باسم الله الرحمان الرحيم اما بعد ...يا شباب ..كل اسبوع بعض الناس واحدهم اخى يدفع 10 ريال للمجله الواحده عشن يشترى مجله يسارات عربيه يعنى فى الشهر 40ريال وفى السنه 450 ريال وعلى ايه:غضب: ...تفتح المجله وتقراء:واو: ...نصف المجله دعايات والنصف الثانى كلام فاضى والله ما ينفع ولا بقرش مثلا....( كيا كلاروس الجديده تجسد الفخامه فى القرن الجديد ):": ...هيا بالله عليكم ايش جمع الفخامه مع كيا ..المشكله انو اي سياره يمدحو فيها حتى لو كاتن لاده او جيب موسو ...تقول اللى صنع السياره مهو بشر...لو كان رئيس شركه فرارى بنفسه قال (انو مافى سياره كامله ولا يمكن انو يكون فيه )...:! بعدين لاحظ ...(فراري ) يعنى موطن المودينا اللتى تتعتبر احد افضل السيارات اللتى تمشى على طرقنا اليوم ..لكن مجلاتنا العربيه ( بااااارك الله فيها وامد فى عمرها ) ما عمرها حشت ولا سياره ...كل السيارات مزبوطه وميه الميه ...عشن كده انا استنتجت شيئين اولهما ....اما انو اللى يختبرو السيارات كانو سواقين تريلات ?: ...وطبعا لمن تجيبله كامرى او كيا حيشوف انو ما بعدها سياره ...او انو الشركات تعطى المجلات رشاوى :واو: ( اسف اقصد تبرع لصالح اصحاب الحاجات ) كلو عشن يمشى شغل الوكاله ...ولو ما سوو كده لو والله ما كان تحصل اي جيب موسو ماشى فى طرق السعوديه ...يا ناس حتى دايو تنباع عندنا ...والله لو اروح انا واثنين من الشباب هنا من المنتدى ونختبر اي سياره ...راح نطلع عيوب الميزراتى الى الماتيز ...للاسف المجلات الغربيه عندها مصداقيه اكثر وقول حق افضل لدرجه انو شركات السيارات تهتم لارائهم ...واتوقع انو السبب هو الدعم المالى ...بس ايش علاقه الكلام اللى فات كله ببروست البيك ..انا اقلك .. لو انا كنت اضيع فلوسى اسبوعيا على الكلام الفاضى والمجلات اللى ماتنفع ولا بهلله واللى اصدق شى فيها هو الصور حتى الصور اللى فيها مركبه احيانا....اليس من الافضل ان اشترى كل اسبوع بعشره ريال بروست البيك لو ما غلو سعرو ( حسب التوفير المحلى لسكان المنطقه الغربيه ) .....مجرد راي