كم احتاج وقت تقريبا من اجل شد جسمي وبطني

[الخماري]

السلام عليكم انا وزني 89 كج وطولي 179 سم ومشترك بجيم كمال اجسام جديد يعني انا في الاساس ماعندي عضلات واضحه جسمي مره مرتخي اتمنى من اللي عنده خبره يقولي كم احتاج وقت تقريبا من اجل شد جسمي وبطني وكم مثلا يوم في الاسبوع لان الجيم مفتوح 24/7 بس مقدر اروح كل يوم لان عندي جامعه واخر سنه وش تنصحوني اكل وجبات يعني مثلا الفطور وش اكل والغدا والعشا والله تعبت من كلام المدرب واحس اني محبط ياليت تفيدوني واعذروني عالاطاله

[متمرس حديد]

انا اقول دامها آخر سنه جامعه خلصها وربي يوفقك

وبعدها اتجه للرياضه

[عـpcـآشق]

بما إنك في الجيم هذا يعتمد على المدرب وتدريباته *_^ بالتوفيق

[الامبـــراطور]

يعتمد
التغذية والتمارين
انا انصحك خش حصص تمارين سويدي + سباحة + تمارين بطن يومياً
وخل المدرب يصلح لك جدول غذائي وفي خلال 45 يوم راح تشوف النتيجية المرضية

[Heartbeat]

وعليكم السلام

بسيطه اخوي انا اقول لك جم الفترة بس بشرط أنك تمشي صح

نظام تدريبي جيد + تغذيه ممتازه + مكملات أن احتجت + استمرار وأصرار

اول ثلاث شهور سوف ترى نتائج ملموسه لك فقط من نقصان بالوزن و تغيير بسيط بالجسم
عند اكتمال الشهر السادس سوف ينظر إليك المستجدين بالنادي المنطقيين فقط وليس المبالغين ويقولون
نريد مثل هذا الجسم على الأقل
بعد اكتمال السنه ربما تكون شريك للمدرب بالتمارين

[الخماري]

شكرا لكم عالردود بشد على نفسي وان شاء الله يارب اني اصلح جسمي على الاقل في الاربعه اشهر الجايه