بروست البيك يقدم افضل عرض

[ruff]

باسم الله الرحمان الرحيم اما بعد ...يا شباب ..كل اسبوع بعض الناس واحدهم اخى يدفع 10 ريال للمجله الواحده عشن يشترى مجله يسارات عربيه يعنى فى الشهر 40ريال وفى السنه 450 ريال وعلى ايه:غضب: ...تفتح المجله وتقراء:واو: ...نصف المجله دعايات والنصف الثانى كلام فاضى والله ما ينفع ولا بقرش مثلا....( كيا كلاروس الجديده تجسد الفخامه فى القرن الجديد ):": ...هيا بالله عليكم ايش جمع الفخامه مع كيا ..المشكله انو اي سياره يمدحو فيها حتى لو كاتن لاده او جيب موسو ...تقول اللى صنع السياره مهو بشر...لو كان رئيس شركه فرارى بنفسه قال (انو مافى سياره كامله ولا يمكن انو يكون فيه )...:! بعدين لاحظ ...(فراري ) يعنى موطن المودينا اللتى تتعتبر احد افضل السيارات اللتى تمشى على طرقنا اليوم ..لكن مجلاتنا العربيه ( بااااارك الله فيها وامد فى عمرها ) ما عمرها حشت ولا سياره ...كل السيارات مزبوطه وميه الميه ...عشن كده انا استنتجت شيئين اولهما ....اما انو اللى يختبرو السيارات كانو سواقين تريلات ?: ...وطبعا لمن تجيبله كامرى او كيا حيشوف انو ما بعدها سياره ...او انو الشركات تعطى المجلات رشاوى :واو: ( اسف اقصد تبرع لصالح اصحاب الحاجات ) كلو عشن يمشى شغل الوكاله ...ولو ما سوو كده لو والله ما كان تحصل اي جيب موسو ماشى فى طرق السعوديه ...يا ناس حتى دايو تنباع عندنا ...والله لو اروح انا واثنين من الشباب هنا من المنتدى ونختبر اي سياره ...راح نطلع عيوب الميزراتى الى الماتيز ...للاسف المجلات الغربيه عندها مصداقيه اكثر وقول حق افضل لدرجه انو شركات السيارات تهتم لارائهم ...واتوقع انو السبب هو الدعم المالى ...بس ايش علاقه الكلام اللى فات كله ببروست البيك ..انا اقلك .. لو انا كنت اضيع فلوسى اسبوعيا على الكلام الفاضى والمجلات اللى ماتنفع ولا بهلله واللى اصدق شى فيها هو الصور حتى الصور اللى فيها مركبه احيانا....اليس من الافضل ان اشترى كل اسبوع بعشره ريال بروست البيك لو ما غلو سعرو ( حسب التوفير المحلى لسكان المنطقه الغربيه ) .....مجرد راي

[Gremio]

هلا اخوي ruff مشكور على الموضوع المميز ، بس انا مستغرب لان ما فيه ردود...
على كل حال كلامك صحيح بس انا اعتقد انا مو كل المجلات العربية خرطي!
بالعكس ، فيه مجلات محترمة بس زي ماقلت ، لما يجي تقرير عن الكيا أو الهونداي ما اقرأ ولا شي عن سلبيات السيارة ، كل اللي اقرأه انها سيارة مناسبة للعائلة واقتصادية ومقصورتها فسيحة!
متى صارت الهونداي أو الكيا أو الدايو مناسب للعائلة؟!
والله دائما اشوف حوادث تكون مشاركة فيه هونداي او اي سيارة كورية تعبانه ، ماعمري لقيتها طلعت سليمة!
انا ما اقول ان السيارات الثانية هي القمة ، لكن اي سيارة في العالم راح تكون احلى وافضل من 60 سيارة كورية.
انا معاك في ان المجلات الغربية لها مصداقية اكثر مع القراء.
هناك في امريكا او المانيا ، الشركات المصنعة تشوف آراء المجلات وتشوف ايش يقولون عن سياراتها...لانهم يعرفون ان المجلات لديها متخصصين لفحص السيارات ، يعني مو اي كلام.
يارجال والله ماعنك احد...بس وش تقول خليها على الله...

