب جاري
وشكرا