بسم الله الرحمن الرحيم
السلام عليكم ورحمة الله وبركاته ، أهلا وسهلا بكم في الجزء السابع من سلسلة الحديد من قبل أخوكم VaSh ThE sTaMpEdE ، إذا كنت تريد زيادة إحدى الأقسام التالية زور الروابط التالية :
ملاحظة : لوحة المفاتيح الي عندي ما فيها عربي ، كله من ذاكرتي ، يعني ساموني إذا لقيتوا أخطاء إملائية .
موضوعنا اليوم عن :
عضلات البطن Abdominals
ترا هذا أنا <<<<< تلعب على مين
ليه عضلات البطن
كل ما نشوف مجلة أو دعاية في التلفزيون عن منتج لتنقيص الوزن أو منتج تجميل ، نشوف رجال متوسط الوزن عنده عضلات بطن مثالية المعروفة بال
Six Pack ، ليه ؟ لأن هالعضلات تجذب الناس ، كل الشباب يبونها وكل البنات يعشقونها وكل الناس يندهشون ( اندهاش زين مب شين
) منها. لو تسأل معظم الناس الي يلعبون حديد وش أهم عضلة عندهم ، المعظم بيقلون عضلات البطن.
سر ظهور ال Six Pack
مرات تروح النادي ، تشوف ناس يسوون مئات التكرارات من تمرين الCrunch عشانهم يحسبون كذا حتبرز عضلات بطنهم ، وطبعا هم غلطانين. السر في ظهور ال Six Pack هو حرق الطبقة الدهنية فوق عضلات البطن . لو سويت آلاف التمرينات للبطن محا تظهر العضلات إلا بعد ما تحرق الطبقة الدهنية الي فوقها ، يعني ايه بتكون عندك عضلات بطن قوية وبتكون موجودة بس مختفية تحت الطبقة الدهنية. وتقريبا ترا كل الناس عندك six pack من البداية ، ما قد سمعتوا " ياخي فلان ما شاء الله عند six pack من أول ما انولدت " . هي مو قصة إنها طبيعية بس عشانه الرجال نحيف فتبان العظام في بطنة ( والي شكلها عضلات ). بالنسبة للي زي ( جسم وسط ) وللي وزنه ثقيل لازم نشد حيلنا ونحرق الدهون في جسمنا عشان تبان عضلات البطن .
الدهن يبني فوق العضلة
في أحد مواضيعي السابقة أنا قلت
" اذا تبي عضلات تبان احرق الدهون " ( أو شيء زي كذا
) . والسبب في ذلك هو أن الدهون تبني فوق العضلة. هناك شيء معروف اسمه نسبة الدهون في الجسم أو بالإنجليزي
BodyFat Percentage والي نرمز له
BF% . في ناس يقولون عشان تطلع عضلات البطن ، لازم يكون ال BF% عندك أقل من 8%
. ( أنا آخر مرة قسته كان 20% ، عندي كرشة صغيرة
) .
بنية عضلات البطن
نفسها عضلة البطن مو مقسمة إلى قسم علوي وقسم سفلي. كلها عضلة وحدة . يعني لما تسوي تمرين للعضلة ، فيزيائيا انت قاعد تمرن العضلة كلها . بس لما تسوي تمرينات مخصصة لكل جهة ، فإن التركيز عليها يكبر وكذا تحسن شكلها ، بس لسا قاعد تمرن كل العضلة .
عضلات البطن الجانبية Obliques
هذي هي العضلات في جانبي الجسم ( لا يا شيخ
) . بس في كثير ناس يقولون مب زين تمرنها ، السبب الأول هو إنها تبطئ سرعة لكمتك . عاد هذي معلومة تهم لاعبي رياضية الملاكمة والكاراتيه وما شابه ذلك . السبب الثاني هو إنك اذا مرنتها بأثقال حتوسع خصرك ويطلع شكلك غبي .
عشان كذا كل الناس يمرون الobliques بدون وزن ويخلونها في آخر وقت لتمرين البطن عشانهم ما يركزون عليها كثير.
كيفية تمرين عضلات البطن Abdominals
هذا الموضوع في نقاش وجدل كثييير . في ناس يقولون لازم تمرن عضلات البطن مع وزن ، وناس يقولون بدون وزن . أنا عن نفسي ، خلني أقولك هالكلام :
التمرين
Bicep Curls لعضلة البايسب
صورة للتمرين
قلي ، لو سويت ألف تكرار من هذا التمرين بدون وزن ، بتستفيد ؟
أكيد لا ، مدام
البايسب عضلة ، وال
Abdominals عضلة ، مب نفس الكلام ينطبق عليهم ؟
بس في ناس يقولون ، لا ، عضلات البطن مختلفة عن كل العضلات الجسم الأخرى ، أنا بصراحة ما أصدق هالكلام
، بس كل وحد حر في قراره
بالنسبة للObliques ، مرنها بدون وزن عشان ما تكبر خصرك ، كل الناس متفقين على هالكلام .
كم مرة تمرن البطن ؟
نفس الشيء هالموضوع فيه جدال ونقاش كثيرة ، ناس يقولون لازم تمرنها كل يوم ، ونفس يقولون 3 مرات في الأسبوع ، وناس يقولون عاملها زي أي عضلة أخرى ، أنا عن نفسي أتفق مع الكلام الأخير ، لأن عضلات البطن هي عضلة ، لو مرنت عضلة الصدر محا تعطيها راحة ؟ نفس الشيء مع البطن الأجل
. بس كل واحد حر في قراره .
طيب انت يا vash مدامك تتفلسف ومسوي فيها فاهم قلنا وش نظامك انت ؟
يهو شوي شوي علي أنا بس قاعد أشارك معكم المعلومات الي عرفها <<<<< موسوس
أنا عن نفسي ، أول كنت خاش نادي ، أروح الساعة 6:20 AM الصبح ، لين 8 AM وبعدين رجلية لين المدرسة . أما الحين في المدرسة عندنا حصة Advanced PE والي نلعب فيها حديد 3 مرات في الأسبوع ومرتين نسوي لياقة أو شيء زي كذا . بالنسبة للعضلات ، المدرب مجنون ، يعطينا تدريب ملعون والدينها للبطن ، كل يوم نقعد 10 دقايق نتمرن عليها . ويشد عليها شد ، هو يسمي التمرينات Crazy Abs ، والله هو ال crazy مب ال abs
( ال يعرف إنجليزي فهمها ) .
الزبدة الي قصدي ، أنا بصراحة ما أحب هالنظام ، وإن شاء الله لما أرجع السعودية بطبق كلامي ، بس باخذ هالفرصة وأجرب ( أصلا غصب علي ولا بنقص درجات
) .
يعني الحين أنا قاعد أمرنها كل يوم ( وأنا ما أتفق مع هالكلام )
بس لما أرجع وأكون حر في جدولي حمرنها مرة واحدة الأسبوع
وبعطيكم ال feedback
إن شاء الله في الجزء بتكلم عن اللياقة cardio
شكرا...والسلام