[RPG_master]

هههههه صراحة موضوع حلو واسلوب طريف شوي وكلنا عارفين اني اي شي عربي سواء مجلات ولا قنوات ولا اي شي بتكون فيه مصداقية اقل من الأشياء الغربيه مهما كانت..

انا الحمدلله ما اشتري مجلات..اذا بغيت معلومات عن سياره الله يخلي النت

مثل ما قلت انت حتى الكيا ربطوها بالفخامه

مشكور اخوي على الموضوع والله يهنيك بـ بروستد البيك

وعلى الله يوصلنا بالرياض:6

[( الزعيم )]

مشكور اخوي على الطرح الجميل ...

اعتقد ان السيارات الامريكية هي الافضل للعائلة ... و اليابانية للخدمة ... و الالمانية للكشخة ....

اما الكورية فأعتقد ان وجودها مثل عدمها ... و لكن البعض يستعملها اذا كان دخله الشهري قليل ....

تحياتي لك اخوي ,,

[بيتل]

اعطيني واحد مسخب واحد كامل حراق كثر ثوم

[D0WN~T0WN]

والله من جد ياخي ماخلو سيارة الا ومدحو فيها حتى سيكلي ابو ثلاث كفرات قامو يمدحون فيه خخخخ

مثلا باطلعلكم من مجلة مثال عن المدح الغريب واللي مادري وش يبي

كامري سبورتيفو هاذي اللي سوالي فيها ذكي وكيل تويوتا اللي بالسعودية وركب عليها اضافات تجميلية شكله جاطلها من شارع الغرابي
اسمعو مجلة مادحتها والله لو انها فيراري الحين
((نسخة رياضية مطورة من طراز كامري اعدت وانتجت خصيصا للسوق السعودي (ياروحي ياخصيصا) بأعداد محدودة جدا (بسرعة روحو اشتروها والا فاتكم نص عمركم) ففتحة التهوئة (حشا مطبخ موب سيارة) في وسط غطاء المحرك الي جانب الانتفاخ في الرفاريف والزائد الانسيباية مثل الجناح الامامي المدمج بمصد الصدمات والجناح الخلفي الضخم (يقولون من كثر اجنحتها صارت تطير) المثبت على طرف غطاء صندوق الامتعة.......وغيرها من التفاصيل اعطت سبورتيفو طابعا رياضيا شرسا..الخ
اخيرا يمكن القول بأن سبورتيفو اسم على مسمى في قالب يتميز بتناسب سعره مع مواصفاته وتجهيزه)) انتهى

هاه وش رايكم تراها كامري ميب كورفيت وترا كل ذا ماكلف الوكيل ولا 3000


وشوكرن على موضوعك

[TOO COOL]

عندكم مجله سعودي اوتو قبل كم من شهر ماخذين مقارنه وصور لفانكويش ومارينيللو من مجله اجنبيه وملصقين على السياره بالفوتو شوب شعار سعودي أوتو

مبين اصلا انها تركيب

وعندهم قسم من اقسام المجله اسمه(مالها وماعليها)


تجيك عشرين سطر كله مدح وآخره يكتبون العيوب

تخيلوا حاطين من عيوب الهمر (ابعادها الكبيره لا تصلح لوسط المدينه)

يعني بالله عليكم هذا شي معروف وواضح بين الناس ان حجمها كبير

يعني ماجابوا شي جديد

واللومينا كاتبين من عيوبها ان الهاند بريك على اليمين:!

[ruff]

اود ان اشكر جميع الاخوان ....وجزاكم الله خيرا ....على الاقل المصداقيه موجوده هنا فى المنتدا ....ياله بينا على البيك ...واللى بعيد فى الرياض او الشرقيه او الشمال او الجنوب ....نأكل وهم فيا قلوبنا وشكرا ..

[AMG]

هناك مجله واحده عربيه تستحق انك تشتريها ولن تندم على شرائها وانا كل شهر اشتريها وانصح كل رواد المنتدى بشرائها وهي مجله ((( سبور اوتو ))) وهي مجله لبنانيه ولاكن اغلب التجارب اللي يقومون بها للسيارات اما في الامارات او السعوديه ..